الاتصالات الكويتية(الاتصالات الثالثة) ..3

[بو مريم]

واحد من الشباب يقول عادي ميخالف كلنا كويتين

ياأخي شدخل الكويتين بالموضوع

كل المكتتبين كويتيين هذي لمعلوماتك فقط

 

[بو مريم]

آنا أقول قولوا الحمدالله .. لاوالله الله يبلاكم .. بخير ونعمة و24 ساعة تتحلطمون .. شخليتوا للدول الفقيرة ولا اللي مولاقي كسرة خبز يابسة ياكلها .. والله عيب عيب

يمهل ولايهمل .. قولوا الحمدالله انتو بخير ونعمة والله لايغيرها يارب .. بس يبيلها من يقول الحمدالله طول الدهر

مايملي عين بني آدم غير الرمــــــــــــــــــــــــــــــــــــــــــــــــــــــــــــــــــــــــــــــــــــــــل

صاج والله يالغالي

ناس طماعه

هذا خير والله قسمه لخوانك اللي بو 155 سهم ادع لهم بالخير

وقول الحمد لله بس ميتيين حره ليش يساوونا فييهم

حاقد

تقبل تحياتي وكلامك عين العقل

 

[bou_yousif]

لو فارقه 1000 او على الاقل 100 جان قلنا تسوى بس فرق 20 سهم والله ماتسوى مع بو 1000 بس بو 500 افرقت وياه 120 سهم الله يبارك له وانا بصراحة مكتتب ب1000 سهم
والله ماتسوى واهم شي البركة بالرزق ادعوا الله يبارك لنا فيه وافي داعي للزعل

بارك الله فيك اخوي على هذا الرد ,,, يا جماعة الخير مثلا ما قال الاخ 20 سهم بس ترى مو 20000 ألف سهم و الله يبارك و يرزق الجميع .

بو يوسف

 

[belia90]

كل المكتتبين كويتيين هذي لمعلوماتك فقط

لا يايب معلومه يديده يعني ندري كلنا كويتين

يعني إذا كلنا نكويتين ترضون بالظلم حق ب 1000 خلاص آنه بسميهم بو 1000 وبو 500

كان عندي تقريبآ 20 بطاقه ماقدرت أغطيهم علشان آنه أكتتب بو1000
ياأخي من الأول خلوها شريحه وحده وكل المبلغ 25 مليون يعني معقوله الكويتين مايغطون هالمبلغ غطو قبلها بوبيان 100 مليون

بس ماأقول إلا الحمد الله على كل حال
وإن شاء الله الله يعوضنا بالإدراج

 

[ضحية طمع]

..وينهم على سهم القرين ؟؟؟

لما كانت الاسهم مو بالتساوي ؟؟

انا من اهل ابو الف.. سهم بس ماقول حرام ..بس الحق ينقال انا اكتتبت بالحد الادنى بسهم القرين بخمس بطايق ..وواحد مكتتب بثلاث بطايق !! تصدقون انه اكثر مني ؟؟ لأنها شرايح .

وهذه شرايح ويبون يساوونها الايام دول .. وراح تعلمكم ليش باقر وافق على التساوي.



















والتجار لهم يد فيها لأنهم اكتتبوا بابو 500 ومارضوا بالتوزيعه.
















الله المستعان

 

[سهم استراتيجى]

وينك


اقول للاخ صاحب الرد اللي فوق اذكرني بالخيرقبل لا تاخذ ردى

واللي زعلان خلك سمح وسامحهم مثلي انظر للامر من جهة ان اللي انخصم عليك جم سهم بس وخلك اطيب

مع العلم اخوك من بو1000

جان زين حاطين باقر من زمان ايام القرين للبتروكيماويات

اذكركم اشسوا الحرامية كانوا حاطين كذا شريحة المهم تبدأ من 1000 الى 25000 الف ايامها الكويتيين خذوا شريحة بو الف على اساس ان الالف صعبة والدعايات والاشاعات شغالة وان الشريحة الاقل لها الاولوية بالتقسيم الجماعة لعبوا بالعالم اخوكم من اللي اقتنع بكلامهم ان الاولوية للاقل ثم اللي بعدة المهم خذيت شريحة ب3000 على اساس انهم بيعطون الشريحة الاولى ثم الشريحة الثانية وهكذا

بو 1000 عطوة 1000 لاكن اللي بعده لا واثاريهم قايلين لربعهم اخذوا الحد الاعلى

شوفوا التقسيمة وينك باقر جان زين

1000 - 1000
2000-1270
3000-1541
4000-1811
5000-2082
6000-2352
7000-2623
8000-2893
9000-3163
10000-3434
11000-3704
12000-3975
13000-4245
14000-4516
15000-4786
16000-5056
17000-5327
18000-5597
19000-5868
20000-6138
21000-6409
22000-6679
23000-6949
24000-7220
25000-7490

