لجميع استفساراتكم عن دعم العماله الوطنيه

[بو حسن22]

الله يعطيك العافيه بوعقيل انا عندي مؤ سسه فردية وعندي سؤال بدعم العماله انا مسوي فكرة مشروع انه تكون العماله الي عندي كويتين مابي ادش بسوالف وافدين لانه تدخلك بمشاكل مع الوافد وتقعد تحاتي ففضلة انه يكونون كويتين وبوظفهم عندي على نسبه واعتبرهم شراكه باتفاق بينا واهم ربع لي مايتعدون 5 اشخاص فيهم البطالي وفيهم الي موظف بس ماعنده مشكله انه يشتغل على نسبه بدون دعم عماله :

طولت عليك: السؤال/ كم كويتي اقدر اوظف على المؤسسه الفرديه ؟ انا سمعت انه مفتوح ومكاتب العقار على النسب الجديد اقل شي 15% عماله وطنيه فياليت تفيدني لانه والله الربع قاطين بالايجار وبمعاملة الرخصة وهي بسمي وحرام اخرر شي اقول ترى احتمال مو الكل يتوظف وشكرر

س: كم كويتي اقدر اوظف على المؤسسه الفرديه ؟

 

[general]

مليون كويتي

 

[بو حسن22]

بيض الله وجهك

يابوعقيل الربع يشكرونك ويطلبون منك تحملهم شنو الاوراق المطلوبه لدعم العماله واول ما اسويلهم عقد عمل وين يروحون ؟؟


وسؤال اخير انا المندوب طلعلي رخصه وسجل باقي شنو؟
اعتقد اللمدنيه وفتح ملف في الشؤن ودفتر دلاله وصوره من رخصه للتامينات علشان يثبتون اذن الرخصه لانه حاليا مؤقت على كلام الموظفه

 

[general]

سلم على الشباب وهذا رابط للاجراءات المطلوبه لتسجيل الشركه او المؤسسه في التأمينات ودعم العماله . http://www.indexsignal.com/vb/showthread.php?t=201804

حاليا خلص المدنيه (وطلع شهاده جهه مدني) و خلص اعتماد التوقيع من الشئون (وان تبي عمال حزتها تحتاج لتفتيش الشون)

 

[المغامر_1986]

السلام وعليكم

اول شي اشكرك اخوي على مساعدتك للاعضاء

وانا عندي استفسار

انا اشتغلت سنه ونص في 3 اماكن وما خذت نهائيا دعم عماله كل مره يقولون لي ناقص هالورقه او ناقصك هالشغله وكل مره على اخر لحظه توقف المعامله

المهم الحين اقدر اطالب بهذي المبالغ باثر رجعي؟؟

 

[المغامر_1986]

وتعرف مكان او شركه تشغلني بالصيف واخذ دعم العماله مع العلم اني حاليا مقيد بدراسه في القاهره ولكني ما اروح الا للامتحانات

 

[بو حسن22]

الله يعطيك العافيه وماقصرت يالغلا يعني باقيلي المدنيه يقولون تطول ؟اذا عندي واسطه اهي سالفة مجرد توقيع ؟

وثاني شي يطويل العمر بعد توقيع اعتماد اطلع على الشئون ومره وحده دفتر دلاله وتفتيش حق العماله شلون اسويه مع انه مومحتاج بس احتياط

 

[general]

السلام وعليكم

اول شي اشكرك اخوي على مساعدتك للاعضاء

وانا عندي استفسار

انا اشتغلت سنه ونص في 3 اماكن وما خذت نهائيا دعم عماله كل مره يقولون لي ناقص هالورقه او ناقصك هالشغله وكل مره على اخر لحظه توقف المعامله

المهم الحين اقدر اطالب بهذي المبالغ باثر رجعي؟؟

اذا كنت متسجل على الشركات الي قبل وحطين اسمك بالتأمينات روح التأمينات واطلب شهاده تبين انك توظفت بالشركات وتواريخ تعيينك وانتهاء خدماتك وتروح لكل شركه يسوون لك شهاده خبره اسمك ورقمك المدني وتاريخ تعيينك والخ,,, وقدمها لدعم العماله يصرفون لك بشرط تروح لهم قبل تاريخ 25-3

 

[general]

وتعرف مكان او شركه تشغلني بالصيف واخذ دعم العماله مع العلم اني حاليا مقيد بدراسه في القاهره ولكني ما اروح الا للامتحانات

والله ماقدر افيدك

 

[general]

الله يعطيك العافيه وماقصرت يالغلا يعني باقيلي المدنيه يقولون تطول ؟اذا عندي واسطه اهي سالفة مجرد توقيع ؟

وثاني شي يطويل العمر بعد توقيع اعتماد اطلع على الشئون ومره وحده دفتر دلاله وتفتيش حق العماله شلون اسويه مع انه مومحتاج بس احتياط

المدنيه تقريبا تطول 10 ايام (يطلعون كشف على المحل لازم تعلق صوره الرخصه على جام المحل من الداخل على على الباب) وبالنسبه لأعتماد التوقيع اهم شي ويعتبر عصب المنشأه وتفتيش الشئون تطلع عما يطلعون كشف ويسوون تقدير عماله لكن قول لهم يبا مابي تقدير احتياج بس عطوني مكان حق عامل واحد (وانت واقف يعطونك ياه)

