لجميع استفساراتكم عن دعم العماله الوطنيه

[general]

هلا والله بو عقيل حبيب والله
يعني تنصحني يالغالي اسجل شؤون احسن
زين يالغالي واذا ما كنت طالب ما يصير اسجل بالشؤون ؟
لان بصراحه للحين ما سجلت منازل
ودي اسجل منازل بس خايف ما يوفرون لي دعم عماله

اهلا بمطرب المنتدى أخوي بكل الحالات انت مستحق راتب بمعنى اخر سجلت منازل تستحق راتب من شئون ماسجلت منازل تشتغل وتحصل دعم عماله فالعربي ماكو شي تحاتيه , واغلب اغلب الظن ان شرط الشئون انك تكون مستمر بالداسه لكن مثل ماقلت لك راجعهم
موفق

 

[general]

يعطيك العافيه اخوى ابو عقيل

اقدر اطلع رخصه تجاره عامه ومقاولات او اشتريها وتتحول بأسمى
وانا موظف والا مايصير

تحياتى لك

اخوي العزيز باين عليك تحب الزبده وبعطيك ياها من غير شرح
1- تأسيس شركه تجاره عامه ومقاولات يديده مافي .
2- تشتري شركة تجاره عامه ومقاولات (مستعمل) ونظيف .
3- انت تدخل شريك بنسبة 99% وشريكك او شريكتك تدخل ب 1 % .
4- اهو (شرط مايكون موظف حكومي) يصير مدير العام في عقد التأسيس .
5- انت تكون المفوض بالتوقيع في إعتماد التوقيع .

ملاحظة :
1- لو كنت موظف قطاع خاص أو قطاع أهلي تقدر تكون مدير في عقد التأسيس .
2- صلاحيتك كمفوض بالتوقيع في اعتماد التوقيع اكبر من صلاحيه مدير العام في عقد التأسيس بأضعاف مضاعفة .
3- أي شيء بتسويه امش على الخطوات الي قلتها لك او قولها للمندوب الي بيسوي لك المعامله.

موفق

 

[راشد الماجد]

حبيب يا بو عقيل والله يجزاك خير وما قصرت يا طويل العمر

 

[لوكيشن]

السلام عليكم

اخو الجميع الاخ جنرال
تحيه طيبه وبعد

عندي سوال لو تكرمت


واحد من الربع عنده شركه تجاره عامه ومقاولات من 2007

بس ما سوالها تجديد في 12 2009

وهو حاب يبيعها
شرايك اشتريها وشلون على التجديد يصير والا يقولون لازم
تحديد نشاط ؟
انا مابي احدد ابي عامه
وكم تسوى عشان ما اظلمه



ويصير اسويها موسسه بدال ما هي شركه ؟


وبس

 

[BRBAROOSH]

السلام عليكم
يعطيك العافية اخوي انا مسجل وخالص واتصلوا على يبون اوراق ورقة من التطبيقي عدم قيد وخذيتها ويبون ورقة من التربية اني ما ادرس للعلم انا درست مدرسة خاصة
ورحت المنطقة التعليمية كلمتهم قالولي انت مو مسجل عندنا نهائياً يعني ما اخذ منهم ورقة
ودعم العمالة مصيرين لازم اطلع من الحكومة في هذي الحالة شنو اسوي
وطلع ورقة اني تارك الدراسة من نفس مدرستي الخاصة لانه بصراحه تعبوني

 

[general]

السلام عليكم

اخو الجميع الاخ جنرال
تحيه طيبه وبعد

عندي سوال لو تكرمت


واحد من الربع عنده شركه تجاره عامه ومقاولات من 2007

بس ما سوالها تجديد في 12 2009

وهو حاب يبيعها
شرايك اشتريها وشلون على التجديد يصير والا يقولون لازم
تحديد نشاط ؟

