هل لديك مشكله مع سيارتك ؟؟ تفضل واعرضها وان شاء الله تنحل

[UNIX]

عندى شفر 2002 والصبابات يطقطقون مثل سيارات الديزل شنو الحل لو سمحت ؟ ولك الشكر

الراس يبيله فك علشان يعيرون الصمامات، و اذا الجاب كبير، راح يبدلونهم لك.
أنا أنصح بالتبديل دام انك بطلت الراس،

أمر سيارتك هين

 

[مستثمردولي]

السلام عليكم

الله يعطيكم العافيه

عندي سوبر مان م 99

مشكلته تمشي بالطريق فجأه نزل الضغط تدوس بانزين نفس الشي ألين توقف السياره

اشغل السياره من جديد يصير خوش ولد ويمشي بس كل يوم يومين تصير هذه الشغل

شنو الحل

وجزاكم الله خير

 

[sanad2007]

بالنسبه لراعي الشفر روح لكراج الباخره يضبطونك تخلي محطة الصافي على يمينك وثاني لفه يمين يصير على يسارك




بالنسبه للسوبر اتوقع اتوقع شغلة تصفيه بلاكات وفلتر بانزين وفلتر هواء وتظيف البخاخات وتتأكد من التشوك اذا شغال اوكي


بالتوفيق للجميع

 

[kuwaitey]

يا بعد قلبي والله .. ما قصرت .. رآيتك بيضه ..
لكن يا اخوي ما تنصحني بـ قراج زين بـ صبغه ..
لأن في جم زلغه بالسياره .. وابي افتك منهم .. مخربين منظر السياره ..

واكون لك من الشاكرين ..

اسف حيل على التأخير اخوى حقك على

اذا تبى تصبغ تروح حق كراج اسمه ديابلو

وذا تبى تسوى ريشه مكان الخدوش مانصحك

اذا كانت واجد ومتفرقه بكل مكان

 

[kuwaitey]

ياشباب بغيت مساعدة الله لايهينكم

ابى كراج زين يصلح دعمة السيارة ومايكون غالى ، رخيص وكويس

وابى ميزان مضبوووووووووووووط ، ذبحتنى الرجفة ، السياره كامرى 99

وابى مكان حق التصفية ويكون شغل عدل حق السوبربان وبالمرُة التكييف مال السيارة قاعد يخوره هالايام يعنى مونفس برودته قبل ، ويطوُل على مايبرد

وسامحونى على الاطالة والله يجزيكم خير ياجماعة

بو حمود دخلت السياره للكراج ولا بعد ...

 

[بوناصر العجيل]

يعطيكم العافيه شباب وشياب ماقصرتو والله يعطيكم على قد نياتكم

ياجماعه عندي اكس فايف وبصبغه صبغ كامل وابي واحد شاطر حق الجامات يعني مو شهر وتخترب

ياليت تنصحوني مشكورين

 

[المستثمر22]

بعطيك العافيه

عندى فنشر الغانم وفجأة ارتفعت حرارته فل علما بأن المراوح شغاله والراديتر متروس ماى

شنو مشكلته؟

والاستفسار الثانى عندى سياره وانيت نيسان 98 اول ما ابدل دهنها واستعملها يبدأ ينقص الدهن وخلال 10 ايام اسبوعين بالكثير ما يبقى من الدهن الا الربع او اقل والدهن اللى استخدمه تيتان والسياره اذا شغلتها الصبح يطلع من الكزوز دخان كثيف مايل لسواد و اذا مشيت فيها ما يطلع الدخان او شغلت السياره والمكينه حاره يعنى بعد 3 او 4 ساعت من اطفائها ما يطلع الا دخان قليل والسياره ما فيها تهريب زيت اتوقع شنو المشكله وجم يكلف التصليح وين احسن مكان

وجزاك الله خير

 

[بوحمود1]

بو حمود دخلت السياره للكراج ولا بعد ...

لا بعد مادخلتها اخوى

 

[النوط]

مرحبا اخوي عندي جاكور فيها رجفة اذا وقفت السيارة ترجف وقالوا لي الزنجير فيه مسكات بلاستيك منكسره ياليت تفيدني واذا تعرف كراج زين ورخيص ياليت تفيدني جزاك الله خير

 

[kw_tahoe]

مساكم الله بالخير جميعا الله يعطيكم العافيه و دمتم لنا و للمنتدى الطيب

اخوي عندي تاهو 2001 امريكي يعني تجاري و اذبحتني اطرمبة البنزين اتزن و اروح ابدلها عند البديع يعني احط اصلية وترد مره ثانيه والحين للمره ثالثه ردت تزن::verymad:: شالحل يا الربع