 

[المغامر_1986]

اخوي جنرال اشكرك على سرعه استجابتك

كل الاماكن اللي اشتغلت فيها صكرت واتنتهت

اعتقد ماكو اي امل ؟؟

 

[general]

دام انها صكرت وماتقدر تاخذ تواقيع المدراء (وصوره اعتماد التوقيع) اعتقد بكل جزم ايضا ليس هناك امل

 

[منالي]

مساء الخير أخوي جنرال أهو سؤال مو سؤالين زين يبا
متي تنزل أسامي المرشحين الدفعه الجديده بالجريده ؟؟
وكل الشكر لك

 

[تأبط خيرا]

انا موظف حكومي و خدمتي فوق 15 سنة

و الحمد لله عندي محلات و شغال تمام

و فكرت في التحول الي القطاع الخاص و تكون الرخص و المحلات كلها بأسمي بدلا من ان تكون بأسم اقربائي !!

و لدي سؤال محدد ؟؟

اذا كنت انا صاحب العمل فهل سأكون تحت رحمة مفتش الشؤون ؟؟

مع العلم بأنني شغال رسمي و لدي كل مايثبت ذلك
(( مبيعات ال كي نت - كشف الحساب - عقود ))
من عشر سنوات ماضية

 

[general]

مساء الخير أخوي جنرال أهو سؤال مو سؤالين زين يبا
متي تنزل أسامي المرشحين الدفعه الجديده بالجريده ؟؟
وكل الشكر لك

ان كنتي تقصدين الديوان راح بفتح بتاريخ 5 -3-2010 ويغلق بعدها بأسبوعين وطبعا الترشيح مايطول اكثر من شهر . ملاحظه خلال الاسبوعين يسوون استدعاءات لمراجعتهم مع الاوراق اللازمه بالعربي من تاريخ 5-3-2010 لازم الواحد يقرا الجرايد كل يوم لمده 45 يوم

 

[general]

انا موظف حكومي و خدمتي فوق 15 سنة

و الحمد لله عندي محلات و شغال تمام

و فكرت في التحول الي القطاع الخاص و تكون الرخص و المحلات كلها بأسمي بدلا من ان تكون بأسم اقربائي !!

و لدي سؤال محدد ؟؟

اذا كنت انا صاحب العمل فهل سأكون تحت رحمة مفتش الشؤون ؟؟

مع العلم بأنني شغال رسمي و لدي كل مايثبت ذلك
(( مبيعات ال كي نت - كشف الحساب - عقود ))
من عشر سنوات ماضية

سيتم تفتيش الشئون عليك (ان كان شهادتك اقل من دبلوم) يعني ثانويه ومادونها , لكن على حسب كلامك انك شغال وتاجر شنو الخوف ان يطلع الشئون تفتيش على الموقع ويشوف حضورك ؟ وعقبها يعطيك اذن العمل تروح لدعم العماله مع باقي الاوراق

 

[الاماكن]

السلام عليكم اخ جنرال

لوسمحت بسالك ..انا اخذ دعم عماله وساعات يطلعون تفتيش الشؤون واكون طالعه يعنى مو ملتزمه بالدوام ......واتفاجأ انهم اقطعوا الدعم ؟؟ وارد اعابل من جديد بالاوراق والطبيات والاعذار؟؟

السؤال اخ بوعقيل هل فيه وقت معين بالسنة يكون هو وقت التفتيش ؟؟؟؟؟ عشان لا نتبهذل وياهم

 

[general]

السلام عليكم اخ جنرال

لوسمحت بسالك ..انا اخذ دعم عماله وساعات يطلعون تفتيش الشؤون واكون طالعه يعنى مو ملتزمه بالدوام ......واتفاجأ انهم اقطعوا الدعم ؟؟ وارد اعابل من جديد بالاوراق والطبيات والاعذار؟؟

السؤال اخ بوعقيل هل فيه وقت معين بالسنة يكون هو وقت التفتيش ؟؟؟؟؟ عشان لا نتبهذل وياهم

التفتيش بشكل مفاجأه وليس هناك اي اوقات محدده وان كنتي معذوره بإمكانك تقديم اعذارج بكتاب افاده يوضح ماهو سبب انقطاعج عن العمل في يوم التفتيش (طبيات مرضيات كتاب اجازه كتاب افاده امور شخصيه) والخ,,,

 

[منالي]

الله يجزيك خير

إي أقصد الديوان متي تنزل الأسامي بالجرايد لانه اسمه مرشح حق وزارة الصحه عن طريق النت علي سايت الديوان وقالوا لازم انراجع الوزاره علي طول بعد ما تنزل الاسامي في جريده الكويت اليوم

 

[منالي]

إي أقصد الديوان متي تنزل الأسامي بالجرايد لانه اسمه مرشح حق وزارة الصحه عن طريق النت علي سايت الديوان وقالوا لازم انراجع الوزاره علي طول بعد ما تنزل الاسامي في جريده الكويت اليوم

بو عقيل ما رديت علي