الوطني يواجه أكثر من 7000 دعوى قضائية بسبب القروض

[BO-ABDULLAH]

البرنامج الانتخابي للاخ خالد الزامل

http://kalzamel.com/program.htm

 

[chakbom]

عالجنا شكاوى تجاه المصارف وتلافينا ما هو مترتب على الفوائد.. مازلنا ندرس صندوق المعسرين ولم يبت فيه حتى الآن في البنك المركزي واللجنة القانونية الوزارية.. السعودية تقر ترتيبات لتوفيرالسلع وضبط الأسعار
الشمالي: أنهينا مخالفات أقساط مواطنين على البنوك
كتب مطيران الشامان ومحمد الهاجري وعبدالرزاق النجار:


قضية ديون المواطنين بدت واضحة في اجندة الحكومة، فوزير المالية مصطفى الشمالي نقل هذا الاهتمام في تصريح لـ «الوطن»: «البنك المركزي نجح في انهاء المخالفات الواقعة على البنوك الكويتية تجاه الفوائد والاقساط المترتبة على المواطنين».
وذكر الشمالي ان «المخالفات الواقعة انهيت واصلحت الامور كافة»، مشيرا الى ان «البنك المركزي عالج المخالفات الواردة من شكاوى المواطنين تجاه بعض البنوك».
وعن مشروع قانون صندوق المعسرين افاد الشمالي ان «الحكومة مازالت تدرسه بشكل واف، ولم تبت فيه حتى الآن في البنك المركزي واللجنة القانونية الوزارية»، مضيفا «سنستعين بملاحظات واقتراحات اعضاء مجلس الامة المنحل». منقول من جريدة القبس بتاريخ 6-5-2008 يوم الثلاثاء

 

[@ عاشق الريم @]

الشمالي شكله بياع حجي أو محد محترمه من أدارات البنوك

ماقول الى عالجو ظروسكم

 

[@ عاشق الريم @]

شرايكم مدام الحق معانا والخطء على البنوك نسوي أعتصام أمام البنك المركزي يوم الأحد القادم 9 صباحا لازم نضغط عليهم ربعنا مايمشون الى بالطراقات والفضايح

 

[(فزاع)]

يوم الاحد جلستي مع الخبير ..

 

[Fishta]

ياجماعة اخوكم خالد الزامل نازل لا تقصرون معاه

الصوت الرابع خل يكون لهذا الانسان الذي اثبت مدى شهامتة و حبة للكويت والكويتيين

والله يوفقة يارب
www.kalzamel.com
وبرنامجة الانتخابي جدا ممتاز
ارجو الاطلاع عليه

وشكرا
كويتي غيور

السالفة سالفة إنتخابات ولا شنو

 

[Ugly]

البنوك الكويتيه تمتص دماء الكويتيين

 

[نوط بو 1000]

يستاهل والله
عز الله ما قصرت
وبيض الله وجهك يالزامل
حتى لو ما نجحت بالانتخابات
تأكد ان الناس تدعي لك بالخير
لانك نورت الناس وبينت النصب والاحتيال
اللى يقوم فيه البنك المركزى وصبيانه البنوك
رايتك بيضا ما قصرت فى ميزان حسناتك انشاء الله

لا وإنت الصاج..

المركزي هو صبي البنوك المطيع لإنه قاعد يخدم البنوك بقراراته السابقه ( أو بالأصح عدم وجود قرارات تردع جشعهم ) و سكوته عن فعايلهم كل هالمده..

و لما فاحت ريحته جاي الحين بعد ما كل الكويتيين طاحوا في فخ القروض يسوي روحه حامي الديار و أصدر قوانينه على القروض الجديده..

صح النوم يالمركزي قرارتك الحين ما منها فايده بعد ما صار كل الشعب مديون و تحت رحمة البنوك الحراميه.​

 

[عصويد]

أحد منكم شاف شالية محافظ البنك المركزي والله لوتشوفونة تقولون لالا اقول اي الوليد بن طلال اي بطيخ ..الشالية خل منتجع صالح اشهاب علي يمينك موالشاليه الي يمه الثاني ولابالخيال الله يزيدة

 

[نوط بو 1000]

أحد منكم شاف شالية محافظ البنك المركزي والله لوتشوفونة تقولون لالا اقول اي الوليد بن طلال اي بطيخ ..الشالية خل منتجع صالح اشهاب علي يمينك موالشاليه الي يمه الثاني ولابالخيال الله يزيدة

الله يزيده شنو؟!

عبالك سكوته عن نهب البنوك للمواطنين كل هالمده ببلاش..؟!

