الاتصالات الكويتية(الاتصالات الثالثة) ..3

[جوكوزال]

الحمد لله على كل حال
وكل واحد ياخذ رزقه

 

[البرغوث]

^^^

عدل كلامك

والناس مستانسه

مايدرون شنو بيصير فيهم تالي بيلعبون فيهم لعب

على بو انه بالتساوي وتلاقيه مكتتب هالتاجر بمليون بطاقه ويلعب عليهم لعب

يرفع بالسهم متى مايبي وينزله متى مايبي

يالربع فكروا لي جدام لاتفكرون تحت ريولكم

ودمتم

 

[البرغوث]

ايها الوزير العزيز .. عندما تتكلم كأنك تعرف القوانين وانت تجهلها تماما


عندما تقول بأن الشركة لابد أن تساوي الجميع ..
هل تعلم بأن الشركة قامت بالمساوات بتوزيع هذه الاسهم ووزعت للجميع 30 % للحد الادنى 30% للحد الاعلى؟؟


ياوزيرنا العزيز هذه فرص.. وقوانين الاكتتاب واضحه ويوجد من الذي اقتنصها والذي فرط بها.. ولا يمكنك مساعدة القنوع على حساب ذلك المجتهد



اتمنى في المره القادمه بأن لاتصرح إلا وانت تعرف ماذا تقول.. لانك رجل قيادي والمصيبه انك تقود دفة الاقتصاد الكويتي !!!!

طبعا ما اايدك بكل كلامك ولكن يوجد به ماهو منطقي ويتقبله العقل

الا وهو ان النسبه متساويه وهي 30 %

بارك الله فيك على هذا الاجتهاد

ودمت

 

[البرغوث]

حدث مهم يا جماعة الخير ،،،

الفرق بين كباااااااااااااااااااااااار المسثمرين

وصغاااااااااااااااااااااااااااااااااااار المستثمرين

بالديرة

بس 50 دينار ....

والله حاله واللي باط جبدي كل ما صار قرار بالديرة اعترضوا عليه بعض الناس تغير القرار ...

يا جماعة مو صحيح ....


وبعدين بصراحة نبي قياديين على قد المسؤولية يتحمل القرار اللي يصدره من يسحب قراره وينحاش

ما ودي ازيد - اللهم اني صائم

اتصدق انقلبت الايه

صارو اللي اكتتبوا ب 500 سهم اهم كبار المستثمرين

واللي اكتتبوا ب 1000 سهم اهم من صغار المستثمرين

ودمت

 

[Blue Chips]

ايها الوزير العزيز .. عندما تتكلم كأنك تعرف القوانين وانت تجهلها تماما


عندما تقول بأن الشركة لابد أن تساوي الجميع ..
هل تعلم بأن الشركة قامت بالمساوات بتوزيع هذه الاسهم ووزعت للجميع 30 % للحد الادنى 30% للحد الاعلى؟؟


ياوزيرنا العزيز هذه فرص.. وقوانين الاكتتاب واضحه ويوجد من الذي اقتنصها والذي فرط بها.. ولا يمكنك مساعدة القنوع على حساب ذلك المجتهد



اتمنى في المره القادمه بأن لاتصرح إلا وانت تعرف ماذا تقول.. لانك رجل قيادي والمصيبه انك تقود دفة الاقتصاد الكويتي !!!!

يا دكتور كلها 20 سهم خساره
والتوزيعه الجديده تنصف بو500 وما تظلم بو 1000 يعنى بو 500 لو عنده فلوس زياده ما يطوف الفرصة خاصه بعد توزيعه السور الظالمه

 

[belia90]

والله ضلم إذا عادلو الأسهم والله ظلم

منطق وعدل ماكو

بالإساس ليش مسوين شريحتين من الأساس

يعني 25 مليون دينار معقوله الكويتين مايغطونها

والله ظلم لو أدري بالخربطه هذي جان كثرت البطاقات وإكتتبت ب500

 

[belia90]

واحد من الشباب يقول عادي ميخالف كلنا كويتين

ياأخي شدخل الكويتين بالموضوع

 

[Buffett]

