لجميع مشاريعكم التجاريه

[general]

وهم عندي سؤال قاعد افكر ااجر رخص شرايك فيها
وهل فيه طريقه اضمن ما اتوهق بأمور ماديه يا ريت الرد علي الخاص لقلت متابعتي الانترنت

تم الرد بالخاص بحسب رغبتك

 

[Rap Soul]

السلام عليكم ورحمة الله وبركاته

جزاك الله الف خير يا الغالي

ارجو مراجعة الخاص بارك الله فيك

 

[general]

تم الرد يالغالي وكثر ماتقدرون خلوا المواضيع بالعام عشان الكل يستفيد من هل موضوع ويعتبر ارشيف ذات قيمه الا الي يبي استشاره بالخاص لموضوع فعلا خاص
وبارك الله فيكم ووفقكم لكل خير

 

[bo_hamod]

تسلم اخي العزيز على موضوعك الاكثر من رائع
قمت بأرسال رساله خاصه عن بعض استفساراتي

الشكر الجزيل لك

 

[general]

تم الرد يالغالي وكثر ماتقدرون خلوا المواضيع بالعام عشان الكل يستفيد من هل موضوع ويعتبر ارشيف ذات قيمه الا الي يبي استشاره بالخاص لموضوع فعلا خاص
وبارك الله فيكم ووفقكم لكل خير

تم الرد يابو حمود

 

[اندرتيكر]

السلام عليكم
مرحبا اخوي جنرال كيف الحال
اخوي جنرال لو بغيت اجيب العاب من الصين وابيعها في الكويت شنو الرخصه بتكون ؟
اقصد بالالعاب مثل العاب الاطفال سيارات طيارات باربي مسدسات تفيخات هالسوالف هذي شنو رخصتهم اخوي بو عقيل ؟
وبسالك سؤال ثاني لو تسمح اخوي انا ادري انك مو موظف بالتجاره ولا لك معرفه بهالامور بس اقول لك وعسى تقدر تساعدني اخوي وهو شوف هذا الرابط يالغالي على اليوتيوب
http://www.youtube.com/watch?v=t-R2jXVMkw0&feature=related
هذا طال عمرك منطاد تشغله ويطير عالي
تتوقع يالغالي ممنوع اجيبه من الخارج لاني ودي اجيبه وابيع بكميات كبيره فهل تتوقع يعني محتكر من قبل موزع كويتي ؟
ومشكور يالطيب واسمحلي على الازعاج
واسف اذا سالتك اسئله انت مالك شغل فيها قلت يالغالي اسئلك ممكن تعرف وتفيدني والله يجزاك الف خير

 

[general]

السلام عليكم
مرحبا اخوي جنرال كيف الحال
اخوي جنرال لو بغيت اجيب العاب من الصين وابيعها في الكويت شنو الرخصه بتكون ؟
اقصد بالالعاب مثل العاب الاطفال سيارات طيارات باربي مسدسات تفيخات هالسوالف هذي شنو رخصتهم اخوي بو عقيل ؟
وبسالك سؤال ثاني لو تسمح اخوي انا ادري انك مو موظف بالتجاره ولا لك معرفه بهالامور بس اقول لك وعسى تقدر تساعدني اخوي وهو شوف هذا الرابط يالغالي على اليوتيوب
http://www.youtube.com/watch?v=t-r2jxvmkw0&feature=related
هذا طال عمرك منطاد تشغله ويطير عالي
تتوقع يالغالي ممنوع اجيبه من الخارج لاني ودي اجيبه وابيع بكميات كبيره فهل تتوقع يعني محتكر من قبل موزع كويتي ؟
ومشكور يالطيب واسمحلي على الازعاج
واسف اذا سالتك اسئله انت مالك شغل فيها قلت يالغالي اسئلك ممكن تعرف وتفيدني والله يجزاك الف خير