مو لازم تحدد نشاط وبامكانك تاخذها كما هي تجاره عامه ومقاولات وبالنسبه للتجديد يجب عليك التجديد وهذا شغل مندوب ويكلفك ايجار مكتب بوشهر يعني بحدود 180 دك و ايضا ان كانت الشركه ذات مسئوليه محدوده تحتاج ميزانيات سنويه عن سنه 2008 و و 2009 وكل ميزانيه معتمده تكلف 140 دينار وعندك رسوم التحويل وشغل المندوب يكلف 100 دك من الاخر لازم تنق من جيبك مو اقل من 350 دك
انا مابي احدد ابي عامه
وكم تسوى عشان ما اظلمه

قوله 1000 بس بشرط الشركه نظيفه ماعليها عماله ورموز بالشئون

ويصير اسويها موسسه بدال ما هي شركه ؟

مافي عاقل يقلب كيان شركه الى مؤسسه
وبس

نصيحه اذا تبي تشتري الرخصه بس جذي ما انصحك تشتري

 

[general]

السلام عليكم
يعطيك العافية اخوي انا مسجل وخالص واتصلوا على يبون اوراق ورقة من التطبيقي عدم قيد وخذيتها ويبون ورقة من التربية اني ما ادرس للعلم انا درست مدرسة خاصة
ورحت المنطقة التعليمية كلمتهم قالولي انت مو مسجل عندنا نهائياً يعني ما اخذ منهم ورقة
ودعم العمالة مصيرين لازم اطلع من الحكومة في هذي الحالة شنو اسوي
وطلع ورقة اني تارك الدراسة من نفس مدرستي الخاصة لانه بصراحه تعبوني

اخوي كلام دعم العماله واضح وصريح
ان كانت اخر شهاده عندك ثانويه فتحتاج شهاده عدم قيد من التطبيقي والجامعة وان كانت شهادتك اقل من ثانويه لازم تروح لمنطقه التعليميه او وزاره التربيه وتيب شهاده عدم قيد .
ومافي شي اسمه مايعطونك شهاده وين قاعدين يبا قول لهم دام اني مو مسجل عندكم نهائيا خلاص عطوني شهاده اني غير مقيد عندكم (أخوي اسمح لي باين عليك شوي غشيم) تلقى موظفه ولا موظف دايخ بيصرفك الشباب هني كل يوم بمنطقه التعليميه ووزاره التربيه يطلعون مليون شهاده عدم قيد .

 

[راشد الماجد]

السلام عليكم
هلا اخوي بو عقيل
يالغالي سالت عن الشؤون قالو ما يصير نسجلك الا اذا كانت عليك قضية او كنت مسجون !!!!
انت متاكد يالغالي يصير يصرفولي من الشؤون بحالة الدراسه ؟

 

[general]

السلام عليكم
هلا اخوي بو عقيل
يالغالي سالت عن الشؤون قالو ما يصير نسجلك الا اذا كانت عليك قضية او كنت مسجون !!!!
انت متاكد يالغالي يصير يصرفولي من الشؤون بحالة الدراسه ؟

ياراشد يا ابن ماجد موتني ضحك حبيبي انا لما كنت طالب استلم من الشئون مساعده اجتماعيه وعيال اخواني الحين قاعدين يستلمونها . انا بعرف انت وين رايح ؟ قلنا لك روح القادسية وزاره الشئون الاجتماعيه (قسم الرعايه الاسرية) مبنى صغير من دورين الي خلف بنك الوطني ومقابل الخباز . قول لهم ابي مساعده اجتماعيه بأني طالب و متزوج .

 

[راشد الماجد]

هلا والله حبيبي بو عقيل
اروح بكره الخميس الصبح يالغالي وراح اسال ان شاء الله
وباذن الله بعطيك خبر

 

[مستثمر صغيرون]

حبيت اسألك اقدر اخذ قرض علي الدعم العماله ولالا ؟ وجم حدي يعطوني ؟
وشاكرلك من كل اعماق قلبي

 

[general]

حبيت اسألك اقدر اخذ قرض علي الدعم العماله ولالا ؟ وجم حدي يعطوني ؟
وشاكرلك من كل اعماق قلبي

عزيزي انا مو موظف للبنك لكن بجاوبك (قروض للعملاء الي يستلمون دعم العماله شوي صعبه لكن راجع فيها البنك واعرض عليهم كفيل وشوف شيقولون لك) بكل الحالات خلي بالك لازم تيب كشف حساب يبين ان الشركه ودعم العماله قاعدين ينزلون لك الراتب .

