بيت التمويل الخليجي (تمويل خليج ) .......... 3

[mon406]

السلام عليكم
ياشباب إلي صار صار
و إلي كاتبه رب العالمين راح يصير بس عليكم الصبر ومن صبر ضفر إن شاء الله
أنا واحد من المساهمين متفائل في السهم إن شاء الله
الله يعطيكم ويعطينا على نوايانا إن شاء الله اللهم آمين​

 

[مستثمر مغامر]

يعني انتا يااخ نجوم مستعد تكتتب وتدفع 100 فلس للسهم وسعره بالبورصة 40 فلس ؟؟؟؟؟

أول اكتتاب فشل حتى هذه اللحظة في دعم السعر .... نشوف الثاني وين بياخذنا

 

[Legal]

صج فيكم عجله مو طبيعية

زيادة راسمال في دبي فقط مثل ما حصل في الكويت عندما زاد راسماله .

يعني عدد الاسهم الصادره في الكويت تقريبا مليار وما ادري جم .
وفي دبي تقريبا 500 مليون سهم وهم حاليا في صدد زيادة راسمال في دبي .

يعني بالحالتين الشركة محتاجه سيوله علشان يقدر توقف على رجولها .

وسلامتكم

 

[انت عمري]

والله انا اقول ان هذا السهم راح يودينا قوووووووووووووووع

 

[Legal]

شكو السهم يوديك قوووووووووع

بسكم تظليل وتخريع بالعالم

 

[مستثمر مغامر]

صج فيكم عجله مو طبيعية

زيادة راسمال في دبي فقط مثل ما حصل في الكويت عندما زاد راسماله .

يعني عدد الاسهم الصادره في الكويت تقريبا مليار وما ادري جم .
وفي دبي تقريبا 500 مليون سهم وهم حاليا في صدد زيادة راسمال في دبي .

يعني بالحالتين الشركة محتاجه سيوله علشان يقدر توقف على رجولها .

وسلامتكم

زيادة عدد الأسهم في أي سوق كان تأثيره واحد بالنهاية والأسعار لازم تكون متقاربة في الـ 3 أسواق (والأرباح إن وجدت سوف توزع على كل الأسهم)

أما مستثمر وأكيد زيادة راس المال أمر غير مريح

 

[انت عمري]

شكو السهم يوديك قوووووووووع

بسكم تظليل وتخريع بالعالم

يا اخوي انا اقصد ان الموضوع زيادة راس المال محنا عارفينها شنو موضوعها بالضبط بس لا تظليل ولا تخريع افا عليك

 

[مستثمر مغامر]

وسوق دبي هالأيام تداولاته الإجمالية بحدود الـ 5 ملايين دينار كويتي !!!!

 

[مستثمر مغامر]

يا اخوي انا اقصد ان الموضوع زيادة راس المال محنا عارفينها شنو موضوعها بالضبط بس لا تظليل ولا تخريع افا عليك

تخيل تمويل خليج يطلع علينا بعد أسبوع بإلغاء فكرة طرح أسهم للإكتتاب ... كل شيء متوقع من الجناحي

 

[Legal]

يا اخوي انا اقصد ان الموضوع زيادة راس المال محنا عارفينها شنو موضوعها بالضبط بس لا تظليل ولا تخريع افا عليك

عندما زاد راس مال في الكويت هل عدد الاسهم في دبي زادت ؟؟

لما تفصخ السهم على سعر من 162 فلس الى 130 فلس هل تفسخ السهم في دبي ؟

نهاية الحجي :

الزيادة في راسمال فقط في دبي مثل ما حصل في الكويت وبعد جم شهر راح يزيد راسماله في البحرين .

 

[Legal]

زيادة عدد الأسهم في أي سوق كان تأثيره واحد بالنهاية والأسعار لازم تكون متقاربة في الـ 3 أسواق (والأرباح إن وجدت سوف توزع على كل الأسهم)

أما مستثمر وأكيد زيادة راس المال أمر غير مريح

مو شرط اخوي شوف زين بالسعودية على جم واصل وشوف زين في الكويت على جم واصل .

وشوف اجليتي بدبي على جم واصل وشوف اجليتي بالكويت على جم واصل .

الامور ما تنحسب بهذه الطريقة الموضوع وما فيه الشركة محتاجه لسيوله باي طريقة كانت سواء بالزيادة او بيعه حصصهم او مشاريعهم ومن ضمنها مرفأ البحرين .

