لجميع استفساراتكم عن دعم العماله الوطنيه

[طالب جامعي]

السلام عليكم

اخوي جنرال يقدر الواحد يتوظف على رخصة محل خياطه ويستلم دعم عماله ؟؟

 

[general]

نعم لكن يفضل شركة لها نشاط اقوى من الخياطة

 

[! سنايبر !]

السلام عليك

اخوي متوظف 1-10
حاليا نزلوله دعم عماله بس 360

مفروض ينزلوله اثر رجعي

بس مانزلوله شنو الحل

وليش

 

[general]

خل يراجع دعم العماله من الاحد ويستفسر لان المفروض ينزل له اثر رجعي

 

[! سنايبر !]

خل يراجع دعم العماله من الاحد ويستفسر لان المفروض ينزل له اثر رجعي

عادي الوالد يراجع

لانـه اخوي يمكن يسافر

 

[general]

خل يراجع الوالد مو خسران شي

 

[q8.1911]

السلام عليكم ورحمة الله

الله يعطيك العافية وبميزان حسناتك أخوي جنرال

بارك الله فيك أنا عندي مؤسستين بإسم زوجتي ومسجلها بالتأمينات راتبها 250 دينار ويخصمون علي مبلغ 22 دينار تقريبا كل شهر للتأمينات من سنة 2007 ، يعني اهي صاحبة العمل

السؤال طال عمرك على الطاعة

أقدر أسجلها بدعم العمالة وشنو يكون وضيفتها لأن اهي صاحبة العمل الرخصة بإسمها ومسجلة بالتأمينات ويخصمون عليها تأمينات

وهل يمشون لها راتب دعم العمالة من تاريخ تسجيلها بدعم العمالة ولا من تاريخ تسجيلها بالتأمينات يعني يجيها أثر رجعي من 2007 ولا لأ

شنو طلبات دعم العمالة وإذا عندي توكيل عام عنها وأنا المفوض بالتوقيع للمؤسستين أقدر أنا أمشي الأمور ولا لا زم حضورها

جزاك الله ألف خير ورحم الله والديك ​

شكرا على دعواتك لي
طال عمرك
1- دام انك مسجلها بالتأمينات تروح دعم العماله وتطلب من عندهم بالحرف الواحد ( ابي ورقه طلبات تسجيل دعم العماله وباب خامس ) لان العاده يعطونك باب ثالث لان باب خامس حق اصحاب الاعمال وباب ثالث موظفه بشركه
2- تجمع كل الاوراق المطلوبه الي مذكوره في ورقه الطلبات وعقب ما تجهز تتصل على دعم العماله هاتفيا أو تدخل الموقع مالهم وتحط رقم مدني زوجتك وتختار علاوه اجتماعيه . يقولك راجع دعم العماله بتاريخ الفلاني (موعدك) وتقدم اوراقك
3- يسجلونها جدامك ويعطونك وصل ان راتبها راح ينزل بعد شهرين أو ثلاث طبعا بأثر رجعي .
4- سؤالك بالنسبه للأثر الرجعي من 2007 الى اليوم اقولك لاء لكن راح ينزل لها ان شاء الله اثر رجعي من شهر 4 الي طاف ولاتسألني ليش فقط اكتفي بالاجابه .
5- وبالنسبه لجم معاشها انا حاط موضوع فئات رواتب دعم العماله في موضوع مثبت وراح تستفيد منها
6- التأمينات راح يقص منها بحدود 40 الى 50 دينار (لان راتبها من مؤسستها و من دعم العماله)

والحمد لله عندك وايد صلاحيات (وكاله و تفويض) مايحتاج طلعتها من البيت

السلام عليكم ورحمة الله وبركاته

الله يعطيك العافية أخوي بو عقيل

اقتبستلك مشاركتي وردك عليها وكانت بشهر 9 / 2009

أنا ألحين جهزت أوراقي ورتبت أموري وبعد بكره بإذن الله أراجع تفتيش العمالة الوطنية بالقرين وبعدها بإذن الله يعطوني إذن اللعمل وأروح مع الأهل لهيكلة القوى العاملة وأسجلها