المثل يقول لك ما يخدم بخيل

 

[baselko]

اليوم كنت بمبنى القروض الجديد لبنك الوطني عندي شغلة والله ياشباب مسخرة حاطين موظفتين فقط يردون على استفسارات المراجعين والعالم تتحلطم وطايحيله سب بالبنك وهالموظفتين ضايعين بالطوشه مو عارفيت يردون على منو من كثر العالم وباعتقادي ليش اكثر المراجعين يبون يطلعون شهادة مديونيه فالبنك حط موظفتين علشان الناس تمل من النطرة وتمشي وفعلا هذا اللي حصل اكثرهم عطاهم جم سبه وطلع .

 

[BO-MUBARAK]

انا اللي اشوفة لحد الحين انه اللي حصل على حكم اهو نفسه خالد الزامل

واللي رفعو قضايا بعده واكتبو بالمنتدى انغمتو والا مادري شصار فيهم ؟؟!!!


لا علمونا شصار ولا شي بس روووحو ارفعو قضية وخالد الزامل ربح قضيته والعالم ركضة ولين الحين
محد ربح القضية الا هوو هذا يعطينه علامة استفهام كبيره ؟؟؟؟؟؟؟؟؟؟؟

هل الحركة هذه مقصودة من الزامل علشان الانتخابات ؟؟!!!

واذا الجواب لا ويــــــــــــــــــــــــــن الي رفعو قضايا بعده


نبي جواب والا الحركة من اجل الانتخابات !

 

[chakbom]

انا رفعت قضيه بتاريخ 15-3-2008 وحكم لي القاضي بندب خبير بتاريخ 22-4-2008 ورحت على الموعد ومالقيت ملفي وعطوني موعد ثاني بتاريخ 14-5-2008 وان شاء الله راح اقولكم شنو يصير معاي في جلسة الخبير - اما بالنسبه على الاخ خالد الزامل من نزل الانتخابات مايرد عن احد ولا يدري عن موقع جك بوم.

 

[SMoOoKY]

وأن تكلمنا وقلنا جذيه طلعنا احنا جذاك....الله المستعان وانا اقول وفروا بيزاتكم ابرك...

 

[بوحابس]

بسم الله الرحمن الرحيم

شباب انا راجعت المحامية هبة السهلي اللي انصحونا فيها الشباب

صراحة افهمت الوضع بس قالتلي كذا شغله حسيت اني عبييييييييييييييييييييييييييييييييييط

اولا قالتلي ان عقود البنوك كذا نوع في استهلاكي في رهن عقاري في بالون في نظام قرضين انت اي نوع

السؤال الثاني شنو وقعك البنك ضمانات ؟

بعدين قالتلي ان قضية ندب الخبير محد يخسر فيها لان طلب المدعي فيها بس ندب خبير وبعدين يحق لك اتعدل الطلبات


صراحه عيب اللي قال عنها جاهله ترا مو اسلوب حوار انا احس انها فاهمه ووكلتها وتوكلت على الله

على فكرة قالتلي شغله مهمه

ان العطله القضائية اذا بدت لازم تنطرون ما ترفعون قضايا فاللي يبي يرفع يلحق يرفع عشان ما يتعطل واللي يتصلون عليه للتسويه لا يتورط وويوقع ترا حيله

واي سؤال عن اللي صار انا حاضر

وادعولي بالتوفيق

 

[CENTRALBANK]

شطب المرشح خالد الزامل

 

[مراقب الاسهم]

شباب انا راجعت المحامية هبة السهلي اللي انصحونا فيها الشباب

صراحة افهمت الوضع بس قالتلي كذا شغله حسيت اني عبييييييييييييييييييييييييييييييييييط

اولا قالتلي ان عقود البنوك كذا نوع في استهلاكي في رهن عقاري في بالون في نظام قرضين انت اي نوع السؤال الثاني شنو وقعك البنك ضمانات ؟

بعدين قالتلي ان قضية ندب الخبير محد يخسر فيها لان طلب المدعي فيها بس ندب خبير وبعدين يحق لك اتعدل الطلبات صراحه عيب اللي قال عنها جاهله ترا مو اسلوب حوار انا احس انها فاهمه ووكلتها وتوكلت على الله

على فكرة قالتلي شغله مهمه

ان العطله القضائية اذا بدت لازم تنطرون ما ترفعون قضايا فاللي يبي يرفع يلحق يرفع عشان ما يتعطل واللي يتصلون عليه للتسويه لا يتورط وويوقع ترا حيله

واي سؤال عن اللي صار انا حاضر

وادعولي بالتوفيق

اولا:
عسالله يوفقك وتكسب القضيه لصالحك

ثانيا:
بخصوص المحاميه المذكوره اعلاه محد انتقد هذه المحاميه الا انا
ولازلت عند كلامي لاني مدرك وأعي مااقول ولا اطلق كلام (((بالهوا)))