 

[mon406]

ما هي المشكله من زيادة رأس المال وأكثر الإحتمالات والله أعلم حليف إستراتيجي يدخل معهم بزيادة رأس المال وأعتقد لم بطرحو هذه الفكره إلا مع وجود هذا الشريك والذي يهمنا هو إستمرار عمل بيت التموبل الخليجي والله المستعان
( مجرد رأي فقط )

 

[Legal]

ما اعتقد حليف استراتيجي ياشاركهم بالقمه .

الشركة محتاجه سيوله ودليل على ذلك تاجيل سداد الدين .

 

[مستريح البال]

عندما زاد راس مال في الكويت هل عدد الاسهم في دبي زادت ؟؟

لما تفصخ السهم على سعر من 162 فلس الى 130 فلس هل تفسخ السهم في دبي ؟

نهاية الحجي :

الزيادة في راسمال فقط في دبي مثل ما حصل في الكويت وبعد جم شهر راح يزيد راسماله في البحرين .

انا ملقوف ودخلت على السهم يوم الاحد -يعنى بكون صايد الحركه واتوقع فيه اعلان طيب لانه اهل الشركة من شهر حددو تاريخ الاجتماع!!
المهم سؤالى لك هل بيت التمويل ثلاث شركات؟؟؟؟؟ اى زيادة براس المال هى زياده براس المال وين ما كانت ولفظ كلمة مساهم بالشركة تحتوى الجميع مالها علاقه بالاسواق!!
المهم لا يورطونا بتخفيض راس مال وخرابيطه!!
وانا اعتقد والله العالم ---- انه البنك الالمانى ممكن طلب يحول ديونه الى اسهم بالتالى يزيد راس المال بالحاله هذه!!
اما عمليه زياده راس مال هذا اسمه خبال مع مرتبة الشرف------ اما عملية مستثمر ويدخل على سهم -------هذا السوق جدامه يلم كثر ما يبى وما وصل 100 فلس!!!!
وهذه للامانه ثانى لقافه لى ادخل على السهم اول مره يوم اعلنو زياده راس المال -قلت حلو اشتريه 130 فلس يمكن يرتفع وقعدت وهذه قعدتى!!!
وثانى مره تليقفت وشريت امس ههههههههههههه وهذه بعد قعدتى الله يستر لا تطول
ويعنى طالع فيها بعوض خسايرى بالاسهم الثانيه مثل الاهليه وغلف والمجموعه الدوليه --------اللى شاريهم باسعار عاليه
الظاهر شغلتى بس اجمع قراطيس ههههههههههههه

 

[المسهماني]

خطيييييييييييييييييييييييير يابو الافكار سلم لي على الشيبات شيبه شيبه

 

[mon406]

من حدد سعر السهم 100 فلس في حال زيادة رأس المال لا أعتقد بذلك

 

[تمويل بطيخ]

هههههههههههههههه والله حاله
يقول اجمع قراطيس
ياخوي القراطيس لهم فايده ان لعبت جنجفه وماحصلت شي تسجل عليه القيد القرطاس ينفعك
وينفع اخوانا المصريين يلفون لعيالهم سندويشه طعميه حق المدرسه
لاتظلم القراطيس وتقارنهم بأسهمك اللى ذكرتها
والله يالقرطاس اشرف
اهليه وقلف ومجموعه وتمويل والله انك مستثمر استراتيجي وتعرف وين تحط الدينار
هههههههههههههههههههههههههههههههههههههه
لايحوشك

 

[مستريح البال]

هههههههههههههههه والله حاله
يقول اجمع قراطيس
ياخوي القراطيس لهم فايده ان لعبت جنجفه وماحصلت شي تسجل عليه القيد القرطاس ينفعك
وينفع اخوانا المصريين يلفون لعيالهم سندويشه طعميه حق المدرسه
لاتظلم القراطيس وتقارنهم بأسهمك اللى ذكرتها
والله يالقرطاس اشرف
اهليه وقلف ومجموعه وتمويل والله انك مستثمر استراتيجي وتعرف وين تحط الدينار
هههههههههههههههههههههههههههههههههههههه
لايحوشك

لا تضحك ثم الله يبتليك ههههههههه

عاد لو اقولك شغله فعلا الارزاق بيد الله سبحانه
اسمع قصتى:
دخلت السوق 97 بعز الازمه الارتفاعات ومن دخلت السوق قوع هههههههههههههه
قلت يالله الحمد لله على كل شى ----برقع باى طريقه قمت وشريت المخازن 200 الف سهم بسعر 180 فلس ----قلت خلاااااااااااص بكتم نفسهم وكل من يسئلنى يامعود من زين السوق لدرجه كانت المشاريع بذاك الوقت ب40 فلس--------- والبنوك شيل على 130 فلس والطيب فيهم ربع دينار!!
وامسك المخازن لغايه 2003---------- وقمت تليقفت عقبل اربع سنين ماسكهم وبعتهم 230 فلس هههههههههههههه
ومن بعتهم والا يقب السهم قبه -------- وطفا الدينارين وهو يضحك!!

