شركة المستثمر الدولي ش.م.ك.م ( مستثمر د )

[بوحسن]

وهذي رسمه ثانيه توضح وتؤكد نوعاما ان السهم لازم يعلق بين ال 450 الى 440

ليرتفع يعني يكون محصور بالمنطقة الحمره .. وهي منطقه المفروض تكون فولت عالي ليرتفع السهم

........ وقد يستمر بحد اقصى 3 ايام تداول .. مدة الشارت ..وهالشارت تحدي يا انا يا اهو

وغير جذي .. السهم اعتقد ......... !

 

[Q8 Stock]

السلام عليكم

احب ادلو بدلوي وياكم في التحليل

بعد جلست اليوم من التداول
تكون عندنا نموذج سيء عالي الثقه
وهو الجنود الثلاثه السود ( identical three crows bearish )
كما تشير الدائرة بالشارت
احتمال استمرار النزول وارده جدا
والهدف بكون اغلاق الفجوه المتمثله بالخطين الاحمر
بين 425 و 430

والله اعلم

نسيت شغله
الصبر مفتاح انا ما اتفق معاك ,,!! كيفي ..... !!


البيع والشراء مسؤولية شخصية

 

[بوحسن]

ترى انت عندك خمس شموع سوده ..برسمتك

والمفروض 3 شموع

عموما كلامك صحيح انا عندي 3 شموع وعلشان جذي متوقع ان السهم ينزل الى 440 مع وجود الترندات اللي انا راسمها والترندات لها اعتبار مهم ...

وصحيح لان بعد هذي الشموع تكون المفروض عندك شمعه طويله

ومو شرط شمعه طويله اغلاقها نازل ليم ال 430 او 425

ممكن شمعه اغلاقها خمسه فلوس نازل او عشره فلوس
يعني 440 او 445 بس تظل شمعه طويله ؟ شلون انا اقولك ( انظر الرسمه اخوي كويتي ستوك )

تنزل ليم ال 440 وتصعد ليم 470 بتكون شمعه طويله وبيكونون الجنود الثلاثه ملوتك سوو عملتهم ( اللي اعرف ان اسمهم الشموع المتناوبه من وين الجنود )

كيفي ما اتفق معاك انا بعد

 

[بوحسن]

اشرايكم بس بكلمة

( انظر الرسمه ) ما تشابه ( انظر الشكل 74 ) بكتاب الكيمياء ايام اول

 

[درب العصامى]

الاخ q8 stock


النموذج اللى عندك ليس bearish identical 3 crows لان كلمة identical تعنى مطابق - بالشكل والحجم - و شموعك اوجنودك الثلاث او اكثر ..كل واحد شكل .. لذا فاعتقد ان النموذج مختلف لان المهم تطابق الشكل 3 مرات ..
باعتقادى سهم المستثمر الدولى صعب التنبؤ به .. والاتداد وارد فى اى لحظة ..بسبب ملاكه

 

[Q8 Stock]

هخخخخخخخخخخخخخخ

خلاص لا تتفق بس بحذف مشاركتك
كيفي ..... ,,!!

على العموم
التكرشارت في بيانات خاطئه بطريقة حساب
الافتتاح والاغلاق

الخمس اللي شايفهم بعين العدو

تعريف النموذج
تكون الشمعه سعر الافتتاح نفس اغلاق الشمعه السابقه
متكرر لثلاث جلسات

والجملة الصحيحه هي
الغربان المماثلة الثلاثة متوقعة للإنخفاض

 

[Q8 Stock]

الاخ q8 stock


النموذج اللى عندك ليس bearish identical 3 crows لان كلمة identical تعنى مطابق - بالشكل والحجم - و شموعك اوجنودك الثلاث او اكثر ..كل واحد شكل .. لذا فاعتقد ان النموذج مختلف لان المهم تطابق الشكل 3 مرات ..
باعتقادى سهم المستثمر الدولى صعب التنبؤ به .. والاتداد وارد فى اى لحظة ..بسبب ملاكه

للامانه لغتي الانجليزي اطقطق فيها حالي
هالو هاي يس نو ومن كلام المدارس اللي تعلمناه
Three black candles
بس فيه الشرط وهو سعر الافتتاح هو سعر اغلاق الشمعه السابقه
4/12
الافتتاح 190 الاغلاق 485
5/12
الافتتاح 485 الاغلاق 470
6/12
الافتتاح 470 والاغلاق 450

هذا اللي متوفر النموذج ثلاث شموع سوداء + سعر الافتتاح نفس اليوم السابق

 

[بوحسن]

هخخخخخخخخخخخخخخ

خلاص لا تتفق بس بحذف مشاركتك
كيفي ..... ,,!!