السالفه مافيها جشع ولا هم يحزنزن

ان شاء الله الفرق سهم

اذا تتكلم عن المساواه فهذا عين الظلم

لان انا احجزو فلوسي واكتتبت ب1000 سهم

اشلون يساووني في بو 500 سهم

عرفت اشلون السالفه مافيها حسد السالفه حق وحقوق

اما روحو المحاكم واشتكوا هذي سوالف مايقبلها عقل ياخوي خلك حقاني

مرحبا يا شباب

الدعوه ان شاء الله لا جشع ولا شي

لكن انا واحد من الناس كنت مسافر وناطر اكتتاب الاتصالات على احر من الجمر علشان استفيد منه واكتتبت بالشريحة الأعلى 1000 سهم ،، وحطيت 90% من راتبي ( وجعصت ) على نفسي وعلى اهلي لأن الفايده المرجوه بعد فترة افضل لي ، وهذي فرصه .

وهذا الشي عملته في اكتتابات سابقة كنت اكتتب بالنسبة الأعلى ،، وكان ما في تساوي بالتخصيص بالنسبة الأعلى والادنى ،، وما صار شي

لكن شمعنا الحين ،، لو أدري وعندي خبر جان خذيت بطاقات واحد من الربع وجزاه الله خير كان عارضهم علي لكن ما عندي اغطي ، كان خذيتهم واكتتبت ويا دار ما دخلك شر .

ليش يخلونها شرايح ،،، بلد غريب القوانين تسن بعد ما تاكل النار حطبها اهم شي فلوسنا متى ترد حلال على عيالي بعطيهم عيادي


(باقر )الله يهديه ويصلحه وين ما يروح تمشي وراه المشاكل والتناقضات مغناطيس حق هالسوالف

عدل كلامكم والله

انا بعد نفس الطريقة اكتتب براتبي كله اول ما نزل وضيجت على روحي على اساس اني استفيد اكثر ..

لو ادري السالفه جذي جان اكتتب ب500 سهم

على العموم موفقين ان شاءالله بس خل يردون فلوسنا مبجر توهقنا :d

 

[belia90]

العتيبي 2

حبيت ارد عليك بكلمتين 2 بس

ليش مانقول ان اللي اكتتب ب 500 سهم اهو الحقود ومايبي غيره يستفيد

ولا يبي يحط راسه براس اللي اكتتب ب 1000 سهم

الله يهديك بس

ولا تقول حقد السالفه اكبر من حقد

الله يجزاك خير

فكر في كلامك قبل لاتقطه

ودمت

والله كلامك مظبوط
الناس هذي ترى الموضوع بس بمنظورها

 

[ali5225]

فايض الاتصالات الجديده ......

السلام عليكم ورحمة الله وبرررركاته ... يا جماعه سمعت بأن الفايض

راح ينزل بحسابات المكتتبين دايركت يوم الاثنين هل هالخبر صحيح ولا لا



يعني اليوم ينزززل الفايض ..؟

 

[Buffett]

عدل كلامك .. والفلسفه الزايده مالها داعي شكو حاطين عيل حد أدنى وحد أعلى

الحمدلله والشكر والله تناقض سخيف وتافه .. وعيب تمر هالسالفه على الوزير

بس ما نقول الا الحمدلله على كل حال

 

[belia90]

عندي 11 الف سهم
مقسمه على تقريبآ 6 عوايل

 

[belia90]

آخر الأخبار

ياأخي قالو 6-10
يوم الأثنين

 

[rakan_yes]

بعد العيد انشاء الله

طبعا ممكن يتاخر لين يتفيدونمنه البنوك

 

[rakan_yes]

لالالالالالالالالالالازم تستفيد البنوك من الفايض قبل لاتنزل في حساباتنا المكتتبين

صدقوووووووووووني بيطول واذكرك انشااء الله

راح يطول موال ارجاع الفااااااااااااااائض

البنوك تبي تعوض خسارتها من الازمه الاتمانيه بالعالم

قولوا ابورااشد ماقال هالحجي

لعبه ولعبوها التجار راااااااااااح ياخرون الفائض

والسالفه مو سالفة تخصيص وبس لالالالالالالالالالالا لازم يستفيدون من الفاااااااااااااااائض



اخوكم
ابورااشد

 

[العتيبي 2]

كلامك على العين والراس

بس اللي مايقدر على الاكتتاب لايكتتب...!!!!