يعني يعني اللي عنده عايلة من 7 اشخاص وحاط شريحة 1000حصل 7000
واللي عنده عايلة من 8 اشخاص وحاط شريحة بو3000 حصل 12328

واللي بو 25 الف وعندة شخصين حصل 14980
__________________

 

[فارس الكويت]

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;

اقول للاخ صاحب الرد اللي فوق اذكرني بالخيرقبل لا تاخذ ردى

واللي زعلان خلك سمح وسامحهم مثلي انظر للامر من جهة ان اللي انخصم عليك جم سهم بس وخلك اطيب

مع العلم اخوك من بو1000

جان زين حاطين باقر من زمان ايام القرين للبتروكيماويات

اذكركم اشسوا الحرامية كانوا حاطين كذا شريحة المهم تبدأ من 1000 الى 25000 الف ايامها الكويتيين خذوا شريحة بو الف على اساس ان الالف صعبة والدعايات والاشاعات شغالة وان الشريحة الاقل لها الاولوية بالتقسيم الجماعة لعبوا بالعالم اخوكم من اللي اقتنع بكلامهم ان الاولوية للاقل ثم اللي بعدة المهم خذيت شريحة ب3000 على اساس انهم بيعطون الشريحة الاولى ثم الشريحة الثانية وهكذا

بو 1000 عطوة 1000 لاكن اللي بعده لا واثاريهم قايلين لربعهم اخذوا الحد الاعلى

شوفوا التقسيمة وينك باقر جان زين

1000 - 1000
2000-1270
3000-1541
4000-1811
5000-2082
6000-2352
7000-2623
8000-2893
9000-3163
10000-3434
11000-3704
12000-3975
13000-4245
14000-4516
15000-4786
16000-5056
17000-5327
18000-5597
19000-5868
20000-6138
21000-6409
22000-6679
23000-6949
24000-7220
25000-7490

يعني يعني اللي عنده عايلة من 7 اشخاص وحاط شريحة 1000حصل 7000
واللي عنده عايلة من 8 اشخاص وحاط شريحة بو3000 حصل 12328

واللي بو 25 الف وعندة شخصين حصل 14980
__________________

سلمتك ايدك ولا هنت اخوي الغالي
على المداخلة والتعليق المفيدة
وكثر الله من امثالك
وعيدك مبارك وعلى الجميع

 

[أبو يعقوب]

صادهم السعدون وغيرو الحسبه

 

[قلم حر]

انا اكتتبت بالحد الاعلى بو 1000 وخصصوا لي 297 وبعد الخصم صارت 274
الفرق 23 سهم يعني لو السهم يصير سعره بدينار الفرق 23 دينار على البطاقه
الزبده بو 1000 ليش زعلان والله العظيم الفرق شويه وما يزعل وخل غيرك
بو 155 يصير 274 سهم تفرق وياه كثير عسى يرزق الجميع

 

[coooool2]

انا اكتتبت بالحد الاعلى بو 1000 وخصصوا لي 297 وبعد الخصم صارت 274
الفرق 23 سهم يعني لو السهم يصير سعره بدينار الفرق 23 دينار على البطاقه
الزبده بو 1000 ليش زعلان والله العظيم الفرق شويه وما يزعل وخل غيرك
بو 155 يصير 274 سهم تفرق وياه كثير عسى يرزق الجميع

نفسي والله

كنت ميمع 50 دينار و بعت تلفوني الغالي ب 50 دينار عشان اكتتب ب 100 دينار و اخر شي يقولون بالتساوي ؟ الحين حسافه ليش ما اكتتبت ب 50 دينار
لحد يقول انا حاسد ومادري شنو والله مو حاسد و لا هم يحزنون بس جذي يعني استغلال الظروف لمصلحه التجار ..

 

[signalindex]

حسبي الله ونعم الوكيل

اولا يعطيكم العافيه يا اخوان والحمد لله له الفضل والمنه ولا باقر والسعدون منتهم بالتراب .
اللي ايقول مافيه ظلم تعال احسب معاي هالحسبه البسيطه على التوزيعه السابقه والتوزيعه الحاليه وشوف الظلم بعينه وعلمه وارفع ايدك بعد كل صلاة وقول اللهم لا تجعل ظالما الا قصمته ولا حقا لي الا ارجعته:

التوزيعه الاولى :

شريحة 1000 سهم دفع على كل بطاقه 105 دينار وحصل على 297 سهم
شريحة 500 سهم دفع على كل بطاقه 52.5 دينار وحصل على 155 سهم

