مع المتألق MxXy وحصريا أجهزة الإنترنت مشاكلها وحلولها

[abood-18]

لا تعتقد أن كلمة 30 جيجا الكل يدري عنها أو اهيه رسمية

حجي خلني أقولك شغله الكلام الي بقوله نوعا ما يديد اهوه مو يديد لكن قلته من قبل بشكل سريع جايز يعني محد نتبه !!


لا تعتقد أن كلمة 30 جيجا الكل يدري عنها أو اهيه رسمية لكن كلمة 30 ججيا اتفقو عليها الدعم الفني على ان من يتعداها يلعنون خيره يعني المفهوم من الكلام ان انت ممكن تتعده حتى ال 30 جيجا مثلا 36 جيجا وما يقللون السرعة عليك لكن في حالة انك تحمل بشكل بطيئ اقصد مابين فترة وفترة ومو بشكل مستمر !! يعني مثلا حملت اليوم 8 جيجيا وباجر 8 جيجيا وبعد 5 ايام حملت 10 جيجيا وبعد 4 ايام حملت 9 جيجا اعتقد محد بيكلمك لكن لا تتعده حدودك زياده عن اللازم ,,, بالنسبة للرد على سؤالك بشكل اوضح لحد الان ما في اي خبر بخصوص ال 30 جيجا ومثل ماقتلك اهوه مسمى فقط وليس حقيقي انزين في واحد اليوم اليوم مثلا يحمل 28 جيجا بنفس الوقت هذا مصووقر يحطون عليه تقليل السرعة عرفت يعني مو شرط ( اهمه مالهم شغل فيك لكنن يقولك حدث العاقل بما يعقل !! فوق ال30 جيجا ليييييش اكيد تبي اتاجر ؟؟ جذي يقولك فالحل تقليل السرعة

احتمال وهذا الكلام مني انه ان لو صارت الشبكة 14.4 ميجا !! أتوقع راح يعطونكم مجال اكثر للتحميل بدون خوف ,,, يا ولد عمي انه بالشهر اشبك وهم بعد 3 يشبكون معاي على نفس الجهاز طبعا عن طريق الوايرلس الايجو بأكثر من جهاز وفوق هذا ما يتعده 17 جيجيا وانه احمل ملفات الدنيه لكن انتو ما دري شتحملون اكيد افلام !! ؟ صح والافلام عدو الشركات لأنهم يخافون من التجارة وشكرا​

أنا مشترك في ايجو من شهر يناير اشتراكي 27دينار بالشهر وكل شهر ينزلون السرعة إلى 15 بالثانيه ما يتعداها وإلى مو امصدقني راح ارفق صوره أتبين السرعه برابط مباشر إلي بالصفحة الأولى أدق على 107 يقولون اني عديت 30 جيجا اقولهم مستحيل انا ما نزلت 30 جيجا يقولي هذا السستم كل ما تتعدى 30 جيجا ينزل السرعة فقلت اني من بداية الشهر بسجل كل شيء أحمله وبالفعل سجلت ما عديت 20 جيجا ونزلو السرعة قبل ستة ايام علما اني اذا نزلت فلم حجمه 750 mb اسجلة 1 جيجا
أشلون أتقول أن لا تعتقد أن كلمة 30 جيجا الكل يدري عنها أو اهيه رسمية
وأرد أقول أن السرعة ما تتعدى 15 بالثانية

 

[abosalem88]

وعليكم السلام


طول بالك ويذا كل خطأ ينتج عنه واحد يقول بعفس الشركة تره الدنيه ضاعت وهذي رجعيه !! عُلم ؟

ندخل في الموضوع الحين : واضح وبدون أي مقدمات أن الخطأ من شركة زين ونشالله الخطأ راح يتصحح إن شاء الله سواء أن سويت الي بقولك عليه وله لأ خلال أيام المقبله من قسم الحسابات وعلشان أطمنك ,, هذي المشاكل قاعده تصير مع شركة زين والوطنية بكثرة ولا يخلو عنها بالشهر أصلا اهمه حاطين موظفين في الدور الرابع Hq2 بس علشان يعدلون المشاكل هذي وطبعا الحين قاعد اتكلم بشركة زين , ( آنه السنة الي طافت حطلو علي مبلغ 120 دينار بالغلط ودقيت عليهم وعدلوه خلال 6 ايام ) ( آنه عندي خط فواتير كل شهر 29 دينار حطو علي 52 دينار بالغلط وخلال 7 أيام رجعو المبلغ ) أكثر من واح دمر علينه في هالمنتدى صارتله نفس السالفة لكن ما طلع خايب ولي يقولك كنسلت قوله جــذاب وعلى حق !! ؟

