الشركه الكويتيه الصينيه للاستثمار (ش.م.ك) 4

[(واحد من الناس)]

هلا بك واحد من الناس المعلومه وصلت ما لنا إلا الصبر وشكراا لك

هلا بموج البحر

موج البحر تعرف العضو حاير طاير؟

 

[الاسطوره]

يا شباب انا عندى 4000 سهم باسمى الشخصى وافراد عائلتى(كرت واحد) والمج باسمى
ببيعهم والسوم عليكم وباعلى سعر مع الضمانات الى تحفظ حق الشارى
والى يبى يشترى من اعضاء المنتدى يراسلنى بالسومه ويخلى سوق الجت عنه
وانا جاد بالبيع ...
الاعلان ليوم واحد فقط
والله الموفق

 

[حفار قبور]

هدوا بالكم يا شباب ، يمكن الأخ شايف شي إحنا مو شايفينه والشرهة مو عليه ، على إدارة الشركة الغامضة اللي ما تطلع بيان بالصحافة تفند إشاعات الخساير اللي نسمعها

 

[عادل المطيري]

هدوا بالكم يا شباب ، يمكن الأخ شايف شي إحنا مو شايفينه والشرهة مو عليه ، على إدارة الشركة الغامضة اللي ما تطلع بيان بالصحافة تفند إشاعات الخساير اللي نسمعها

ياخوي الله عرفناه بالعقل هالانسان يقول راح يكشف الحقائق الخاصه بالخساير ويوميا الشباب يسألونه كم خساير النصف الثاني لسنه 2008 ولا فيه رد بس يقول الشركه خسارنه ومعظم الإخوان مايكتبون شي إلا ناقلينه إما من جريده أو دازين للشركه إيميل.
الشركه تقول إن وضعها فوق الجيد والمحلل يقول إنها من خساره لخساره أتمنى يأكد الخساير بالأرقام حتى الواحد يقتنع بكلامه ونعرف شلون نتصرف

 

[خالص]

في تاريخ 20-8-2008 تم عقد اجتماع اللجنه الفنيه لسوق الكويت للاوراق الماليه. و في هذا الاجتماع تمت الموافقه على ادراج 11 شركه سيتم ادراجها تباعا لمده اقصاها 20 - 11 -2008 و هي المده القانونية لادراج الشركه بعد اخذ الموافقه الرسميه (3 شهور فقط)
طبعا لم تكن الصينيه من ضمن الشركات التي تم الموافقه عليها (11 شركه) لانها ماتقدمت اصلا بسبب فضيحة الخساير.

اخواني اخواتي, اجتماع اللجنة الفنيه القادم سيتم بعدما تدرج جميع الشركات التي تم الموافقه عليها (ال 11 شركه) يعني احتمال شهر 12 القادم
الكره في ملعب الصينيه متى ما تقدمت و حسنت وضعها (الخساير) تستطيع تتقدم
اذا ما تقدمت في شهر 12 القام فثقو تماما ان الشركه كذابين (كالعاده) و لا تزال تعاني من خساير التي انا شخصيا اعتبرها وصمة عار على ادارة الشركه.

و اقسم بالله العظيم الذي رفع السماء بلا عدم اني راح اظل اكشف الحقايق و اكشف المستور دام ان الشركه و موظفها المسوؤل قاعد يجذب على المساهمين اشكره دون ادنى مسوؤليه و كاننا جهله استخفاف ما بعده استخفاف.

يا حبك لهالسوالف تموت عليها ،،،

والله الظاهر ان هالرجال كان وده يصير عضو مجلس إدارة لكن ما حصله اخر شي قام يطب فيهم ،،

يبه خل سوالفك هذي اذا نزلت الشركة بالبورصة ،، ترى كلنا مكتتبين يعني ربحنا اي شي فوق 100 فلس ،، دقق معاي فوق 100 فلس حنا ربحانيين وفي بر الامان

الا صج انت مشاركاتك كلها 89 ،،، صج يقولون كلها في الصينية ،،،،،،، الله يعينك ما عليه خلها تنزل ويمكن تصير عضو بالشركة ​

 

[حفار قبور]

الشركه تقول إن وضعها فوق الجيد والمحلل يقول إنها من خساره لخساره أتمنى يأكد الخساير بالأرقام حتى الواحد يقتنع بكلامه ونعرف شلون نتصرف

عن جريدة الجريدة بتاريخ 21 مايو 2008
الكويتية - الصينية : تأخير إدراج الشركة في البورصة لتعزيز موقف السهم!
بودي: ربح 11 مليون دينار وتركيز على الأسواق السريعة النمو

