بيت التمويل الخليجي .........( تمويل خليج )

[AlBustan]

أخي البستان ييعطيك العافية..
السهم يبدع في دبي... و يموت بالكويت... سهم غريب

كنت عارف مضاربين سهم تمويل الامارات سيدخلون على بيت التمويل و قللت هذا الكلام و قللت في تحرر من الكويت و ها هو السهم الان مرتفع 8%

 

[MZ1982]

كنت عارف مضاربين سهم تمويل الامارات سيدخلون على بيت التمويل و قللت هذا الكلام و قللت في تحرر من الكويت و ها هو السهم الان مرتفع 8%

يعني متى تتوقع الدخول على سهم الكويت... السهم صارله قرن مو متحرك من حدود 32.5 -33.5

 

[التقائل]

تداوله بالامارات 60 مليون سهم اليوم يغرد

 

[التقائل]

ابشروا الرجال لي تشترى بالامارات راح تجي تشترى من الحساده ابشروا

 

[أبو عمر]

33.5-34 باجر ان شاء الله (مضاربه ) مو تتدبس !

 

[محمد محمد]

السهم ارتفع في دبي الى مايعادل في الكويت كسعر .36
وذلك بسبب ارتفاع سهم السلام البحرين الى الحد الاعلى وارتفاعه من 43 فلس الى 773
ف بدأ الهجوم على السهم في دبي لتمويل خليجي

 

[Albaghdadi]

السهم تعب وايد ناس بس ما فرق عن كثير من الاسهم على سبيل المثال لا الحصر منو يذكر صكوك ومنشآت وبيت الاستثمار الخليجي على اسعارهم قبل اربع شهور ركز مو اربع سنين ؟؟ كنت لما اقول حق واحد اشتر صكوك على 35 يقولي ما احب الاسهم العفنه واييني نفس الشخص الحين يسألني عن صكوك ب 96 ! عمليه نفسيه بالدرجه الاولى واللون الاخضر يخليك تقتنع انه الشركة زينه ولو كانت لا تملك غير الورق .

تمويل الخليج باعتقادي لن يكون كسابق عهده في السنوات اللي طافت فالوضع اختلف .. الله يوفق ملاك السهم ويعوض من خسروا فيه ..

 

[Albaghdadi]

33.5-34 باجر ان شاء الله (مضاربه ) مو تتدبس !

السلام عليكم والله يعطيك العافيه دكتور .. سؤال للتوضيح .. يعني الشراء على 32.5 33 والبيع 34 لمن هو خارج السهم صح ؟؟

 

[أبو عمر]

السلام عليكم والله يعطيك العافيه دكتور .. سؤال للتوضيح .. يعني الشراء على 32.5 33 والبيع 34 لمن هو خارج السهم صح ؟؟

وعليكم السلام ورحمه الله ،، الله يعافيك
صحيح ،، يصعد الى 33.5 واحتمال 34
والله اعلم

 

[whats App]

وعليكم السلام ورحمه الله ،، الله يعافيك
صحيح ،، يصعد الى 33.5 واحتمال 34
والله اعلم

وبعدها يا بو عمر

 

[whats App]

حربي اعترف انت حاط منبه بالصفحه اي مشاركه لازم تمر عليك

 

[أبو عمر]

وبعدها يا بو عمر

يعني شراح يكون بعدها ؟

 

[HEATER]

السلام عليكم
ههههههههههه رحنا وطي
١٥٣ شخص يملكون ١٠٠ مليون سهم ...... هل انت متاكد من الرقم اخوي HEATER ؟؟؟؟
اذا انت متاكد حط + ١ يملك ١٢٠٠٠٠٠ سهم سوق الاوراق
واعرف +٢ هو مع اعياله ١٨٠٠٠٠٠ سهم ولا ماخذ قرض علشان يشتري السهم
واعرف واحد ثاني ٤٢٠ الف سهم
وصاحب صاحبي يملك تقريبا اكثر من ٩ مليون سهم على كلامه وهو اللي مو صيه من البداية على السهم وعن طريق تو صيته مسكين من كثر حنته وتاكيده لمعلومات من داخل الشركة اخذ قرض وحضرتي اخذت السهم بناء على هذه التوصية
واذا حسبنا وشفنا الارقام مع بقية الاخوة الكرام ..... ابي اعرف شي واحد شلون راح يرتفع السهم .... ههههههههههههههههههههههههه
رحنا فيها ولا بعد بزيد الكمية قلت انطر اسعار اقل لان محللينا الكرام لهم اراء بالسهم وبعضهم متوقعين النزول لاسعار اقل ...........
تخربطت الافكار بعد ما شفت مداخلتك ... بس اخوي HEATER تاكد من الرقم ورد علينا بسرعة لان الامر الان مختلف بعض الشي وهذا الضغط الكبير ما يبرره الان .............. ليش ساكت اخوي HEATER طول هذه المدة . وانا قاعد اقول شنو يبي يقاطع ؟؟؟؟؟؟ وهل صانع السوق يدري عنا ؟؟؟؟ الخ
اثاري السالفة فيها ١٠٠ مليون سهم .... وغير اللي ما ندري عنهم .... اليوم مو شي من بدايته
شكرا لك .