وعندي تاهو باب واحد 1994 في شلغه لما ادوس بريك و بوقف جنه بيطفي ال ار بي ام ينزل تحت بعدين يرد طبيعي شمنه الحركه هذي تصير

 

[الخياري]

السلام عليكم

جزاكم الله خير على الموضوع المفيد جداا

أنا عندي مشكلتين المشكلة الاولى المكيف عندي مايبرد لما اكون سافط بس لما

استلم الخط او امشي يصير تمام التمام بس لما اوقف يصير حار جدا

وثاني مشكلة عندي العداد خربان مال السرعه

ودي اعرف بجم اصلحه

وسيارتي مكسيما 2002

ومشكورين وجزاكم الله خير

 

[الخياري]

وينكم شباب

 

[VISION]

وينكم شباب

اخوي

احتمال فلتر المكيف؟

روح الوكاله نصيحه لاتخلي احد يتعبث بالسياره


في فلف يفتح ويصكر اعتقد مصكر عندك


موفق عزيز

 

[بوناصر العجيل]

وله احد رد علينا

يلا مشكورين

 

[الموالي]

السلام عليكم

جزاكم الله خير على الموضوع المفيد جداا

أنا عندي مشكلتين المشكلة الاولى المكيف عندي مايبرد لما اكون سافط بس لما

استلم الخط او امشي يصير تمام التمام بس لما اوقف يصير حار جدا

وثاني مشكلة عندي العداد خربان مال السرعه

ودي اعرف بجم اصلحه

وسيارتي مكسيما 2002 اخوي المشكله الاوله من الممكن الكمبيريسر ضغطه خفيف او كميه الغاز وهالسبب ليمه تكون مسرع يكون بارد اما للعداد ما ادري روح كهربائي شاطر ويقولك بس شغله بسيط انشاء الله

 

[free777]

يعطيكم العافيه على الموضوع بخصوص المكيف مكسيما عموم السيارات اذا احترت اشويه تخف بروده التكييف اول شى تأكد من الماى الراديتر علشان لا تخسر نفسك الميكانيكيه ما يهمه شى يبى يطلع منك افلوس اشلون كل شى قدامه يقول بدر وانت الخسران.
1- تأكد من ماء الراديتر
2-تأكد من مروحه السياره شغاله ولا خفيفه الدوران
اذا ماصار شى معاك من اللى سويته (بدل الترمستات )لانه من كل فتره احتمال يجيم الترمستات .
كل هذا هم ما صار معاك شى أخر شى عندك الراديتر يتشيش .
ويعطيكم العافيه

 

[kw_tahoe]

مساكم الله بالخير جميعا الله يعطيكم العافيه و دمتم لنا و للمنتدى الطيب

اخوي عندي تاهو 2001 امريكي يعني تجاري و اذبحتني اطرمبة البنزين اتزن و اروح ابدلها عند البديع يعني احط اصلية وترد مره ثانيه والحين للمره ثالثه ردت تزن::verymad:: شالحل يا الربع


وعندي تاهو باب واحد 1994 في شلغه لما ادوس بريك و بوقف جنه بيطفي ال ار بي ام ينزل تحت بعدين يرد طبيعي شمنه الحركه هذي تصير

مشكلتي يا الربع مالها حل يعني

 

[السبيطي]

رحم الله والديك حقيقة فكرة رائعة

 

[liger79]

انا عندي جراند ماركيز كل شوي تشب ليتاتها الداخل وهي طافيه كل اسبوع صرت بطاريه

ووين اوديها لواحد يفهم لانه كل ما اوديها محد عارف السبب

اخوي الماركيز اللي عندك فيه ارقام سريه على باب السايق ؟
اذا فيه فأغلب المرات يكون منها ... لانها خارج السياره وحساسه ووايد يصير فيها التماس .. وجي اس اللي قالولك عنه بالري ممتاز .. بس يبيلك كهربائي جيد ... والله يعينك

 

[liger79]

مساكم الله بالخير جميعا الله يعطيكم العافيه و دمتم لنا و للمنتدى الطيب

اخوي عندي تاهو 2001 امريكي يعني تجاري و اذبحتني اطرمبة البنزين اتزن و اروح ابدلها عند البديع يعني احط اصلية وترد مره ثانيه والحين للمره ثالثه ردت تزن::verymad:: شالحل يا الربع


وعندي تاهو باب واحد 1994 في شلغه لما ادوس بريك و بوقف جنه بيطفي ال ار بي ام ينزل تحت بعدين يرد طبيعي شمنه الحركه هذي تصير

اخوي الطرمبه طبيعي يكون لها صوت (زنه) لكن اذا الصوت عالي حيل
فهذا مو طبيعي .. ونصيحتي ودها الخدمه السريعه بالغانم .. بس قولهم يفحصونها ويفحصون ضغطها وهل اهي مالت تاهو ولا لأ​