الي بتسويه أنت الحين راح يسويه أي واحـــــــــد بكل بساطه وتذكر أن إيذا أنت فهمت الموظف عدل الغلط مسألتك ماراح اطول لكن انت تجهل والموظف يجهل اطول المسألة !


الي بتسويه الاتي :-

تتصل 107 وتقولهم أنت بطلت اشراكك تاريخ كذا وانت دفعت مثلا مره وله مرتين كذا والخط بأسم الفلان الفلاني وان المشكلة ان حطو عليك مبلغ بالغلط قيمة 150 دينار وتفهم الموظف وتقوله ان بلا شك وطبعا لا يعقل أن يكون وصل بالمبلغ هذا وانه اشتراكي 13.5 لا يعقل واصلا لو اني تعديت الحجم راح تكون سرعة مثل خط البيت وماراح اقدر اوصل كل هذا وانه دفعت الي علي من قبل وهذا منكم وأرجو تصحيحه بأقرب وقت ممكن من قسم الحسابات !! حلو يقولك بقدم شكوه قوله اوكي قدم شكوه راح ينقل الكلام الي قلته انت حق الكمبيوتر والكمبويتر ينقلها إلى قسم الحسابات طبعا اليوم ضاع وباجر السبت ضاع يوم الاحد راح يشوفون مشكلتك مع ان الحسابات شغالين لي 12 بليل لأن شي مهم بالنسبة لهم خلصت المكالمة وتسكرت دق بعدها ب ساعتين ووكلم الموظف وقوله انه مقدم شكوى شصار عليها يقولك متى مقدمها قوله من ساعتين يقولك باقيله وايد قوله اهم شي فيه شكوى يقولك اي قوله اوكي , ادق يوم الاحد يفضل انك ادق يوم الاحد الصبح وتقولهم انه بشوف شصار على الشكوة لأن صارت 48 ساعة وما دقوا علي طبعا راح يدقون عليك الدعم الفني من 109 أو 900 ويقولك خير قوله السالفه وطبعا راح يفهم السالفه ويمكن يدقون ويمكن لأ وراح يشيلون كل الغلط وترجع الامور طبيعية عرفت خيو ؟ بس لا تعصب على شركة لأن ........ طول بالك يبه طول بالك​

في شيء غلط في زين قسم الحسابات::verymad::

الفاتورة الشهر الحالي دبل

علي العموم مشكور أخوي mxxy أنا سويت نفس الكلام اللي قلتة
وبنطر ليوم الأحد يدق علي الدعم الفني​

 

[mxxy]

الله يعطيكم العافيه

الله يعافيك ومشاركتك معانه كبيره ​

 

[mxxy]

أنا مشترك في ايجو من شهر يناير اشتراكي 27دينار بالشهر وكل شهر ينزلون السرعة إلى 15 بالثانيه ما يتعداها وإلى مو امصدقني راح ارفق صوره أتبين السرعه برابط مباشر إلي بالصفحة الأولى أدق على 107 يقولون اني عديت 30 جيجا اقولهم مستحيل انا ما نزلت 30 جيجا يقولي هذا السستم كل ما تتعدى 30 جيجا ينزل السرعة فقلت اني من بداية الشهر بسجل كل شيء أحمله وبالفعل سجلت ما عديت 20 جيجا ونزلو السرعة قبل ستة ايام علما اني اذا نزلت فلم حجمه 750 mb اسجلة 1 جيجا
أشلون أتقول أن لا تعتقد أن كلمة 30 جيجا الكل يدري عنها أو اهيه رسمية
وأرد أقول أن السرعة ما تتعدى 15 بالثانية

