لجميع استفساراتكم عن دعم العماله الوطنيه

[general]

السلام عليكم ورحمة الله وبركاته . .

اولا : بالبدايه أشكر جميع القائمين على هذا المنتدى الجميل بشكل عام . . . وصاحب هذا الموضوع اخي جنيرال . .

سؤالي : موظف بالقطاع الخاص سجل بالتامينات على شركه من تاريخ 18 / 1 / 2010
والى الان لم يقدم اوراقه لدعم العماله . . وهذا الموظف الان يريد ان يغيير من شركه لشركه علما بان اوراقه لم يقدمها لدعم العماله . . هل القانون يسمح له . . ام لازم يقدم اوراقه لدعم العماله عقبها يبدل شركته القديمه بشركته الجديده التي يبي يعمل بها ؟

مسموح له بإلي يحبه بالعربي لك الحريه

 

[al3mlaaq]

جزاك الله خير اخوي وبيض الله وجهك وجعلة في ميزان حسناتك علا همتك العالية في مساعدة اخوانك

 

[general]

حياكم الله وانتم ناس اعزاء على قلوبنا

 

[q8.1911]

أبو عقيل الله يسلمك

بخصوص الأثر الرجعي وإنتهاء السنة المالية

ألحين إلي له أثر رجعي لازم يكون مسجل بدعم العمالة قبل تاريخ ١ / ٣ ولا معاه لي تاريخ ٣١ / ٣ ، يعني السنة المالية تنتهي ببداية شهر ٣ ولا لي آخر شهر ٣ ، إلي سجل بأول ولا بنص ولا بآخر شهر ٣ يحوشه الأثر الرجعي ولا لا ، ومشكور وما قصرت يا أبو عقيل .

 

[general]

أبو عقيل الله يسلمك

بخصوص الأثر الرجعي وإنتهاء السنة المالية

ألحين إلي له أثر رجعي لازم يكون مسجل بدعم العمالة قبل تاريخ ١ / ٣ ولا معاه لي تاريخ ٣١ / ٣ ، يعني السنة المالية تنتهي ببداية شهر ٣ ولا لي آخر شهر ٣ ، إلي سجل بأول ولا بنص ولا بآخر شهر ٣ يحوشه الأثر الرجعي ولا لا ، ومشكور وما قصرت يا أبو عقيل .

لك لي اخر 28 - 3 عشان ينزل لك الاثر الرجعي

 

[بو عبوودي]

عندي وحده من الاهل كانت تشتغل بشركه وبشهر 6 عطوها معاش شهرين وقام يمشي لها المعاش لي شهر 12 وبشهر 1 ولا المعاش مقطوع راحت تشوف شالسالفه ولا يقولون لها انهم مقدمين استقالتها من شهر 8

يعني الحين لو بتسجل بشركه ثانيه شلون لازم ترد لفلوس كلها

اهو كان يمشيلها 360 دينار و 110 تعطيهم الشركه مالوت شنو ما ادري المهم كانت تعطيهم ..

الحين شلون اذا بتسجل بشركه ثانيه

اهي لي الحين ما خذت ورقة لستقاله من اسبوع درت انهم مسوين لها استغاله

 

[general]

نعم يجب عليها ترد المبالغ الي استلمتها بعد تاريخ استقالتها (شهر 8 ) والا يرفعون عليها قضيه (وخلي بالك فلوس دوله) على دينارين يسوون حجز والقاء قبض . مالك الا حل واحد انك تراجعهم وتسوي تسويه وتقسط المبلغ بشكل شهري , ومايمنعك حاليا اي شي اذا حبيت تتوظف بشركه ثانيه

 

[بو عبوودي]

يعني لازم ترد 1440 دينار؟؟

علشان تشتغل بركه ثانيه ؟؟

 

[general]

لازم تدفع المبلغ نعم , لكن ماله علاقه بشركه الثانيه .