يعني لو صاحب الشريحه بو 500 دفع حق بطاقتين راح يكون دافع مثل اللي دفع الشريحه بو 1000 سهم 105 دينار وراح يحصل على 310 سهم يعني افضل من الشريحه بو 1000 بزيادة قدرها 13 سهم وهذا ما يسمى بالنسبه والتناسب .​

التوزيعه الثانيه :

شريحة 1000 سهم دفع على كل بطاقه 105 دينار وحصل على 274 سهم
شريحة 500 سهم دفع على كل بطاقه 52.5 دينار وحصل على 274سهم

يعني لو صاحب الشريحه بو 500 دفع حق بطاقتين راح يكون دافع مثل اللي دفع الشريحه بو 1000 سهم 105 دينار وراح يحصل على 548 سهم يعني افضل من الشريحه بو 1000 بزيادة قدرها 274 سهم وهذا ما يسمى بالظلم بعينه وعلمه .​

انا كان امامي بطاقات اخواني لاكن ما قدرت اخذهم لانه ما تكفي فلوسي وبروحي متسلف عشان اكتتب بالشريحه الاعلى لو حاطين اعلانات واضحه بقانون الهكره مالهم هذا جان اكتتبت بالشريحه الادنى لا وبطاقات اخواني بعد وبدون سلف .

وبالنسبه للاخوان اللي اخذو شريحة 500 سهم وقاعدين يداحرون الربع بو 1000 (والله مسخرة سرنا شرايح بو 1000 وبو 500 كله من الحراميه الكبار ) يا اخي تحمد الله وقول الله يعوض عليكم لا تقول حسد وحركات لانه اول ما اعلنو اللجنه التخصيص الاولي كلكم قلتو ظلم وسوالف ماله داعي وكلنا كنا ساكتين عل وعسى صوتكم يوصل وفعلا وصل صوتكم حق الحرامي العود وانتهى الموضوع خلنا يمكن صوتنا يوصل حق واحد عنده ذمه وهم قليل والله يفرجها .
وصدقوني عليكم بالعافيه والله ما نحسدكم والله يرزقكم ويوفقكم لكن مع الاسف الاغلبيه في هالشريحه تجار بطاقات والله المستعان

 

[eze]

الاكتتابات فالعالم كله نسبه وتناسب انتهى الموضوع

عدد الاسهم تقسيم عدد المكتتبين = الكميه المخصصه

تطلب الحد الادنى المصرح به والحد الاعلى اذا تبي تطلب الكميه كلها انت حر في مالك

 

[Al-Thafeeri]

لا اله الا الله...كل هالضجه والصيحه على 20 سهم يا جماعه شالسالفه صار اللي صار خلاص انتهى.... انت ما خسرت شي بل بالعكس استفدت وتعلمت من هالاكتتاب بالذات اشياء كثيره راح تنفعك مستقبلا..... مع العلم اني مكتتب ب 1000 سهم والله العظيم.... بس يا جماعه ابي اسألكم سؤال وأبي الاجابه صادقه من القلب 155 سهم للاخوان اللي غطوا 500 سهم ما كانت ظالمه؟ وادري راح تقولون شريحتين لازم فيه فرق وانا معاكم لكن كان فيه قانون ما انتبهناله كلنا وهذا درس استفدنا منه كلنا والمرات الجايه راح نتعلم ونقرأ القانون قبل كل شي ,عدل وبالنهايه 20 سهم والله العظيم ولا شي لكن الاخوان زادوهم 120 سهم وهذا شي مجزي بالنسبه لهالاكتتاب وبعدين اخوانا يستاهلون وكلنا بالنهايه ربحانين....... واسف على الاطاله والله يوفق الجميع

 

[zajros]

السلام عليكم ورحمة الله وبركاته ,,,

شباب هذه التوزيعه ظلمتنا بأشياء كثيره ومنها كان بأمكاني اني اكتتب بالدبل بمعنى انا مكتتب لـ8 اشخاص بالحد الأعلى يعني شريت 8000 سهم بقيمة 840 دينار وخصصو لي 274 سهم لكل شخص ...


انا كان بأمكاني تجميع بطايق كذا واحد من الربع ما اكتتبو وخليتهم 16 شخص بمعني ..

انا مكتتب لثمان اشخاص وخصصو لكل شخص 274 سهم ...

تطلع 274 × 8 = 2192 سهم.

كان بأمكاني اني اكتتب لـ16 شخص بنفس قيمة الـ8 اشخاص اللي اهيا 840 دينار ...

وتطلع 274 × 16 = 4384 سهم.

وين العدل يالربع في هالتقسيمه والله حرام انا ما احسد ربعنا لا والله بالعكس عسى الله يرزقهم لكن التقسيمه العادله المفروض تتقسم بالتساوي مادام في شريحتيين المفروض دام انهم خصصو لشريحة الـ1000 274 سهم المفروض يخصصون لشريحة الـ500 137 سهم هذا اهو العدل أعط كل ذي حق حقه.

