سياسة الداونلود من شركة فيفا هل تغيرت ؟

[daryq8]

الاخوان اللي يقولون نلغي الاشتراك وندفع رسوم الالغاء ؟ غريب امركم
ليش الواحد يدفع 100 دينار واهو مو مستفيد من الخدمه ليس فلوسنا من الشارع

 

[man.vip]

الاخوان اللي يقولون نلغي الاشتراك وندفع رسوم الالغاء ؟ غريب امركم
ليش الواحد يدفع 100 دينار واهو مو مستفيد من الخدمه ليس فلوسنا من الشارع

حبيبي من قال ان فلوسك ولا فلوسي من الشارع!!!

ولكن اذا انت ترضى ان الشركة تستغفلك وتستغلك وتكون انت آخر اهتماماتها مع العلم ان مصلحت العميل يجب ان تكون قبل مصلحة الشركة لان اذا مافي عميل يعني مافي شركة من الاساس،،،

لهذا السبب قلنا ندفع 100 وادفع 1000 اذا الامر يتعلق بكرامتي

اذا انت تقبل على نفسك كل ماتم طرحه في هذا الموضوع انا اقولك خلك وياهم وعليك بالعافيه ولا تترك فيفا حتى لو اهم عطوك 100 دينار!!!

 

[mosawi]

اعتقد اخواني لو تجمعنا وضغطنا عليهم ان يعترفون بالتخبط اللي قاعد يصير وايد أحسن وبهالحالة نكون امام اكثر من خيار :

عند اعترافهم بالمشكلة وان مالها حل عندهم بالتالي تكون حجة عليهم لأن كلنا بلا استثناء

أصحاب العقود السنوية وقعنا على العقد اللي ينص على ان اللمت مفتوح وان ما في أي سبب

يجعلهم يغيرون بسياسة التحميل بأي ظروف كانت .. وبالتالي من ناحيتهم يعتبرون اهمه اللي

افسخوا العقد وعليه نكون احنا مخيرين بين فصل الخط دون دفع رسوم الالغاء أو الاستمرار

بالاشتراك بصورة شهرية مع اسقاط رسوم الالغاء أي ان بأي وقت ممكن الغي الخط ..


اتمنى من الاخوان يشاركوني في الراي

بوحسن

 

[foxmind]

يا شين اللقافة توني محول من شهري الى سنوي
صارلي اسبوعين اعاني من فيفا وبالصدفة لقيت موضوعكم مع اني كنت شاك بسالفة الليمت

يا جماعة اللي مجربين dsl يعلموني فيه ليميت ولا فعلا مفتوح
وشنو سرعاتهم واسعارهم

يا ليت رد سريع لانه حدي متضايق من سالفة فيفا وابي الغي اشتراكي + خط فواتير ذهبي


ملينا من هالشركات النصابه

كلنا تلقفنا وجددنا العقد مع ان الفر دينارين بس كحسن نيه وكنا مرتاحين من الخدمه لان اي خدمه بدون قيود تعطيك راحه لو انك ماتستخدم كثير

بالنسبه للدي اس ال في اشتراك عند فاست تاخذ اي سرعه ولك من ال 1 الى 7 الصبح 6 اضعاف يعني خذ لك 1 ميغا وبالليل خذ راحتك داونلود بس تأكد من 1 ال 7 التحميل مقيد ولا لا يعني لك حسبه ولا لا وبالنسبه للاشتراكات العاديه اكيد التحميل مفتوووح


وبالنسبه لفيفا والله ثم والله الشركه اللي ماتحترم عملائها ماتستاهل الواحد يقعد فيها وخاصه من هالنوع اغلب المشتركين اللي اعرفهم الى الان الدعم الفني مارد عليهم وليته كان عطل ويقولون لهم لكنهم يقولون مافي اي مشاكل وهات ياتطنيش وهذي المشكله الكبرى


تحياتي لك

 

[foxmind]