تامر عبد العزيز :

أرجع العضو المنتدب للشركة الكويتية- الصينية للاستثمار أحمد عبداللطيف الحمد الخسائر التي سجلتها الشركة خلال الربع الاول من العام الجاري في الصين الى الهبوط الحاد الذي شهدته الاسواق المالية هناك بنسب تجاوزت الـ 31% والناتجة عن قوانين البنوك المركزية في الهند والصين لتخفيض نسب التضخم، بالاضافة الى سحب عدد من الاستثمارات بهذه الدول والتي ادت في النهاية الى تقلص نسب السيولة في دول الشرق الاقصى عامة.

على صعيد آخر اوضح الحمد اسباب تأخر ادراج الشركة في السوق المالي في استراتيجية تهدف الى تعزيز موقف السهم وتحقيق ارباح جيدة قبل الادراج وسيتم ذلك قبل نهاية العام الجاري، وكشف عن التوجه لاتفاق مع مستثمر آسيوي استراتيجي بعد الادراج لمساعدة الشركة على استراتيجيتها المستقبلية.

 

[موج البحر@]

هلا بموج البحر

موج البحر تعرف العضو حاير طاير؟

ذ

هلا بك واحد من الناس لا والله ما عرفه أكدر أساعدك بشي حاضر.

 

[looser]

اخواني ليش معصبين رمضان كريم

ونصيحه لمحلل مالي ياخي بيع السهم وريح بالك ما يحتاج تكسر مجاديف الشباب ناطرين جم سنه وانت ماوراك الا بتكشف واكشف وتهايط وايد بس.

يبه ما دام السهم عندك رايح فيها بيعني هالسهمين اللى لجيتنا فيهم وريح بالك وصدقني لما تبيعهم مجلس الاداره يقدم استقالته معاك متضامن.

واذا فيك خير قول بعت بسعر السوق

 

[بروه]

تمادي اعضاء مجلس الاداره وشحهم في التصريحات سيجعل جميع المساهمين يثقون بالاخ محلل مالي .واول من سينقلب علي الصينيه هو واحد من الناس اللي وكل نفسه محامي عن الشركه واعضاء مجلس الاداره
يا اخي المنتدي للجميع وكل واحد يبدي رايه وعلي الجميع احترام هذا الراي والراي الاخر ::verymad::

 

[محلل مالي كويتي]

اللهم اني صائم
اللهم اني صائم

 

[محلل مالي كويتي]

انا اشكر جميع الاخوه اللي ارسلولي رسايل على الخاص سواء اللي يؤيدي او اللي يعارضني و الايام بيننا و ستنكشف الحقائق و راح ييني (واحد من الناس) اللي انا اعتبره محامي الشركه الشخصي و يوقلي يا محلل مالي كويتي مشكور على تنبيهنا و كلامك كان بمحله.

 

[(واحد من الناس)]

ذ

هلا بك واحد من الناس لا والله ما عرفه أكدر أساعدك بشي حاضر.

مرحبا موج البحر تبي الزبدة؟ انا اقولك منو هالشخص

ترا اذا فيه احد يقدر يفيدك بأي معلومة فهو العضو "حاير طاير".. رجل يقط المعلومة و يمشي و ما يجادل ..ولا قصور بالباقين

محلل مالي كويتي.. انا ماني محامي وحالي حال اي عضو يدور عن الحقائق وطلباتنا منك من البداية واضحة..اي شركة جديدة معرضة للربح و الخسارة وهذا طبيعي وتم الترهيب والترغيب للخسارة و الربح بنشرة الاكتتاب .. ولكن الشركة حاليا بالبيانات الرسمية المعلنة هي شركة ربحانة لأول سنتين (2006 + 2007) بإجمالي صافي ربح تقريبا 17 مليون دينار.. و انت قلت انها خسرانه هالسنة اثبتلنا انها خسرانه ما طلبنا شي صعب منك مادام تدري وتحلف وتقسم بالله! ..نبي اثبات و بعدها راح نرفعلك العقال احتراما وتقديرا لك.. اما غير هالكلام فهو اقرب ماله يدخل في خانة "تصفية حسابات"

واللي يقول ان الشركة ليش ساكتة على الاشاعات الصراحة ما ذكرني الا بمقطع عادل امام الفكاهي لما قال "يا فندم لو كل واحد حيعزّّل من شقته عشان ساكنة تحتيه وحدة رقاصة كانت البلد كلها حتبات في الشارع"

 

[fahad011]

يا جماعة نبي ما الجديد ؟؟؟؟؟؟؟ هذا المهم !!!

