لجميع استفساراتكم عن دعم العماله الوطنيه

[عاشق كاكا]

السلام عليكم
مرحبا اخوي

يعطيك العافيه

بغيت استفسر على اي اساس الشخص يستحق ان يأخذ دعم العماله ؟

وماهي الاجراءات المطلوبه لكي يقومون باعطاء الشخص الدعم ؟

ياليت توضح لي اخي الكريم وتوضح وين مكانهم بالظبط وشنو طلباتهم

لان انا عندي شهادة رابعه ثانوي فقط وابي اقدم عليها وياليت تفيدني

وشاكرلك على سعة صدرك

 

[الضيء]

اخي جنرال - تحياتي لك - انا كنت موظفة بوزارة التربية مدة 8 سنوات بعدين قدمت استقالتي وقدمت علي شركة بالقطاع الخاص هذي الشركة مسجلة طبعا بالتامينات - وسيصرف لي دعم عمالة -السؤال طبيعي ان تحسب لي السنوات ال8 التي عملتها بالحكومة ام ان هنال بعض الاجراءات التي يجب ان اقوم بها ؟ مع خالص شكري

 

[general]

جنرال مشكور على مساعدتك لنا وعساها في ميزان حسناتك
انا اخوي تاريخ ميلاده 11 -1-1991 متزوج وطلع من الدراسه ودش منازل

هل يحق له دعم عماله

لايحق له ان كان مسجل اسمه في وزاره التربيه كطالب

 

[general]

السلام عليكم ،،،

حبيت اسأل عندي اختي عمرها 42 ومسجله بالتأمينات من سبع اسنين وعندهاا مؤسسه وسكرتها والحين حولت اوراقها علشان اتسوي دعم العمالة يسير يمشيلها دعم العماله بعمرها 42 ولا لها عمر معين

صحيح انها متسجله من 7 سنين لكن خدماتها بالمؤسسه ماراح يكون 7 سنوات بسبب ان الرخصه تلقاها انتهت وما تجددت وفي هل حاله التأمينات راح يحسب لها خدماته فقط من بدايه تسجيلها الى انتهاء الرخصه واي مده بعد انتهاء الرخصه ماراح تنحسب لها خدمات وان قاعدين تدفعون اشتراكات فقاعدين تدفعونها على الفاضي لان مثل ماقلت لك الان ماتعتبر مؤمن عليها بالتأمينات (مشتركه) والافضل تروح تسترد المبالغ ان كنت دافع بعد تاريخ انتهاء الرخصه وتقوم بتجديد الرخصه واعطاء التأمينات صوره منها عشان يعرفون انك جددت الترخيص وبالنسبه لدعم العماله ان كانت اختك متسجله بالتامينات على باب خامس وشهادتها اقل من دبلوم راح يطلعون عليها تفتيش وزاره الشئون بأمر من دعم العماله .
أو تقدم استقالتها من التأمينات (بشرط تكنسل الرخصه بكبرها أو تحولها لشخص اخر ) ومن ثم تتسجل على شركه سواء كانت شريكه فيه أو موظفه فيه وتتسجل باب ثالث وحزتها ماله داعي الشئون يطلع تفتيش وراح تستحق دعم عماله بكل الحالات حتى لو عمرها 80 سنه
موفق

 

[general]

اخوي بشيل اسمي من دعم العماله
شلون الطريقه ؟ وشنو الاوراق المطلوبه؟

وشكرا..

راجع الارشيف (الصفحات) وكاتبين عن الطريقه اكثر من 10 مرات

 

[general]

السلام عليكم
مرحبا اخوي

يعطيك العافيه

بغيت استفسر على اي اساس الشخص يستحق ان يأخذ دعم العماله ؟

عندما يكون موظف في قطاع خاص مثل الشركات بجميع انواعها والمؤسسات بجميع انواعها.

وماهي الاجراءات المطلوبه لكي يقومون باعطاء الشخص الدعم ؟

ان يكون مسجل في التأمينات ومن ثم الذهاب الى دعم العماله مع الاوراق المطلوبه

ياليت توضح لي اخي الكريم وتوضح وين مكانهم بالظبط وشنو طلباتهم

مكانهم بالضبط بالضجيج على سطره بنك التجاري و سوق الميره واسمها برنامج اعاده هيكله القوى العاملة والجهاز التنفيذي للدوله وبالنسبه لطلباتهم اتمنى قبل ماتسوي اي شي تروح لهم وتاخذ منهم ورقه طلبات التسجيل على باب ثالث (تتوظف في شركه)