اول ماطلعت فيفا قبل سنتين كانت مثاليه

مثل زين اول يعطيك داونلود من 500 الى 900 كيلو بايت

ولكن اللعبه تكمن فيه up to 7.2 ركزو على الاب يعني ممكن يعطيك سرعه 100 كيلو بايت الامهم up هني اللعبه الدنيئة
ومحد بالكويت تهنى بحتى 2 ميغا على بعضها

ولكن قبل سنه عقد بو سنتين بدأ النهب

تخيلو من شهر 7 لغاية اليوم مكلمهم والله تذكرة ورا تذكره
السيرفس حبه وحده ومرات مافيه ولا نقطه

ومراااااااااات الدوانلود يوصل 10 كيلو بايت والله ياناس مو جذب


وبغض النظر عن مهنتي وهذا مجالي طلعوا لي مهندسين صغار للبيت
توهم مو فاهمين شي يحطون تقرير يقولون المشكلة انحلت ؟


اشلون ؟ سيرفس ماكو
دانلود الدايل اب اسرع منه في اوقات كثيره ؟ ( الدايل اب يعطيك 20 كيلو بايت)


وطول السنه تطوير وتطوير


ومره حجيتهم صارحوني قالي المسؤول يبه ابراجنا مو شايله الكم الكبير
وسحبوا سيارات الابراج وموضوعنا مزمن مع التصاريح مع البلديه


قالي المسؤول المفروض يرسل ايميل للفرع يلغون اشتراكك بدون ماتدفع رسوم الغااء


الحين مو قاعد استفيد من الخدمه ابي اشتكي عليهم يصير اروح حماية المتسهلك ولا مايفهمون بالسوالف هذي

يصير ارفع دعوى عليهم




شرايكم نعتصم جدام مقرهم والله بيتحركون وسمعتهم بتصير بفلس

في شخص معانا له مشاركه بهالموضوع مشكلته بالابراج وحولوه لاحد الافرع وفصل الخد بدون لا يدفع اي مبلغ لك الحق لانك قاعد تدفع اشتراكات على الفاضل


اما مسألة الدعم الفني مال فيفا فياانهم مطنشين متعمدين يااما انهم مو عارفين شغلهم او ان ماعندهم اي حلول جاني مهندس مره البيت قلت له شغلك انا عارفه وممكن اسويه لك بلابتوبي ومافي اي مشكله انا ابي حل لمشكلتي قالي مشكلتك حلها مو عندي انا بس اشيك على السيرفس ياناس اودي لهم الخط بالشركه السرعه 20 كيلو بايت يقولي نمرك البيت نشيك اقولهم الشبكه وحده واخذ الخط افحصه وشوف قدام عينك يرد ويقول لا نجيك البيت وطبعا طناااش لااحد يجي ولا شي شهالمعامله وكاننا مجبورين لكن السؤال ليش هالمعامله هل انهم غصو بالمشتركين ولا كبر راسهم ولا شنو

 

[foxmind]

اعتقد اخواني لو تجمعنا وضغطنا عليهم ان يعترفون بالتخبط اللي قاعد يصير وايد أحسن وبهالحالة نكون امام اكثر من خيار :

عند اعترافهم بالمشكلة وان مالها حل عندهم بالتالي تكون حجة عليهم لأن كلنا بلا استثناء

أصحاب العقود السنوية وقعنا على العقد اللي ينص على ان اللمت مفتوح وان ما في أي سبب

يجعلهم يغيرون بسياسة التحميل بأي ظروف كانت .. وبالتالي من ناحيتهم يعتبرون اهمه اللي

افسخوا العقد وعليه نكون احنا مخيرين بين فصل الخط دون دفع رسوم الالغاء أو الاستمرار

بالاشتراك بصورة شهرية مع اسقاط رسوم الالغاء أي ان بأي وقت ممكن الغي الخط ..


