لجميع استفساراتكم عن دعم العماله الوطنيه

[! سنايبر !]

لازم شهرين ولا يمكن تنزل مع المعاش الى جاي

 

[general]

ممكن ينزل خلال شهر لكن ابعد تقدير خلال شهرين لكن ماعتقد اسمك ضمن كشوف الي راح للبنوك هل شهر

 

[q8.1911]

الله يعطيك العافية أبو عقيل

أبشرك خلصت الأهل من تفتيش الشئون لدعم العمالة إلي بالقرين ولله الحمد وبإذن الله على الأحد أو الإثنين الجاي استلم اذن العمل وعلى طول أروح معاهم لدعم العمالة إلي بالفروانية وأسجلهم

السؤال طال عمرك على الطاعة

سبق وأن قلت لي إذا سجلتهم قبل شهر ٣ ( الميزانية ) يعطونهم أثر رجعي مال سنة تقريبا وعندي واحد من الربع يقول كلامك صحيح بس من فترة بسيطة وقفو الأثر الرجعي وصار يعطونك من تاريخ ما جبت لهم إذن العمل فهل هذا صحيح

بارك الله فيك

 

[general]

اخي العزيز عافاك الله , بالنسبه للموظفين (باب ثالث) الي هم يعتبرون موظفين لدى الشركه اغلب الظن ينزل لهم بأثر رجعي وأيضا المسجلين باب خامس (اصحاب الاعمال) الي شهاداتهم اعلى من الثانويه معفيين من اذن العمل وينزل لهم أثر رجعي , لكن هل المسجلين باب خامس يتم احتساب لهم من تاريخ اذن العمل (التفتيش) هذا السؤال , لكن منطقيا ً وفعليا ً الدوام الفعلي للموظف هو من تاريخ تسجيله في التأمينات وليس تاريخ حصوله على اذن العمل . ان شاء الله استبشر بالخير وحاول بعد ماتقدم على دعم العماله عقبها طلع شهاده راتب من عندهم بتاريخ 22 الشهر وان شفت اسم الاهل مسجل بشهاده الراتب ومذكور الراتب يعني راح ينزل لهم بنفس الشهر (فرضا شفت بتاريخ 22 -3) حزتها كن على ثقه بأن بعد اسبوع من تاريخه راح ينزل الدعم . ومره وحده إسأل عن الاثر الرجعي . وللامانه مامر علي احد سجل بدعم العماله الا ونزل له الاثر رجعي .

 

[q8.1911]

جزاك الله خير أخوي أبو عقيل والله يرحم والديك
بإذن الله ما يكون إلا الخير
بالنسبة للتأمينات أنا مسجلها فيها من شهر (٥) ٢٠٠٧
ومنتظم بدفع الإشتراك من سجلتها لي ألحين ولله الحمد
بارك الله فيك يا أخوي وبميزان أعمالك الصالحة بإذن الله

 

[lawyerarab]

عاجل

السلام عليكم اخي العزيز جنرال اشكرك على مجهودك النبيل عندي سؤال فيه ولد خالتي أمه عندها رخصة شركة تجاره عامه ومقاولات وعمرها 54 سنه وما عندها شهاده تدفع الاشتراكات من 2007 والرخصه ساريه ولهم محل مفتوح من ذاك الوقت الرجل سجلها بدعم العماله وراح مبارك الكبير وقدم طلبات وكشفو ولقوها ونزلها الاثر الرجعي بعدين وقفوه لانهم بعدين كشفو ومالقوها الحجي هذا من 2008 السؤال هل الحين يقدر يسجلها مره ثانيه بدعم العماله وشنو الاجراءات هل يراجع الدعم او يراجع مبارك الكبير مباشره؟ ولك التحيه يا صاحبنا الوفي وقبل لا انسى هل يمديه ان ينتهي من الاجراءات قبل ان تنتهي السنه الماليه .

