لجميع مشاريعكم التجاريه

[general]

بوحسون مادري جم الاسعار لكن حط ببالك الجزء الاكبر من التكلفه يروح لشهاده الرصيد , على العموم خل تفكيرك بالشركه انسى الرخصه الفرديه , انا لو مكانك ادفع 500 راهي , لكن خلي بالك اي شخص او مكتب تعقيب معاملات تتفق معاه راجعني عشان اقول السعر اوكي ولالا وشلون تحاسبه (بالقطاره)

 

[corvette_dr]

أخوي جينيرال
دزيت لك رساله خااصه ما رديت علي

 

[general]

ماوصلني شي طال عمرك

 

[دواس علف]

السلام عليكم هلا اخوي بو عقيل شخبارك يالغالي بسالك بخصوص الرخص انا الحين موظف قطاع خاص وعندي 5 رخص باسمي , زين لو ابي اتوظف حكومي صحيح لازم الغي الرخص ؟ مشكله هذي يالغالي في حل غير الغاء الرخص ؟

 

[general]

اذا ماكنت مسجل نفسك على رخصك بالتأمينات فتقدر تتوظف لكن عند انتهاء الرخص ماتقدر تجددهم , لكن لو عندك رخص ومسجل نفسك عليها بالتأمينات باب خامس ماتقدر تنهي خدماتك من التأمينات الا تيب الغاء الرخص او تنازلك لهم لشخص ثاني

 

[corvette_dr]

مساء الخير أخوي
يا الغالي أبي أفتح مشروع صغير حقي
فيدني
أنا أشتغل بقطاع خاص ويمشيلي دعم عماله
وودي لي بمشروع أستفيد من عنده
علمني وساعدني الله يجزيك خير
عندي 1500 دينار
وتسلم

 

[general]

مساء الخير أخوي
يا الغالي أبي أفتح مشروع صغير حقي
فيدني
أنا أشتغل بقطاع خاص ويمشيلي دعم عماله
وودي لي بمشروع أستفيد من عنده
علمني وساعدني الله يجزيك خير
عندي 1500 دينار
وتسلم

بهل مبلغ لازم تتعلم البيع والشراء أي سلعه كانت , ما انصحك بشيء معين لكن اقول لو كنت مكانك اروح سوق الحراج حق السيارات (الجمعه) واشتري سيارات على 600 و 700 دينار واضبطها شوي وازود عليها 200 دينار وابيعها على المقيمين الي قد حالهم

 

[WSM]

يا شباب ابي اعرف المكان الي اقدر اشتري منه اغراض مصبغة مستعمل

 

[general]

اخوي اول شي حدد شنو اهي الالات الي انت تحتاجها وماركتها واحجامها ومن ثم تدور اماكن لبيعها , لان لو الحين اقولك عندي معدات مصبغه للبيع راح تقولي هاتهم كلهم .

 

[kuwaity 2010]

ماشاءالله تبارك الرحمن اخوي بوعقيل ،، تدري موضوعك هذا كل يوم لازم اقراه مرتين عالاقل بحيث اتصفح بعض الصفحات القديمه واشوف ردودك ماشاءالله بكل شي عارف فيه وعندك افكار حلوه تناسب الجميع ،،وربي لو يحطونك خبير بالديره جان فلحنا بدال هالتخبط اللي قاعدين نعيشه
او يعطونك وظيفه بمسمى المخطط العام لمشاريع الشباب

باااااااااارك الله فيك وعسى الله ياجرك على كل ردودك لإخوانا الاعضاء بالمنتدى

 

[بحريني1972]

انا اقول عسي ربي يوفقك يا شمعة المنتدي والله

 

[general]

ماشاءالله تبارك الرحمن اخوي بوعقيل ،، تدري موضوعك هذا كل يوم لازم اقراه مرتين عالاقل بحيث اتصفح بعض الصفحات القديمه واشوف ردودك ماشاءالله بكل شي عارف فيه وعندك افكار حلوه تناسب الجميع ،،وربي لو يحطونك خبير بالديره جان فلحنا بدال هالتخبط اللي قاعدين نعيشه
او يعطونك وظيفه بمسمى المخطط العام لمشاريع الشباب