شـوف حجي انه قلت من الصفحتين السابقتين !! ان مو شرط انك تتعدى ال 30 جيجا يقللون عليك السرعة يمكن انت مخليه يحمل 48 ساعة يقلوون عليك السرعة عرفت !! حجي ,,, لكن انت تقول ان السرعة عندك 15 بالثانية انه ماني فاهم قبل تقليل السرعة 15 بالثانية وله بعد تقليل السرعة 15 بالثانية ارجو الافاده علشان اعرف شي ممكن يكون في بالي​

 

[mxxy]

في شيء غلط في زين قسم الحسابات::verymad::

الفاتورة الشهر الحالي دبل

علي العموم مشكور أخوي mxxy أنا سويت نفس الكلام اللي قلتة
وبنطر ليوم الأحد يدق علي الدعم الفني​

أي نعم عادي تصير ومن كل الشركتين الوطنية وزين عادي تصير لخبطه بالحسابات وبعض المرات مو شرط انت تقولهم ان في مشكلة اهمه بروحهم يحلونها لا تخاف ال oracle يصيد كلشي !! شوف حجي سو الي قتلك عليه وباشرنه بآخر التطورات

 

[mxxy]

السلام عليكم

اول شي يعطيك العافية على مجهوداتك
عندي سؤال على السريع انا عندي ايغو وشريت من جم يوم الرسيفير
الي يشتغل على الانترنت سويت شير بواسطة النتوورك حق الريسيفير باستخدام كيبيل النتوورك يعني بكل يوم اشبك تقريبا من 10 الى 12 ساعة
والاحظ انه الايغو يصير حار شوي تعتقد انه ممكن يخترب على استعمالي هذا
وسلامتك​

الـــــسلام عليكم

حياك الله معانه


أخـــوي بعطيك مثال مشابه للعمل الي انت قاعد تقوم فيه , آنه مخلي الإيجو شغال تقريبا 14 ساعة يوميا أستعمال وطبعا مسويله توزيع والتوزيع هذا طبعا يشبكون عليه 3 بالبيت !! يعني 3 أشخاص يسحبون من سرعة الانترنت من 3 أمـــــــــاكن عرفت وضغط عليه وتصير حاره بعض المرات لكن عــادي ما يضر الي بقوله أن مسألة أن الايجو يخترب أعتبره شي بعيد لكن هم محتمل لأن تدري مو شرط يمكن القطعة الي عندي مكوناتها اقوى من الي عندك وهذا من المصنع يصير جذي فلا تستهر بالموضوع لكن لا تشيل همها بنفس الوقت , بعطيك بعض النصائح

يفضل وضع الايجو بمكا مرتفع عن سطح الارض بنسبة 65 cm
يفضل وضع قطعة الايجو على زجاج مثلا حط الايجو على طاولة من زجاج
خل الاستعمال من 8 ساعات إلى 11 ساعة وهذا نشالله ما يأثر وله يصير للقطعة شي


انت تقول 12 ساعة ؟ 12 تحميل ها ؟ دربالك لا تتعدى ال 30 جيجا او تتواصل في التحميل 24 ساعة بشكل سريع ومستمر وبعدين يقللون عليك السرعة


لو في شي ما وضحته او حاس انك ما اخذت الزبده من السؤال قولي باي

 

[الكتكوت المتوحش]

السلام عليكم آسف على التأخير !!

أولا الله يجزيك خير وثاني شي بالنسبة للفرق أن ال 13.5 أشتراك عادي وهو يوصل بالميت 400 كيلو بت


والاشتراك 7.2 يوصل معاك من 3400 كيلو بت إلى 5600 كيلو بت وماعنده مشكلة لو أكثر بعد !! عرفت وله مستقبل لأن الشبكة راح تطور أكثر

وعلى العموم ماله قياسات لأن الشبكة مالته قويه وسريعه وممتازه

جزاك الله خير اخى ، وكثر الله من امثالك ، ومسموح يالغالى

 

[mxxy]

جزاك الله خير اخى ، وكثر الله من امثالك ، ومسموح يالغالى

الله يجزيك خير

 

[Q8 Stock]

ترى الايميل مانقدر انبطله بالايقو

شنو الحل ؟

 

[abood-18]

