شركة العراق القابضة ش.م.ك.م ( عراق قابضة ) .

[bigbin78]

سؤال عن شركة العراق القابضه

السلام عليكم
ممكن اعرف ان شركة العراق القابضه هي حـــرام وله حـــــــــــــــــلال
واتمني الرد من الجميع مع اثبات الدليل

ومشكورين مقدما

 

[ابومانع]

رأي شخصي

السهم للمضاربه 100%

للمضاربه اليوميه

يعني مصرف يومي

 

[بوعبدالهادي]

هل سهم العراق القابضة سوف يتفسخ بعد الجمعية العمومية ؟؟

وكم راح يكون سعر التفسيخ؟؟

ارجو من اللي عندهم اي معلومات لا يبخلون علينا ..

ترى غاصين غصه مو طبيعيه

مشكورين مقدما

تحياتي
اخوكم الغاص/بوعبدالهادي

 

[Black]

ان شاء الله تشكيل الحكومة العراقية يؤدي إلى استقرار السهم و ارتفاعه

 

[بوعبدالهادي]

ان شاء الله تشكيل الحكومة العراقية يؤدي إلى استقرار السهم و ارتفاعه

الله يسمع منك انشالله

 

[hassan_abu3eed]

السلام عليكم

اخواني انا الاحظ اغلب الشباب يقولون ان وجة السهم من 100 الى 120
هذا الكلام مو صحيح او ( صعبه ) لان قيمة السهم المدفوع 25 فلس مو القيمه الكامله واللي هي 100 فلس انتم فكروا عدل واحسبوها شوفوا شركة الصفوه مدفوع بالكامل والسهم واصل 110 وفيه بعض الشركات الاسهم واصله 160 و 180 وشركات صارلها فتره طويله تتداول عموما هذا رايي الشخصي واسمحولي شباب وعلى فكره انا عندي سهم واتمنى انها توصل بس 200 بس ما اتفاءل وايد واطبل للسهم

والله اعلم

اخوكم ابو عيد

 

[SMoOoKY]

اخوي بوعيد محد طبله هالسهم لانه ماله اتجاه ولاتحليل حتى الي يبي انه يطبل بهالموضوع من غير لانرد عليه مفضوح الاغلبيه غاصه ومانترجى خيره من هالسهم ومانقول الا نبي نرجع ولو شوي من خسارتنا براس المال ...
بالكويتي نقولها مانقول الا يالله السلامه ...
مشكور
أخوك ابو مساعد

 

[حمد العازمي]

والصبر زين

ياجماعه تفالو بالخير تجدونه

 

[ابومانع]

هل سهم العراق القابضة سوف يتفسخ بعد الجمعية العمومية ؟؟

وكم راح يكون سعر التفسيخ؟؟

ارجو من اللي عندهم اي معلومات لا يبخلون علينا ..

ترى غاصين غصه مو طبيعيه

مشكورين مقدما

تحياتي
اخوكم الغاص/بوعبدالهادي

السهم ماراح يتفصخ لأنهم ماراح يوزعون شي راح يحطون الارباح عندهم لتغطية راس المال الغير مدفوع

والله اعلم

 

[SMoOoKY]

والله اخوي بومانع هذا الي مبين انه مضاربه بس السهم ينتكس بالمضارب يوم طقه فوق وعشره تحت :/

 

[ابومانع]

والله اخوي بومانع هذا الي مبين انه مضاربه بس السهم ينتكس بالمضارب يوم طقه فوق وعشره تحت :/

اشتر من تحت وبيع فوق

تحت حوالي 62 و 63

واهم شي ترضى بأي ربح ولو كان قليل

قليل مستمر خير من كثير منقطع

 

[خوش خبر]

كلام صحيح

والله يا بو مانع كلامك عدل بس مخلينا نحصل على القليل وين ما نطقها عويه ما قام ينعرفله السوق حتى القليل مو قادرين نصيده

 

[ابومانع]

اشتر واعرض بنفس اليوم

بس لاتعرض حد اعلى اعرض تكه وحده فوق

وحتى اذا علق السهم لاتندم وقول الحمدلله وبس

 

[SMoOoKY]

والله راضين بالنصيب لو تكه فوق فيها 80 دينار مو شويه ونعمه من الله بس مثل اليوم تنح تحت انا والله احترت بهالسهم لو اضارب بغيره على الاقل اعرف نضام تردده عقب ما ادرسه هالسهم ماكو شي ينعرفله...
الله المستعان...

 

[ابومانع]

كل واحد ياخذ نصيبه

 

[بوعبدالهادي]

اشفيه هالاسبوع العراق القابضة مبنجر ؟؟
ارخص سهم بالسوق وتداوله اقل من مليونين ونص ؟؟

وين الصفقات المليونيه اللي كنا نشوفها ؟

وين الارتفاع القوي اللي كان في اول ايام نزول السهم في بورصه؟

اشفيهم مو مشتهين يرفعون السهم

بس هم الحمدلله ان اليوم ما نزل وصعد فلس وننطر الجمعية العمومية ونشوف شنو اخر الاخبار وشنو طموحات الشركة

وانشالله ارباح الربع الاول تكون كفيله باعطاء دافع قوي للسهم للصعود

تحياتي
اخوك/بوعبدالهادي

 

[SMoOoKY]

والله انا اليوم انسحبت من هالسهم .....
متمنيلكم كل التوفيج انشاءالله وادعو لنا نعوض خسايرنا بأسهم غيره

الله يوفق الجميع

 

[q8_lord]

إخواني شنو توقعاتكم لأجتماع الجمعية العمومية العادية للعراق القابضة ؟

 

[ابومانع]

غريب هالهدوء على هالسهم طول الاسبوع اللي طاف

ياترى شنو السبب؟؟؟

 

[q8_lord]

يا ملاك العراق القابضة نبي مشاركاتكم ورايكم في اللي قاعد يصير على السهم وتوقعاتكم للجمعية العمومية العادية هل تتوقعون بأنهم راح يوزعون أرباح نقدية 25 فلس مدفوعة بالكامل حسب توصيتهم ولا لأ ؟