لجميع استفساراتكم عن دعم العماله الوطنيه

[general]

بو عقيل في واحد عندي يسأل

يقول هل يحق له طلب دعم العماله هو موظف بالقطاع الخاص وعمره 19 سنه

شرط مايكون مسجل بالتطبيقي والجامعه الا اذا كان متزوج او عمره 25 سنه وصاعد

 

[q8 box]

اذا كان عمري 19 ادرس بجامعه خاصه اقدر اطلب دعم العماله اذا اشتغلت؟

 

[general]

اذا كان عمري 19 ادرس بجامعه خاصه اقدر اطلب دعم العماله اذا اشتغلت؟

اغلب الظن اي لان انت بجامعه خاصه واهم شرطهم كان لايكون اسمه بالهيئه العامه للتعليم التطبيقي وجامعه الكويت

 

[$بوحسون$]

السلام عليكم

اخووي ما عندك فكره شلون اقدر اخذ قرض شخصي صغير؟ ومن اي شركة؟

علما ان انا بس ينزل لي دعم عمالة عالبنك الوطني والراتب استلمه كاش

 

[general]

البنوك لاتعترف برواتب دعم العماله والشركه (ما لم تكن معتمده على انظمه البنك) بالعربي انسى تقرب صوب البنوك , اما شركات التمويل والاستشمار راح تطلب منك كشف حساب 3 اشهر يبين فيه راتبك من دعم العماله وراتبك من الشركه وماكو شي اسمه استلم راتب الشركه بإيدي
اما ان قدرت ماتستلم راتبك بإيدك ويكون عن طريق البنك مع دعم العماله ممكن 85% شركه التنسهيلات مايقصرون ب 6 7 8 الاف
وشكرا

 

[تاجر ولكن]

بو عقيل اشلونك ان شاء الله تمام .. اخوي عندي واحد بالدوام يسأل لو خذى دعم العمالة و مسجل بشركة بس مايداوم تمام ,, يقدر يدرس بالخارج ولا الدعم ينقطع منه ؟

 

[general]

بو عقيل اشلونك ان شاء الله تمام .. اخوي عندي واحد بالدوام يسأل لو خذى دعم العمالة و مسجل بشركة بس مايداوم تمام ,, يقدر يدرس بالخارج ولا الدعم ينقطع منه ؟

مايصير , وان صرف له دعم عماله ممكن بعدين يصيدونه ويدفعونه المبالغ . اما لو يروح بالاسبوع مرتين ممكن يقول لهم رايح بالاجازه الاسبوعيه أو مثلا بالكورس يروح مده شهر يمتحن ويرجع (ويسوي كتاب لدعم العماله ان اخذ اجازه بدون راتب شهر كامل) , اما طول السنه برا الكويت لا مايصير

 

[aljaidy]

السلام عليكم
أخوي جنرال انا موظف في شركة خاصة وعندي دعم عمالة ولا أحمل أي مؤهل والشركة أصحابها بيقفلونها بعد كم شهر وانا ابي افتح محل هدفي منه ان دعم العمالة ماينقطع وانا ادري في ناس يوظفون وادفع لهم بس مابي الشغلات هذي يعني ابي شي حلال 100% وانا ما اقول غيري حرام لكن مابي الشبهات
سؤالي

ماهي افضل طريقة واوفر طريقة ومابي شغله اقابلها يعني لو احط عامل في المحل ويكفيني وجع الراس وفي نفس الوقت نظامية

والله يرفع قدرك كما تواضعت ووسعت صدرك لأسئلة الأخوة

 

[general]

السلام عليكم
أخوي جنرال انا موظف في شركة خاصة وعندي دعم عمالة ولا أحمل أي مؤهل والشركة أصحابها بيقفلونها بعد كم شهر وانا ابي افتح محل هدفي منه ان دعم العمالة ماينقطع وانا ادري في ناس يوظفون وادفع لهم بس مابي الشغلات هذي يعني ابي شي حلال 100% وانا ما اقول غيري حرام لكن مابي الشبهات
سؤالي

ماهي افضل طريقة واوفر طريقة ومابي شغله اقابلها يعني لو احط عامل في المحل ويكفيني وجع الراس وفي نفس الوقت نظامية

والله يرفع قدرك كما تواضعت ووسعت صدرك لأسئلة الأخوة

اخي العزيز هناك نوعين من الرخص
رخصه فرديه رخصه شركه

انت على حسب كلامك تبي تفتح رخصه فرديه وبما ان ماعندك شهاده (مؤهل) راح تواجه مشكل في استيفاء شروط دعم العماله (في الرخصه الفرديه) انصحك تفتح شركه (اي نشاط) حتى تتسجل بدعم العماله

وباقي ماذكرته بامكانك القيام به
وتقبل تحياتي

 

[فهد الرشيدي_28]

يعطيك العافية اخوووي
انا عندي استفسار ؟؟؟؟؟؟؟
انا عندي محل بأسمي واشتغل فية اقدر اخذ علية دعم العمالة
واذا اقدر شنو يبون مني من اوراق ومستندات
وشاكرلك