واليك الدليل

هذي المشاركه الاحد الاخوان بتاريخ 16 \4
تطلب منه انه يوفر مستندات وشهاده مديونيه بالوقت اللي فيه البنوك ماتعطي اي اثبات للمقترضين المتضرريين وبالوقت اللي فيه الناس ترفع قضايا بالآف ((ندب خبير))) حسب موقع المواطن خالد الزامل

انا براجع اليوم مكتب المحاماة اللي كان رقمه موجود محامية كانت تشتغل في البنك
بس امس لما اتصلت قالو الافضل انك توفر المستندات شهادة المديونية وكشف الحساب

ادعولنا شباب والله المستعان

ووبعدها نبهت الاخ واللي اهو ابدوره ممكن نبه المحاميه بذالك انه يرفع قضيه((ندب خبير))) على طول ولايضيع وقته مع المحاميه ومطالبها لان البنك ماراح يعطيه االاوراق
======

["]اسمح لي هالمحاميه ايا انها جاااااااااهله وماتعرف شغلها او انها لها مصلحه
وماتبيك ترقع قضيه

لان مستحيل البنك يعطيك اي مستندات بخصوص القرض بالوقت الحالي
البنك مو غبي يروخ الموت برجوله

انسى يعطونك

قولها شوفي شغلج يا استاذه ارفعي دعوى (((ندب خبير )))) على حسب موقع ((ضمير الامه وصوت الحق \خالد الزامل ))
واغلب القاضايا الي رفعت على المنوال
لا تتنظر اي شي من البنك او من البنك المركزي بكبره

(((ماورا بيشه عيشه الطيور طااااااااااااارت بارزاقها ))))[/COLOR]

ومن ذاك التاريخ الى اليوم بعد هاذا التبيه تم تدارك الوضع وجدت مشاركه رقم((1)) لك اللي اتمنى انها ما تكون عابره وان هذا المنتدى يكون منتداك في كل وقت

شباب انا راجعت المحامية هبة السهلي اللي انصحونا فيها الشباب

بعدين قالتلي ان قضية ندب الخبير محد يخسر فيها لان طلب المدعي فيها بس ندب خبير وبعدين يحق لك اتعدل الطلبات

شنو نفسر هذا لما مواطن فقير مثل(((مراقب الاسهم)))
شهادته دبلوم ينبه محاميه بطريق غير مباشر عن شغلات المفروض ان تعملها
وبعدين شنو المحاميه مخترعه ذره لما تذكر انواع القروض هذي متعارف عليها من زمان ونعرف
يعني شغلات اهي بنفسها ما تعرفها
رغم انها شغاله ببنك سابق على حسب ما ذكر احد الاخوان تشتغل محاميه في بنك سابقا
وهذي الجمله حط تحتنها خط تشتغل سابقا في بنك كمحاميه

وهذي ماودي اخوض بتفاصيها ولكن بما انها سردت لك تفاصيل القروض
ابيك تسألها هالسؤال ((( هل تعلم ان البنوك تمنح قروض لاشخاص طبعيين غير موظفين ))) ومعني طبيعيين انهم اشخاص عاديين لاوزير ولا رئيس مجلس اداره ولاشيخ ولا شي
ابيك توصل لها هالسؤال وتحيب لي الاجابه ضروري ممكن الاجابه عليه تشفعها شوي ووتصير دعايه لها

 

[بومعالي]

شطب المرشح خالد الزامل

على أي أساس ؟؟!!

 

[مراقب الاسهم]

شطب المرشح خالد الزامل

الغالي CENTRALBANK

ممكن تجيب لنا مصدر هالخبر لان صراحه الايام صايره موضه اشاعات شطب مرشحين للتأثير على مسارهم بالانتخابات امس خالد الشليمي
واليوم خالد الزامل اتمني تجيب لنا المصدر حتى لانرى مشاركه اخرى
يقولون فيها ان جاسم الخرافي او مسلم البراك تم شطبهم

 

[kuwaitey]

الغالي CENTRALBANK

ممكن تجيب لنا مصدر هالخبر لان صراحه الايام صايره موضه اشاعات شطب مرشحين للتأثير على مسارهم بالانتخابات امس خالد الشليمي
واليوم خالد الزامل اتمني تجيب لنا المصدر حتى لانرى مشاركه اخرى
يقولون فيها ان جاسم الخرافي او مسلم البراك تم شطبهم

اخوى مراقب بنسبة لخبر شطب المرشح خالد الشليمى

اذاعو الخبر اليوم الساعه ثنتين على قناة الراى

كان فى برنامج مستضيفين فيه المرشحين

واثناء القاء المذيع أكد خبر شطب المرشح خالد الشليمى

سألت واحد من الشباب وقلت له شنو سبب شطب المرشح

قال لى انه عليه او عنده قظية اعلان افلاس بس للأمانه مانى متأكد

من معلومة الرجال لانه يقول اعتقد ويمكن بس كل شى يبين باجر