 

[البولند]

اخوى فى واحد عمرة 19 يبى يتوظف بالقطاع الخاص واهو طالب الحين بالتطبيقى يصير يتوظف

 

[بو ريما الكويتي]

يعطيك العافيه ع مجهودك الرائع .. اخوي انا اهلي كانوا مسجيلن بديوان الخدمه لطلب وظيفه وكان يمشيلهم 100 دينار قبل الزواج وبعد ذلك اقطعوا عنها الميه لان ديوان الخدمه لقلها وظيفه بالقطاع الخاص بس هي رفضت .. الحين هل تستحق دعم العماله..وشكراا

 

[إستشارات]

السلام عليكم

اذا كان الشخص مسجل على الباب الثالث لكن ما يمشي له معاش بحكم انه يدير المحل مع شريكه اللي الرخصه باسمه شلوون ؟؟ لان من الطلبات كشف حساب بالبنك بس هو يشتغل بدون راتب فقط شراكه بالخبره ويتقاسمون الارباح
حتى المحل شغال برخصه باسم صاحبه لا هي مؤسسه ولا شركة


السؤال الثاني
اذا قرر يطلع له رخصه ويسجل على الباب الخامس بعد تطلبون منه شهادة راتب مع ان الرخصه باسمه والشغل شغله ؟!

ارجو الافاده

يعطيكم العافيه

 

[general]

اخوى فى واحد عمرة 19 يبى يتوظف بالقطاع الخاص واهو طالب الحين بالتطبيقى يصير يتوظف

مايصير

 

[general]

يعطيك العافيه ع مجهودك الرائع .. اخوي انا اهلي كانوا مسجيلن بديوان الخدمه لطلب وظيفه وكان يمشيلهم 100 دينار قبل الزواج وبعد ذلك اقطعوا عنها الميه لان ديوان الخدمه لقلها وظيفه بالقطاع الخاص بس هي رفضت .. الحين هل تستحق دعم العماله..وشكراا

اذا يتوظفون بقطاع الخاص نعم يستحقون بس لايكونون طالبات (دام انهم اقل من 25)

 

[general]

السلام عليكم

اذا كان الشخص مسجل على الباب الثالث لكن ما يمشي له معاش بحكم انه يدير المحل مع شريكه اللي الرخصه باسمه شلوون ؟؟ لان من الطلبات كشف حساب بالبنك بس هو يشتغل بدون راتب فقط شراكه بالخبره ويتقاسمون الارباح
حتى المحل شغال برخصه باسم صاحبه لا هي مؤسسه ولا شركة

مافي احد يطلب منه كشف حساب نهائيا
السؤال الثاني
اذا قرر يطلع له رخصه ويسجل على الباب الخامس بعد تطلبون منه شهادة راتب مع ان الرخصه باسمه والشغل شغله ؟!

باب ثالث افضل
ارجو الافاده

يعطيكم العافيه

بالتوفيق

 

[إستشارات]

نعم يجب عليها ترد المبالغ الي استلمتها بعد تاريخ استقالتها (شهر 8 ) والا يرفعون عليها قضيه (وخلي بالك فلوس دوله) على دينارين يسوون حجز والقاء قبض . مالك الا حل واحد انك تراجعهم وتسوي تسويه وتقسط المبلغ بشكل شهري , ومايمنعك حاليا اي شي اذا حبيت تتوظف بشركه ثانيه

على طاري المشكله هذي .... في مشكله شبيهه وكنا نتناقش عليها انا واللي صارت له المشكله من شهرين بس موعارف شنو يسوي

اذا الشخص استقال من الشركه شهر 1 وتم عمل اوراق الاستقاله وكل شي لكن ما خلصت اجراءات التامينات الا بعد شهرين شلون بدعم العماله اللي كان ينزل خلال الشهرين ؟!؟!؟ وهو خارج العمل ومستقيل

هو مستقيل لكن اسمه مازال مسجل بالتامينات وماشالوا الاسم الا بعد ماراجعهم لقى ان الملف كان ضايع وبلغ الشركه وقدموا الاوراق مره ثانيه وبعد اسبوع تم تفعيل الاستقاله

