لجميع مشاريعكم التجاريه

[القراشي]

جينيرال يا الغالي 7500 عشان رخصه ولا عشان شنو؟؟؟
وشنو شركه ترى ماني فاهم عليك ؟؟

الاخ جينيرال قصده علشان تطلع رخصه تجيب شهاده بنكيه ان عندك رصيد 7500 تحط المبلغ وطلع الشهاده وتقدر تسحبهم بعد 24 ساعه
وتقبل مروري اخوي

 

[general]

الاخ جينيرال قصده علشان تطلع رخصه تجيب شهاده بنكيه ان عندك رصيد 7500 تحط المبلغ وطلع الشهاده وتقدر تسحبهم بعد 24 ساعه
وتقبل مروري اخوي

عدل كلامك

 

[general]

السلام عليكم ، بو عقيل يطولي عمرك في رخصة بإسم الوالد تجارة عامة ومقاولات ، وهو تاركها وما يستعملها يصير تتحول يأسمي ويكون أهو شريك معاي 1% ، علما إني موظف حكومة ، وهل سهل التحويل وشنو الخطوات المطلوبة و مشكور وما قصرت يا بوعقيل

اخوي العزيز حسب ماوضحت لي ان الرخصه (شركه وليس فرديه) وتقدر تسوي تحويل ويصبح نصيبك 1% وأبوك 99% واهو يستلم الاداره بعقد التأسيس هل خطوه تحتاج تجدد الرخصه مؤقت (3 أشهر) وتحتاج شهاده رصيد بإسمك بقيمه حصتك 1% من راس مال الشركه وتروح وزاره التجاره والصناعه بمجمع الوزارات الدور الاول قسم الشركات وتسوي المعامله من عندهم ويعطونك اوراق تطبعها ويعطونك دور لوزاره العدل (للتواقيع) .

بعد ما تخلص نهائيا تروح مره ثانيه لوزاره التجاره والصناعه نفس اول مره وتسوي تعديل (وليس دخول وخروج) تعديل الحصص بحيث انت تصير 99% و ابوك 1% ولايزال هو مستلم الاداره بعقد التأسيس ويعطونك دور لوزاره العدل .

طبعا راح تقولي ليش مو من اول مره ما احط نفسي 99% والوالد 1% الاجابه مو مهم تعرفها بس إمش على كلامي .

ملاحظة : اذا كيان الشركه ذات مسئوليه محدوده تحتاج ميزانيات من اول ماتأسست الشركه . ثانيا بكل الحالات خل الوالد يجدد الرخصه ولايفرط فيها يخليها منتهيه مده طويله عشان ماتنسحب , راحت ايام تجاره عامه ومقاولات

 

[general]

الله يعطيك العافيه اخوي جنرال على المجهود الطيب وانشالله بميزان حسناتك

انا افكر افتح استيراد وتصدير ووكيل بالعموله وابي فكره عنها لو سمحت

والله يوفقك يارب ويحميك من عيون الناس

تستورد بضايع من خارج الكويت وتبيعها بالكويت ، ولا تصدر بضايع من الكويت إلى خارج الكويت وتربح من وراها ، أو إنك تصير وكيل حصري لبضاعة معينة أصحابها خارج دولة الكويت وتسوقها بالكويت ولك عمولتك ..... إلخ

هذا التفسير العام ، لا تقولي فسر الماء بعد الجهد بالماء هذا اهو تفسيرها وأضنك اتعرفه .

الشي الثاني مثل ما قال أخوي الشكوى لله إلي ما تعرفه لا تشتغل فيه ، وما أظن فيه أحد اهني بيتفرغ يعلمك أمور التجارة وكيفية التعامل وما الإجراءات القانونية وغيرها من هالأمور .

