ضحكتوني وانا وجعان صراحه بابك وحفار القبور
صج وينه هالزلمه ماغيره؟؟؟!!!!
اخواني اندبث والمحنك وروزي وبابك: القصد انه سيتم للمركزي السيطره على الشركه وهذا ماكنا نخشى ونحذر منه بس اعتقد Its too Late
واخوي اندبث: عدنان المسلم صرح للجرايد بأكتوبر2008! بأن الشركه لم ولن تتأثر بالأزمه العالميه وهو يعلم بغير ذلك للأسف
واخوي بابك ترى الديون القصيره تعني استحقاقات اقل من سنه ومتوسطه اكثر من سنه واقل من سنتين! وطويلة الأجل هي 3-5 سنوات! فكيف استحقت القروض المتوسطه والطويله كلها بأقل من سنه من تاريخ التصريح "الخرندعي" (استعاره من المحرر بويابس) للسيد عدنان المسلم المذكور اعلاه! واللي معناه يابوي ان كل قروض الدار كانت قصيرة الأجل وهذ دلييل على قلة خبرة الإداره وعدم معرفتهم بأهمية مطابقة استحقاقات الأصول والمطلوبات بالمده والعمله!!! كمبدء مهم بإدارة الإستثمارات والتمول! ولا شركه بحجم الدار يتغير رئيس الخزينه فيها مرتين بأقل من سنه! ومحد بالمجلس يتكلم ويسأل شالمشكله!!!؟؟ إلا ماغيرهم رؤساء الخزينه شافو المركب مسمر رايح دايركت على الجبل الجليدي وطمرو! قالو احنا شكو بالسالفه ناس ماتسمع ولاتبي تسمع الكلام واصابها الغرور واعتقادهم بأنهم خارقين ومركبهم التايتانك مايطبع لوشنو! ومايبون يسمعون إلا كله تمام يافندم!!!
وهذا نقص بالخبره لما امبراطورية استثمار وبهالحجم وبهالكم من الثروات والأصول يديرونها جم عليمي يايين يتعلمون التحسونه بروس الصلعان! وبمشورة جم محاسب من بتوع البقالات من طقة كلو تمام يافندم! وبديرتهم ما يسرحونهم حتى بصخله! الا واحد منهم من من رحم ربي!! بس للأسف اولاد الحرام حوالينه ما خلو شي لولد هالحلال!
اخوي بوناصر777 ترى الدار مادخلت بالقانون لأن الإفصاحات المطلوبه للتأهل ستفضح المستور في العلاقه بين الدار وايفاد ومحاسبينها بتوع البقالات اياهم! وهو السبب الإساسي لكيف المركزي والتجاري استغلو الوضع! ونفذو الملعوب للإستحواذ على اسهم الدار فبوبيان وباصوها للوطني واليوم التجاري يدلل علي اللي عنده يبي الفكه من قضية الدار ولااقل دلاله عن رفض البورصه بيع الأسهم امس وحتى البت بقضية احقية الدار بأسهم بوبيان المسلوبه بواسطة التجاري
وعموما الحسابات بالكيمان مثل ما قال اخونا اندبث لآن البنوك الأجنبيه ماتثق فالبنك المركزي ولا البنوك المحليه بعد سالفة التجاري بأسهم بوبيان! فتبي الفلوس والكشكش عندها بره! عشان اي شي مني لو مني يسحبون الكاش ويقطون هالدار عالصخر! عاد تعال قاضي بالكايمان وجزر الواقواق وحصل حقوقك يالدار!!!
وهذا اللي قصدته ان المجلس والإدراه بالدار حدهم ملعوب فيهم وعليهم وشكلهم دشو القرقور ونصادو خلاص! بس المهم الحين مثل ماقال بوناصر 777 تمشي ميزانيه08 والأرباع الثلاث2009 لتعود الدار للإدراج وصراحه هذ حلم ان صار؟ بزت اللي عندي وعند اهلي وبالشركات التابعه والزميله المدرجه والغير مدرجه وباللتي هي احسن عسى الله ان يعوضنا خير! احسن من حرقة هالأعصاب يوميا ونشوف هالإداره تتخبط وتترنح .... واخرتها السقووط المدوي! لأن ماشوف مستقبل لهالعليميه وجماعتهم بتوع كلو تمام يافندم! ولا لهالدار المسكينه ...... بوسط ذيابه غابة المركزي وشلته الربويين وخاصه بسوق مثل سوق الكويت!
هذ رأي الشخصي واعتقد وايد ما ودهم يسمعون الحقيقه! اسف والله يعيين على اللي جاي