اتمنى من الاخوان يشاركوني في الراي

بوحسن

هلا اخوي ابو حسن هالسؤال لازم نسأل فيه محامي علشان نكون على بينه لان العقد ممكن يكون فيه استخدام غير محدود وليس 7.2 غير محدوده والتلاعب كبير اكيد واهم حارصين على هالشي لكن الحق ان الاستخدام غير محدود بالسرعه نفسها وهذا ممكن يكون باب عليهم

وانا قلت لهم قبل فصل العقد هال 100 دينار بتاخذونها بالحرام لانكم السبب في فصل العقد وليس انا وصدقني ماكان عندهم مانع لان الماده همهم الاول واستخدامها كوسيلة ضغط على كل من يفكر يلغي الاشتراك


بس هم نبي نسال محامي وبرد لك خبر

 

[daryq8]

حبيبي من قال ان فلوسك ولا فلوسي من الشارع!!!

ولكن اذا انت ترضى ان الشركة تستغفلك وتستغلك وتكون انت آخر اهتماماتها مع العلم ان مصلحت العميل يجب ان تكون قبل مصلحة الشركة لان اذا مافي عميل يعني مافي شركة من الاساس،،،

لهذا السبب قلنا ندفع 100 وادفع 1000 اذا الامر يتعلق بكرامتي

اذا انت تقبل على نفسك كل ماتم طرحه في هذا الموضوع انا اقولك خلك وياهم وعليك بالعافيه ولا تترك فيفا حتى لو اهم عطوك 100 دينار!!!

شكلك مضيع يالحبيب

انا وياك بمرمى واحد واللي قصده لحد يقبل على نفسه الاستغفال
ومن يومي وياهم وانا اطالب على ادناة الدون ومرات لو توقف الشبك
اطالب بتعويض عن الوقت اللي تعطل فيه وامور اخرى
واما سالفة تدفع الميه ترا بالعكس انت ساهمت بالمشكلة

لو انك طالبت عن حقكك ولو دينار جان الشركة عادت حساباتها


عندك استعداد تدفع الف دينار هذا شأنك ولكن انت بعيد عن الصواب
ولا بالطريقة هذي تسمى كرامه

 

[man.vip]

شكلك مضيع يالحبيب

انا وياك بمرمى واحد واللي قصده لحد يقبل على نفسه الاستغفال
ومن يومي وياهم وانا اطالب على ادناة الدون ومرات لو توقف الشبك
اطالب بتعويض عن الوقت اللي تعطل فيه وامور اخرى
واما سالفة تدفع الميه ترا بالعكس انت ساهمت بالمشكلة

لو انك طالبت عن حقكك ولو دينار جان الشركة عادت حساباتها


عندك استعداد تدفع الف دينار هذا شأنك ولكن انت بعيد عن الصواب
ولا بالطريقة هذي تسمى كرامه

بما انه شأني لا تخاطبني وتقول اننا مو لاقين فلوسنا بالشارع!!!

هذا المفهوم من ردك السابق وانا استغربت لان هناك تناقض بين ردك الاول،،،

واعتقد من تابع ردودي يجد اني متمسك بجميع حقوقي ان وجدت ،،،

عموما تكلمنا كثيرا وكان من المفروض ان نفعل اكثر من هذا الكلام ،،،

وسوف يكون هذا الرد الاخير لي بهذا الموضوع حتى لانقول كلام قد لايعجب بعض الاخوان فنخسرهم كاخوه،،،

جزاك الله خير ياصاحب الموضوع بانك بينت لنا امور كانت خافيه عنا ورقمي موجود وانا عند كلمتى الى الان اذا كان العدد اكثر من 10 اعضاء ماعندي مانع بالغاء الخدمه وترك فيفا الى ان تتغير سياستها مع العميل.

 

[hamada_199]

على فكرة يا جماعة اظاهر ان فيفا غيريت سياسية الدون لود وده بدل ما كان ليك في اليوم 2 جيجا باء ليك كل 7 ساعات 2 جيجا
انهاردة بتاريخ 23-4-2011 انا كنت بحمل ملف 2 جيجا والساعة 12 الظهر بظبط خلصت تحميل بعدين جيت اجرب سرعة الانترنت الساعة 7 المغرب لقيت السرعة رجعت وباءت ممتازة
اظاهر الناس الا راحت شركة فيفا والناس الا اتصلت وقدمت شكاوي على خدمة العملاء والناس الا راحت الافرع اظاهر كل ده جاب نتيجة بدليل ان فيفا غيرت سياسة الدون لود بعد ما كان كل يوم
ياريت نفضل على هذا المنوال لحد لما فيفا ترجع زي الاول