بس شوف بإختصار جدا جدا جدا

شوفلك أي سلعة تعتقد إنها راح تمشي اهني بالكويت ومصدرها برا الكويت وسو عليها دراسة جدوى يعني تعرف سعر بيها لك بالجملة وتحط عليها تكلفة الشحن لي الكويت وتحط عليها نسبة في الغالب 5 % عمولة الجمارك ( الدولة ) ورسوم التخليص الجمركي ورواتب المناديب الي بيسوقونها لك أو عمولتهم ...... إلخ وتقسم السعر الكلي على قيمتها فردي وتشوف جم تطلع قيمة العلبة الواحدة مثلا ... فرضا اطلعت 500 فلس تشوف كم يبيعونها في الكويت جمله ومفرق إذا كانت تباع عندنا ب 350 فلس فطبيعي إنت خسران وتشوف غيرها وإذا كانت تباع عندنا ب 750 فلس فأنت ربحان 250 فلس تضربه بعدد الكمية وتشوف تسوا تعبها ولا ما تسوا ... إذا تسوا توكل على الله وإذا ما تسوى تصرف النظر عنها وتشوف غيرها .... وجذي ، وإذا مشت معاك ممكن تطلب من مصنعها إنك تكون وكيل حصري لها وهذي لها إجراءات قانونية وفي الغالب يكون فيه إلزام من المصنع لك إنك تسحب منهم كميات كبيرة وهني يجي السؤال هل باستطاعتك تصريفها قبل ما تخرب أو ينتهي تاريخ صلاحيتها وغيره امور كثيرة ... وأنا ما أنصح بالوكالة إلا لمنتج طيارة وتكون قادر ماليا بحيث لو اختل معك شهر تقدر تسد العجز من جيبك وتعوض في الشهر إلي وراه ... وهكذا

الإستيراد والتصدير جميل جدا ومربح بإذن الله والأجمل أن تكون فاهم في مثل هذه الأمور حتى تستطيع أن تتذوق حلاوته ... والله تعالى أعلم

بخصوص الإجراءات لإستخراج الرخصة سهلة جدا وبإمكانت الدخول على موقع وزترة التجارة وستعرف الطلبات أو تقوم بزيارة أقرب فرع لمنزلك وتسألهم

راس مال رخصه استیراد وتصدير ووكيل بالعموله 20 الف

هذا فيما أعلمه والله أعلم

ونصيحة لوجه الله ( لا تقدم على شيء إلا بعدما تستخير الله عز وجل وتستشير أهل الثقة والمتخصصون في هذا المجال وبعدها تعمل دراسة جدوى للمشروع - ايجابياته وسلبياته والفائدة منه ودراسة السوق عرض وطلب - بعدها توكل على الله )

وما خاب من استخار وبعدها استشار

أسأل الله لنا ولك التوفيق والسداد

منقول من الاخ q8.1911

 

[corvette_dr]

جل ولد عمي يا أخوي ترة ماني بأمور التجاره ما أفهم شي يا الغالي
يا ليت توضح لي الصووره
شلون أسوي شركه ؟؟؟
وشلوون أسوي رخصه؟؟؟
يا ليت بالتفاصيل

 

[general]

جل ولد عمي يا أخوي ترة ماني بأمور التجاره ما أفهم شي يا الغالي
يا ليت توضح لي الصووره
شلون أسوي شركه ؟؟؟
وشلوون أسوي رخصه؟؟؟
يا ليت بالتفاصيل

حاضر طال عمرك وبفهمك كل شي ياريت تدخل على هل رابط وتقرا من الصفحه الاولى الي الاخير ومعاك استكانه شاي

http://www.indexsignal.com/vb/showthread.php?t=184288

 

[saaed_9]

اخوي روح للجنه المناقصات المركزيه شرق بجانب دوار مخفر شرق وروح واطلب منهم الاوراق المطلوبه للتصنيف (يجب عليك تحديد نشاط معين) وتقدر تصنف حتى لو 100 نشااط مع بعض دام انك تجاره عامه ومقاولات . وسهالات ان شاء الله بس بالمناقصات لازم تكون قدها

يالجنرال شدعوا وضح اشوي _ بس بالمناقصات لازم تكون قدها_ لاتصير بخيل بالمعلومه يالغالي

 

[corvette_dr]

أبي أسوي شركه شلوون الطريقه وشنو الشرووط
والشريك لازم يكون كويتي أو لأ؟
والشركه تحتاج مكتب أو لأ؟؟

 

[القراشي]

ماقصرت يا genera
راس مال رخصه استیراد وتصدير ووكيل بالعموله 20 الف
راس مال الرخصه 7500 مو 20 الف للتوضيح والله يعطيك العافيه

 

[general]

ماقصرت يا genera
راس مال رخصه استیراد وتصدير ووكيل بالعموله 20 الف
راس مال الرخصه 7500 مو 20 الف للتوضيح والله يعطيك العافيه

اخوي العزيز , انا قبل ما اكتب المعلومه اتأكد منها 3 مرات وراس مال شركه استيراد وتصدير ووكيل بالعموله 20 ألف دينار وان طلع على قولتك 7500 دك فأقولك تعال اخذهم مني عدا نقدا 7500 دينار (هديه مني لك) .
في إنتظار ردك

 

[general]

