صياد 33
موقوف
- التسجيل
- 1 فبراير 2009
- المشاركات
- 564
يعني في بالك صح الواحد يحط فلوس بيته بالبورصة؟؟ و تلوم محافظ المركزي؟؟
هو دق عليك و قالك بيع بيتك و دش السوق؟ و لا قالك اشتر الدار و تجيب لك دار؟؟
انا معاك ضد سياسات محافظ البنك المركزي لأنه سمح بلعب الدار من أيام 2006 و كان هالشي واضح واضح.
المهم انت تعوذ من ابليس و اللي الله كاتبه خل يصير، و لا تسبون محافظ المركزي لأن عادي يرفع عليكم قضايا سب و قذف و تشهير و يتل من كل واحد 5001 دينار، و الله خير المنتدى هني أول بأول يدافعون عن الأعضاء
المبلغ ال انا حاطه اولا فلوسي مو متسلفها وانا حر فيها
ثانيا المحافظ على كيفه يطبق القانون على شركات وشركات وينه عن جلوبل ال كل اصولها اوراق وفاقده 75% من قيمتها ... اشوف ميزانياتهم تعتمد وما يتعطلون عندهم خرزه !!!
ليش تستر على تجاوزات بنك الخليج مع ان الغلط لابسهم تستر على المسئولين ال تعاملو بالمشتقات وتستر على الكبار ال اقترضو من البنك علشان المشتقات ولما خسروا حملو البنك الخساره
وليش انحفظت القضية اذا عندك الجرأه جاوبني
واذا في احد المفروض يرفع قضية على الثاني المفروض احنا المساهمين نرفع عليه قضية وين دوره الرقابي طول هالسنين ال مضت .... ميزانية الشركة تمر عليه اربع مرات بالسنه ويوقع عليها ويعتمدها .... الاصول كانت مقيمة باربع اضعاف قيمتها الحالية ليش ما اعترض في السابق !!!!!
وليش ما حاسبهم على ديونهم الطائله وليش ما قال انتو تبالغون في تقييم اصولك عقب ما خله الناس تدخل المصيده توه يقول عنها شركات خرطي .... شركة لها 11 سنه مدرجة في البورصة وتحت رقابته توه يصحى لهم .... صباح الخير
انا الحين اعتراضي مو على ادارة الشركة ترى اهم مثلهم مثل ادارات الشركات الثانية محد احسن من الثاني ( ما أردى من المربوط الا المنفلت ) ....... انا اعتراضي على المحافظ لانه واقف بطريج الشركة ويتعامل معاها بشخصانيه ومسبب لها العراقيل والمشاكل وذلك باستغلال نفوذه وسطوته .... وقاعد يدفعها دفع غصب طيب للافلاس
طبعا اهو السبب في ضياع اموالنا وارد واقول الله ينتقم لنا منه لان طول السنين ال فاتت اهمل واجبه وما احسن عمله