إذا كان السوق فقط تصحيح ( ولكنه تلاعب )
السلام عليكم أجمعين,
انا أستغرب من الي يقول السوق قاعد يصحح
أقوله كلامك 100% لكل ارتفاع لازم يواجه تصحيح .. حتى تكتمل مسيرة الارتفاع .. مثل السياره كلما عطيتها بانزين وزادت سرعتها .. لازم تخفف يالحبيب حق السيرفس جم يوم .. وبعدين عندك الخط السريع مره ثانيه ( متعقد من نكي سامحوني على هالمثال )
انزين .. بما أن التصحيح يكون بعد ارتفاع.
إذا التصحيح يكون بعد ارتفاع عدة شركات .. ومنها يكون نزول المؤشر بشكل عام ( مع مراعاة ثبات بعض الأسهم الي ماخذت حاصلها في الارتفاع )
السؤال يقول .. هناك شركات لم تأخذ حاصلها في الارتفاع .. مثل المجموعه الدولية وشركاتها .. مركز سلطان ... الخ
هذي الشركات ليش نازله نزول حاد مع تصحيح السوق .. إذا اهيا اصلا مو مرتفعه .. تصحح على شنو ؟؟
هذا ما يسمى بالتلاعب وليس التصحيح
محد قال لاتربحون يامحافظ وياتجار .. ولكن بالتلاعب لااا وألف لااا
في ناس حاطه مستقبل عيالها وبيتها على أمل بعض الشركات ورؤساءها الي كانوا يعطون أخبار وهميه وأحلام ورديه بثبات الشركات وارتفاعها القادم وبدعمهم لها ولمستثمريها. وماشوف الى اللون الأحمر اليوم وأمس.
اربح دينار بشرف .. احسن ماعيش مليونير بايق حلال خلق الله.
لا يكون في بالكم يا تجار ان الناس بتصدق اعذاركم بنزول شركاتكم الى تحت القاع بسبب نزول الشركات ككل .. لااااا
الشركات الي نزلت من بعد ارتفاع عالي لها عذر .. ولكن الشركات الي مارتفعت وانزلت للقاع. أقول لصاحبها .. التلاعب والاعذار هما المنهج الرئيسي لك في ادارة الشركات والتلاعب في حلال "خلق الله".
مانقول الا لاحول ولا قوة إلا بالله العلي العظيم