باااااااااارك الله فيك وعسى الله ياجرك على كل ردودك لإخوانا الاعضاء بالمنتدى

الشطاره ماهي بوضعي في مركز المخطط العام لمشاريع الشباب بل الاجدى يحطون ناس من امثالكم الطيبه هدفها تشجيع و الثناء على كل شخص يقدم خدمات . وشكرا لك ومرورك طيب ومشرف لنا

 

[general]

انا اقول عسي ربي يوفقك يا شمعة المنتدي والله

يالبحريني هذي ثاني مره تشكرني وتثني علي وقاعد تحرجني بإني أبخس بالرد الجزيل والامتنان لك , مافي دوله الا سافرت لها لكن الى الأن ماني عارف شنو السر لما أروح البحرين انزل من الطياره اشعر بأني لازلت بالكويت .

 

[saaed_9]

يالجنيرال عندي شركة تجارة عامةومقاولات ذ ذ م من سنة2000 وابي اصنفها في المناقصات المركزية وماعندي عقود وعندي ميزانيه لمده سنتين ارجوا المساعده يالغالي

 

[corvette_dr]

جينيرال يا الغالي شلون أطلعلي رخصه صالون نساء أو معهد صحي نسائي ؟
شلوون الطريقه ؟؟
مع العلم إني بموظف بقطاع خاص وينزل لي دعم عماله

 

[general]

يالجنيرال عندي شركة تجارة عامةومقاولات ذ ذ م من سنة2000 وابي اصنفها في المناقصات المركزية وماعندي عقود وعندي ميزانيه لمده سنتين ارجوا المساعده يالغالي

اخوي روح للجنه المناقصات المركزيه شرق بجانب دوار مخفر شرق وروح واطلب منهم الاوراق المطلوبه للتصنيف (يجب عليك تحديد نشاط معين) وتقدر تصنف حتى لو 100 نشااط مع بعض دام انك تجاره عامه ومقاولات . وسهالات ان شاء الله بس بالمناقصات لازم تكون قدها

 

[general]

جينيرال يا الغالي شلون أطلعلي رخصه صالون نساء أو معهد صحي نسائي ؟
شلوون الطريقه ؟؟
مع العلم إني بموظف بقطاع خاص وينزل لي دعم عماله

دام انك موظف بقطاع خاص بإنكانك تفتح رخصه فرديه لصالون ومعهد نسائي (نفس الرخصه) وتحتاج راس مال 7500 دينار ويقدر يسويها لك اي مندوب ومالها شروط خاصه المهم ماتكون موظف حكومي لانها رخصه فرديه لكن نصيحه اذا مفكر باجر تطلع وتداوم بالحكومه راح تنجبر بإلغاء الرخصه لانك ماتقدر تتوظف وانت تملك رخصه فرديه , فالافضل تفتح شركه
انت ومعاك بعد واحد او وحده
حصتك 99%
شريكك او شريكتك 1%
وانت تتولى الاداره بعقد التأسيس و تكون المفوض بالتوقيع باعتماد التوقيع

 

[auto-car]

السلام عليكم ، بو عقيل يطولي عمرك في رخصة بإسم الوالد تجارة عامة ومقاولات ، وهو تاركها وما يستعملها يصير تتحول يأسمي ويكون أهو شريك معاي 1% ، علما إني موظف حكومة ، وهل سهل التحويل وشنو الخطوات المطلوبة و مشكور وما قصرت يا بوعقيل

 

[القراشي]

الله يعطيك العافيه اخوي جنرال على المجهود الطيب وانشالله بميزان حسناتك

انا افكر افتح استيراد وتصدير ووكيل بالعموله وابي فكره عنها لو سمحت

والله يوفقك يارب ويحميك من عيون الناس

 

[corvette_dr]

جينيرال يا الغالي 7500 عشان رخصه ولا عشان شنو؟؟؟
وشنو شركه ترى ماني فاهم عليك ؟؟