لجميع مشاريعكم التجاريه

[يوسف الشمرى]

بالتوفيق ان شاء الله

 

[general]

مشكورين للرفع

 

[kuwaity 2010]

بارك الله فيك

 

[kuwaity 2010]

مرحباااااا بالخبير ،،،،،،،،،،،

سؤال ممكن؟؟ شرايك بمشروع عربات ذره وشيبس اللي بالمجمعات والاسواق يعني بما يغطي مبلغ 20000دينار

 

[general]

راجع الارشيف (الصفحات الي بالموضوع) وراح تلقى كل شي تبي تعرفه من بيع الجراقيات الى الطيارات الحربيه وحتى موضوع اكسسوارات الكمبيوتر الي ناقشتني فيه على الايميل

 

[ابوو عبوود]

الله يجزاك الف خير

والله ابدعت وعسالله يوفقك

اخوى جنرال انا عندى مشروع قوى والصراحه ابى اخذ رايك فيه المشروع هو افتتاح مكتبه تتكون من ثلاث ادوار بحيث كل دور متخصص بشئ معين

وطبعا المكتبه توكون كامله من جميع النواحى .. والكامل الله تعالى

طبعا انا عمل دراسه سطحيه عن تكلفه البضاعه والموضفين

اتوقع ان راس مالها قوى شوى

بس انت شنو رايك وشنو النصيحه

اشكرك

 

[general]

اخوي بوعبود , يارتي اعرف مكتبه شنو كتب ولا قرطاسيه ؟ وحاط ببالك منطقه معينه ؟

 

[ابوو عبوود]

اخوى بالنسبه للمكتبه هى تتكون من قرطاسيه و طباعه بحوث ورسم وسائل ومجسمات وطباعه وتصور يعنى كل شئ بس مو مالت كتب

 

[general]

طباعه وتصوير وبحوث رخصه لحالها و قرطاسيه وادواتها رخصه لحالها ايضا , لذلك اضبط امورك 100% قبل ما تسأل عن استشاره عشان يكونون دقيقين معاك بالاجابه .

 

[دواس علف]

السلام عليكم مرحبا اخوي بو عقيل عساك طيب يا طويل العمر انا عندي مشروع وهو اني اسوي مجلة خاصه بالرعب واتفقت مع مطبعه يطبعون 10 الاف نسخه بسعر ممتاز بس حبيت اسالك يالغالي الحين اذا بسوي مجلة لازم تكون عندي رخصه وعمال بالرغم اني مااحتاج عمال لان المجله اقدر اسويها بالكمبيوتر عندي بالبرامج واطبعها واوديها للمطبعه يطبعونها
فشتنصحني يالغالي لازم يكون عندي رخصه عشان يوزعون المجله شركات التوزيع وشنو اسم الرخصه حق عمل المجله
والله يجزاك الف خير ولك هديه مني نسخه من المجله

 

[general]

اهلا يالغالي حلوه هذي مجله للرعب عموما تحتاج رخصه نشر و توزيع وراس مالها 10 الاف دينار وتقدر تشتغل مثل ماذكرت انك تسوي المجله بالكمبيوتر وشركات الطبع تطبع لك , ومحد يجبرك يكون عندك عمال . لكن مشروعك على الطاير وشغل المجلات مو سهل . واسمح لي على الكلام المختصر لانك ماسألتي عن الجدوى من المشروع
موفق خير

 

[دواس علف]

هلا والله بالطيب مشكور يالغالي على المساعده
ومثل ما تقول يالغالي مجله شهريه اطبعها بالكمبيوتر من خمسين صفحه
اذا عندك يالغالي الجدوى للمشروع تزودني فيها الله يعطيك الصحه والعافيه

 

[general]

أخوي المجله لازم تنبني على اسس فنيه وادنى مقومات المجله ماعندك ياها (لا رئيس مجله ولا مدير ولا محرر ولا راعي ) وبعدين الي انت قاعد تقوله مو مجله بل هي اقرب لتكون من نشره او عدد . لان كلمه مجله لاتخلوا من اسماء اكاديميين بالفن واعلاميين مخضرمين , وانت سبب اندفاعك الان له مبرر وذلك بسبب انك توك يديد وبإمكانك تسوي 50 صفحه بالكمبيوتر لان عندك مواضيع يديده على الساحه واول مره بتطرحها لكن صدقني بعد العدد الثالث او الرابع راح تواجه صعوبه في اعداد محتوى 50 صفحه وراح تشوف ان فيه فراغ كبير , ولاتعتمد على الانترنت وتنزل مقالات وصور ترا شغل الكوبي بيست ماينفع وبالذات مع جمهورك الي بيشتري المجله ترا شعب الكويتي واعي ومثقف ويصيد ويتذكر المعلومه ولو لاقطها من الصين , بس انت اضبط المشروع والمواضيع ومصادر معلوماتك والشغل يمشي لكن ترا انا لي الحين ماعرفت مجلتك شنو مجالها عشان افيدك اكثر .

