شركة جيزان العقارية ش م ك مقفلة ( جيزان ) ...6

[بواللود]

اولا: أصبح عليك بالخير يا بواللود.

ثانيا : يعجبني فيك تفاؤلك وثقتك وإصرارك والله يتمم عليك.

ثالثا : إن شاء الله تكون أبواب السماء مفتوحه ودعائك يستجاب للجميع.

رابعا : أشكرك على الجهد الجبار اللي قمت فيه بالفتره الأخيره عشان إقناع الناس وملاك جيزان بالتمسك وشراء السهم والله يجعله في ميزان حسناتك ويرزقك من أوسع أبوابه.

مشكو على الكلام الطيب واسف على التأخير ودزيتلك الهدية في الرساله وانشالله تقراها قبل السوق . وبالتوفيق .

 

[smart master]

الحكم طلع بأعلانات البورصه ؟؟

لا ما طلع

 

[OVER-THE-TOP]

اليوم تدبسنا تدبيسة ما وراها تدبيسة خذيت جيزان 345 حسبالي بعلقها جم يوم

ويصيدني صيدة الله يفكني منها بس ابي راس المال وتوبة ادش على البحر مرة ثانية

 

[بورش]

اليوم تدبسنا تدبيسة ما وراها تدبيسة خذيت جيزان 345 حسبالي بعلقها جم يوم

ويصيدني صيدة الله يفكني منها بس ابي راس المال وتوبة ادش على البحر مرة ثانية

صديقي ليلحين تتحلطم ؟
لاتحاتي ان شاء الله يصعد اليوم, واذا مو اليوم صدقني السنه اليايه نفس هالوقت راح تبيعه 350 شتبي بعد

 

[الأزدي]

جيزان

السلام عليكم ورحمة الله وبركاته


شرح بسيط جداً لهذا السهم ومختصر ......

إغلاق السهم اليوم عند 330 يدل على الاحترافيه والتلاعب على نفسيات المتداولين

نظرتي لهذا السهم تفائليه في الأغلاق فوق مستوى 330 وليس عند

مستوى 325 لأن الأغلاق عند مستوى 325قد يدخلنا في نمط حيره اخر

هناك هدف ينتظرنا عند 365


والله أعلم .........

 

[الوافي ابو محمد]

أنا أعتقد أن البحر يهوش للمساهميين للضغط عليهم ولا ماسكر علي الدعم وإحتمال غداً يرتفع 345 منها كسر المقاومة والله أعلم

 

[B.I.G]

مشكو على الكلام الطيب واسف على التأخير ودزيتلك الهدية في الرساله وانشالله تقراها قبل السوق . وبالتوفيق .

حاضرين وتستاهل أكثر يا بواللود وأشكرك على الهديه الحلوه ويزاك الله الف خير

 

[B.I.G]

شباب إشصاير ليش قالبينها نكد ترى الموضوع عادي او بسيط على الفلم الي صار اليوم . ترى اهم يبون الحاله النفسية الي وصلتو لها علشان إذا صعد باكر 10 فلوس الكل يبيع خوف من النزول . وليش صار الفلم هذأ اليوم . إهو كان يضغط وصارله كم يوم يقط كم مليون سهم علشان ينزله وانيي احنا وغيرنا والصناديق والمحافظ ونشتري المعروض كله ترى هذأ عادي لازم يضغط عليهم وأهما يعرفون هذأ الضغط يعني قطهم وإلا ماتطلع واهم ترى عندهم الكشف منو الي شرا وإذا شرو الكميات ناس عاديه ترى السهم باكر ابيصعد وانشالله يصعد ولا اتفكرون وايد .تفاءلو بالخير تجدوه . وترى زين السهم ما سكر حمر وهذأ يعطي امل اكبير وكأنة تجميع . وريحو بالكم وباكر زين .

قواك الله يا بواللود وأحب أضيف شوية نقاط لكلامك


شوفوا يا جماعة الخير أنا برأيي الشخصي إن اللي صار واللي قاعد يصير تجميع والدليل الآتي:

1)توقيف السهم لمده وبنفس الأسعار أو تنزيله والسوق بصعود مستمر

2)الشراء بالعالي والأقفال بالنازل

3)اللعب اللي كان يصير بالأوامر خلال فترات قصبره ومتقاربه بالتداول

4)العروض الضخمه والطلبات السخيفه دلاله على الضغط الصهيوني والتجميع.

