هل لديك مشكله مع سيارتك ؟؟ تفضل واعرضها وان شاء الله تنحل

[kuwaitey]

اخواني عندي فور ماركيز 2006 لما تكون السيارة واقفة فترة طويلة واشغلها احس فس خشونة بالماكينة شالسالفة .. علما بان السيارة بحالة شبه جديدة

خشونه شلون يعنى !!

بدوسة البانزين تحس شى يجرررش ويها تحسها خشنه يعنى

ولا تقصد واهى واقفه تحس فى البدى او يدة الجير او السكان فيه خشونه

او هززززه بسسسسسسسيطه

اذا تحس بخشونه ونت واقف ا ونت تحط الجير على الدى تزيد الخشونه

عندك بدل كراسى المكينه وكرسى الجير

خل الميكانيكى يجيك لك شنو الخربان كراسى الجير ولا كراسى المكينه

بتوفيق اخوى ..

 

[kuwaitey]

السلام عليكم اخواني عندي كابرس ال تي زد موديل 2000 مشكلتهاا اذا كنت ماشي مثلا 80 وضغطت البانزين حده مرات تفز وتروح ومرات لا اهي وبمكانهاا تحن السياره ويرتفع الضغط الاربي ام ؟؟؟ ماني عارف شنوو المشكله ارجووو الرد ؟؟؟؟؟

جيك على البلف بدى ( مخ الجير )

 

[kuwaitey]

ياجماعه تكفون ابى حل

انا عندي مرسيدس موديل 95

اذبحتني الحراره ما ترتفع الا اذا ماشي على الخط ترتفع بشكل ملحوظ (فترة الظهر)
لاكن بالليل الحراره طبيعيه
مرات اقول من الجو بس الغريب انها توصل فوووول علشان جذى مشاوري قريبه حيل

اخوى اذا للحين ماصلحت سياراتك

ابى اعرف شنو حجم المكينه

 

[wooow]

السلام عليكم

اخوانى عندى سيارتى كامرى 6 سلند اذا مسكت الخط وطولت وانا امشى واكون مسرع يعنى 150 الى 160 ثانى يوم اشغل السياره يطلع دخان كثيف ابيض وفيه زراق شوى لمدة 5 ثوانى ويروح وفحصت السيارة عند كذا ميكانيكى كل واحد كلامه غير الثانى
ملاحظه: الدخان يطلع بس لما اكون ضارب مشوار طويل ومسرع يعنى مشاويرى الداخليه لا يمكن يطلع الدخان
ومرة خليتا شغاله نصف ساعه ودست بانزين ولا طلع شى بس لما اضرب مشوار طويل واطفى وتبرد السيارة
وسلامتكم

 

[متطور]

السلام عليكم
عندي E240 موديل 2003
كان كومبريسر المكيف لا يعمل
وبعد قرابة الاسبوع بالكراج تم تبديل الكومبريسور والسينسور ماله والي يسمونه البطل مال التكييف ظهرت مشكله جديده (واعتقد انها هي سبب عدم عمل الكومبريسور من الاساس وكل ما تم تبديله لم يكن هو السبب) وهي ان الكومبريسور لا يعمل الا على سرعة هواء عاليه يعني 4 وطالع
ويقول المعلم ان السبب اما من جهاز اللمس الخاص بالتكييف او قطعة كومبيوتر بالطبلون
ولعدم الثقه بالمعلم ولقيمة القطعتين العاليه لم استبدل ايا منهما
ارجو ممن له خبرة ان يفيدنا باي القطعتين اقرب للسبب
علما بانه اختيارات تحويل الهواء بين الفتحات العلويه والسفليه ايضا لا تعمل
وشكرا
(ملاحظه: حتى لا نظلم المعلم ونبري الذمه امام الله سبحانه فقد تم فحص التكييف عند كراجين احدهما مشهود له والآخر مش حالك وجميعهم اتفقوا على ان العيب من الكومبريسور الا ان ايا منهما لم يفحص التكييف عند سرعات هواء عاليه وانما يكتفي عند السرعه 2 او 3)

 

[sanad2007]

المشاركة الأصلية كتبت بواسطة ab20005


اخواني عندي فور ماركيز 2006 لما تكون السيارة واقفة فترة طويلة واشغلها احس فس خشونة بالماكينة شالسالفة .. علما بان السيارة بحالة شبه جديدة



دشلي السلف خربان عندك روح الاهليه وقوله عطني دشلي السلف وبدله عند الايراني كراج المالك الصباح شارع الزينه اول تقاطع

هذا اذا كانت الخشونه عند تشغيل السياره فقط يعني بس اول ماتدقها سلف

 

[Madridista]

شباااااب عندي انفوي يبيله تصفيه ابي محل شاطر من يمدح لي محل ؟

 

[S500]

عندي لكزس 430 السياره ما فيها شي والحمد لله لكن قبل 3 ايام بدلت البطاريه ومن يوم بدلتها السياره اول ما ادق سلف السياره تقطع واذا بديت امشي تقطع شوي تصفي

 

[@bo_mubark @]

لدينا شفر كابرس ربع ارتوب موديل 93 اللون ابيض شرط الفحص من الدعاميه الى الدعاميه مصبوغ كامل تجميلي

 

[q82007]

عندي كابرس Ltz موديل 96 وبغيت اجفت الماكينه شنو نصايحك وشكثر تكلف

وشكرا مقدما

 

[P.Engineer]

عندي لكزس 430 السياره ما فيها شي والحمد لله لكن قبل 3 ايام بدلت البطاريه ومن يوم بدلتها السياره اول ما ادق سلف السياره تقطع واذا بديت امشي تقطع شوي تصفي

أنا ماعرف بالسيارات وايد .. بس أنا عندي كاديلاك يديدة وبسبب وقوفها الطويل بدون استخدام البطارية خنست .. فصلت البطارية علشان اشحنها .. لما رديت وصلتها بالسيارة ورايح الوكالة أبدلها صار فيني مثل ما تقول أنت .. ولما سألتهم قالوا أي لأنه البطارية مو معرفة على السيارة لازم تبرمجة البطارية على السيارة والوكالة أهيا الي تعرف تسوي هل برمجة .. بس إلي عرفته أنه هل حركة في سيارات جنرال موتورز بس ... والله اعلم