 

[دواس علف]

تسلم يا بو عقيل ما قصرت بيض الله وجهك
معاك حق يالغالي
بس هذي البدايه يالغالي اذا نجحت المجله باول عددين وشفت اصداء عنها اكيد راح افتح مكتب للمجله واوظف محررين وكتاب وغيرهم
محتوي المجله يالغالي يتكون من كثير من الاقسام ابرزها قصص مرعبه من وحي الخيال
وفي كل عدد بحط قصه حقيقيه مرعبه وقعت مع الصور
بالاضافه الى بعض الالغاز
محتوي المجله بشكل عام عن عالم الرعب

 

[ماركه]

السلام عليكم
ربي يجزاااك خير على هالجهد واالمعلومات
وابي منك فكرة مشروع مالتزم فيه برخصه لاني تعبة واايد بسبب الرخص وتاجيرها
وحاليا بلشت بمشروووع ملابس ماركه ومن الصين لكن مو عارفه شلون اسوق البضاعه لو تفيدني بمشروعي او تفكر لي بمشروع يديد

 

[general]

السلام عليكم
ربي يجزاااك خير على هالجهد واالمعلومات
وابي منك فكرة مشروع مالتزم فيه برخصه لاني تعبة واايد بسبب الرخص وتاجيرها
وحاليا بلشت بمشروووع ملابس ماركه ومن الصين لكن مو عارفه شلون اسوق البضاعه لو تفيدني بمشروعي او تفكر لي بمشروع يديد

يبي لج اكسسوارات نسائيه من الصين (شي عدل مو ستوكات خرابيط) مثال 5 علب خواتم وكل علبه 100 خاتم مثلا و بقمات وسلاسل وتراجي واطقم وشغل مرتب ومنظم مو كلهم بجيس واحد عشان لايقولون هذي يايبه خمطه بربع , و تعطين كل وحده مجموعه وتبيع لج وتاخذ عموله وربحه جدا طيب . احسن من الملابس

 

[ماركه]

مشكوووووووووووووور اخوي في غير فكرة الاكسسوار
الاسطورة والفراوله غطوو على محلات الاكسسوار لغلايا وكل شغلهم رخيص
ويزاك الله خير تعبتك معاي

 

[بو حسن22]

اخي وعزيزي بوعقيل الله يعيطيك العافيه على الجهد المبذول والعطاء المستمر دون مقابل وجعله الله في ميزان حسناتك

عزيزي انا بسوي رخصة عقاريه اي مؤسسه ومتوهق بالاجراءات ولا اعرف رحت شركات التعقيب وتوهقت باسعارهم الي على 600 والي على 200

فنصحني احدهم قالي سوها بنفسك وبلاش بس متوهق بسالفة شهادة الرصيد وثاني شي انا طالب بكلية وعمري 21 وشهور سالت قلت عادي اخذ رخصه قالوا عادي على البند الخامس


اتمنى تفيدني وجزاك الله خيرر...

 

[general]

اخي وعزيزي بوعقيل الله يعيطيك العافيه على الجهد المبذول والعطاء المستمر دون مقابل وجعله الله في ميزان حسناتك

عزيزي انا بسوي رخصة عقاريه اي مؤسسه ومتوهق بالاجراءات ولا اعرف رحت شركات التعقيب وتوهقت باسعارهم الي على 600 والي على 200

فنصحني احدهم قالي سوها بنفسك وبلاش بس متوهق بسالفة شهادة الرصيد وثاني شي انا طالب بكلية وعمري 21 وشهور سالت قلت عادي اخذ رخصه قالوا عادي على البند الخامس


اتمنى تفيدني وجزاك الله خيرر...

بوحسون , مايعيب الواحد يسوي الرخصه بنفسه لكن انا عن نفسي ماحب اتبهذل بشهاده الرصيد والمراكض فأعطي الخباز الخبزه , ثانيا تحتاج شهاده رصيد والمفروض تقول للمكاتب او المندوبين بالحرف الواحد , ابي رخصه عقاريه مع ملف بالشئون وتطلع لي اعتماد التوقيع وتسلمني الرخصه شوف جم يقولك ان قالك 200 على حسب كلامك غمض عينك وادفع , لكن بوحسون انت الحين طالب بكره تتخرج وتبي تتوظف ترا راح تواجه مشكله لانك بتصير موظف حكومي وعندك رخصه فرديه وهل شي مايصير , مابيك تسوي رخصه وعقبها تضطر تلغيها عشان تتوظف . لذلك حاول تطق بريك شوي او عشان تكون بالسليم
تفتح شركه وتيب معاك احد من اهلك مثلا الوالده
انت حصتك 99%
والوالده 1% وتتولى الاداره بعقد التأسيس (شرط ماتكون موظفه حكوميه)
لكن باعتماد التوقيع انت تكون المفوض بالتوقيع وجذي شغلك بالسليم 100% .

 

[بو حسن22]

والله كلامك حلو وسليم لكن طال عمرك انا عندي فراق وباقي على التخرج سنه وانا من طبعي ماحب اقعد بدون شغل ووقت الفراغ قاتل على قولتهم وخبرتي بهشغله على العموم بغيت اعرف جم اسعارهم ؟