أهلا بالعزيز
طال عمرك هذي رخصتها تحت بند (لعب و أدوات الاطفال) وتشمل جميع انواع الالعاب والدراجات الهوائيه ومن ضمنها الشيء الي تبي تيبه ومعروض بيوتيوب والي شفته عادي تقدر تييبه لكن لايكون النار يولع عن طريق فتيل و مواد قابله للاشتعال (بنزين والخ,,) لكن الي انت عارضه فقط تحرق الشريحه بكبريت أو ولاعه ماكو مشكله .
وبالنسبه للإحتكار مافي شيء اسمه احتكار الجمارك فتحوا المجال لإستيراد كل شي بقرار من مجلس الوزراء .
وحياك الله

 

[اندرتيكر]

السلام عليكم
الف شكر لك اخوي جنرال ما قصرت والله يجزاك الف خير
بالفعل يالغالي المنطاد عباره عن شريحه صغيره تكون بالمنطاد تشغلها وتنتظر ثواني ويطير المنطاد
تمام يالغالي يعني اذا بطلع رخصه اقول حق مخلص المعاملات ( لعب وادوات الاطفال )
زين يالطيب المجسمات الصغيره للاطفال يعني مجسم جريندايزر وتوم جيري وغيرهم هل هذه ايضا تابعه لرخصة لعب وادوات الاطفال
ومشكور اخوي مره ثانيه ابو عقيل وعسى الله يرزقك من اوسع ابوابه

 

[general]

اهلا بالعزيز اي نعم كل الي ذكرته حضرتك من ضمن لعب وأدوات الاطفال
وموفق خير

 

[الاستشاري2000]

عيدك مبارك اخوي والله يعطيك ألف عافيه على هذا الموضوع المفيد ... واسأل الله عز وجل ان يكون في ميزان حسناتك.

اخوي حاب اخذ رايك بشركة تجارة عامه ومقاولات ... تخصص بأعمال البناء للمنازل ...

شنو رايك بالمشروع ؟؟ وشنو يحتاج ؟؟ وشلون اقدر اسوقه ...


بارك الله فيك ​

 

[bo_hamod]

بارك الله لك اخي جنرال على ردك المثمر المفيد والسريع على الخاص والله يجعله في ميزان حسناتك

الشكر الجزير لك

___________________________________________________________

حبيت انسخ اجزاء من رد اخي جنرال على الخاص لافادة الجميعسؤالي عن مشروع البقاله ؟


طال عمرك البقاله الي حصلتها مدخولها اليومي ممتاز لكن فيه 3 عيوب
1- ماله داعي البقاله يكون فيها 3 عمال (حده عاملين 2)
2- ايجار 600 دينار (والبقاله ان ذبح نفسه الايجار المفروض مايزيد عن 400 دينار).
3- مبلغ 9 الاف دينار للخلو جدا غالي والمعتاد ان كلما قل الايجار زاد الخلو (لانه مرغوب) وكلما زاد الايجار قل الخلو (غير مرغوب) لكن زاد الايجار وزاد الخلو هذا الي شي مو عقلاني.


لكن عن نفسي
1- لو البقاله موقعها قوي قوي (ادفع عليه 4 الاف فقط) .
2- ايجارها مايتعدى الـ 300 دينار .
3- مدخولها مايقل عن 160 الى 170 دينار .
4- احط عاملين 2 كل واحد 12 ساعه براتب 120 دينار فقط لكل واحد

الموقع

بس على العموم خيطان حاليا منطقه عزاب وقويه للبقالات لكن افرض اخرجت الحكومه جميع العزاب من خيطان (وانت تعرف قصص خيطان) حزتها شبتسوي
لاتقول لنفسك جنرال قاعد يبالغ ترا ارد عليك واقولك كل شي يجب الاخذ به عند الدخول في مشروع .

