السهم قبل لا يتفصخ كان نازل من 1540 فلس اعلى مستوى له قبل التفصخ هذا اولا
ثانيا اكررها لك للمره الثانيه انت موراضى تفهمنى
انا ما اذم سهم شركة الدار ويمكن يرتفع وتحقق منه ربح وفير والله يرزق الملاك وانشالله اشوفه مرتفع
أعلى سعر وصله السهم السنة الماضية 1.340 او 1.360 ما اذكر لكن ما تعدى 1.400 (اكيد) متابعة السهم مان تو مان لأني املك فيه كمية ولله الحمد... ولازلت املك فيه.
تفسخ السهم على 930 ونزل في الصيف كسائر الاسهم ما بين 820 و760 فلس ومع الانهيار صمد على 700 ونزلت تحليل له بأن أقوى دعم للسهم هو 700 ولكن عاصفة الازمة هوة فيه الى 600فلس والآن مثل ما تعرف ان السهم واقف على 680 فلس.
اما اختلافكم بالامور الثانية وبما تخص شركات الدار التابعة فلله الحمد ما اكتتبت فيها ولا عندي دراية كاملة فيها. ولكن اللي اعرفه ان شركة اوكيانيا تملك المشروع في دبي واعتقد انه مشروع ضخم اذا تنفذ صح وعوائدة مجزية ان شاء الله وأكيد يحتاج وقت. وشركة خباري تملك ارض كبيرة في منطقة الفحيحيل ومخطط لها مخطط ضخم وعلى اساس يبدأ المشروع في 2005 وتأخرت الشركة من أجل زيادة النسبة التجارية بالمشروع واختلفت مع البلدية بذلك. وخباري تستثمر رأس مالها في مشاريع عقارية أخرى بالكويت وكأن مشروع الفحيحيل تأجل او احساسي يقول (ألغي) والله اعلم لأن في موقعهم مافي اي تواريخ جديدة لبدأ المشروع. ومنازل نفذت كذا مشروع مع شركة صواف اول ايام طفرت العقار وباعتهم بربح طيب وبسرعة البرق واللي اعرفه انها شغالة زين لكن قوانين العقار الاخيرة أثرت على قطاع العقار عامة. واستحواذ ما ادري شنو الهدف منها (يمكن الاستحواذ على شركات الدار مثل المدار في حال حاجة شركة دار الاستثمار لبيعها) مثل ما حصل مع المشاريع والوطنية للطيران ببيع يوباك ومثل ما حصل مع الدولية للأجارة وصكوك ببيع منشأت.
دائماً هذه الشركات تعمل لصالح الشركة الأم وبالاصح لمصلحة كبار مؤسسينها
والله اعلم
وشكرا لك ...
