شركة العراق القابضة ش.م.ك.م ( عراق قابضة ) .

[Senator]

واللل صج يا جماعه

وين كنا ( 58 ) والحين ( 69 ) سعر زين

انا اقول للجماعه ريحو و انسوه احسن

 

[بوخمسين]

توقعاتي الانطلاقة يوم الاحد بعد مولد النبوي الشريف

 

[Black]

الله يسمع منك
نبي انشوفها مرتفعه

 

[Vaio]

يا خوي كل الاسهم انهارت و نزلت لمستوى مغري و الناس اخذتها و هي نازله و ارتفعت و باعت الناس بربح و مازالت مرتفعة و قاعدة اتطير ، كل الاسهم اللي قاعدة تصعد بشكل شبه يومي كانت نازله للحد هذا و ما عانوا من المشكلة اللي تتكلم عنها و بعدين غالبية الناس ماخذين هالسهم فوق 100 فلس و ناطرين على امل انه يرد ، و الوقت هذا فرصة لان غالبية الشركات قاعدة ترتد من غير اخبار و الناس شغاله عليها ، بس الفرق ان في شركات اتدافع عن اسهمها و اتحاول تسندها و في شركات مو هامها شي و تبي الناس العاديين هي اللي ترفع السهم علشان الشركة و اصحابها يستفيدون و اذا السهم شافوه يبي ينزل تركوه و قطوا فوقه علشان يغرق باللي فيه .

كلامك صح كل السوق ارتفع ماعدا هل شركه لان معضم الشركات صححت و ارتفعت ووصلة حق اسعار زينه ...بس السؤال هو ليش هل شركه جذي ليش اوصلت الي 0.120 و انزلة لي 0.058 ؟؟؟

تدري ليش ......

اولا . وايد ناس متخوفين منها لانها تستثمر بالعراق و العراق الحين غير مستقر...فنشاط الشركه راح يكون مستقبليا.

ثانيا.الناس متخوفين و دايما يرددون الشركه مو دافعه راس المال كامل و خايفين اتطالب فيه .وسبب باعتقادي مو لانهم ما عندهم افلوس يدفعون حق السهم مع ان السهم ارخيص حتى لو اطلبو باجي راس المال الان وايد ناس يشترون اسهم بكميات كبير فوق الدينار و موهامه شي فما اتوقع انهم يهم لو دفوع باجي راس المال ولاكن يبقى متخوفين لانهم يشترون كميات وايد اكبيره اكثر من الاسهم العاديه بسبب الرخص فباقل ارتفاع يتخلصون من اسهم خوفا من نزوله.

ثالثا . صاير عليها تجميع من قبل المحافض و بعتقادي من اصحاب الشركه.
عشان يرفعونه و بعدين ليمن يوصل المستوه الي يبونه يقطونه مثل ما وصل الى 0.120 و انهار...

رابعا....وخامسا....وبالنهايه شركه مو بذيك القوه عشان الواحد يقارنها بباجي الشركات ذات المشاريع و الانجازات ولاكن تبقى ان العديد من الناس توهقو فيها و ان سهمها ارخيص للمضاربه ...وسهم يتعرض للمضاربه شونو تتوقع منه 40000 سهم يربحك كليوم 40 د.ك فما بالك الي يشترون كميات كبيره و سهم يالعب على الحبلين من اسبوع يا صاعد فلس او ينزل فلس و لي يومك هذا فما نقول لا الصبر السهم يبيله صبر لغير المضارب بس السهم حاليا متحسن عن ذي قبل حركته مستقره صج اتبط الجبد بس مستقره و اكيد في شي ليل حين مو ضاهر الي مخليه يتجمعه بهل كثر و السهم حاليا غالب عليه طابع التردد بسسب تخوف الناس منه.......

 

[Vaio]

الاغلاق 0.68 ما ادري متى الله يفرحها و يوخر عن الرقم النحيس اهوه وي 0.069 والله كرهت هل الرقام

 

[Black]

الظاهر السهم مرتاح على هالرقم 68 و 69
و يوقولون بعد اصبر
و ان طاح يقولون من قالك تصبر عليه و يبدون يسردون المعلومات عن الشركة انها مو زينه و مو ثقة و فيها مشاكل و سرقات و عقود وهمية و غيره و غيره
بس مقيوله
ما يحك ظهيري الا ظفيري
الله يعين
سلام

 

[osamaism]

والله يا Black شكلك متوهق بالعراق والصفوه مثلى ، وما عارفين وش نسوى فيهم ، الله المستعان

 

[Black]

مو توهق
إلا غاص الى البلعوم
و ماخذ كميات كبيرة (كبيرة بالنسبة لي ) و حاط الاولي و التالي
و كل يوم اقول اتهون و باجر بتشلخ السوق و ارجع البيت خايب
و كل يوم اقول راح اتكسر بالقاومات و ترتفع و افي فايدة
و كل يوم اقول راح اروح و ارد بإبتسامه مثل ما الناس تبتسم بس ارد بإبتسامه مقلوبه
و هذا حالي ، حالي حال وش أسوي وش احتال و راحت فلوس العيال و حالي حال
والله يعين
سلام

 

[hassan_abu3eed]

يامعود انا شاريه ب116 فلس والله اني ناسيه وناسي فلوسي ولما اتابع اسعار الاسهم اللي انا شاريها ماتابعه واذا ارتفع ما استانس حاشي برود وحتى لما يجيب راس ماله ماراح ابيعه مع اني غاسل ايدي منه حاشتني حاله نفسيه هو بيجنني وشكلي براجع دكتور نفساني والسبه السهم هذا

