لجميع استفساراتكم عن دعم العماله الوطنيه

[general]

االسلام عليكم

انا اسف على الازعاج بس حبيت استفسر منك بشغلتين ..

ومشكور سلفا

خوي انا عمري 21 حلوو وبشتغل مع خالي بشركته

اقدر اسجل بدعم العماله

لانه سمعت ان بعد القانون اليديد الي نزل لابد من ان يكون العمر 25 سنه

و انا ادرس بكليه التجاري

ياليت توضحلي واذا اقدر اسجل ولالا

واذا اقدر اسجل شنو الاوراق المطلوبه واذا تقدر تسويلي اياها بجم تكلفني

وياليت توضحلي كل شي بخصوص دعم العماله

___

واسفسار اخر

عندي ولد خالي هم يشتغل مع ابوه بما يقارب السنه ولكن كان عمره تحت ال 21 وكان يطر انه يدفع لتأمينات 40 دينار
والحين كمل ال 21 سنه فهل تنزله دعم العماله وهو يدرس بجامعه الكويت

__

ويعطيك الف عافيه وماقصرت

سلام

وعليكم السلام
بالنسبه للسؤال الاول بعد ماقريته عدل اجاوبك ماتقدر تسجل بدعم العماله نهائيا الا بعد يوصل عمرك اكثر من 25 سنه أو انك تتزوج (يتم رفع الشروط وكسرها)
وبالنسبه للسؤال الثاني هم مايقدر يسجل بدعم العماله لكن في شي واحد يساند موقفه ان كان يشتغل من قبل القرار (الي قبل شهرين) ويحكم عليه بأن وضعه وحالته كان قبل القرار بحكم ان يشتغل من قبل سنه ومسجل بالتأمينات لكن يجب عليه يراجع دعم العماله ويروح لقسم الشئون القانونيه أو القسم المختص (لايروح عند الموظفين العاديين) ويشرح حالته واما بيوافقون على تسجيله أو يرفضون تسجيله والعمليه يحكها مسؤولين دعم العماله .
وحياك الله

 

[general]

هلا جينرال الله يعطيك العافيه على طولت البال ... بس عندى سؤالين ... انا سمعت ان فيه زياده من شهر 10 او 3 مدرى اى شهر .. المهم هل الكلام هذا صحيح ...السؤال الثانى متى تنزل المعاشات

اخوي العزيز ابو رتاج الرواتب ان شاء الله تكون قبل المعتاد (عشان العيد) وماقدر افيدك لكن يقولون 19 الشهر بس ارجو محد يتأمل على كلامي , عطوني جم يوم ونفتح هل موضوع ان متى ينزل
اما بالنسبه للزياده انا ماسمعت من ولا احد الا من المنتدى مادري يمكن البعض بيسوي جو , انا مشترك ب 3 جرايد يوميه ماقريت هل خبر نهائيا فأرجو ذكر مصدرك

 

[general]

للرفع

 

[ابو ريتاج]

مصدرى طال عمرك ان الاهل يمشى لهم دعم عماله - ويوم طلعت تقرير راتب لقت فيه الزياده ال 50 وقالت لهم هذى شنو قالو لها هذى زياده 50 من شهر 3 طبعا مع اثر رجعى فاماادرى عنهم .اخاف يكونون غالطانين وياخذونها بعدين علما بأننا فسفسناها حتى اخر قرش .مع انى ماجانى اى زياده قالو لأن راتبك فوق الا لف. وشكرا

 

[general]

مصدرى طال عمرك ان الاهل يمشى لهم دعم عماله - ويوم طلعت تقرير راتب لقت فيه الزياده ال 50 وقالت لهم هذى شنو قالو لها هذى زياده 50 من شهر 3 طبعا مع اثر رجعى فاماادرى عنهم .اخاف يكونون غالطانين وياخذونها بعدين علما بأننا فسفسناها حتى اخر قرش .مع انى ماجانى اى زياده قالو لأن راتبك فوق الا لف. وشكرا

مالك شغل بالتقرير الراتب فقط إسأل الاهم نزل لك راتب زياده عن قائمه الرواتب الي انا حاطه بهل قسم و مثبت . ولالا لعله تكون ال 50 مالت الزياده الاخيره الي صارت من زمان

 

[BRBAROOSH]