وللعلم مو كل بقاله يعني لازم تنباع بالاف ترا في بقالات تاخذها على ايجارها فقط لكن المدخول والموقع اهو الي يلعب دور وبالعربي في ناس ياخذون بقالات بالاف خلو والبقاله حدها تاخذها على ايجارها (متخيل البقاله لازم يقابلها الالاف) .

يعني احصل بقاله في منطقه حولي (فيها مليون بقاله وربحك قليل)
وتحصل بقاله بشعب البحري الي عدد بقالاتها تنعد باصابعك وربح عالي جدا وزباينك كويتيين وبنات وشباب وامريكان واجانب ومقيمين .



سؤالي عن كيفية الحصول على النجار الخبير ؟
يجب عليه يحصل على معلم نجاره باكستاني خبير ويدور عليه في الشويخ بشارع البنوك صوب محلات النجاره ويصيده صيد , اما النجار الخبير ماتلقاه بإعلان بجريده الوسيط وغيره .







تسلم يا الغالي

 

[general]

عيدك مبارك اخوي والله يعطيك ألف عافيه على هذا الموضوع المفيد ... واسأل الله عز وجل ان يكون في ميزان حسناتك.

اخوي حاب اخذ رايك بشركة تجارة عامه ومقاولات ... تخصص بأعمال البناء للمنازل ...

شنو رايك بالمشروع ؟؟ وشنو يحتاج ؟؟ وشلون اقدر اسوقه ...


بارك الله فيك ​

اخي العزيز كل عام وانت بخير ايضا , وبالنسبه للتجاره العامه والمقاولات تم ايقاف مثل هذه الرخص ويجب عليك تحديد النشاط . والاقرب الى نشاطك (مقاولات المباني ) وبالنسبه لهل مشروع انت عارف ان مشروع ثقيل ويحتاج تجارب سابقه ويكون عندك خلفيه كبيره ومعدات وعمال والخ,,,
لكن بشكل عام ماسمعت احد دخل هل مشروع وخسر لكن السؤال هو هل تستطيع دخول المشروع .
وطبعا المستهدفين لازم يكونون الاول (انت , أهلك , اصدقائك , قرايب اصدقائك , والناس بشكل عام) , واي خطوه تتجاوز الي قلتها لك راح تفشل فإمش بشكل متسلسل .
واخر شي اتمنى تدخل قسم اعلانات العقار وتشوف مواضيع الاخر (ملياردير) النك بالانجليزي وشوف شلون مطلع وواعي ومثقف لاخر حدود بالنسبه للمقاولات فهل انت تشوف نفسك بهل جو او لا .
موفق خير

 

[general]

يعطيك العافيه اخ بوحمود على نسخ الرد الي بالخاص وشكرا لك لنشرك المواضيع المفيده وللعلم انا هدفي الاكبر عمل ارشيف كامل لهل مواضيع عشان حتى الاعضاء والزوار وغيرهم يعتبرون هل موضوع ارشيف قوي ومايعيدون الاسئله واغلب الرسائل بالخاص كلها مكرره
وشكرا لك

 

[SuperFast]

General السيد بوعقيل المحترم تحية طيبه وبعد و عيدك مبارك وكل عام وانت بخير ..أسألك عن انشاء رخص و تأجيرها لغير الكويتيية هل مربحه او لاء ؟ و ماهي مخاطرها ؟ وماهي افضل انواع الرخص للتأجير ؟

والسؤال الثاني : بخصوص شراء و تأجير بعقود شهريه .. مثل باصات نقل صغيرة او شاحنات نقل بضائع او سيارات شخصيه ؟ ماذا تنصح أبدأ فيه ؟ و يحتاج رخصة تجارية او لأ ؟ و شكرا لك .