أبي أسوي شركه شلوون الطريقه وشنو الشرووط
والشريك لازم يكون كويتي أو لأ؟
والشركه تحتاج مكتب أو لأ؟؟

اخوي كورفت انا فاتح موضوع بإسم (لجميع استفساراتكم عن الرخص التجاريه) ادخل وكل الي تبيه موجود وان ماحصلت بلغني عشان اعيد واكتب لج الجواب

 

[general]

يالجنرال شدعوا وضح اشوي _ بس بالمناقصات لازم تكون قدها_ لاتصير بخيل بالمعلومه يالغالي

اخي الغالي سعيد , اقصد من كلمه (لازم تكون قدها بالمناقصات المركزيه) ان مبلغ 10 و 20 الف يعتبر ولاشي بالعربي لازم تكون مليان كاش لان اي مناصه تنرسي عليك يجب ايداع مبلغ تأمين وكفاله ومبالغ شغلك تستلمها بعد 3 اشهر .

 

[القراشي]

اخوي بعقيل
انا اتكلم عن رخصه فرديه مو شركه يمكن انا فهمت غلط والسموحه يمكن رصيد الرخصه الفرديه غير الشركه
لان انا رحت قبل فتره لمركز التجاره اللي بحولي وسألت عن رصيد الاستيراد والتصدير قالوا 5000 واذا تظيف بالعموله تصير 7500 هذا الكلام من اسبوعين تقريبا او اقل

 

[general]

اخوي بعقيل
انا اتكلم عن رخصه فرديه مو شركه يمكن انا فهمت غلط والسموحه يمكن رصيد الرخصه الفرديه غير الشركه
لان انا رحت قبل فتره لمركز التجاره اللي بحولي وسألت عن رصيد الاستيراد والتصدير قالوا 5000 واذا تظيف بالعموله تصير 7500 هذا الكلام من اسبوعين تقريبا او اقل

عزيزنا القراشي , على حسب علمي بأن روؤس الاموال المطلوبه هي للشركات والمؤسسات (الفرديه) مافيهم فرق , وبالنسبه للمصادر الي عندي (كشف بأرؤوس اموال الانشطه التجاريه ماخذها من الوزاره ) واذا احد يشجعني انزله بالمنتدى بالكامل .

 

[saaed_9]

اخي الغالي سعيد , اقصد من كلمه (لازم تكون قدها بالمناقصات المركزيه) ان مبلغ 10 و 20 الف يعتبر ولاشي بالعربي لازم تكون مليان كاش لان اي مناصه تنرسي عليك يجب ايداع مبلغ تأمين وكفاله ومبالغ شغلك تستلمها بعد 3 اشهر .

يالغالي المبلغ موجود بس انا ابي اصنف الشركة ولاعندي عقود ولاشي واذا ابي مناقصة لازم اصنف

 

[general]

من قال ان التصنيف لازم يكون عندك عقود ؟ كلام غير منطقي اساسا شلون عندك عقود وماعندك تعامل مع المناقصات يعني مو المفروض العقود تأتي من المناقصات ؟

 

[ابو الزبير]

اخوي جنرال انا بصنف شركتي فئه رابعه ماهي الطريقه ؟ وكم تكلف ؟ وعسى عمرك يطول على طول بالك معنا

 

[saaed_9]

من قال ان التصنيف لازم يكون عندك عقود ؟ كلام غير منطقي اساسا شلون عندك عقود وماعندك تعامل مع المناقصات يعني مو المفروض العقود تأتي من المناقصات ؟

يالغالي مادري بس انت متاكد من طلبات المناقصات انها ماتطلب عقود واذا ممكن تزودنا بالشروط ادري ثقلت عليك بس انت ابو القلب الكبير

 

[general]

يالغالي مادري بس انت متاكد من طلبات المناقصات انها ماتطلب عقود واذا ممكن تزودنا بالشروط ادري ثقلت عليك بس انت ابو القلب الكبير

يعتمد نظام لجنة تصنيف متعهدي المقاولين المشاركين في مناقصات وزارات الدولة ومؤسساتها وذلك للأعمال (الإنشائية، الطرق والمجاري، الكهرباء، التكييف) على أربعة عناصر اساسية وهي كما يلي:
1- الوضع المالي (المركز المالي).
2- سابقة الأعمال والخبرة.
3- الجهاز الوظيفي والهيكل التنظيمي للشركة أو المؤسسة.
4- المعدات والورش التي تملكها الشركة أو المؤسسة.
5- الكشف الميداني على المشاريع القائمة والتى تحت التنفيذ

 

[تويجر]

اخوي عندي 70 الف ومادري شسوي فيهم