مع سهم العراق العظيم

اني اكيد مديــــــــــــون

 

[Black]

السهم هذا ماله تحليل او فترة ارتداد لأنه طولها حيل و الاسهم كلها ردت الا ما ندر و هذا واحد من الما ندر ، اذا ممكن في أحد يحط تحليل او توقعات مبنية على ثوابت ممكن الواحد يعتمد على شي منها
و شكرا لكم
سلام

 

[ابومانع]

السهم صاعد بس يبيله صبر

 

[Black]

ممكن أحد يحط لنا تحليل عن السهم و شلون وضعه
و شكرا
سلام

 

[ابومانع]

ممكن أحد يحط لنا تحليل عن السهم و شلون وضعه
و شكرا
سلام

اي والله ياليت

 

[Vaio]

السهم صاعد بس يبيله صبر

مع الاسف اكثر من الي سويته ما كو لان الشركه ما عندها تاريخ يستند الواحد عليها ................والي عنده خل يفيدنا يمكن في شغلات مو عارفينها ......وقلت المعرفه مو عيب........بس هل شركه ممله وايد وايد تيلها فتره يين السهم و يطير و فتره يستمرض ويقعد .....بس انا انسحب ما راح احط عنها شي لانها لوعت جبدي .....وصبري نفض والله ....والشركات الباجيه كل وحده راحت و استرزقو الناس منها الى هل سهم غاصين في العالم.......فنروح نسترزق من الاسهم الباجيه لمن يصح هل سهم ز يعدي هل مقاومه ابجم يوم بتداول اكبير انردلها ذيك الساعه..........بس لازم يغيرون اسمها من عراق قا بضه الي (ام- 69)



الله كريم

 

[Black]

اليوم حاطين اعلان في الوطن عن الشركة بخصوص اجتماع الجمعية العمومية يوم 29-4-2006
يعني من كثر ما الناس مشغولة فيها حاطين التاريخ الى هالحد مبجر
ولا يمكن علشان الناس تنسى التاريخ و محد يحضر الا الجماعة اللي يبونهم يحضرون ، و اللي قريته ان التوزيعه 5 فلوس يتم إضافتها لراس المال و توزيع أرباح نقدية بقيمة 25 فلس ، يعني التوزيعة ثلاثين فلس و الحين السهم 69 ، اذا شلنا منه 30 فلس شنو يصير فيه ،، 69 - 30 = 39 فلس 39 فلس
رحنا وطي و راح الحلال
يا جماعة اذا حسبتي غلط قولولي لا ناكل طراقات طول السنة
والله يعين
سلام

 

[Black]

39 خوش سهم للي ياخذه بس شحال الل يعنده و خسران فيه و يبي يبيعه
بتكون ضربة العمر حق الشاري و البايع بس كل ضربة بشكل

 

[SMoOoKY]

الي اعرفه انه 5 فلوس بس وتنظاف على راس المال؟؟!!!

 

[المضارب السريع]

اليوم حاطين اعلان في الوطن عن الشركة بخصوص اجتماع الجمعية العمومية يوم 29-4-2006
يعني من كثر ما الناس مشغولة فيها حاطين التاريخ الى هالحد مبجر
ولا يمكن علشان الناس تنسى التاريخ و محد يحضر الا الجماعة اللي يبونهم يحضرون ، و اللي قريته ان التوزيعه 5 فلوس يتم إضافتها لراس المال و توزيع أرباح نقدية بقيمة 25 فلس ، يعني التوزيعة ثلاثين فلس و الحين السهم 69 ، اذا شلنا منه 30 فلس شنو يصير فيه ،، 69 - 30 = 39 فلس 39 فلس
رحنا وطي و راح الحلال
يا جماعة اذا حسبتي غلط قولولي لا ناكل طراقات طول السنة
والله يعين
سلام

اسمحلى اخوى انت مو فاهم عدل خمس افلوس اضافتها لراس المال ما راح يوزعون شئ كان الناس دافعين 20 فلس وباقى 80 فلس الحين صار 25 فلس وباقى 75 فلس هذا الموضوع كله بختصار يعنى مصالح السهم

 

[SMoOoKY]

ياجماعه صج سهم عراقي ماينعرفله اتجاه السوق صاعد هالسهم متنح تحت ال 70 فلس السوق ينهار ماينزل الا 2 او 3 فلوس ولله الحمد وايد اسهم لها من يدعمها وراحت حد ادنى اليوم بس هالعراقي متنح الضاهر لو يتم النزول يومين تلقاه يصعد حد اعلى اعناد وكل هذا علشان ماينعرفله لا تحليل فني ولا حتى التشيير ماينفع
بس قاعدين وبنشوف تاليتها معا هالسهم صبرنا على العراقي 7 شهور مانحاتي نصبر على عراق قابضه لي اخر السنه....((بس لايطلبون باجي راس المال)) :|

 

[Black]

على قولتك
عراقي ولا ينعرف له ، يقول ما يبي احد يضغط عليه ولا يحركه بكيفه
اهو يتحرك مثل ما يبي ، يصعد ولا ينزل ولا يهمه صعده السوق و نزلته
و فجأة تلاقيه يشلخ كل شي و فجأة ينام ولا احد يقدر يحركه
على قولتك صبرنا كثير و ما بقا الا القليل و بنشوف
و الله يعين
سلام