 

[إستشارات]

ادري زودتها حبتين بس الله يابك لان وبصراحه مافي احد يرد علي رد واضح لا التأمينات ولا الهيكله

ليش الباب الخامس افضل ؟؟

من ضمن طلبات الهيكله شهادة من يهمه الامر فيها الاسم والبيانات والراتب ؟؟ شلون وهو ما يستلم راتب ؟؟

 

[ترافيانية]

السلام عليكم
اخوي انا اشتغل بقطاع خاص صار لي سنتين
واذا بطلع من الخاص واشتغل حكومي لازم اشيل اسمي من التأمينات عشان اسجل بالديوان
يعني لازم اقعد بالبيت ليما يطلع اسمي بالديوان ؟؟ ولا عادي اشيل اسمي من التأمينات بس اظل على وظيفتي بالخاص واخذ الدعم لين ما يطلع اسمي بالديوان وبعدين اسجل بالتأمينات مرة ثانية بس على اساس وظيفتي الحكومية ....
والسؤال الثاني الحين انا بالوظيفة من سنتين اذا رحت حكومي هل تنحسب لي السنين اللي اشتغلتها وسوالف العلاوات والدرجات ولا لا ؟؟
علما بان عندي دبلوم هندسة الكترونية سنتين ونص بعد الثانوية

 

[general]

على طاري المشكله هذي .... في مشكله شبيهه وكنا نتناقش عليها انا واللي صارت له المشكله من شهرين بس موعارف شنو يسوي

اذا الشخص استقال من الشركه شهر 1 وتم عمل اوراق الاستقاله وكل شي لكن ما خلصت اجراءات التامينات الا بعد شهرين شلون بدعم العماله اللي كان ينزل خلال الشهرين ؟!؟!؟ وهو خارج العمل ومستقيل

يجب عليه اعاده المبالغ من بعد تاريخ استقالته الي مكتوبه بعقد انهاء الخدمه او الاستقاله ومالهم شغل ازالوا اسمه بعد شهر ولا سنه المهم ان يرد المبالغ وابسط شي دعم العماله راح يقول دام انك مقدم استقالتك سواء طولت شهر ولا شهرين بأي حق ماخذ الفلوس

هو مستقيل لكن اسمه مازال مسجل بالتامينات وماشالوا الاسم الا بعد ماراجعهم لقى ان الملف كان ضايع وبلغ الشركه وقدموا الاوراق مره ثانيه وبعد اسبوع تم تفعيل الاستقاله

حاول يروح شئون القانونيه ويسوي تسويه معاهم ويطلب منهم تقسيط المبلغ

 

[general]

السلام عليكم
اخوي انا اشتغل بقطاع خاص صار لي سنتين
واذا بطلع من الخاص واشتغل حكومي لازم اشيل اسمي من التأمينات عشان اسجل بالديوان
يعني لازم اقعد بالبيت ليما يطلع اسمي بالديوان ؟؟ ولا عادي اشيل اسمي من التأمينات بس اظل على وظيفتي بالخاص واخذ الدعم لين ما يطلع اسمي بالديوان وبعدين اسجل بالتأمينات مرة ثانية بس على اساس وظيفتي الحكومية ....

يجب عليج تقديم استقالتج وازاله اسمج من التأمينات عشان تقدرين تقدمين على الديوان , وسالفه تقعدين بالبيت نعم صحيحه لكن الي اعرفه الديوان ماراح يطول بترشيحج للعمل اكثر من شهر وانتي متوظفه مو نفس ايام اول
والسؤال الثاني الحين انا بالوظيفة من سنتين اذا رحت حكومي هل تنحسب لي السنين اللي اشتغلتها وسوالف العلاوات والدرجات ولا لا ؟؟

ماراح تنحسب لج لا علاوات ولادرجات لكن ينحسب لج سنوات خدمتج (تتقاعدين مبجر) لانج خدمتي سنتين
علما بان عندي دبلوم هندسة الكترونية سنتين ونص بعد الثانوية

بالتوفيق