 

[general]

general السيد بوعقيل المحترم تحية طيبه وبعد و عيدك مبارك وكل عام وانت بخير ..أسألك عن انشاء رخص و تأجيرها لغير الكويتيية هل مربحه او لاء ؟ و ماهي مخاطرها ؟ وماهي افضل انواع الرخص للتأجير ؟

والسؤال الثاني : بخصوص شراء و تأجير بعقود شهريه .. مثل باصات نقل صغيرة او شاحنات نقل بضائع او سيارات شخصيه ؟ ماذا تنصح أبدأ فيه ؟ و يحتاج رخصة تجارية او لأ ؟ و شكرا لك .

اهلا بالاخ العزيز
طال عمرك سالفه تأجير الرخصه ما انصح فيها لأن أي مشكله يرتكبها المستأجر يتحملها المؤجر (انت) حتى لو في ثقه انا عن نفسي ما اسويها .
بخصوص رخصه عشان ايجار وتأجير السيارات بكل انواعها شغله حلوه بالذات ناقلات تريلات باصات فانات والخ,,,
تستهدف الشركات و مؤسسات وتسوي عقود شهريه وسنويه حتى لو على الشركات الكبيره حيل حيل , المهم سعرك حلو و ممتاز .
انصحك بهل مشروع
موفق خير

 

[aab]

جنرال يعطيك العافيه ع المجهود الطيب

بغيت اسال عن الكشك او العربانه اللي تنحط بالجمعيات تبيع بطاط وذره وهالسوالف

هل لها رخصه ؟ وشلون اطلع الرخصه ؟ وشكثر تكلف



ويزاك الله خير

 

[كنز المعرفه]

السلام عليكم ورحمة الله وبركاته

قواك الله يا الجنرال على هالصفحة الغنيه بالمعلومات وكلي رجاء من المراقبين لتثبيتا حتى تكون مرجع مفيد للأعضاء .


وعندس استفسار بسيط موجه للأخ الجنرال رأيك بمطعم فطائر ومعجنات من ناحية التكلفه والايدي العامله ( اقصد الشيف )

 

[أم عبدالعزيز]

السلام عليكم أخوي والله يجازيك ألف خير على هالمساعده ...

بعثتلك على الخاص بعد اذنك وانتظر الرد اذا تكرمت ....ومشكور ورحم الله والديك

 

[b07amod]

الله يعطيكم العافيه اخوانى على الموضوع والاخص صاحب الموضوع

بالنسبه للتجاره

انا افضل بان تكون التجاره موسميه
مثلا موسم الدراسه عوده الى المدارس تججيب كميه مميزه من الصين على قد الحال وشرط قبل كل شى تضبط نفسك بمعرض او جميعه .
موسم الشتاء للاطفال ملابس جاكيتات مميزه .
موسم البر مثل بقيات او شغلات غريبه للموسم.
الرمضان شغلات قرقيعان شغل مميز.

ولا افضل بدخولك الى محل بتكلفه ورخصه وعماله ايجارات شهريه.
بيع عن طريق المعارض والاهل والاصدقاء.
وخطة الذهاب الى الصين يبيلها داسه مفصله وصحيحه.
بالصين كل شى فيها متوفر فيها العجايب ولكن التفكير بالشى المميز والغريب.
ورحلتك تكون اول الصيف لشراء البصاعه استعدادا للمواسم .
التفكير والتخطيط الاهم تكلفه الشحن والكميه ودخولها الى الجمارك سواء برا او جو .

المناطق الصينيه للتجاره هى
كوانزو + شنزن
شنزن معروفه بالاجهزه الاكترونيه
اما كوانزو فيها عدة اسواق
منطقه ايوا متخصصه بالعاب الاطفال .
اهم شى التريث ودراسه الموضوع والاستعداد التام للتجاره.
والرازق سبحانه وتعالى

 

[MH For Ever]

شكرا لك اخي الكريم على هذا الموضوع القيم والمفيد وبغيت استشارتك بمشروع محل لبيع الافلام والديفيدي شنو يحتاج من الالف للياء وشنو رأيك فيه كمشروع؟؟

وعساك على القوه