شركة العراق القابضة ش.م.ك.م ( عراق قابضة ) .

[امبركو]

وانت الصاج اخوى (Sinator ) هالسهم ماينفع معاه التحليل سهم مضاربه بحت ومشكور وماقصرت عالنصيحه ناخذه من تحت ونضارب فيه لما نعوض خسايرنا.....

واشكر ايضا الاخ (Vaio ) على تحليله الفنى للسهم الغامض اللى يشيل كميات هائله بالملايين للصعود وفجاه يصرف هالملايين وينزل السهم تحت

ماكو الا المضاربه....

 

[Vaio]

وانت الصاج اخوى (Sinator ) هالسهم ماينفع معاه التحليل سهم مضاربه بحت ومشكور وماقصرت عالنصيحه ناخذه من تحت ونضارب فيه لما نعوض خسايرنا.....

واشكر ايضا الاخ (Vaio ) على تحليله الفنى للسهم الغامض اللى يشيل كميات هائله بالملايين للصعود وفجاه يصرف هالملايين وينزل السهم تحت

ماكو الا المضاربه....

تسلم و ما قصرت بس صج ترى سهم حق مضاربه بس عيبه الواحد مو عارف موجهته باليوم لان السوق الكويتي لايدعم حركة المؤشر خلال اليوم و بالوقت نفسه جان الواحد يعرف حركة السهم. بالاضافه الى ان السهم يصعد بشكل عجيب و ينزل بشكل اعجب و اذا علق فوق محد يقوم يعرض و يكون في طلب و مافي عرض و يوم كله عرض و مافي طلب يعني تبي تضارب في بنفس اليوم تجازف لازم تضارب في اسبوعي .او بكميه اكبيره تضارب فيها ابيوم واحد وتنحش عنه.وبنسبه لكميات الكبيره الي تنباع فيه هل سهم ترى مبلغها مو وايد راجعو يوم السبت الصفقات وايد و حجم التداول كان فوق 50000000 مليون سهم بس شوفو المبلغ المتداولينه ترى مو وايد بالنسبه الى باقي الشركات والسبب ان السهم ارخيص وايد....على سبيل المثال صفقه 2400000 سهم على على حد يوم السبت مثلا 0.073 فلس تساوي 175200 د.ك ترى مو وايد حق المحافض . عدل كلامي

 

[امبركو]

كلامك عدل ونص ياخوى(Vaio ) وشكرا على هذا التعقيب

 

[Q833]

السلام عليكم

سؤال يا اخوان
هل هي شرعيه ؟

وشكرا

 

[جلاد الاسهم]

السلام عليكم

سؤال يا اخوان
هل هي شرعيه ؟

وشكرا

غير شرعيه

 

[Q833]

مشكور اخوي عسى الله يطول عمرك

 

[bbcc]

خوش تداول

ولكن هل سيستمر ؟؟؟؟

يا ريت تكون نهاية اسبوع تداول سعيدة ويسكر فوق الـ 70

غدا ..

الله كريم

 

[alqattan]

اخوي bbcc سهم نازل من 118 فلس صعوده باذن الله الي 80 - 90 فلس شربه ماي مثل ما يقولون ولكن محتاج السهم شويه صبر وصعود السوق كم يوم لان السهم بصراحه اول المتاثرين بصعود وهبوط السوق

 

[bbcc]

الله كريم

راح نشوف نهايته مع هالسهم .....

وانا اكتب هالمشاركة غمضت عيني شوي .. تذكرت قفزات سهم رعد سابقا من 130 الى 450 فلس

يومها الكل قال يا بخته الي شرا لما كان 130

فهل يا ترى التاريخ يعيد نفسه مع العراق القابضة ؟؟؟؟

ونكون احنا اصحاب السعد إلي شارين السهم بال100 فلس وتحت ؟؟

 

[Vaio]

غير شرعيه

انت قلت غير شرعيه ممكن توضح كيف .
هل هي شركه ربويه؟؟
هل هي شركه تتعامل بالمحرمات ؟؟؟

على اي اساس عطيتنى هل افتاء..... و ارجو انك ما تزعل مجرد استفسار لان مع كل كلمه تقولها بهل منتدى لازم تيب دليل رسمي

 

[محمد ديبون]

انا رضيت بخسارني من السهم وبعت وربنا يعوضني

 

[Vaio]

خوش تداول

ولكن هل سيستمر ؟؟؟؟

يا ريت تكون نهاية اسبوع تداول سعيدة ويسكر فوق الـ 70

غدا ..