السؤال طال عمرك على الطاعة

هل يعطونها الراتب من شهر 4 إلي طاف مثل ما تفضلت بردك علي بالمشاركة السابقة أم بما أنه دخلنا سنة جديدة 2010 تكون خلاص راحت علينا وما ينزل غير راتبها من هالشهر

منتظر جوابك أخي الفاضل

وجزاك الله خير​

 

[هدووله22]

السلااام عليكم

اخوي انا موضوعي واايد اطويل وحدي متوهقه وقاعد احاتي

ببدي من الاول انا عمري 22 سنه سجلت من سبع اشهوور ابشركه خااصه على انه بدااوم بشركه ونظام الشركه عقوود المهم انا سجلت ولا كان عندي خلفيه عن نظام التوظيف بقطاع الخاص بحكم انه انا اول شخص ابعائئلتي بيتوظف بقطااع الخاص
صاار الموضوع انه انا حصلت وظيفه اخيرا عقب قعده بلبيت 3 اسنين سويت اوراقي للشركه وسجلت بتامينات وهم سجلت بلهيكله ونزلي دعم العماله باثر رجعي خلال شهرين
طبعا بهلوقت انا ماداومت بشركه لانه صاحب الشركه قاعد ينطر العقوود اتيي من بره وجان ايقولي عطيني 60 دينار كل شهر اليمن اتوظفين طبعا كان ايقوول انه بيعطينا دورات تدريبيه ع حسااب الشركه وغيره وغيره وكان يوهمنا انه الشركه مااشيه صح انا وثقت في الحجي اللي ايقووله وصدقته ونطرت العقوود عشان اباشر العمل مرت 6 اشهوور ع هلحال
في يوم دق علي الى اتيين الحين الشركه نبيج ضروري انا رحت الى ايوقعني ع الاستقاله ليش وماليش جان ايقوول ابحولكم ع شركه ثاانيه
طلع كل الحجي جذب ابجذب حسبي اللله عليه والله لايوفقه اهوو وغيره اللي مو قد الشركات بسطه وتخب عليهم والله قاعد ادعي عليه ليل ونهاار لانه وهقني معااه وانا من البدايه قتله انا ابي شغل مابي اكل افلوس حراام
عقب رحت سجلت ابشركه احسها محترمه همن مكانها حلوو وذرب عجبني الشغل وسجلت فيها من شهر سويت اوراق التامينات وهمن خلصت من الهيكله اهنيي الموضوع اللي باخذ راايك فيه وابيك اطمني واتقولي انا شنو موقفي وشنو لاازم اسوي(لمن رحت للهيكله الموظفه شنو قالتلي قالت اختي انتي الشركه اللي قبل كنتي فيها عليها مشاكل وقضايا ومعاملتج موقفه لمن انشووف شنو ايصير بلقضيه واذا انتو كنتوا تستحقون المبالغ ولا لاء) انا من طلعت من عندها وانا افكر واحاتي لانه جد محتاجه والله قاعد اطر الدينار للبانزين نسيت السوق والمطااعم
حدي متضاقهواحاتي موضوعي ابليييز ساعدني وقولي انا شسوي بهلحاله
انزين لنفترض انا المبالغ اللي انصرفت لي ويبوون ايردونها اوكي بس موضوعي مع الشركه اليديده بيمشي ولا لاء؟؟؟
هل بترد تمشيلي دعم العماله عشركه اليديده ولا لاء
صج هم في موضوع صاحب الشركه القديمه من فتره قاام ايهددني وايقوول يبيي ورقت لمن يهمه الامر من التامينات ع الاستقااله وانا معطيته اسكب بااط جبدي فوق شينه قواات عينه
هل صج بيده ايسوي شيء علما باني مو مسجله بشركته وقتها يعني صاار الاستقاله وانشال اسمي من شركته؟؟ انا اليوم رحت للهيكله بسألهم اشصاار ع موضوعي بس انا قبس طلع السستم خربان
وااااااايد قرقت طلعت كل اللي ابجبدي

دعاء تيسير الاموور((((اللهم يامسهل الشديد وياملين الحديد ويامنجز الوعيد ويامن هو كل يوم في امر جديد اخرجني من حلق الضيق الى اوسع الطريق بك ادفع مالا اطيق ولا حول ولاقوة الا بالله العلي العظيم))))

