هل لديك مشكله مع سيارتك ؟؟ تفضل واعرضها وان شاء الله تنحل

[نابليون]

السلام عليكم
اخوي السياره شفر ماليبو موديل 98 مثل ما قتلك دقيته سلف كذه مره ليمن طلع صوت انفجار قوي رحت اشوف مصدر الدخان طلع من الكزوز والاكزوز امبط

 

[UNIX]

خلاص وده شويخ صوب مركز المطافي و شركة المطاحن خل يلحمونلك الاكزوز

 

[BoooArab]

السلام عليكم

بس احب اعرف

ليش اذا طالت عمر المكسيمي تقوم تلهف بانزين

شنوا السبب ....وشنو الحل أخوي ؟؟؟؟؟؟

 

[UNIX]

صرف البانزين:

1- افحص ضغط التواير.
2- افحص فلتر الهواء.
3- افحص فلتر البانزين.
4- افحص البلاكات و الوايرات.
5- افحص غطاء خزان البانزين.

 

[BoooArab]

عسي الله يوفقك وجاري التجربه

 

[UNIX]

أنا عندي مشكلة مع خشمي،، في مكان يسوي لي تصفية

الحمدلله عدى الشتاء و الحين يياين للصيف.

فحص الاطارات ضروري + فحص التكييف + نظام التبريد الراديتر

لا تقول سيارتي يديدة أو نظيفة،، الفحوصات اثلالث هذي ما تكلفك 5 دنانير و بالفحوصات هذي راح توفر أكثر من 500 دينار

 

[Nagooshy]

السلام عليكم

اخوي عندي لكزسس فيها رجفية امامية...مع العلم اني من قبل شهرين امبدل الشيال السفلي

شنو احسن قراج لفحص الرجفية ؟؟

وشكراا

 

[UNIX]

السلام عليكم

اخوي عندي لكزسس فيها رجفية امامية...مع العلم اني من قبل شهرين امبدل الشيال السفلي

شنو احسن قراج لفحص الرجفية ؟؟

وشكراا

كراج هنتر عند علي السوري

و الكراج صاير جنب كراجات تصليح الألماني. احذر مو هنتر اللي على الشارع العام.

 

[Nagooshy]

كراج هنتر عند علي السوري

و الكراج صاير جنب كراجات تصليح الألماني. احذر مو هنتر اللي على الشارع العام.

جزالله خير

 

[sanad2007]

هيئه اماميه !!!!


يعقوب الارمني وبسسسسسسسسسسس


والله تصير ازمه بالكويت لو يسافر ديرته هالرجال

بجانب المهلب 4x4 للزينه

 

[kuwaitey]

السلام عليكم

اخوي عندي لكزسس فيها رجفية امامية...مع العلم اني من قبل شهرين امبدل الشيال السفلي

شنو احسن قراج لفحص الرجفية ؟؟

وشكراا

الرجفه لها كذا سبب

السياره ترجف معاك على اى سرعه

تخلى مغسلة الصافى على ايدك اليمين وثالث لفه يمين ادخل فيها

كمل سيده يجيك تقاطع لف يسار

وانت تمشى شوف على ايديك اليمين كراجات واجد من تشوف

محل قطع غيار مستعمل اسمه مونديال بعده بمحل او محلين اسأل

عن ميزان ابو طارق وروح له وقول له مشكلتك

انا جربته والله بعد الله مفى كراج عرف مشكلة سيارتى الا اهو

دخلتها عالم الغنام يومين قالو لى شاصى

وقف دور عند ميزان يعقوب الارمنى من الصبح واخر شى قالى

جسر الشاصى معوج

هنتر وما أدراك ماهنتر والله يومين قاعد عندهم واخر شى

يطلع لى فنى يمنى يقول لى مافيها شى

واخر شى صلحتها 70 دينار مع القطع عن نفس الميزان اللى اقول لك عنه

 

[عزوز الكويت]

انا عندي جراند ماركيز كل شوي تشب ليتاتها الداخل وهي طافيه كل اسبوع صرت بطاريه

ووين اوديها لواحد يفهم لانه كل ما اوديها محد عارف السبب

 

[سهم استراتيجى]

المساعدة

ارسلى احد الشباب يقول عنده يوكن 2003


اليوكن لما يحط القير على R اى القرى يأخذ وقت قبل لا يرجع او يأخذ النمره 4 _ 5 ثوانى وبعدين اذا رجع كأن السايد بريك ماسك مايرجع بسهوله ورجه قويه وصوت ضرب حديد قوى ولما يدوس بانزين احيانا يوقف مايرجع مع العلم ان تبدلات القير الاماميه ممتازه جدا

ملاحظه اليوكن دبل قير

اذا احد عنده فكره عن هالخراب ينورنا جزاكم الله خير

يقول افتر على الكراجات مو عارفين واللى يقول القير خربان والثانى يقول المشكله الدبل ووو

 

[(فزاع)]

السلام عليكم ..
اشلونكم شخباركم ..