 

[general]

ماكو مشكله فقط راجع دعم العماله وقول لهم (جنك ماتدري) ليش وقفتوا دعم العماله عنها وان قالوا لك ماشفناها بموقع العمل المفروض من حزتها ترسل كتاب لدعم العماله اسمه كتاب افاده (وتحط العذر بعذر أو ظروف خالتك يوم غيابها) لكن ان تقاعستم من زمان والحين هل اعذار ماراح تنفع واي شي يطلبه دعم العماله نفذوه واغلب الظن يطلبون منك اذن عمل مره ثانيه . ويرجى اذا رحت دعم العماله تراجع الشئون القانونيه لا تاخذ كلام من الموظفين العاديين لانهم ماراح يفيدونك

 

[راشد الماجد]

السلام عليكم

شلونك اخوي ابو عقيل

اخوي ابو عقيل عندك خبر عن التامينات اذا كنت مشترك عندهم سنتين وبعدين استغلت من وظيفتي وسحبت اسمي من التامينات

يصرفون التامينات لي الفلوس اللي كنت مشترك فيها ؟

وشكرا لك

 

[general]

السلام عليكم

شلونك اخوي ابو عقيل

اخوي ابو عقيل عندك خبر عن التامينات اذا كنت مشترك عندهم سنتين وبعدين استغلت من وظيفتي وسحبت اسمي من التامينات

يصرفون التامينات لي الفلوس اللي كنت مشترك فيها ؟

وشكرا لك

ماتقدر تسحب ويعتبرونهم من خدماتك (تنحسب لك سنوات خدمه)

 

[lawyerarab]

السلام

زين اخوي جنرال اذا سويت اللي قلت عليه بعدين كشفو ولقوها ونزل الاثر الرجعي وبعد شهرين مثلا كشفو وما لقوها راح يخلونها تدفع المبالغ القديمه ؟ علما بانها صاحبة الرخصه

 

[general]

زين اخوي جنرال اذا سويت اللي قلت عليه بعدين كشفو ولقوها ونزل الاثر الرجعي وبعد شهرين مثلا كشفو وما لقوها راح يخلونها تدفع المبالغ القديمه ؟ علما بانها صاحبة الرخصه

يعتمد ولا استطيع الجواب

 

[riaan]

كيف الحال ابوعقيل
استفسار انا الحين موظف الاهل بشركه ومسجلها بالتامينات
ودافع الاشتراكات الحين ابي احوله لشركه ثانيه بموافقت الشركه الاولى
شنو المطلوب علما اني للحين ما سجلته بدعم العماله
وهي موظفه من شهر 4 اللي طاف اقصد يصرف له الدعم باثر رجعي اذا سجلت بالشركه الثانيه

 

[general]

اذهب للتأمينات واخذ من موظف الاستقبال قوله بالحرف الواحد (إشعار 103) عدد 2 لكل موظف عندك , بعد ماترد البيت عبي البيانات (والي ماتفهم له خله فاضي) بس اهم شي تتوقع وتنختم ان كان في ختم للشركه و ترفق معاها كتاب انهاء خدمه الموظف (مثلا الساده التأمينات المحترمين يرجى العلم بأن الموظف تم انهاء خدماته بتاريخ فلاني وكام يعمل بتاريخ فلاني ويتقاضى راتب كذا وتكتب اسم الموظف ورقمه المدني , واخر شي تكتب يرجى ازاله اسمه كمؤمن عليه ) يعني صار معاك ورقتين ورقه اشعار 103 والثانيه الكتاب الي انت طابعه وتروح التأمينات الدور الثالث قسم البريد وتعطي الموظفه الاوراق وان قالت لك ليش مو معبي البيانات كامله قول لها ماعرفت وياريت تساعديني (اسلوب محترم) , وراح تقولك انطر إسبوعين عما ينشال الاسم من الشركه وبعد ماتتأكد تم ازاله الاسم طبعا راح يكون هم عندك اشعار 103 (لما قلت لك تطلب 2 ) تعبي البيانات وتكتب اشعار التحاق وتعبي بيانات الموظف وتسوي نفس الي كنت كاتبه عند انهاء الخدمه وتطبع كتاب تعين موظف (ليس انهاء خدمه كما في السابق) وتشهد ان الموظف اسمه ورقم المدني يعمل لديك بتاريخ فلاني ويتقاضى راتب كذا ومسماه الوظيفي ويداوم من ساعه كذا الى كذا . وتروح ايضا للتأمينات الدور الثالث قسم البريد وتخلي الموظفه تساعدك وبعد 14 يوم (يمكن اكثر) يتسجل الموظف على الشركه اليديده . وبعدها ينتهي دور التأمينات ويبقى دعم العماله .

ملاحظة / بخصوص الاثر الرجعي اتوقع ماراح تلحق لي اخر شهر 3 وبذلك ماراح تحصل على الاثر الرجعي .
لمتابعه تسجيل الموظف او انهاء خدماته اتصل على التأمينات 114 وعطهم رقم المدني ويقولون لك شنو وضع المعامله وللعلم يتأخرون بالرد لكن بالنهايه يردون .
تاريخ التعيين الجديد يجب ان يكون بعد تاريخ انهاء الخدمه في شركه السابقه .