بغيت اعرف معاشات القطاع الخاص متي تنزل هالشهر قبل العيد ولا بعد العيد

 

[general]

بغيت اعرف معاشات القطاع الخاص متي تنزل هالشهر قبل العيد ولا بعد العيد

قبل

 

[blackhat]

السلام عليكم

عزيزي عندي سؤالين عالسريع

حاب افتح رخصه وودي اسجلها باسم قريب يدرس بالجامعه عمره فوق 21

هل يمشيله دعم عماله ؟ وكم تقريبا وكيف الطريقه؟

مع العلم ان التأمينات طلبوا منه تسديد رسوم التأميانات قبل اصدار شهاده التجاره.

السؤال الثاني، هل يمكن تسجيل متقاعد بنضام دعم العماله؟ سؤاء تقاعد طبي او تقاعد عادي

شكرا

 

[general]

السلام عليكم

عزيزي عندي سؤالين عالسريع

حاب افتح رخصه وودي اسجلها باسم قريب يدرس بالجامعه عمره فوق 21

هل يمشيله دعم عماله ؟ وكم تقريبا وكيف الطريقه؟

مع العلم ان التأمينات طلبوا منه تسديد رسوم التأميانات قبل اصدار شهاده التجاره.

السؤال الثاني، هل يمكن تسجيل متقاعد بنضام دعم العماله؟ سؤاء تقاعد طبي او تقاعد عادي

شكرا

لايستطيع الفرد الحصول على دعم العماله وهو مسجل بالجامعه أو التطبيقي مادام عمره اقل من 25 سنه (الا المتزوج يقدر)
ولا يستطيع المتقاعد الحصول على دعم العماله لأنه مسجل بالتأمينات ويستلم راتب.
وحياك الله

 

[الاشعث2]

يجماعه الي يعرف شركه زينه من الي يوضفون دعم العماله يعلمنا
جزاكم الله خير

 

[general]

يجماعه الي يعرف شركه زينه من الي يوضفون دعم العماله يعلمنا
جزاكم الله خير

اخوي هذه الصفحه للرد على الاستفسارات عن دعم العماله الوطنيه وليس للسمسره على شركات توظيفات وهميه
وشكرا

 

[ShosH]

السلام عليكم .. وقواكم الله عالردود الوافيه


انا عندي استفسار ..

الحين انا مقيده بالتعليم العالي ادرس بمصر .. ومقدمه على الوظيفه بالقطاع الخاص والحمدلله قبلوني ..

الي بعرفه القانون الي صدر ان الطالب الموظف مايستلم دعم العماله .. هل راح يمشي على الي برا الكويت بعد ولا مايأثر ؟

لاني محتاره هل اتوظف .. واكمل .. او اني اتم على الدراسه وأأجل الوظيفه .. !

 

[الاشعث2]

اخوي هذه الصفحه للرد على الاستفسارات عن دعم العماله الوطنيه وليس للسمسره على شركات توظيفات وهميه
وشكرا

الله يهديك بس علامك شبيت علينا ياخوي وتركت الي دمرو البلد وكلو البلد بقشورها هذا وانت من ربعنا وبغيت تاكلني مالوم الحميضي وباقر فينا
وسع صدرك يخوك وطوف لخوانك عسى ربي يبارك فيك

 

[general]

الله يهديك بس علامك شبيت علينا ياخوي وتركت الي دمرو البلد وكلو البلد بقشورها هذا وانت من ربعنا وبغيت تاكلني مالوم الحميضي وباقر فينا
وسع صدرك يخوك وطوف لخوانك عسى ربي يبارك فيك

 

[general]

السلام عليكم .. وقواكم الله عالردود الوافيه


انا عندي استفسار ..

الحين انا مقيده بالتعليم العالي ادرس بمصر .. ومقدمه على الوظيفه بالقطاع الخاص والحمدلله قبلوني ..

الي بعرفه القانون الي صدر ان الطالب الموظف مايستلم دعم العماله .. هل راح يمشي على الي برا الكويت بعد ولا مايأثر ؟

لاني محتاره هل اتوظف .. واكمل .. او اني اتم على الدراسه وأأجل الوظيفه .. !