العفو أخي العزيز
بسوق الكويت وهذه معلومه اقلبكم يعرفها بان تمويل الخليج ما يخلوا بيت إلا فيه مالك للسهم والأرقام مختلفه من ١٠٠٠ سهم إلى ١٠٠٠٠٠٠ سهم
والرقم اللي ذكرته لك ١٠٠ مليون متأكد منه و١٠٠ مليون أخرى بالطريق مداخلتك من ضمنها ١٢ مليون صدقني نحن نملك ما يقارب ٥٠٠ مليون سهم بالكويت وأخرى بالإمارات والبيقيه في البحرين ولندن
عموما كميه كبيره لدى صناع بوفلس تقدر ب ٢٥٠ مليون في سوق دبي ومثلها في الكويت
السهم ليس للبيع في هذه الأسعار إخواني السهم بيعوه بأقل تقدير قريب من بسعره الدفتري لان الأيام القادمة سوف يشهد طفرات سعريه أكثر مما عودنا عليه صانع بو فلس وأتوقع راح يرفع من علوقته إلى مسمى آخر وهو صانع بو فلسين

السهم في دبي حسب كلام أخونا البستان مرتفع فصانع بو فلس هناك الظاهر غير المسمى قيل صانع ي
سوقنا الحقير بو فلس شد حيلك يا حقير وارفع نفسك شوي وارفع من قدرك كل هل الملايين ومسماك حقير بو فلس
كلامي الآن موجه إلى رئيس مجلس الاداره كل الشكوك تحوم حولك بانك الرأس المدبر والوحيد لحركة السهم بسوق الكويت ودبي بواسطة بأبو فلس
الرجاء عدم التحكم بالسعر واجعل الصناديق وغيرهم يدخلون على السهم بأمان كبقية الأسهم الأخرى
لا زلنا في مقاطعة البيع وحامض علي بوزك يا بوفلس أسهم المقاطعه

 

[محمد محمد]

السهم تداول في سوق دبي ب 75 مليون سهم اليوم وبارتفاع يفوق ال 7%
قد يتحرك غدا في الكويت الى الحد الاقصى ليتساوى مع سعر دبي

 

[حربي وربي الله]

حربي اعترف انت حاط منبه بالصفحه اي مشاركه لازم تمر عليك

هلا والله
اول شي مساك الله بالخير
والله الصفحه صارت مثل الحرمه
لامنها ادخلت الولاده تنطر على نار وش تجيب
حنا نطل على الصفحه وأنتحرا الاخبار الزينه
لأني ما املك سهم غيره من سنة الهدام عفوا
من سنة الدمج اقصد وحنا مدبوسين بالسهم
فلازم امر عليها والله يرحم حالتنا برحمته سبحانه وتعالى
ويكون بعون جميع ملاكه

 

[المستحيل]

٣٥ فلس

متفائل فيها هالاسبوع
صاعد صاعد صاعد

 

[امرك عجيب]

السعرالكميةالصفقات
32 30,020 3
32.5 13,690,980 68
33 7,021,370 46

 

[امرك عجيب]

ايضا دخل وشال اسهم الحبايب ال7 مليون اللى عارضين بال33 لاتخاف نلعب معاك مان تو مان ماراح تعدي وان عديت ابشر بالسلايت اللى يحش رجولك

 

[MahdyHassan]

​

تداول اليوم كاملاً​

​

​

تداول 12:15 -12:50​

​

نلاحظ من الرسم البياني الأول أن 60 مليون سهم تم تداولها خلال 60 دقيقة؛ وبتحليل هذه الفترة نجد أنه 38 مليون دخول مقابل 22 مليون خروج. وبحساب نسبة اليوم كله نجد النسبة هي 50 مليون دخول و 28 مليون خروج...​

وهذا يذكرنا بما حدث قبل فترة حيث تم شراء 30 أو 40 مليون سهم من شركة استثمارية لا أذكر الرقم لكن أذكر الحادثة..​

الهدف من هذا الموضوع هو أن السهم لم يفك الارتباط عن الكويت كما يروج البعض (أنا أؤيد كلام أبو عمر)، ولا أستغرب خروج خبر عن شراء شركة لـ 25 مليون سهم أو من هذا القبيل...​

 

[أبو عمر]

يجدر الذكر أن اختراق الترند الأسبوعي عند 34 يليه متوسط متحرك 50 يوم الاسبوعي عند 34.5 بتداول عالى اشارة دخول .