شـوف حجي انه قلت من الصفحتين السابقتين !! ان مو شرط انك تتعدى ال 30 جيجا يقللون عليك السرعة يمكن انت مخليه يحمل 48 ساعة يقلوون عليك السرعة عرفت !! حجي ,,, لكن انت تقول ان السرعة عندك 15 بالثانية انه ماني فاهم قبل تقليل السرعة 15 بالثانية وله بعد تقليل السرعة 15 بالثانية ارجو الافاده علشان اعرف شي ممكن يكون في بالي​

طبعا بعد تقليل السرعة ما تتعدى K 15

 

[mxxy]

ترى الايميل مانقدر انبطله بالايقو

شنو الحل ؟

صحيح هذا الكلام فعلا الهوت ميل انبكس ما يتبطل طبعا مو دائما لكن فيه نوعا ما من المشكلة , شـوف طبق التالي يضبط معاك نشالله والله اعلم ,


شوف طبق الي بالصورة الحين ونشالله يدش معاك


​

 

[mxxy]

طبعا بعد تقليل السرعة ما تتعدى K 15

أوكي يعني من بعد تقليل السرعة قام يوصل 15 بالثانية وهذا طبيعي انه حسبالي قبل التقليل او المشكلة يعني !؟

المهم عُلم ان بعد تقليل السرعة

حجي انت تقدر تقولي شلون حسبت الكمية الي حملتها انت تدري من متى اهمه يحسبون الي حملته وتدري متى يجمعون البيانات الي حملتها ؟ فيقررون انهم يوقفون السرعة ؟ اهمه يبتدون الحساب لجميع المشتركين من اول الشهر لي نهاية الشهر مثلا من 1-5 إلى 31-5 جذي حجي وفي هذا الوقت لو وصلت مثلا في تاريخ 16-5 وانت تعديت ال 30 جيجا راح يقللون السرعة او انك تكون مخليه 48 ساعة تحميل مباشر دون انقطاع وهذا يأذي الدعم الفني هناك عرفت حجي انزين ما علينه انت تقدر تقولي شلون حسبت الكمية الي حملتها ,, على العموم تقدر تقدم شكوى مستعجله وتقولهم ان في خطأ في الحساب وانك ما تعديت الكمية الي اهمه ذكروها وهمه راح يقولولك السالفه لكن قبل لا ادق لازم تكون متأكد من حساباتك ولو حتى 30 % وشكرا وعطني الاخبار ​

 

[الوداع]

السلام عليكم
مكسي الحقني شسوي
اليوم رحت ادفع حق الايغو عن طريق الفواتير ودفعت 27 دينار ولا يقولي الرصيد الي يبونه مني 383 دينار !!!!!!! والاتصال شغال عندي عادي
ليش 383 دينار ماسويت شي انا .. بس اتصلت عليه وقالي ماعليك هذا خطأ بالنظام وان شا ءالله خلال 48 ساعه يتصلون عليك ويحلون المشكله
الحين شسوي انا دفعت 27 راحت علي ولا شنو والمبلغ الكبير هذا الي يبونه مني شسوي صج راح يحلون المشكله ولا بس كلام

 

[mxxy]

السلام عليكم
مكسي الحقني شسوي
اليوم رحت ادفع حق الايغو عن طريق الفواتير ودفعت 27 دينار ولا يقولي الرصيد الي يبونه مني 383 دينار !!!!!!! والاتصال شغال عندي عادي
ليش 383 دينار ماسويت شي انا .. بس اتصلت عليه وقالي ماعليك هذا خطأ بالنظام وان شا ءالله خلال 48 ساعه يتصلون عليك ويحلون المشكله
الحين شسوي انا دفعت 27 راحت علي ولا شنو والمبلغ الكبير هذا الي يبونه مني شسوي صج راح يحلون المشكله ولا بس كلام

لا حول ولا قوة ألا بالله , هذي المره 10000 الميلون يغلطون نفس الغلط انه صارت معاي لحد الان مرتين او ثلاث مرات ,, على العموم الي دفعته ماراح اكيد طبعا ماراح وراح يحلون المشكلة في قسم الحسابات هذي مو بس وياك مع اكثر من واحد صايره فيه لازم في حل حق هالموضوع هذا شركة زين طفح الكيل وياها وانه اعتررف بهذا الشي مع موضوع الفواتير الخاطئه يصير خير نشالله ::verymad:: ​

 

[coooool2]