 

[general]

السلام عليكم ورحمة الله وبركاته

الله يعطيك العافية أخوي بو عقيل

اقتبستلك مشاركتي وردك عليها وكانت بشهر 9 / 2009

أنا ألحين جهزت أوراقي ورتبت أموري وبعد بكره بإذن الله أراجع تفتيش العمالة الوطنية بالقرين وبعدها بإذن الله يعطوني إذن اللعمل وأروح مع الأهل لهيكلة القوى العاملة وأسجلها

السؤال طال عمرك على الطاعة

هل يعطونها الراتب من شهر 4 إلي طاف مثل ما تفضلت بردك علي بالمشاركة السابقة أم بما أنه دخلنا سنة جديدة 2010 تكون خلاص راحت علينا وما ينزل غير راتبها من هالشهر

منتظر جوابك أخي الفاضل

وجزاك الله خير​

اخي العزيز التفتيش الي بالقرين ماراح يعطيك اذن العمل الا اذا طلعوا تفتيش ويشوفون زوجتك بموقع العمل , وبعد ماتاخذها تروح لدعم العماله , وللعلم ان شاء الله ينزلون لك اثر رجعي لكن يجب عليك تروح قبل شهر 3 لان السنه الماليه مالتهم نهايه شهر 3 (يتم تصفير الحسابات)
موفق

 

[general]

السلااام عليكم

اخوي انا موضوعي واايد اطويل وحدي متوهقه وقاعد احاتي

ببدي من الاول انا عمري 22 سنه سجلت من سبع اشهوور ابشركه خااصه على انه بدااوم بشركه ونظام الشركه عقوود المهم انا سجلت ولا كان عندي خلفيه عن نظام التوظيف بقطاع الخاص بحكم انه انا اول شخص ابعائئلتي بيتوظف بقطااع الخاص
صاار الموضوع انه انا حصلت وظيفه اخيرا عقب قعده بلبيت 3 اسنين سويت اوراقي للشركه وسجلت بتامينات وهم سجلت بلهيكله ونزلي دعم العماله باثر رجعي خلال شهرين
طبعا بهلوقت انا ماداومت بشركه لانه صاحب الشركه قاعد ينطر العقوود اتيي من بره وجان ايقولي عطيني 60 دينار كل شهر اليمن اتوظفين طبعا كان ايقوول انه بيعطينا دورات تدريبيه ع حسااب الشركه وغيره وغيره وكان يوهمنا انه الشركه مااشيه صح انا وثقت في الحجي اللي ايقووله وصدقته ونطرت العقوود عشان اباشر العمل مرت 6 اشهوور ع هلحال
في يوم دق علي الى اتيين الحين الشركه نبيج ضروري انا رحت الى ايوقعني ع الاستقاله ليش وماليش جان ايقوول ابحولكم ع شركه ثاانيه
طلع كل الحجي جذب ابجذب حسبي اللله عليه والله لايوفقه اهوو وغيره اللي مو قد الشركات بسطه وتخب عليهم والله قاعد ادعي عليه ليل ونهاار لانه وهقني معااه وانا من البدايه قتله انا ابي شغل مابي اكل افلوس حراام
عقب رحت سجلت ابشركه احسها محترمه همن مكانها حلوو وذرب عجبني الشغل وسجلت فيها من شهر سويت اوراق التامينات وهمن خلصت من الهيكله اهنيي الموضوع اللي باخذ راايك فيه وابيك اطمني واتقولي انا شنو موقفي وشنو لاازم اسوي(لمن رحت للهيكله الموظفه شنو قالتلي قالت اختي انتي الشركه اللي قبل كنتي فيها عليها مشاكل وقضايا ومعاملتج موقفه لمن انشووف شنو ايصير بلقضيه واذا انتو كنتوا تستحقون المبالغ ولا لاء) انا من طلعت من عندها وانا افكر واحاتي لانه جد محتاجه والله قاعد اطر الدينار للبانزين نسيت السوق والمطااعم
حدي متضاقهواحاتي موضوعي ابليييز ساعدني وقولي انا شسوي بهلحاله
انزين لنفترض انا المبالغ اللي انصرفت لي ويبوون ايردونها اوكي بس موضوعي مع الشركه اليديده بيمشي ولا لاء؟؟؟
هل بترد تمشيلي دعم العماله عشركه اليديده ولا لاء
صج هم في موضوع صاحب الشركه القديمه من فتره قاام ايهددني وايقوول يبيي ورقت لمن يهمه الامر من التامينات ع الاستقااله وانا معطيته اسكب بااط جبدي فوق شينه قواات عينه
هل صج بيده ايسوي شيء علما باني مو مسجله بشركته وقتها يعني صاار الاستقاله وانشال اسمي من شركته؟؟ انا اليوم رحت للهيكله بسألهم اشصاار ع موضوعي بس انا قبس طلع السستم خربان
وااااااايد قرقت طلعت كل اللي ابجبدي