 

[taz taz]

السلام عليكم


بعد اتصالي على خدمه العملاء viva

واستفسار عن المشكله 2 قيقا يوميا .... وأخيــرا اعترفوو وقالولي فعلا في مشكله صارلها تقريبا من ثلاث اسابيع الى اسبوعين والحين قاعدين يحلونها

والاهم من هذا كله سواء كانت سياسه منهم يشوفون رده فعل العملاء ألـخ او فعلا كانت في مشكله .. يعترفون بالى صاير معانا 2 قيقا وتنزل السرعه لسرعه بطيئة .

لانه اكثر من مره يقولون مافي لمت معين النت مفتووح واليوم قبل 10 دقايق دقيقت عليهم وقالولى فعلا في مشكله وقاعدين يحلونها وراح يرد مثل أول ..

وانا معاهم لحد اخر الشهر وبعدها اذا ماتعدل اكنسل اشتراكاتي اثنين و3 خطوط .

 

[hamada_199]

يعنى اخيرا وبعد عناء طويل اعترفت الشركة بأن في مشكلة لا أله ألا الله حاجة تحرق الدم والاعصاب والغريبة أن المشتركين همة الا يكتشفون المشكلة ويبلغون الشركة بأن في مشكلة والشركة لا تعترف بأن في مشكلة

 

[foxmind]

السلام عليكم جميعا

يااخوان سالفة ان الشركه تقول ان في عطل واكتشفوه فهذا كلام فاضي واستغفال وعدم احترام عقولنا على الاقل وكاننا اغبياء ولا نفهم وحل المشكله بسيط جدا وهو في سستم الشركه والسؤال هنا ماهذا العطل المحترم الذي يكون دقيق لدرجة الوقوف عند لمت معين وسر التطنيش السابق وعدم اكتشافه والشركه المحترمه هي من تحترم اي عطل لاي عميل ومن خلال الشكوى الاولى تحاول البحث عن المشكله وليس من خلال الضغط عليها لان في اليومين اللي فاتو صار في فصل خطوط من عملاء كثر وممكن يكون سبب بالاضافه الا كثرة الشكاوى وهذي اخرت من يفكر في استغفال الناس والحمدلله شباب الكويت اغلبهم فاهم بالكمبيوتر وممكن يفسر اي مشكله تحصل

 

[Saleen]

وين انحلت المشكله ؟

اثنين من الربع الحين سرعتهم

الساعه 2.10 بعد منتصف الليل

14 كيلو

والثاني 12


لا تعليق

 

[Hitler]

لو الوزارة تطبق نظام الواي ماكس اهم شي تكون تابعة للحكومة لارتحنا من نصب الشركات الربحية.

 

[nxman]

السلام عليكم

أنا عندي خطين ابي الغيهم انا ماعندي مشكله نهائيا مع موضوع الحد اليومي الجديد ولاكن السبب ردائة الخدمه وعدم رد خدمة العملاء علا شكاوي وبنفس الوقت حرام ادفع ٢٠٠ دك والسبب ان الشركه غيرت سياستها وانا عندي عقد من غير الرجوع لي وبنفس الوقت لم يتم الاعلام رسميا من الشركه للقانون الجديد مما يعتبر تلاعب واستغفال للمستهلك وياريت يتم الترتيب من الاخوان لتقديم شكوه على الشركه عند حماية المستهلك بأسرع وقت وماضاع حق وراه مطالب وشكرا...*

 

[Hitler]

وماضاع حق وراه مطالب وشكرا...*

بالهزمن الردي يضيع وانا اخوك ..اللهم اني اعوذ بك من قهر الرجال

 

[nxman]

اهم شي ياخوك ان الواحد مايقعد في بيته ويتشكى إحنا نسعي ونحاول والباجي على الله سبحانه

 

[foxmind]