 

[مهندس المستقبل]

مساء الخير اخوي بوعصبل شخباؤك انشالله بخير

بو عقيل انا بسجل بدعم العمالة ومعاي ثانوية وحاليا ادرس معهد خاص دورات بو 9 شهور وعمري 20 اقدر اقدم على الدعم معا العلم ينزلني معاش من التأمينات اخاف اسجل اسمي بالتأمينات وبعدها الهيكلة ما ينزلوني الدعم واتوهق ينقطع معاش المرحوم وافلس من الحالتين هههههههههه
يا ليت اتأكد لأني راح احيب ورقة من التطبيقي ان اسمي مو مقيد عندهم يعني ما راح يدرون ؟؟ لأنها دورة تدريبية ؟؟ وانا سألت المعهد قالو عادي ما يدرون لأن اسمي ما يندز للتطبيفي بس سمعت يندز اسمي للديوان الخدمة ؟؟ شرايك بوعقيل ؟؟ لأني خايف ومشكووووووور والله يعطيك الصحة والعافية

 

[general]

لاتسجل لا بالتأمينات ولا دعم العماله لأن ان سجلت اسمك بالتأمينات راح ينقطع عنك معارش المرحوم (تنحسب انك عملت و توظفت) . خلك على ما انت لحين تتخرج بعد جم شهر و تسجل بالديوان وتتوظف .
اخذي مني الكلام من الاخر .

 

[مهندس المستقبل]

بو عقيل الله يجزاك خير بس الظروف ما تسمح لازم اسجل والمعاش ينقطع عادي بس بعرف الهيكلة راخ يعرفون اني ادرس؟ بالمعهد ..؟

 

[general]

ياباش مهندس قلت لك لاتسجل بالتأمينات ودعم العماله وخلك على راتب المرحوم وانت بعد جم شهر تبي تتوظف وماتقدر تسجل بالديوان وانت مسجل بالتأمينات (لأنك بتاخذ دعم عماله لازم تتسجل بالتأمينات) صدقني راح تواجه شكله طويله وعريضه منها تقديم استقاله وعما يشيلون اسمك من التأمينات وفتره تسجيل الديوان راح يصكر وتتأخر جم شهر . اذا سالفه توظيفك مطوله وتبي تقزرها وتتوظف بشركه وتاخذ دعم عماله فأقولك دام انك بتيب شهاده عدم قيد من التطبيقي ومذكور فيه انك مو مقيد فأنت تستلم دعم العماله عادي حتى لو دوره 9 اشهر . المهم عدم قيد مكتوب بورقه التطبيقي

 

[مهندس المستقبل]

مشكور حجي واذا عالديوان اذا تخرجت ولازم انطر اخذ موعد اختبار التطبيقي قبلها بشهر واعرف متى يفتح الديوان واقدم استقالي خلال شهر بالكثير ينزل ينشال اسمي عادي متكتكها

 

[عصام الماجد]

سؤال

السلام عليكم

اخوي جنرال الله يعطيك العافية عندي سؤال:
من هم الفئات المستفيدة من دعم العمالة؟؟

يعني هل يحق للخليجي آو اللي آمه كويتية انه ياخذ دعم العمالة


وشكرا

 

[general]

السلام عليكم

اخوي جنرال الله يعطيك العافية عندي سؤال:
من هم الفئات المستفيدة من دعم العمالة؟؟

يعني هل يحق للخليجي آو اللي آمه كويتية انه ياخذ دعم العمالة


وشكرا

كل من هو موظف كويتي في قطاع خاص

 

[ابوعامر]

هل فيه زياده راح تنزل الشهر هذا وهي 50 دينار