دعاء تيسير الاموور((((اللهم يامسهل الشديد وياملين الحديد ويامنجز الوعيد ويامن هو كل يوم في امر جديد اخرجني من حلق الضيق الى اوسع الطريق بك ادفع مالا اطيق ولا حول ولاقوة الا بالله العلي العظيم))))

اختي انتي اشتغلتي بشركه وهميه وماكنتي حاطه ببالج عواقب مثل هل امور (لايجوز تسجيل الوهمي في الشركات للحصول على دعم العماله) لكن دعم العماله طاح على الشركه وحولت الملف للنيابه عشان التحقيق ويجب على راعي الشركه يترافع عن شركته بالمحاكم الى ان يطلع حكم اما برفض دعوى دعم العماله او قبولها (يعني تردين كل فلس اخذتيه) , ودام وطلبي شهاده من التأمينات وخشيها عندج (اهم شي مذكور فيها انج غير موظفه) دام انج الان مو مسجله على الشركه السابقه وازالوا اسمج من التأمينات يعني راعي الشركه الي اوهمج بالوظيفه ماله اي سلطه عليج لا من قريب ولا من بعيد , وتسجيلج بالشركه الحقيقيه والقائمه بالسليم لكن السؤال يبقى هل سيقبل دعم العماله طلبج لصرف دعم العماله (لان اشتغلتي بالشركه الحقيقيه) ولالا وهل دعم العماله عمل على اسمج بلوك في دعم العماله لحين ظهور نتيجه التحقيق .
حذرنا مرارا ً وتكراراً من التوظيفات الوهميه وعواقبها لكن محد يكترث .

 

[هدووله22]

اولا مشكووور اخوي جنرال ع الرد

وحبيت اوظحلك انه انا من البداايه قلت لصاحب الشركه انا ابي شغل مابي قعده بلبيت ولا ابي اكل افلوس حراام

واهو سوا اللي اباله ووهقنا معاه الله لايوفقه

انا براجعهم هليومين وبشوف اشصاار ع موضوعي

بس اخوي جنرال انته في رد ع الاخوان قلت ماكو بلوك او بلاك ليست عند دعم العماله اذا ماني غلطانه اخوي

علعمووم مشكوور ع رد

والله ايسهل الاموور ويكتبلنا اللي فيه الخير آآمــــــــــــــــــــين ياارب

 

[general]

اولا مشكووور اخوي جنرال ع الرد

وحبيت اوظحلك انه انا من البداايه قلت لصاحب الشركه انا ابي شغل مابي قعده بلبيت ولا ابي اكل افلوس حراام

واهو سوا اللي اباله ووهقنا معاه الله لايوفقه

انا براجعهم هليومين وبشوف اشصاار ع موضوعي

بس اخوي جنرال انته في رد ع الاخوان قلت ماكو بلوك او بلاك ليست عند دعم العماله اذا ماني غلطانه اخوي

علعمووم مشكوور ع رد

والله ايسهل الاموور ويكتبلنا اللي فيه الخير آآمــــــــــــــــــــين ياارب

اختي العزيزه انا قلت ماكو بلاك ليست يعني دعم العماله مايقوم مني والطريج يسوي بلوك بالعكس اول شي يفتح تحقيق ويحول الملف للنيابه وعقبها ينتظر الحكم وبعدها يسوي بلوك
على العموم بشرينا شيصير معاج وياريت لو رحتي لدعم العماله تراجعين الشئون القانونيه الدور الاول وماتطلعين منهم الا وساأله عن وضعج القانوني بالكامل

