شركة الاتصالات المتنقلة - ش.م.ك (زين) ...3

[rahaly]

بكمية 100 ألف سهم بقيمة 203.4 آلاف دينار
سهم »زين« يستحوذ %100 من تداولات الآجل أمس
كتب وليد الضبيعي:

كشفت بيانات تداولات السوق الآجل وذلك لجلسة تداولات يوم أمس عن استحواذ سهم شركة الاتصالات المتنقلة »زين« على نسبة %100 من تداولات السوق الآجل حيث تم شراء جميع الكميات المعروضة على جميع الفترات 3 شهور و6 شهور و9 شهور و12 شهرا بكمية بلغت 100 الف سهم موزعة على 8 صفقات بقيمة اجمالية بلغت 203452 دينار.
يذكر ان سهم زين قد اغلق في نهاية تداولات السوق أمس على سعر 1940 فلساً.

تاريخ النشر: الاربعاء 26/3/2008

 

[حبيبكم]

شباب أبي نصيحتكم
عندي "زين" اشتريته 2160 أبيع الحين يمكن يننزل و لا امسك فيه ؟
واذا ابيعه بجم اعرضه اليوم ؟

جزاكم الله خير

 

[بلوت]

تمسخرت زين اليوم بيع مو طبيعي عليها


شسالفة؟؟؟

 

[ابو حمزة]

دام المعزب فيها لا تخاف واحد
ثانيا يبى يلم المنحة ولا ناسى ؟؟؟؟؟؟؟؟؟

 

[بلوت]

دام المعزب فيها لا تخاف واحد
ثانيا يبى يلم المنحة ولا ناسى ؟؟؟؟؟؟؟؟؟

حنا شريناها علشان المعزب فيها
بس مادري شفيه الله يهداه نسانا جنه


الخرافي يعز اسهمه وما يخليها تنهد بالارض

ان شاء الله يتدخل باسرغ وقت ويتقذنا وينقذ اسهمه

 

[حبيبكم]

عاد ماني بايع لو يوصل دينار
أعتقد انه وصل تقريبا حده الأدنى 1800

 

[حبيبكم]

تمسخرت زين اليوم بيع مو طبيعي عليها


شسالفة؟؟؟

والله مو زين اللي تمسخرت ... احنا اللي تمسخرنا

 

[بلوت]

وين صانع السوق على زين؟؟

الحين يبين صانع السوق الزين من الشين


لازم صانع السوق يتدخل وينقذ السهم


انا مادري ليش موزعين هلكثر منح وزيادة راس مال وهم مو قادرين يدعمون سهمهم

اعتقد الحفاظ على راس مال المساهمين افضل مليون مرة من التوسعات بالعالم

 

[*الشلاحي*]

انشالله راح يصعد السهم اليوم
والله يرزقكم

 

[PAC_3]

السلام عليكم

شباب الاخبار الي عندي ان السهم نازل الي 1800 وهذي فرصة للاستثمار

تنصحني اشتري الحين؟

 

[بلوت]

دام المعزب فيها لا تخاف واحد
ثانيا يبى يلم المنحة ولا ناسى ؟؟؟؟؟؟؟؟؟

قص فينا الخيط المعزب



شكله بنهون محنا معطينا صوتنا بالانتخابات الياية اذا بخسرنا جذي

 

[UNIX]

بالعكس أتمنى نزوله أكثر و أكثر، و سيستمر النزول أكثر من شهر، علشان المحافظ و الصناديق تبني مراكز. لا تنسى الناس قاعدة تبيع منحها علشان زيادة رأس المال.

أنصح بالاحتفاظ بالسهم و لو وصل 1500 فلس لأن لا بد له رجعة و السهم هذا استثماري، اللي يبي يضارب خل يطلع باجر من أول الصبح.

و بالتوفيق.

 

[Ugly]

فعلا السهم استثماري بحت الي شراه ينساه وايي يشوفه عقب سنة انشاء الله دبل

وبالتوفيق للجميع

 

[ENG.electric]

شباب ماتدرون متى اجتماع الجمعية العمومية لربع الأول حق زين؟؟؟

 

[كازابلانكا]

سعر مغرى للشراء مع انى اخذتها 2140دك الله يعوض

 

[بصرك]

ليش ماتفعل الشركه شراء 10بالمائه
شفنا اليوم الوطنيه للاتصالات دشت وعلقت السهم مع انها ماشرت واجد
دور الشركه نفسها دعم سهمها

 

[دينار صاعد نازل]

لاتخافون

أنا شاري كمية مو هينه ب 2.080 دينار للسهم وبصراحة مو متحسف على نزلته لاني متأكد باذن الله ان هالشركة وراها ناس شيغلونها عدل....وبغض النظر عن سعر السوق...لأن السعر السوقي اليومي هو سعر مضاربات بحت...لاتخافون وتوكلوا على اللي عينه ماتنام.

 

[IMSE]

في لقاء مع Warren Buffet قال:" بأنه يستمتع عند نزول البورصة فهذا معناه شراء الأسهم بسعر أرخص، و هل هناك أحد لا يحب الرخص؟ عندما تقوم المحلات بالتزيلات تجد الجميع يذهب ليشتري، و هذا هو حال البورصة عند نزولها، هناك تنزيلات على الأسهم، أليس من المفروض بأن تهب لشراء هذه الأسهم كما تهب لتنزيلات الملابس و غيرها؟"

طبعا هو يقصد عندما تنزل أسعار الأسهم عن أسعارها العادلة و ليس المتضخمة، و هذا لا شك ينطبق على زين. فمن وجهة نظري بأن سعرها العادل بناء على بيانات آخر السنة لا يقل عن 2200.

 

[Mr. Eng.]

في لقاء مع Warren Buffet قال:" بأنه يستمتع عند نزول البورصة فهذا معناه شراء الأسهم بسعر أرخص، و هل هناك أحد لا يحب الرخص؟ عندما تقوم المحلات بالتزيلات تجد الجميع يذهب ليشتري، و هذا هو حال البورصة عند نزولها، هناك تنزيلات على الأسهم، أليس من المفروض بأن تهب لشراء هذه الأسهم كما تهب لتنزيلات الملابس و غيرها؟"

طبعا هو يقصد عندما تنزل أسعار الأسهم عن أسعارها العادلة و ليس المتضخمة، و هذا لا شك ينطبق على زين. فمن وجهة نظري بأن سعرها العادل بناء على بيانات آخر السنة لا يقل عن 2200.

لكن حاليا لغاية وين بينزل؟​

 

[كازابلانكا]

شكلها راح تصير مثل المجموعه وجراند تراوح على الدينار ونص