لان انا عندي شهادة رابعه ثانوي فقط وابي اقدم عليها وياليت تفيدني

مهما كانت شهادتك تستحق دعم العماله , وللعلم مايصير تجمع بين الدراسه ودعم العماله اذا عمرك اقل من 25 سنه

وشاكرلك على سعة صدرك

حياك الله

 

[general]

اخي جنرال - تحياتي لك - انا كنت موظفة بوزارة التربية مدة 8 سنوات بعدين قدمت استقالتي وقدمت علي شركة بالقطاع الخاص هذي الشركة مسجلة طبعا بالتامينات - وسيصرف لي دعم عمالة -السؤال طبيعي ان تحسب لي السنوات ال8 التي عملتها بالحكومة ام ان هنال بعض الاجراءات التي يجب ان اقوم بها ؟ مع خالص شكري

لاتحاتين هل شي لان لو خدمتي يوم وانتي متسجله بالتأمينات راح تنحسب لج خدمات لكن في شي بسيط تسوينه بأي وقت تبين تسويه حتى لو باليوم الي تبين تتقاعدين فيه تقولين لهم بسوي ضم مده , يضمون لج خدماتج في وزاره التربيه مع خدماتج بالشركه اليديده, ومثل ماقلت لج لاتحاتين هل شي روتيني حتى لو تروحين يوم تقاعدج ماكو مشكله مافي شي يروح عليج لكن للعلم راتبج بالتأمينات الحين الي مسجلينج ياه يساوي راتبج وانتي كنتي موظفه حكوميه ؟ اذا نفسه فشغلج ممتاز وان طلع راتبج الي متسجله عليه بالشركه شوي فكوني على علم ان راتب تقاعدج راح يكون نفس راتبج الي بالشركه لذلك حاولي تشتغلين اضافي للشركه ويزيدون راتبج في التأمينات عشان وقت التقاعد راتبج يكون عالي
موفق

 

[bo-waled]

الحين انا بسأل اذا تزوجت راح تزيد دعم العماله صح

بس تنزلي الزوجيه مالت الحكومه ولا لا

وبدل ايجار ؟؟

لان انا ماعرف شي

 

[general]

الحين انا بسأل اذا تزوجت راح تزيد دعم العماله صح

بس تنزلي الزوجيه مالت الحكومه ولا لا

وبدل ايجار ؟؟

لان انا ماعرف شي

من كلامك مبين انك حاليا قاعد تستلم دعم عماله لكن تسأل ان تزوجت هل راح يزيد لك دعم العماله ولالا , الاجابه راح يزيد دعم العماله لان راح ينضاف عليها الزوجيه وتتراوح مابين 70 الى 80 دينار (علاوه زوجيه) اول ماتصدق عقد زواجك ود صوره منها لدعم العماله فورا ولا تاخذ لا دور ولا اي شي مجرد تدخل عليهم سيده . وبالنسبه لموضوع بدل الايجار ماله علاقه بدعم العماله لا من قريب ولا من بعيد لان راح تراجع اداره الرعايه السكنيه الي بجنوب السره وتسوي طلباتك هناك . وينزل لك بدل ايجار 150 دينار

 

[محب الكويت]

السلام عليكم ورحمة الله وبركاته



اتمنى مساعدتكم .. جزاكم الله خير


لقد كنت عامل باحد الشركات .. وعند تقديم الاستقاله لدى التأمينات تم تقديمها بتاريخ مغلوط

مثال

قدمت الاستقاله بشهر 1- 11 -2009 وكان مكتوب بورقة الاستقاله لتأمينات شهر 1-1 -2009

وعلى جراء ذلك اصبحت مطلوب من دعم العماله مبالغ الـ11 شهر الفائته

وايضا لم تحتسب خدمتي 11 شهر لديهم


مع العلم اني كنت على رأس العمل طوال تلك الفتره ولي مايثبت ذلك ويشهد على ذلك من بينهم صاحب العمل

ولدي وصولات من صاحب العمل براتب اتقاضاه

ولدي مراجعات مع بنوك لقروض شخصيه وشهادة تثبت اني على راس العمل قبل شهر من تقديم الاستقاله للتأمينات الاجتماعيه

وكذلك قدم صاحب العمل لتأمينات الاجتماعيه طلب تعديل نهاية الخدمه وتصحيح الخطئ الذي تم الاعتراض عليه مباشرا بعد وقوع الخطئ باسبوعين بعد مراجعتنا لورقة انهاء الخدمه ..