 

[q8.1911]

اخي العزيز التفتيش الي بالقرين ماراح يعطيك اذن العمل الا اذا طلعوا تفتيش ويشوفون زوجتك بموقع العمل , وبعد ماتاخذها تروح لدعم العماله , وللعلم ان شاء الله ينزلون لك اثر رجعي لكن يجب عليك تروح قبل شهر 3 لان السنه الماليه مالتهم نهايه شهر 3 (يتم تصفير الحسابات)
موفق

الله يعطيك ألف ألف عافية وجزاك الله خير أخوي أبو عقيل

بعد ما يشيكون التفتيش على الأهل بالمكتب تعتقد يطول إذن العمل ولا بسرعة يطلعونه

بسألك أخي العزيز عن نسبة خصم التأمينات هل هي 6 أم 8 ٪

مشكور بو عقيل وإن شاء الله إني ما ثقلت عليك

 

[هدووله22]

أنشاءالله هذا اللي بيصير بدش ع الشؤن القانونيه وبسأل عن وضعي القانوني

ورااح اعطيك خبر اشصاار على موضوعي

ومشكوور اخووي ويعطييك العافيه جد مااقصرت

 

[general]

الله يعطيك ألف ألف عافية وجزاك الله خير أخوي أبو عقيل

بعد ما يشيكون التفتيش على الأهل بالمكتب تعتقد يطول إذن العمل ولا بسرعة يطلعونه

بسألك أخي العزيز عن نسبة خصم التأمينات هل هي 6 أم 8 ٪

مشكور بو عقيل وإن شاء الله إني ما ثقلت عليك

اخي العزيز بعد التفتيش اذن العمل يطلع على طول لكن السؤال يبقى متى يطلع عليك التفتيش .
بالنسبه لنسبه التأمينات هي كالاتي تحسب راتب دعم العماله و تحسب راتب الشركه وتنقص منهم 170 دينار ومن ثم تضربهم في 18 % الي هي نسبه التأمينات
مثال

راتب الدعم 400 دينار وراتب الشركه 400 دينار المجموع 800 دينار نخصم منهم 170 يصير الاجمالي 630 دينار نطلع نسبه ال 18% مالتهم يطلع الناتج 113 دينار

 

[q8.1911]

مشكور بو عقيل وجزاك الله خير ما قصرت ورايتك بيضه

 

[Dived]

الله يعطيك الصحه والعافيه اخ جنرال

جم دعم العماله للدبلوم (سنتين ونص بعد الثانويه)متزوج ؟ لان لاحظت كأن فيها تغيير عن 470 دينار
وهل الطالب فوق 25 يستحقها بدون حتى العمل في قطاع خاص او اهلي؟؟ ياريت توضيح

وعساك عالقوه

 

[general]

الله يعطيك الصحه والعافيه اخ جنرال

جم دعم العماله للدبلوم (سنتين ونص بعد الثانويه)متزوج ؟ لان لاحظت كأن فيها تغيير عن 470 دينار
وهل الطالب فوق 25 يستحقها بدون حتى العمل في قطاع خاص او اهلي؟؟ ياريت توضيح

وعساك عالقوه

الراتب 470 دينار وتستحقها ان كنت موظف في قطاع خاص غير ذلك لاتستحقها

 

[امير الظلام]

يعطيك العافيه اخوي كيف حالك

اخوي ابيك اتقولي انا سجلت بشركه خاصه يعني لازم اروح دعم العماله شنو يطلبون مني بالتفصيل الممل وفي اماكن ثانيه بعد اروح لها غير الاتامينات وشنو طلباتهم بالتفصيل الاماكن الثانيه يعني الممل لو سمجت
لو سمحت نورني الله يجزاك خير بكل الشروط بالتفصيل الله يجزاك خير

وجزاك الله خير

شكرا

 

[general]

اخوي جاوبتك على هل سؤال في موضوعك