الله كريم

اذا سكر فوق 70 و يوم سبت كرر تسكيرته فوق 70 باذن الله رايح فوق
بس الصبر زين

 

[SMoOoKY]

الله يعوض عليك بس جنك ياخوي استعجلت السهم الكل يتكلم عنه ومبين التجميع الي صاير عليه وتراجعه بسبب انه يتعرض لمضاربه شرشه لا اكثر من المفروض على ااقل تنطر لي باجر وتشوف يمكن يكسر حاجز الي 70 ليش صارله فتره تحته وماعتقد معا صعود السوق بطول مدته تحت..
والله اعلم..
ارجع اقول الله يعوضك بسهم احسن منه ويعوض الجميع ادري بيزات متجمده والسوق مغري بس النطره على قلوب ال .... ولا البيع بخساره

 

[عادل السبع]

آخر سعر تداول 68
أعلى سعر شراء 67
أعلى سعر اليوم 68
الكمية المتداولة اليوم 21,520,000
عدد الصفقات اليوم 212
وقت آخر سعر تداول 12:22:22
أقل سعر بيع 68
أقل سعر اليوم 64
القيمة المتداولة بالدينار 1,439,360

آخر سعر تداول سابق 64
تاريخ آخر سعر تداول سابق 3/4/2006

 

[SMoOoKY]

تهقوووون يسكر فوق والا المقاومه مالته بتكون قشرههههههه وتنومه تحت

 

[Kuwait]

100% راح يرجع 90 فلس

آنا واثق ان السهم راح يروح 90 فلس لأن صار تجميع قوي هذا الأسبوع من المحافظ بس يبيلة صبر والأسبوع الجاي تبين القمندا؟

وهذا رأي شخصي وليس دعوة لشراء ويحتمل الخطأ أو الصواب

 

[عادل السبع]

آخر سعر تداول 68
أعلى سعر شراء 68
أعلى سعر اليوم 69
الكمية المتداولة اليوم 22,840,000
عدد الصفقات اليوم 217
وقت آخر سعر تداول 12:29:12
أقل سعر بيع 69
أقل سعر اليوم 67
القيمة المتداولة بالدينار 1,557,600

آخر سعر تداول سابق 68
تاريخ آخر سعر تداول سابق 4/4/2006

 

[osamaism]

للرفع

 

[Vaio]

آنا واثق ان السهم راح يروح 90 فلس لأن صار تجميع قوي هذا الأسبوع من المحافظ بس يبيلة صبر والأسبوع الجاي تبين القمندا؟

وهذا رأي شخصي وليس دعوة لشراء ويحتمل الخطأ أو الصواب

رايك صحيح مو بس تجميع اهوه عنده مقاومه قويه على 0.069 و موقادر يكسرها حتى مع التداول القوي الي صار ذاك اليوم كان حجم التداول فوق 50000000 . ولاكن السهم يحاول كسره ببطء و الدليل ان يومين و اهوه قريب من مقاومته عشان لا يكسره ابقوه من اول مره فياخذ مجال اكبر مع كميات تداول معتدله عشان يكسر والله اعلم . بس انشاء الله يوم السبت بدايه تكون زينه حق هل سهم لان كون شمعة دوجي و هذي الشمعه اذا تكونت من بعد نزول راح يصعد السهم . هذا مجرد تحليلي الشخصي

 

[Kuwait]

رايي من رايك

رايك صحيح مو بس تجميع اهوه عنده مقاومه قويه على 0.069 و موقادر يكسرها حتى مع التداول القوي الي صار ذاك اليوم كان حجم التداول فوق 50000000 . ولاكن السهم يحاول كسره ببطء و الدليل ان يومين و اهوه قريب من مقاومته عشان لا يكسره ابقوه من اول مره فياخذ مجال اكبر مع كميات تداول معتدله عشان يكسر والله اعلم . بس انشاء الله يوم السبت بدايه تكون زينه حق هل سهم لان كون شمعة دوجي و هذي الشمعه اذا تكونت من بعد نزول راح يصعد السهم . هذا مجرد تحليلي الشخصي

كلامك عدل عزيزي ورايي من رايك وانشا الله السبت تبين