لا حول ولا قوة ألا بالله , هذي المره 10000 الميلون يغلطون نفس الغلط انه صارت معاي لحد الان مرتين او ثلاث مرات ,, على العموم الي دفعته ماراح اكيد طبعا ماراح وراح يحلون المشكلة في قسم الحسابات هذي مو بس وياك مع اكثر من واحد صايره فيه لازم في حل حق هالموضوع هذا شركة زين طفح الكيل وياها وانه اعتررف بهذا الشي مع موضوع الفواتير الخاطئه يصير خير نشالله ::verymad:: ​

شوف انت قلتها بلسانك صارت معاك اكثر من ثلاث مرات يعني تبيني كل مره ادق و يشيلون الرصيد و يعيدون نفس السالفه؟ لا يبا شالسوالف هذي و اذا شالو رصيدي و كرروا نفس السالفه ترا احسن اكنسل اشتراكي و انطر الاتصالات الثالثه و انا ادري سالفه الفواتير الخاطئه عند زين و الوطنيه لكن اكثر شي زين .. و بعدين لا سمح الله اذا رفعوا قضيه علي اكيد يحطوني بالقائمه السوداء و يمكن سجن علشان خطأ من حساباتهم!! و اذا كسبت القضيه اطالب تعويض 5001 دينار نتيجه عن الأضرار النفسيه و الماديه لووول

 

[UNIX]

شوف انت قلتها بلسانك صارت معاك اكثر من ثلاث مرات يعني تبيني كل مره ادق و يشيلون الرصيد و يعيدون نفس السالفه؟ لا يبا شالسوالف هذي و اذا شالو رصيدي و كرروا نفس السالفه ترا احسن اكنسل اشتراكي و انطر الاتصالات الثالثه و انا ادري سالفه الفواتير الخاطئه عند زين و الوطنيه لكن اكثر شي زين .. و بعدين لا سمح الله اذا رفعوا قضيه علي اكيد يحطوني بالقائمه السوداء و يمكن سجن علشان خطأ من حساباتهم!! و اذا كسبت القضيه اطالب تعويض 5001 دينار نتيجه عن الأضرار النفسيه و الماديه لووول

أخوي،، عندي تعقيب على توقيعك.

شركة نور للاتصالات هي ليست شركة الاتصالات الثالثة و التي ستنافس زين و الوطنية.

نور للاتصالات هي شركة تعنى بتأسيس البنية التحتية للاتصالات و هي مثل شركة المستقبل للاتصالات و شركة حيات كوم.

لذا وجب التنويه.

 

[ميكانيكي]

السلام عليكم

اخواني

عندي مشكله بالشاشه

شاشتي ال سي دي 19 بوصه مستطيله

ما يمديني اقعد ساعه ولا ساعتين الا ضربني عوار براسي وعيوني

شالحل ؟؟

معني مخفف الاضاءه

وذاك اليوم واحد من الربع يايني .. قاعد بعيد يقولي شفي شاشتك تعور الراس والعين

شالحل ؟؟

 

[UNIX]

السلام عليكم

اخواني

عندي مشكله بالشاشه

شاشتي ال سي دي 19 بوصه مستطيله

ما يمديني اقعد ساعه ولا ساعتين الا ضربني عوار براسي وعيوني

شالحل ؟؟

معني مخفف الاضاءه

وذاك اليوم واحد من الربع يايني .. قاعد بعيد يقولي شفي شاشتك تعور الراس والعين

شالحل ؟؟

بدلها ب HP w2007v

راح تدعيلي يالحب!

 

[coooool2]

أخوي،، عندي تعقيب على توقيعك.

شركة نور للاتصالات هي ليست شركة الاتصالات الثالثة و التي ستنافس زين و الوطنية.

نور للاتصالات هي شركة تعنى بتأسيس البنية التحتية للاتصالات و هي مثل شركة المستقبل للاتصالات و شركة حيات كوم.

لذا وجب التنويه.

خلاص اعتذر عن الخطأ الغير مقصود
تقدر تقولي شنو اسم شركه الاتصالات الثالثه؟

 

[ميكانيكي]

بدلها ب HP w2007v

راح تدعيلي يالحب!

الحب

انا شاشتي

hp w1907v

تقريبا نفس شاشتك