وتقبلو فائق احترامي وتقديري..

اخوكم ابوفهد

 

[فهد-2002]

ياجماعه

تدرون شنو الظلم بعد !!

علاوة الاصدار ههههههههههه

الحين انا مغطي بو 1000 ل 30 بطاقه , علاوة اصدارهم كلفتني 150 دينار

وغيري خل نقول مغطي 30 بطاقه بعد من بو 500 !!

اخذ نفس الاسهم ,,,, وكلفته علاوة الاصدار 75 دينار


150 = 75 ( الفرق دبل & نفس الاسهم ) !

يعني انا بو 1000 مو مشكله بتردلي الفلوس تالي

لكن شكو ادفع علاوة اصدار الدبل ؟؟

وتاليها نفس الاسهم



ياجماعه ,, احس فيها ثغره قانونيه هالشغله

ياليت الي يعرف محامي يستفسر منه

ترى انا شكيت هالشغله وشكلها غايبه عنكم


لكن بقولكم شي

اذا ردولكم الفلوس يوم 6-10

انا اقص ايدي


اما انت ياباقر

...............................................................................

......................................................................

.................. آآآآمين

 

[viva]

يا شباب مصارة اقسم بالله العظيم ان الى معارضين كلهم اذا مو اخوه ولد عمه مغطين الحد الادني والله رزقهم واللهم لا اعتراض على القسمه احمدو ربكم وقولو الحمد لله على كل حال .

وبعدين الناس عطوهم 155 سهم يعني احد يرضي بالتخصيص وانت اخصمو منك 20 سهم وين المشكله بالله عليك .

وبعدين قارين قانون التخصيص اشلون تبي الناس ترضي 155 سهم وفيه نص صادر .

النص ان الحكومة تلتزم بتأسيس شركة مساهمة كويتية غرضها تقديم خدمات الاتصالات المتنقلة ونظام المناداة وغيرها من الخدمات اللاسلكية، تطرح نسبة %50 من اسهمها للاكتتاب العام للكويتيين وتخصص لكل منهم بعدد ما اكتتب به، فان جاوز عدد الاسهم المكتتب بها عدد الاسهم المطروحة خصصت جميع الاسهم المطروحة بالتساوي بين جميع المكتتبين، ولقد رددت المادة (9) من كل من عقد تأسيس الشركة المذكرة ونظامها الاساسي الصادر بالمرسوم رقم 187 لسنة 2008 بالترخيص في تأسيس شركة مساهمة كويتية باسم (شركة الاتصالات الكويتية) ذات الحكم، حيث جاء بها (وتخصص لكل مكتتب اسهم بعدد ما اكتتب فيه، فان جاوز عدد الاسهم المكتتب بها عدد الاسهم المطروحة وزعت جميع الاسهم المطروحة على المكتتبين بالتساوي).

اشهد ان لا اله الا الله واشهد ان محمد رسول الله .

التوقـيـــــع / viva

 

[BO-ABDULLAH]

Viva

السلام عليكم

تم التخصيص بالتساوي بين المكتتبين على ان يحصل كل مكتتب على 274 سهم.


و اعادة الفائض سوف يكون في 6 اكتوبر . (اي بعد العيد)


وكل عام وانتم بخير

أخوكم بوعبدالله

 

[mash3el]

خلاص يالربع هدوا المره الجايه

اذا كان عندك 50 بطاقة 25 حد اعلى و 25 حد ادنى وراح نصيدهم

 

[الهاجـري]

عليهـــــــــــــــــــم بالعافيــــــــــــــــــــــــــة

لـــــــــــــولا الظـــــــــــروف كان ما لقينـــــــــــــــا احــــــد مكتتــــب
بالـ 500 ولاكــــــــن النـــــــــاس ظروفهــــــا صعبــــــــة الإكتتاب صادف دخول شهر رمضان و المدارس ،

بعديـــــــــن يا إخـــــــــوان الأرزاق بيــــــــــد اللـــــــــــــــه سبحانـــــــــــــه وليســــــــــت بيــــــد باقــــــــــــــــر و لا السعــــــــــدون
و هــــذا رزق ساقـــــــــــــه اللــــــــه سبحانــــه وتعالـــــــــى لهــــــــم
فهــــــــــل نعتــــــــــرض علــــــــــى ما قسمـــه اللــــه لإخواننـــــــــــــا ،
إلا
عليهــــــــــــــــــــم بالعافيــــــــــــــــــــــــــة ​

 

[hassanabass]

والله ماعليهم بالعافية السالفه كل تنفيع حق تجار البطاقات لكن انا اقول الديره متروسه محامين
واللى يقرقش اكثر ما يقصرون وياه خاصة اذا القانون واضح وشكرا.