على العموم
التكرشارت في بيانات خاطئه بطريقة حساب
الافتتاح والاغلاق

الخمس اللي شايفهم بعين العدو

تعريف النموذج
تكون الشمعه سعر الافتتاح نفس اغلاق الشمعه السابقه
متكرر لثلاث جلسات

والجملة الصحيحه هي
الغربان المماثلة الثلاثة متوقعة للإنخفاض

هههههههههههههههههههههههههه

حلوه مشرف وكيفي ... ياربي اصير مشرف دقيقه بس الغي مشاركاتك كلها صدقني

اول شي الدرب العصامي كلام ستوك صحيح ..شروط الشمعات المتناوبه صحيحه وهو يسميها جنود ..عادي داش دوره ايام التجنيد
عموما ..وهالشمعات المتناوبه ( بس مو شرط تضبط 100 % بالنتيجه للشمعه الرابعه مثل ما هو متوقع ) وان ضبطت فشوف رسمتي

ثاني شي ستوك عد معاي من اخر شمعه عندك من تحت 1 2 3 ..ابي الرابعه

الرابعه :

الفتح 490
الاغلاق 490

وهني فقط ترسم الشمعه على اساس الاغلاق والفتح ..اوكي


اما بالمعطيات اللي اهي :

اعلى 495
ادنى 485

ومن هذيلي نشوف طول فتيل الشمعه وواعتقد بالتكرشارت واضحه ان في فتيلتين ..بس عندك برسمتك انت في تورم بالشمعه ( الظاهر ماكله نخي وتافخها )
يعني المفروض الرسمه تكون عندك خط اسود بالعرض ضعيف وفتيله فوق وفتيله تحت

يعني شمعتك الرابعه غلط الوارمه

تحياتي يا ستوك ..مو تشطب مشاركتي ترى ادزلك فايروس بجهازك


وباجر بنشوف منو الصح

 

[على الله]

اخوانى ماتلاحظون قبل فتره كان فى اخوانا يمدحون السهم وقالوا ان واصل الى اسعار مانى ذاكرها وينهم اكيد باعوا

 

[على الله]

وقبل ما انسي ماحد قال ان السهم رايح دينار اه ياقلبي والى اللقاء فى سهم جديد

 

[Fayez]

الاخ شيكاغو

انا من الناس اللي مثلك اصبر هالاسبوع واللي وراه لين تعبت نفسيا وبدلت السهم باسهم مجموعة الدولية وبناتها والحمدلله طلعولي الــ 100 اللي ناطرينا بمستثمر دولي ... شوف اخوي انا داش على السهم حسب توصية من خارج المنتدى بس مشكلتها طولت والناس طارت بارزاقها ...

____________________ـــــــــ____
هذي ليست دعوة للبيــــــــــــــع

والله نصحت الاخوان بتبديل المواقع ... نعم مرات تجي توصيات من اناس ثقات بس السوق يجذب الغطاس ... انا اقول نشكر الاخوان اللي جيبون التوصيات وهذا يدل على حب الخير للجميع ولكــــــن على الشخص يراقب السهم وسلوكه ومن ثم يتخذ قراره

عسى ربي يوفق الجميع

 

[sarem]

انا عندي سؤال اللي يقولون السهم له طلعه قويه وله شلعه وبروح 600 بناءا على شنو ؟؟؟
شعندها الشركه ؟؟ هل عندها عقود هل عندها ارباح هل عندها شي يعني بشنو نتأمل ؟؟
يلي عنده العلم يفيدنا وجزاكم الله خير ....
ترى خسارتي فيه شايده حيل

 

[ابو فهد التاجر]

ليش الزعل

تحياتى للجميع واسعد الله مسائكم ليش كل هذا الزعل على السهم

يااخوان هذا سوق يوم يرتفع ويوم ينزل غير معقول ان فى كل سهم لازم نربح والا من وين تجى خبرة السوق وتجاربه مويقولون اسال مجرب ولا تسال طبيب اعلى الهرم للسهم كان (540 ) يوم السبت وفى الحقيقه لااذكر تاريخ هذا اليوم ومن يوم الاحد والسهم ينزف الى ان وصل اليوم الى
( 450 ) من كل هذا الكلام ماذا نستنتج بكل اختصار ساحاول ان اشرح

1. نزول للسوق لجنى الارباح وتصحيح بعد فترة ارتفاع استمرت من قبل اعلانات الربع الثالث الى اخر اعلان شركتين بالسوق ارباحهن ومنهن المستثمر .