نصيحه من بكره بلش بالاجراءات ولما تنهي خدماته الموظف روح لدعم العماله وقول للموظفات الي مال التسجيل (مو الاستقبال) كان عندي موظف شغال عندي من اشهر وانهيت خدماته وماسجلته دعم العماله هل اقدر ايب لكم شهاده خبره تثبت ان كان يشتغل اشهر عندي وايب شهاده من التأمينات ان كان شغال عندي من تاريخ كذا الى تاريخ الفلاني .
80 % اتوقع يرضون ينزلون الاثر الرجعي
موفق خير

 

[riaan]

ابو عقيل لوسمحت
شرايك نسهل الامور شوي يعني ممكن اقدم الحين على دعم العماله
وبعد ما اقدم باسبوع انهي الخدمات بالشركه الاولى واسجله باشركه الثانيه
علشان نضمن الاثر الرجعي ممكن او فيه شىء طايفني
وآسف على الازعاج

 

[general]

ابو عقيل لوسمحت
شرايك نسهل الامور شوي يعني ممكن اقدم الحين على دعم العماله
وبعد ما اقدم باسبوع انهي الخدمات بالشركه الاولى واسجله باشركه الثانيه
علشان نضمن الاثر الرجعي ممكن او فيه شىء طايفني
وآسف على الازعاج

اذا تبي تقدم لدعم العماله الحين (قبل انتهاء خدمات الموظف) راح يطالبونك بجميع الاوراق والاجراءات لكن لو تروح لهم وانت مقدم استقالتك حزتها فقط يطلبون الي قلت لك عنه (ولاتعلمني شغلي ))) )

 

[@ عاشق الريم @]

السلام عليكم أخوي جنرال أنا زوجتي سعوديه وأنا كويتي ولدي منها ولد هل يصرفون لها دعم شي ؟ وهل يوظفونها الديوان شهادتها 3 ثانوي مع الشكر

 

[al3mlaaq]

السلام عليكم اخوي كيف حالك وجزاك الله خير علا الموضوع
اخوي انا مسجل بالباب الخامس وكان يمشيلي دعم عمالة لغاية 2008 وقفوا عني لانهم طلعو تفتيش مالقوني مع العلم انا شغال فعلا بس الحين ابي ارجع دعم العمالة اشلون يبون يدفعوني اثر رجعي مال 3 شهور مع العلم صارتلي ضروف بالفترة الي طافت امنعتني اني اسجل بدعم العمالة بس كنت ملتزم بدفع التامينات

 

[شرواك888]

السلام عليكم ورحمة الله وبركاته . .

اولا : بالبدايه أشكر جميع القائمين على هذا المنتدى الجميل بشكل عام . . . وصاحب هذا الموضوع اخي جنيرال . .

سؤالي : موظف بالقطاع الخاص سجل بالتامينات على شركه من تاريخ 18 / 1 / 2010
والى الان لم يقدم اوراقه لدعم العماله . . وهذا الموظف الان يريد ان يغيير من شركه لشركه علما بان اوراقه لم يقدمها لدعم العماله . . هل القانون يسمح له . . ام لازم يقدم اوراقه لدعم العماله عقبها يبدل شركته القديمه بشركته الجديده التي يبي يعمل بها ؟

 

[general]

السلام عليكم أخوي جنرال أنا زوجتي سعوديه وأنا كويتي ولدي منها ولد هل يصرفون لها دعم شي ؟ وهل يوظفونها الديوان شهادتها 3 ثانوي مع الشكر

لن يصرفوا لها شي لكن بخصوص توظيفها ممكن لكن لا اعلم ان كان عن طريق الديوان او التعاقد لدى الجهه المراد توظيفها

 

[general]

السلام عليكم اخوي كيف حالك وجزاك الله خير علا الموضوع
اخوي انا مسجل بالباب الخامس وكان يمشيلي دعم عمالة لغاية 2008 وقفوا عني لانهم طلعو تفتيش مالقوني مع العلم انا شغال فعلا بس الحين ابي ارجع دعم العمالة اشلون يبون يدفعوني اثر رجعي مال 3 شهور مع العلم صارتلي ضروف بالفترة الي طافت امنعتني اني اسجل بدعم العمالة بس كنت ملتزم بدفع التامينات

ماعتقد سوف يعطونك اثر رجعي لان قربنا على السنه الماليه وبالنسبه لإعاده صرف دعم العماله لك يرجى مراجعتهم واستيفاء طلب صرف العلاوه (اتوقع يطلعون عليك تفتيش)