 

[general]

فتحت موضوع خاص لهل اسأله ؟

 

[العسكري]

مرحبا
اخوي انا سجلت بشركه
اول ماسجلت الظاهر اني عميت على الشركه توقفت عليها قضيه
ولحد الحين اسمي موجود بالتأمينات وشركه واقفه عن العمل
صارلي فوق السنه تقريبا
والحين توهقت
اقدر انقل لشركه ثانيه
ولا لازم راعي الشركه ينهي خدمتي
وبعدين مارحت لدعم العماله
اول ماسجلت بالتأمينات توقفت الشركه
وشكرا

 

[general]

مرحبا
اخوي انا سجلت بشركه
اول ماسجلت الظاهر اني عميت على الشركه توقفت عليها قضيه
ولحد الحين اسمي موجود بالتأمينات وشركه واقفه عن العمل
صارلي فوق السنه تقريبا
والحين توهقت
اقدر انقل لشركه ثانيه
ولا لازم راعي الشركه ينهي خدمتي
وبعدين مارحت لدعم العماله
اول ماسجلت بالتأمينات توقفت الشركه
وشكرا

اخوي سواء وقفوا الشركه او لاء لازم يوقع على انهاء خدماتك راعي الشركه وتقدمها للتأمينات مع اشعار 103 الخاص بالتأمينات والا طول عمرك راح تظل معلق بالتأمينات وبكره بتتوظف عن طريق الديوان هم ماراح يسجلونك لانك مسجل بالتأمينات
وياريتك تقرا التعليقات الفوق في شرح وافي وكافي عن كيفيه ازاله اسمك من التأمينات
وشكرا

 

[تاجر ولكن]

انزين اخوي اشلون ممكن يعرفون ؟؟؟؟ ووين المشكلة اذا الواحد رايح اجازة دراسية ؟؟
طيب ممكن يقول لهم انه رايح اهناك كمندوب للشركة ؟؟ في الخارج ؟ او ممكن يقول لهم رايح دراسة ؟؟ دبر لنا حل يابو الحلول

 

[general]

انزين اخوي اشلون ممكن يعرفون ؟؟؟؟ ووين المشكلة اذا الواحد رايح اجازة دراسية ؟؟
طيب ممكن يقول لهم انه رايح اهناك كمندوب للشركة ؟؟ في الخارج ؟ او ممكن يقول لهم رايح دراسة ؟؟ دبر لنا حل يابو الحلول

يروح اجازه اوكي بس مو طول السنه مسافر ويقول اجازه وبالنسبه ان يحطونه مدير في فرع بالخارج (برا الكويت) اعتقد لهم طلبات خاصه مثل اوراق الشركه بالدوله الي اهو مندوب فيها وشويه اوراق اخرى ياريتك تزور مبنى دعم العماله او تتصل 103 وتكلم الموظفه وان شاء الله المجال مو مغلق 100%

 

[bri39ey]

السلام عليكم أخوي كيف حالك أنا أشتغل بشركة من 3 أشهر وكنت بسجل بدعم العمالة بس أخروني شوي عموما ل ينزل أثر رجعي ؟
وأنا خريج كلية التكنولوجيا جم ينزل لي دعم عمالة ؟
وجزاك الله خير

 

[general]

وعليكم السلام
راح ينزل لك راتب 389 دينار وبالنسبه للأثر الرجعي نعم ينزلونها لك كاملا ً

 

[KuWaiT DriFT]

االسلام عليكم

انا اسف على الازعاج بس حبيت استفسر منك بشغلتين ..

ومشكور سلفا

خوي انا عمري 21 حلوو وبشتغل مع خالي بشركته

اقدر اسجل بدعم العماله

لانه سمعت ان بعد القانون اليديد الي نزل لابد من ان يكون العمر 25 سنه

و انا ادرس بكليه التجاري

ياليت توضحلي واذا اقدر اسجل ولالا

واذا اقدر اسجل شنو الاوراق المطلوبه واذا تقدر تسويلي اياها بجم تكلفني

وياليت توضحلي كل شي بخصوص دعم العماله

___

واسفسار اخر

عندي ولد خالي هم يشتغل مع ابوه بما يقارب السنه ولكن كان عمره تحت ال 21 وكان يطر انه يدفع لتأمينات 40 دينار
والحين كمل ال 21 سنه فهل تنزله دعم العماله وهو يدرس بجامعه الكويت

__

ويعطيك الف عافيه وماقصرت

سلام

 

[ابو ريتاج]

هلا جينرال الله يعطيك العافيه على طولت البال ... بس عندى سؤالين ... انا سمعت ان فيه زياده من شهر 10 او 3 مدرى اى شهر .. المهم هل الكلام هذا صحيح ...السؤال الثانى متى تنزل المعاشات

 

[كويتي محب]

شسالفة الزياده ابو ريتاج .. : )
وامس واحد منزل موضوع عن الزياده ..
يارباااااااااااه لو تصيـر ..
وان شاء الله المعاشات حسب الي سمعته على 18 او 19 الشهر ؟