قلت يالله خيرها بغيرها
وقمت شريت الاهليه ب530 فلس وترتفع لغايه 800 فلس -ولانى طماع صدقت عبدالسلام راز وجه بالجريده يقول سهمنا دينارى!!!
وصدقت الله يرحمه سامى البدر يوم يقول صيف ساخن وشريت على 400
وصدقت برورسلى بغلف لدينا مفاجاءه

حتى ام القوين صدقتهم وشريت فيها بسعر 530 فلس ----------------- للامانه انا طماع والا ارتفعو كل سهم على الاقل 100 فلس -بس قلت لك طماع ههههههههههههههههههههههههههه

اخر شى صارو قراطيس-----
قلت اممممممممممممممممم مافيه الا بيت التمويل يعوض خسايرى لانه هالسهم الثور 2008 ربحان والناس تبجى!!!
واخرتها شوفه عينك هههههههههههههههههههههههههههه

حبيبى اترك عنك مساهم استراتيجى انت بالكويت لو تقرا تاريخ الاسهم تعرف تماما ان الشعب بيد عصابه ومالنا والى يتابع حقوقنا -------------وكل صعولك يلعب فيها كيفما شاء ( حلوه كيفماء شاء)---------------- لدرجه يسمحون لشركات ورقيه للادراج وتنهب فلوس خلق الله

على قولة العراقى طرقاعه على روسنا والا لو شارى بحلالى بيت ومأجره على هنود مو ابرك من هالقراطيس هههههههههههههه حتى العنز ما تاكلهم--------------------------------------------
الحمد لله على كل حال ----------هذا فعل ايدينا والا الانسان لديه عقل وعيون يتابع ويشوف ويحكم على ادارة بلد ضايعه اذا ادارة البلد ضايعه احد يستثمر فيها

 

[prince74]

صبحكم الله بالخير جميعا
والله يا اخوان انا صارلي جم يوم وانا قاعد اشوف استفساراتكم وتعليقاتكم ,ناس متفائله وناس متحبطة والاغلبية متحبطة,انا واحد من الناس اللي اضم صوتي للاخوان اللي متفائلين وانشاءالله بنشوف الخير من وراء هالسهم الاوضاع بالاسواق الخليجية كلها متاثرة من الازمة المالية ولازم بعض التصحيحات,والمدير التنفيذي اعترف ابتصريحة قبل جم يوم انهم اترسو حلجهم ابلقمة ماقدرو يعلجونها ,وهذا من وجهة نضري كلام جيد انهم اعترفو بالغلطة بطريقة غير مباشرة وماشين بمسار التصحيح,هذا السهم يبيله صبر اشوي وبتشوفون انشاءالله انه راح يتعدل مساره للافضل انشاءالله,اما بالنسبة للي يبي يضارب فيه فالوقت هذا ماراح تشنص معاه لانه الاوضاع مو مستقرة الي الان,انا واحد من الناس اللي شاري فيه وقاط ما وراي ودوني ومتفائل خير انشاءالله ولا راح ابييع,واتمنا التوفيق للجميع.
وشكر خاص للاخوان المحللين على تعبهم ومجهودهم اللي يستاهل كل تقدير وحترام منا

 

[تمويل بطيخ]

الله يعوض عليك ياخوي من شاف خساير الناس هانت عليه خسارته
الله يعوض عليك يالطماع
وانا والله ماأتشمت انا اضحك على كلمه قراطيس
فعلا اغلب الاسهم القراطيس ابرك منها
لو تجيب بون الاسهم وتعطيهم عنز والا تيس مايقرب صوبها ولا ياكلها لو مو ماكل من اسبوع ولو تجيب له قرطاس من قراطيس الاسمنت يهفه
لان التيس يعرف ان هذا قرطاس تشغيلي
وحنا ورا التصاريح نلحق القراطيس
ههههههههههههههههههههههههههههههههههههههههههه