ومع كل هذا رفضوا التأمينات الاجتماعيه طلب تعديل الخدمه وطالبوا ان يكون لي صرف رواتب من خلال البنك !! حتى يتم تعديل الخطئ ..


يعني مع احترامي لهم ولذكائهم الشديد لو كاتبلهم اني استقلت بتاريخ 41 -17-2060 اتوقع راح يدونون التاريخ !!


مالحل .. شتنصحوني فيه

هل الجئ لرفع دعوى ..وماهي فرصنا لكسبها

وهل يترتب علي باني اخذت اموال بدون وجه حق حسب ماحصل حاليا مسائلة قانونيه تأثر علي مستقبل بالاتجاه لأي عمل


وجزاكم الله خير

 

[general]

السلام عليكم ورحمة الله وبركاته



اتمنى مساعدتكم .. جزاكم الله خير


لقد كنت عامل باحد الشركات .. وعند تقديم الاستقاله لدى التأمينات تم تقديمها بتاريخ مغلوط

مثال

قدمت الاستقاله بشهر 1- 11 -2009 وكان مكتوب بورقة الاستقاله لتأمينات شهر 1-1 -2009

وعلى جراء ذلك اصبحت مطلوب من دعم العماله مبالغ الـ11 شهر الفائته

وايضا لم تحتسب خدمتي 11 شهر لديهم


مع العلم اني كنت على رأس العمل طوال تلك الفتره ولي مايثبت ذلك ويشهد على ذلك من بينهم صاحب العمل

ولدي وصولات من صاحب العمل براتب اتقاضاه

ولدي مراجعات مع بنوك لقروض شخصيه وشهادة تثبت اني على راس العمل قبل شهر من تقديم الاستقاله للتأمينات الاجتماعيه

وكذلك قدم صاحب العمل لتأمينات الاجتماعيه طلب تعديل نهاية الخدمه وتصحيح الخطئ الذي تم الاعتراض عليه مباشرا بعد وقوع الخطئ باسبوعين بعد مراجعتنا لورقة انهاء الخدمه ..



ومع كل هذا رفضوا التأمينات الاجتماعيه طلب تعديل الخدمه وطالبوا ان يكون لي صرف رواتب من خلال البنك !! حتى يتم تعديل الخطئ ..


يعني مع احترامي لهم ولذكائهم الشديد لو كاتبلهم اني استقلت بتاريخ 41 -17-2060 اتوقع راح يدونون التاريخ !!


مالحل .. شتنصحوني فيه

هل الجئ لرفع دعوى ..وماهي فرصنا لكسبها

وهل يترتب علي باني اخذت اموال بدون وجه حق حسب ماحصل حاليا مسائلة قانونيه تأثر علي مستقبل بالاتجاه لأي عمل


وجزاكم الله خير

هذا الموضوع وضعته انت في قسم الاستشارات القانونيه لذلك اكتفي بردهم القانوني

 

[riaan]

كيف الحال بو عقيل
طيب ان شاء الله
استفسار بعد اذنك
زوجتي مسجله بالتامينات من شهر 4 والحين ابي اقدم على دعم العماله
كل ما اسجل موعد عن طريق الموقع الاكتروني يقول انت لا تستحق علاوه اجتماعيه
وعن طريق الرقم 103 ما فيه احد يرد
اذا الله سهل وعطوني موعد راح يصرفون الدعم بأثر رجعي
شاكر لك خدمتك للاعضاء

 

[general]

أخوي العزيز ريان , مرات الموقع الالكتروني يخورها ويجب عليك اما الاتصال بهم (يطولون بالرد لكنهم يردون أو انك تراجعهم بالضجيج ) ومن رايي تراجعهم واهم يعطونك موعد وقول لهم انك قاعد تحاول تاخذ موعد عن طريق الموقع و الاتصال لكن قاعد يقولك النظام لاتستحق علاوه اجتماعيه , وخلي بالك تروح لهم بأسرع وقت لان ان دخلنا في شهر 3 (نهايته) راح تكون السنه الماليه ويروح عليك الاثر الرجعي . بمعنى اخر الدخول في شهر 4 أو نهايه شهر 3 يتم تصفير أي حقوق لك عليهم

 

[riaan]

مشكور ابو عقيل ماقصرت
استفسار ثاني ادري دوخناك زوجتي عمره 22 سنه لازم ترك دراسه ولا عقد الزواج يكفي
وعندي الواده مسجله على الباب الخامس بعد يومين اطلعه اذن عمل يعطونه الدعم بأثر رجعي
ولا من تاريخ التسجيل والتامينات ياخذون 16 دينار شهريا الشركه عليه تامين ولا بس الوالده لانه
مديره اسف على الازعاج