 

[موج البحر@]

مرحبا موج البحر تبي الزبدة؟ انا اقولك منو هالشخص

ترا اذا فيه احد يقدر يفيدك بأي معلومة فهو العضو "حاير طاير".. رجل يقط المعلومة و يمشي و ما يجادل ..ولا قصور بالباقين

محلل مالي كويتي.. انا ماني محامي وحالي حال اي عضو يدور عن الحقائق وطلباتنا منك من البداية واضحة..اي شركة جديدة معرضة للربح و الخسارة وهذا طبيعي وتم الترهيب والترغيب للخسارة و الربح بنشرة الاكتتاب .. ولكن الشركة حاليا بالبيانات الرسمية المعلنة هي شركة ربحانة لأول سنتين (2006 + 2007) بإجمالي صافي ربح تقريبا 17 مليون دينار.. و انت قلت انها خسرانه هالسنة اثبتلنا انها خسرانه ما طلبنا شي صعب منك مادام تدري وتحلف وتقسم بالله! ..نبي اثبات و بعدها راح نرفعلك العقال احتراما وتقديرا لك.. اما غير هالكلام فهو اقرب ماله يدخل في خانة "تصفية حسابات"

واللي يقول ان الشركة ليش ساكتة على الاشاعات الصراحة ما ذكرني الا بمقطع عادل امام الفكاهي لما قال "يا فندم لو كل واحد حيعزّّل من شقته عشان ساكنة تحتيه وحدة رقاصة كانت البلد كلها حتبات في الشارع"

مرحبا بك واحد من الناس والعضو حاير طاير ما عرفه بدون قصور فيه وبالنسبه للأخ محلل مالي على هالحلفان والقسم شنو يبي بالضبط نسوي نروح نكسر درايشهم يعني ما لنا إلى الصبر إلين أخر السنة وتبين السالفه وياخبر بفلوس بكره بلاش

 

[حفار قبور]

مرحبا بك واحد من الناس والعضو حاير طاير ما عرفه بدون قصور فيه وبالنسبه للأخ محلل مالي على هالحلفان والقسم شنو يبي بالضبط نسوي نروح نكسر درايشهم يعني ما لنا إلى الصبر إلين أخر السنة وتبين السالفه وياخبر بفلوس بكره بلاش

على الأقل نفشش التواير

 

[موج البحر@]

على الأقل نفشش التواير

لا يا ياخوي نكك حفار القبور وأنا موج البحر أخرتها نفشش تواير وبعدين ما تسوى يشتكون علينا ما يتنازلون إلا إذا نتنازل من أسهمنا ما تسوى علينا ونطلع من المولد بلا حمص

 

[بو مريم]

السلام عليكم

يا جماعه هدوء اشوي

ماتسوي هالاعصاب المشدوده

خسرانه ربحانه اهم شي النفوس تكون زينه واخوه واحباب

كلمة خسرانه ؟ اول مره اسمع في شركه عند الادراج تكون خسرانه

اذا الاكتتاب 100 فلس اكيد تنزل اقل شي 110 فلوس هذا يعني ان

المساهمين ربحانين 10 فلوس

لانه مافي شركه تنزل اقل من سعر الاكتتاب اللي هو 100 فلس

ولاكن تخسر بالارباح هذا شي ثاني

المهم محد خسران من المساهمين

تقبلوووووووو تحياتي


والصبر زين

 

[(واحد من الناس)]

يا شباب شفيكم استسلمتوا لأهل الاشاعات !

صار ال 110 فلس طموحنا الحين !!

و تقولون ليش السهم ما يرتفع

وهذا و الشركة ربحانة لأول سنتين

 

[موج البحر@]

يا شباب شفيكم استسلمتوا لأهل الاشاعات !

صار ال 110 فلس طموحنا الحين !!

و تقولون ليش السهم ما يرتفع

وهذا و الشركة ربحانة لأول سنتين

واحد من الناس لالا يهمك ما راح نبيع بسوق الجت ولا عمري بعت فيه البيع بالسوق الرسمي لو بعد 10 سنوات ما فيه مشكلة

 

[(واحد من الناس)]

واحد من الناس لالا يهمك ما راح نبيع بسوق الجت ولا عمري بعت فيه البيع بالسوق الرسمي لو بعد 10 سنوات ما فيه مشكلة

تعجبني