مرحبا بالجميع

يااخوان انا اشوف ان الشركه مو هامتها هالشكاوي المشتركين عندهم وصلوا الى عدد كبير جدا وهم يريدون الاستغناء عن من لاتعجبه هذه السياسه كتصفيه للعملاء والشكوى من 10 او 20 ماراح تنفع الا اذا تمت استشارة محامي ووجد مدخل عليهم ساعتها التعويض بيكون 5000 دينار لكل شخص بالاضافه الا سمعة الشركه اللي بتهتز

هالامر انا استغرب منه لان مهندسين ومسئولين يجهلونه ويقسمون بعدم وجوده وهذا يبين ان اللي يعمل فيه مسئولين كبار بالشركه بالاضافه طبعا الى القسم القانوني بالشركه لانه من سيدافع عن الشركه في حال وجود شكاوى وهالأمر بين بزلة لسان مسئول القانونيه بالشركه يوم شافني حديتهم ولا عندهم الرد الشافي او بالمعنى الصحيح فقالي روح اشتك انت مستنزف للشركه باستخدامك ال 2 قيقا احنا ماعندنا لك حل !!!


تحياتي للجميع

 

[sallas]

رحت فرع المطار ولغيت الانترنت + خط ذهبي
بس حسافة كنت متوقع الموظف راح يترجاني وانا طبعا اعيش الدور
فعلا صار عندهم تشبع عملاء انترنت ماعندهم مشكلة اذا احد لغى اشتراكه
شفت واحد معاي فرع المطار بعد لغى اشتراكه

يالله نحول على الدسل مع انه ماعندى في المنطقة الياف ضوئية
صارلنا 5 سنين ننطر

 

[شهوب]

والله انا البارح الصبح قطيت اليهال المدارس وتوكلت على الله ورحت الشركة اللي في اولمبيا ..الساعه 7 ونص انا هناك شربت لي قهوه في حدى المحلات ويوم صارت 8 انا عندهم في الدور السابع عشر .. ونست روحي بالمنظر من فوق وامس كان الجو لندني ... كان رقمي 1 و على ما وصلوا الموظفين وبلشوا نادوا على رقمي ... الحوار بيني وبين الموظف : هلا اخوي امر .. انا من حولت على خدمة 21.6 وانا ماني مستفيد من الخدمه ما تغيرت عندي السرعه وجيك على الشكاوي بالجهاز عندك ... الموظف طق طق طق على الكمبيوتر جان يقول اخوي ايه المشكله رادين علينا فيها القسم الفني وقافلين كل الشكاوي الثانيه والرد كان اليوزرز زايد على البرج .. جان اقوله انزين والحل .. قالي اخوي ممكن تنطر لانه في تركيب ابراج .. قلته في وقت محدد ولا في علم الغيب .. قال لا بس ما اقدر اوعدك متى .. ضحكت وقلت له مو قلت لك في علم الغيب افصلوا افصلوا يابويه .. وماني ناطر .. قالي وين تبيني احولك اي فرع .. المهم لاحظوا تشبع الشركه "" اولا محد دق علي من الدعم الفني .. ثانيا سبب الشكوى اللي اهم مسجلينها عندهم low speed والله العظيم ان السرعه عندي فوق الـ 900 داونلود ريت واغلب الاحيان 1.150 ميجا .. بس مشكلتي بالابلود اللي ما يتعدى 355 كيلو بايت ... شفتوا التخبط والمهازل لا وأسال الموظف صج عندكم سرعة الـ 21.6 ولا كده وكده بيني وبينك .. جان يقول لا فيه وانا سرعتي وما سرعتي رديت عليه جم توصل عندك السرعه .. تبلعم شوي جان يقول انا ما اعرف بالسرعه انا بس اغز القطعه واشبك بس سريعه .. يا عمي طيــــــــــــــر تلعب على منو .. افصل افصل الخط .. ولا حصلــــــــوا دينار حمر من الغرامه اللي بالعقد واقسم بالله ....................... وداعا فيفا " صج تقدر تعطيها على الافــــــــــــا .
وسامحوني على الاطاله .