اختي العزيزه
قانون دعم العماله واضح وصريح لايجوز الجمع بين الدراسه (جامعه الكويت والهيئه العامه للتطبيقي) اما بخصوص تعليم العالي وغيره ماراح يؤثر لكن الموضوع يكمن كيف ستدرسين بالخارج وانتي المفروض موظفه في قطاع الخاص بالكويت .
هذا الموضوع شوي معقد ونتيجته على الله ياتصيب ياتخيب لكن عن نفسي ما انصح تسوينها اذا كنتي منتظمه بالدراسه خارج الكويت بالعربي يعني كل ويك اند نقول ميخالف غيره انسي
موفقه

 

[ShosH]

تسلم اخووي عالتوضيح ..

وانا روحتي بس عالامتحانات يعني مرتين بالسنه بس .. وناس تقول اذا توظفتي مراح تستلمين دعم العماله وناس تقول مايأثر .. فـ بس كنت ابي الخبر الاكيد ..

والله يعطيك العافيه

 

[general]

تسلم اخووي عالتوضيح ..

وانا روحتي بس عالامتحانات يعني مرتين بالسنه بس .. وناس تقول اذا توظفتي مراح تستلمين دعم العماله وناس تقول مايأثر .. فـ بس كنت ابي الخبر الاكيد ..

والله يعطيك العافيه

دام بالسنه تروحين مرتين ماكو مشكله نهائيا بس الا انتي وضعج كالاتي
عمرج اقل من 25 سنه وقاعده تدرسين بالخارج ومتسجله بالتعليم العالي , ماراح تواجهين مشكله اذا بتدرسين على قولتج حتى لو بالسنه شهر مو بس يومين و تتوظفين بقطاع خاص وتستحقين دعم العماله لكن عشان تطمنين اكثر
اتصلي على دعم العماله رقمهم 103 (يتأخرون بالرد لكنهم بيردون) وتسألين هل سؤال بالضبط

(انا عمري اقل من 25 سنه وقاعده ادرس برا الكويت على حسابي واروح بالسنه اسبوعين أو ثلاث فقط فهل يشملني قرار الاخير الي يقول مادام الطالب لايستطيع الجمع بين العمل و الدراسه (جامعه والتطبيقي) ؟؟
مع العلم اني لا بجامعه الكويت ولا التطبيقي انا ادرس برا , لكن متسجله بالتعليم العالي )

اغلب الظن راح تكون الاجابه مرضيه لج ان شاء الله لكن كوني على ثقه لو كنتي قاعده تستلمين اعانه دراسيه بالشهر 100 من تعليم العالي يجب عليج تقطعينها

وشكرا
وياريتج بعد ماتكلمين دعم العماله تبلغينه بالاجابه لعله غيرج يستفيد

 

[ShosH]

وضعي مثل ماانت ذكرته ..

عمري اقل من 25 وادرس على حسابي ..

واليوم رحت لدعم العماله وشرحت حق موظفه الاستقبال الوضع .. وردت علي بأن :

مايصير اجمع بين الاثنين حتى لو برا الكويت بحكم ان راح يبين بالسستم !! ..

واذا وقفت قيدي بمصر .. راح استلم دعم العماله .. واقدر ارد قيدي بعد مرور 3 سنين علي بالوظيفه ..

..

يعني القرار يشمل الكل .. وقالت اذا وقفت قيدي واستلمت دعم العماله .. ورديت قيدي مره ثانيه قبل لا يصير عمري 25 سنه .. او ماطاف علي 3 سنين بالوظيفه .. راح يقطعون عني دعم العماله ..

..

ضاق خلقي من هالقرار .. يعني كنت حيل حابه اني اجمع بين الاثنين .. بس الله يسهل

وشي اكيد اذا توظفت وانا مقيده او لا راح اوقف الاعانه .. لانها ماتشملي كون عندي معاش .. غيري اهم


..

وسوري عالطـواله ..

 

[ShosH]

اي وحبيت اضيف شغله توه خالي قالي عنها ..

واحد من الاهل موظف بالقطاع الخاص .. وسجل بجامعه بـ لبنان .. وقفوا عنه دعم العماله ..

يعني بالاخير القرار يشمل كل الطلبه الموظفين بالكويت وخارجها ..


واتمنى انهم يعدلون على هالقـرار !!

 

[general]

شكرا جزيلا لج وعلى تزويدنا بالمعلومات القيمه