 

[general]

مشكور ابو عقيل ماقصرت
استفسار ثاني ادري دوخناك زوجتي عمره 22 سنه لازم ترك دراسه ولا عقد الزواج يكفي
وعندي الواده مسجله على الباب الخامس بعد يومين اطلعه اذن عمل يعطونه الدعم بأثر رجعي
ولا من تاريخ التسجيل والتامينات ياخذون 16 دينار شهريا الشركه عليه تامين ولا بس الوالده لانه
مديره اسف على الازعاج

اهلا بعزيزي
طال عمرك دام ان زوجتك عمرها 22 ومسجله في وزاره التربيه او التطبيقي او الجامعه فلا تستحق دعم العماله نهائيا الا بترك الدراسه و خل ببالك قاعده ان زواج المرأه من عدم زواجها نفسه لا اختلاف فيه انما القوانين كلها سواء دعم العماله او غير دعم العماله تختلف بالنسبه للاعزب والمتزوج (الرجل) .
ثانيا بخصوص الوالده انك مسجلها باب خامس وبعد يومين بتطلع لها اذن عمل يكون بعلمك اذن العمل مايطلع الا بعد تفتيش (وزاره الشئون) على موقع العمل وتكون الوالده متواجده فيه .
وبالنسبه للاشتراك تستحق الدفع من تاريخ تسجيلها بالتأمينات (عقد العمل أو اول يوم عمل لها) وكذلك دعم العماله يتم اعطاءها الراتب بأثر رجعي من تاريخ تسجيلها أو اول يوم عمل لها واعيد واكرر عندك لي نهايه شهر 3 اذا حل نهايه شهر 3 يروح على الوالده الاثر الرجعي بسبب ذكرتها لك بالسابق .

مثال موظف خذا اوراق تعيينه في الشركه ومكتوب بعقد العمل او شهاده الشركه ان الموظف تم تعيينه بتاريخ 2-7-2010 واخذ الاوراق ووداها للتأمينات شهر 9 (بعد شهرين يعني) سوف يتم تسجيل على اجهزه التأمينات من شهر 7 (يعني مالهم شغل بالتاريخ الي انت مودي الاوراق لهم) ونفس الشي دعم العماله لو تودي لهم الاوراق شهر 12 راح ينزلون لها ويحسبون لها ان الموظف تم تعيينه بشهر 7 .
موفق خير

 

[riaan]

مشكور ابو عقيل ما قصرت
الشؤون طلعوا وفتشوا والوالده كانت موجوده
الله يجزاك خير

 

[راشد الماجد]

السلام عليكم
شخبارك اخوي بو عقيل ان شاء الله بخير
يالغالي بسالك انا عمري 21 ومتزوج
يصير اقدم على دعم العماله ويصير بنفس الوقت اسحل دراسه منازل
والا ممنوع الجمع بين الاثنين لان عمري اقل من 25
بانتظارك اخوي
ومشكوور

 

[general]

راشد الماجد وتبي دعم العماله ؟ كافي تنزل ألبوم غنائي واحد ماتقدر تسجل دعم العماله وانت قاعد تدرس حتى لو كنت متزوج دام عمرك اقل من 25 سنه لكن تقدر تاخذ مساعده اجتماعيه من الشئون كونك طالب دراسه ومتزوج راح يصرفون لك راتب اكثر من دعم العماله بوايد باضافه بدل الايجار الي من الاسكان 150 دك . حتى لو يصير تسجل دعم العماله انصحك التوجه نحو مساعده الشئون . لكن شرط الشئون انك تكون طالب عشان يصرفون لك , وياريتك تزورهم بالقادسيه خلف بنك الوطني قاعدين لي 12 الظهر زورهم واستفسر منهم واخذ ورقه الطلبات منهم وايضا قول لهم عن وضعك هل تستحق ولالا واذكر لهم انك تعليم منازل .
موفق

 

[راشد الماجد]

هلا والله بو عقيل حبيب والله
يعني تنصحني يالغالي اسجل شؤون احسن
زين يالغالي واذا ما كنت طالب ما يصير اسجل بالشؤون ؟
لان بصراحه للحين ما سجلت منازل
ودي اسجل منازل بس خايف ما يوفرون لي دعم عماله

 

[خفاق]

يعطيك العافيه اخوى ابو عقيل

اقدر اطلع رخصه تجاره عامه ومقاولات او اشتريها وتتحول بأسمى
وانا موظف والا مايصير

تحياتى لك