الله يعطيكم العافيه .. انا عندي جم سؤال ..
الاول : عندي لاندقروزر وايد مأذيني بالبنزين .. يوم سآلت اكثر من واحد قالوا لي ان اهو جذي طبيعي ..
وقمت وعبيت مع الرصاص وهم بعد ماكو فايده ..
وقبل فتره منظف البلكات ومغير فلتر البنزين وفلتر الهوا ..
هل في حل ولا ماكو ..؟


السؤال الثاني :
هل في قراج يفحص لي السياره من الدعامه لي الدعاميه من باب زيادة الاطمئنان والمتابعه ..؟ وجم يكلف ..؟

السؤال الثالث :
عندي كذا زلغه بسيطه بجم مكان من السياره .. هل من الامكان صبغ تلك الاماكن فقط من غير الصبغ الكامل ..؟

 

[q8gps]

السلام عليكم عندي برادو موديل 2004 المكيف وايد متاذي منه موشي كله وديته عند متاريس الي صاير بشرق قالي مافي شي لانه اهو العيب لمن تمشي بالسياره يطلع مثل هوا مرطب والله وايد متضايق من المكيف والي عنده الحل يفيدني ومشكورين على هالمواضيع الحلوه

 

[kuwaitey]

انا عندي جراند ماركيز كل شوي تشب ليتاتها الداخل وهي طافيه كل اسبوع صرت بطاريه

ووين اوديها لواحد يفهم لانه كل ما اوديها محد عارف السبب

توديها عند كراج اسمه ( جولدن صن ) جنب صفاة الغانم فى منطقة الرى

او توديها كراج اسمه كراج ( العمده ) فى شارع الزينه فى الشويخ

وذا ماقدرت توصل لكراج العمده اسأل اى كراج عنه فى شارع الزينه

 

[kuwaitey]

ارسلى احد الشباب يقول عنده يوكن 2003


اليوكن لما يحط القير على R اى القرى يأخذ وقت قبل لا يرجع او يأخذ النمره 4 _ 5 ثوانى وبعدين اذا رجع كأن السايد بريك ماسك مايرجع بسهوله ورجه قويه وصوت ضرب حديد قوى ولما يدوس بانزين احيانا يوقف مايرجع مع العلم ان تبدلات القير الاماميه ممتازه جدا

ملاحظه اليوكن دبل قير

اذا احد عنده فكره عن هالخراب ينورنا جزاكم الله خير

يقول افتر على الكراجات مو عارفين واللى يقول القير خربان والثانى يقول المشكله الدبل ووو

كلامك اللى انا مظلل عليه بل احمر مشكلته فى ( كلتشات القرى )

نصيحه تقول حق صاحبك لما يروح لايقولون له نركب لك قير مجدد

خله ينزل القير ويبدل كلتشات الجرى

ونبه عليه ظرورى يسوى تنظيف حق البلف بدى ( مخ الجير )

واحرص حيل انهم يعيرون له عيار الكيك داون

موفق ان شاء الله

 

[kuwaitey]

السلام عليكم ..
اشلونكم شخباركم ..

الله يعطيكم العافيه .. انا عندي جم سؤال ..
الاول : عندي لاندقروزر وايد مأذيني بالبنزين .. يوم سآلت اكثر من واحد قالوا لي ان اهو جذي طبيعي ..
وقمت وعبيت مع الرصاص وهم بعد ماكو فايده ..
وقبل فتره منظف البلكات ومغير فلتر البنزين وفلتر الهوا ..
هل في حل ولا ماكو ..؟


السؤال الثاني :
هل في قراج يفحص لي السياره من الدعامه لي الدعاميه من باب زيادة الاطمئنان والمتابعه ..؟ وجم يكلف ..؟

السؤال الثالث :
عندي كذا زلغه بسيطه بجم مكان من السياره .. هل من الامكان صبغ تلك الاماكن فقط من غير الصبغ الكامل ..؟

ماقلت اى موديل وجم سلندر وشنو حجمه

 

[kuwaitey]

السلام عليكم عندي برادو موديل 2004 المكيف وايد متاذي منه موشي كله وديته عند متاريس الي صاير بشرق قالي مافي شي لانه اهو العيب لمن تمشي بالسياره يطلع مثل هوا مرطب والله وايد متضايق من المكيف والي عنده الحل يفيدني ومشكورين على هالمواضيع الحلوه

حبيبى جيك على غاز المكيف ..

مثال .. اذا كنت معبى غاز المكيف وصار بارد وبعد اسبوعين خف التبريد

عندك وصار يرطب . معناته انه فى تهريب فى راديتر المكيف او هوز التبريد

وكل مامشيت بسياره الكمبريسر يعطيك دفع وبروده اخف ..


اذا استمر المكيف يبرد معاك لمدة شهر معناته التهريب داخلى

ممكن من الثلاجه او البلف اللى داخل الطبلون ..

روح حق عند دوار الاوكسجين وخلهم يفحصون لك فحص ليزر

يكلفك بحدود 15 الى 20 دينار وبإذن الله يصيد العيب

وقول لهم يفحصون لك ضغط الكمبريسر واهو راح يعرف ويبين وياه ضغطه

على الساعه ..

موفق ان شاء الله

 

[(فزاع)]

ماقلت اى موديل وجم سلندر وشنو حجمه

موديله 2003 ..
و 6 سلندر GX