2. ماحصل للمستثمر حصل للجميع وبدون استثناء نستنتج ان النزول صحى .
3. بعد نهاية اعلانات الربع الثالث لم يكن هناك اى مبرر للارتفاع السوق باستثناء اخبار تكون مؤكده للشركه تكون دافع لرفع سعر هذه الشركه او المحافظه على السعر...

4. القاعده الذهبيه للسوق والتى غفل عنها الكثيرين بيع من فوق واشتر من تحت بيع المستثمر يوم كان سعره (540 ) واشتره اليوم ب(450 ) هل لاحضتوا الفرق..

5. الخلاصه تقول ((( لاتتزوج السهم ))) افهموا بليــــــــــــــــــز

مع تمنياتى لكم بالتوفيق

 

[bujwsq8]

انا عندي سؤال اللي يقولون السهم له طلعه قويه وله شلعه وبروح 600 بناءا على شنو ؟؟؟
شعندها الشركه ؟؟ هل عندها عقود هل عندها ارباح هل عندها شي يعني بشنو نتأمل ؟؟
يلي عنده العلم يفيدنا وجزاكم الله خير ....
ترى خسارتي فيه شايده حيل

في السهم شي زين بس بوقته حلو يكون

وبعدين انا شايفه انه فيه صعده على نفس مشاركاتي السابقه

وكل شخص له اختياره بوقت البيع والشراء

واذا كنت شايف ان خسارتك كبيره الافضل انك تنتظر لان راح يكون للسهم اعلان عنه بس بالوقت المناسب وهذا الوقت قريب انشاء الله

ولك الاختيار في اخذ القرار​

 

[boali]

في السهم شي زين بس بوقته حلو يكون

وبعدين انا شايفه انه فيه صعده على نفس مشاركاتي السابقه

وكل شخص له اختياره بوقت البيع والشراء

واذا كنت شايف ان خسارتك كبيره الافضل انك تنتظر لان راح يكون للسهم اعلان عنه بس بالوقت المناسب وهذا الوقت قريب انشاء الله

ولك الاختيار في اخذ القرار​

مشكور ويعطيك العافيه

 

[renad]

السهم واصل 435 ولى الحين مصممين انه ماراح ينزل اكثر والله محد وهقنا الا تطبيلاتكم على السهم والحين الخساره صارت كبيره ولا اقدر ابيع يعنى ماكو الا انطر معاكم

 

[Q8 Stock]

السلام عليكم

الله يعوض عليج اختي ريناد

المفروض تحددين لج هدف بالصعود والنزول
اذا صعد ووصل لسعر الفلاني ابيع من غير تردد
واذا نزل ووصل لسعر الفلاني ابيع من غير تردد

بجذي بتفكين نفسج من كلام فلان وتوصية فلان

http://www.indexsignal.com/vb/showpost.php?p=257676&postcount=296

 

[bujwsq8]

اقول السوق نازل ليلحين 157 يعني شنو تتوقعون باسعار الاسهم


اذا قلنا ان السوق صاعد 150 نقطه والسهم نازل اوكي لكم الحق في اي شي تقولونه

كل المحافظ قاعده بحالة استعداد لاي حركات ممكن اتصير بالسوق وحزتها كل الاسهم من غير تحديد اتلاقيها تصعد ويتغير المؤشر 100 بالاميه

بس اليوم لازم بعد احنا بس انشوف ​

 

[Q8 Stock]

مثل ما سوق نازل وفي اسهم نازله
هم في اسهم مرتفعه بالسوق ,,!!

 

[renad]

السلام عليكم

الله يعوض عليج اختي ريناد

المفروض تحددين لج هدف بالصعود والنزول
اذا صعد ووصل لسعر الفلاني ابيع من غير تردد
واذا نزل ووصل لسعر الفلاني ابيع من غير تردد

بجذي بتفكين نفسج من كلام فلان وتوصية فلان

http://www.indexsignal.com/vb/showpost.php?p=257676&postcount=296

المشكله انى شريته بسعر مرتفع 510 يعنى مامدانى احط هدف للبيع الا ونزل عقبها وكل يوم بنزول والله يستر من الياى انا عنى بنطر لى السبت اذا كمل بالنزول خلاص ببيع والله يعوضنى