العتيبي 2

حبيت ارد عليك بكلمتين 2 بس

ليش مانقول ان اللي اكتتب ب 500 سهم اهو الحقود ومايبي غيره يستفيد

ولا يبي يحط راسه براس اللي اكتتب ب 1000 سهم

الله يهديك بس

ولا تقول حقد السالفه اكبر من حقد

الله يجزاك خير

فكر في كلامك قبل لاتقطه

ودمت

اول ردك تقول (( اللي مايقدر على الاكتتاب لايكتتب ))

والحين تقول (( ولا يبي يحط راسه براس اللي اكتتب ب 1000 سهم ))


اخوي الموضوع مو موضوع عنجهيه

وشنو 50 دينار وشنو 100 دينار

والا لا يكون الاخ مكتتب بمليون دينار مو مية !

بعدين اخوي انا واحد من الناس عندي 108 بطاقات مدنية ومكتتب 1000
وربي مستانس على التساوي تبي ليش !

لان يمكن اخوك ولا واخوي ولا ولد عمك والا ولد عمي مكتتب 500 ..

ما تتمنى له الخير ؟!


بعدين اخوي اذا تذكر اكتتاب السور وانا على يقين انك اول مره تكتتب !

يوم وزعوا للحد الادنى 350 والاعلى 750 على ما اعتقد
صارت مذبحه بالمحاكم الكل رفع قضية

وبالنهاية حبيت انك تتخيل ان اكتتاب شركة الاتصالات عدد اسهما 900 مليون سهم
وخلوها 5 شرايح 1000 و2000 و3000 و4000 و5000
وجاهم مليون مكتتب وانا على يقين انك راح تكتتب بمية دينار بشريحة 1000
تبيها نسبة وتناسب والا الاولوية للصغار المكتتبين

اذا قلت ابيها نسبه راح يطلعلك (( فلس ))
واذا تبيها الاولية للصغار راح يطلعك 900 سهم

ودمت لـ محبينك

 

[بوالعيس بيك]

السلام عليكم

أخوي العتيبي ..

احنا مافرقت ويانا 297أو 274سهم كلهم مامنهم فايده وإللي اشترا بطاقات

الله يعينه..

بس احنا نقول دام إن الإكتتاب كان بشريحتيين لابد يكون في فرق حتي لوقليل..

مومعقول التوزيعه بالتساوي لومهما قالو وبرروا هم ظلم ولاتقولي قانون
القانون توفي من زمان..
السالفه مصالح ومنفعه للبعض ..وإللي يقول غير هالكلام خل يحلم
بالعداله ..عباله الوزير وربعه يحبونه..إللي يدري يدري..

 

[المانع]

التوقع عند الادراج
سعر الافتتاح 600 فلس وثلاث ايمام حد اعلى وعليكم الحسبه

 

[Abo Fahad]

الحمدلله على كل حـــال

اهم شي مانكون خسرانين
والله يعين اللي اشترا بطاقات مدنيه

 

[hassanabass]

يا اخوان اذا تغيرت التوزيعه معناتها 100% تجار البطاقات مشاركين بدل الناس الذين لم يكتتبوا
بشريحة 500 سهم لانهم عارفين اللعبه من قبل ويا ريت اذا احد يعرف نسبة المكتتبين ب500سهم
اللى راح تبين هذا الشى ، المعنى المصلحه حق التجار الكبار اللى شروا بطاقات الناس الذين لم يكتتبوا
وللاسف ان يتم تطبيق القانون حسب اهوائهم وضد مصلحة صغار المكتتبين فى هذه الحاله
وينهم ما ذكروا العدل ايام التخصيص فى اكتتاب طيران الجزيره اللى بلعوها كلها حقهم ونسوا المساواه بين الجميع واحترام القوانين اللى يلعبون فيها على حسب مصلحتهم وشكرا.