وبالنسبه لكميات التداول أنا أشوفها طبيعيه والدليل يوم إن جيزان إرتد من ال 270 بعد نزوله القوي من ال 450 بشهر 9 يومها كان تداوله 66 مليون وكمل صعود لي 370 وأزيدكم من الشعر بيت الدوليه م ا لمدة 3 تيام كان معدل تداوله فوق ال 40 مليون يوميا.

بالنسبه للناس اللي خايفه من الإستئناف أنا ما أشوف إن يخوف لأن إدارة السوق يمكن ما تستأنف وحتى لو إستأنفوا خير يا طير شبيصير ما راح يصير شي ولا يخرعكم هذا اللي ينقاله الفلاح ترا لا يهش ولا ينش ولا هو فاهم شي بس قاعد يكابر وأعتقد تذكرون يوم مؤتمر الشفافيه شلون كان مختبص ويلف ويدور وما يجاوب على الأسئله وخصوصا من محامي ما يحضرني إسمه حاليا لمن كان يسأله ينتقل حق سؤال شخص أخر بدون ما يجاوب المحامي.....

لا واليوم لما جنابه شرف وطلع على ال cnbc شلكه وهو يتكلم جنه واحد حافظ حجي وبيقوله...بلا عليكم هذا كفو يكون مدير عام السوق.....اللي يعتبر أهم صرح إقتصادي وحساس بالبلد

و بالختام حطوا إبالكم الآتي :

1) موعد الأستئناف ما راح يكون قبل إسبوعين من اليوم يعني جيزان يقدر يوصله 600 (مجرد تخمين)

2) موقف إدارة السوق ضعيف وايد وحتى المستشارين اللي يايبينهم للقضيه قالولهم خلصوا الموضوع وديا وبأسرع وقت ممكن لأنكم راح تخسرون كل القضايا

3) السوق صعد 1700 نقطه من أدنى إغلاق عند 12039 بتاريخ 4-12-2007 وغروب البحر بنزول لا وعلى فكره البحر صحح قبل السوق

4) الآجل اللي كان ناطره البحر كله طاح لا وبالسعر اللي أهو يبيه


إنزين خلونا من كل اللي قلته وإعتبروا كله غلط بغلط بس أنا بسألكم السؤال الآتي :


هل يعقل إن توقيف وتجميع السهم بكميات كبيره لمدة أشهر بالأسعار الحاليه يقابله تصريف بيوم واحد......!!!!!!!!!


الشاهد إن الوضع طبيعي وما يخوف واللي صار اليوم نفظه قويه شوي والأمور طيبه إن شاء الله والطريج بأوله....


وجهة نظر


تحياتي

 

[TABBAZ]

توقيع جديد لعيون البحر

 

[كويتي2006]

اليوم راح يحدد مسار السهم

اذا صعد فمساره ايجابي

واذا نزل يعني مساره سلبي


يعني الحين قايل شي يديد

 

[أبو فلسين]

عموما البحر يعاكسكم ولازم تعاكسونه وشوفوا منو يطيح الثانى
عموما سياسة البحر بتداول اهى الترهيب والترغيب فى أن واحد شلون مادرى

 

[ميكانيكي]

جزاك الله خير الازدي

 

[ابو عقاب]

شمعة الامس تصريف للاسف واليوم السهم متوقع نزولة بعد التصريف
نتمنى يعكس التوقعات

 

[kndor]

صبحكم الله الخير اليوم الاوامر معقوله بس امس اكشن كبير

 

[kndor]

قلنا بالبدايه معقوله بس مو بهالطريقه القط
ليش هذا واهم ربحو القضيه شلون لو خاسرينها شيصير

 

[kndor]

ياستار الطف بعبادك ليش يابحر

 

[ahmad_q8]

رحنه شماااااااااااااااام

 

[بو سجي]

ان الله وان اليه راجعون

رحنا بشربة مية

 

[cid]

مشكو على الكلام الطيب واسف على التأخير ودزيتلك الهدية في الرساله وانشالله تقراها قبل السوق . وبالتوفيق .

أبي الناس اللي تطبلك وينهم ما أشوفهم يا ليت تحللنا الوضع الحالي يا بواللود البحر وتفهمنا اللي يصير يا حكيم!!!!!

 

[كوكتيل]

قالنا بالبدايه معقوله بس مو بهالطريقه القط
ليش هذا واهم ربحو القضيه شلون لو خاسرينها شيصير

لو خسران القضيه تلاقيه يزعل ويصعد اسهمه اسبوع حد اعلى