شركة رابطة الكويت والخليج للنقل ش.م.ك.م ( الرابطة ) .. 3

[بوسعود66666]

السلام عليكم
ان شاء الله سنة 2008 سنة خير عليكم
وانشوف السهم 1900 قولوا آمين عاد .

بوخماط انت لحد الحين ماسك السهم؟؟

 

[نوخذه 15]

سهم على ارباح ومشاريع الشركة لازم ولا بد انه يكون فوق الـ700 فلس وهدوء السهم هذا هدوء مو طبيعى وان متوقع له ارتفاع كبير انشالله بالشهرين القادمين

 

[حمدان]

خطة تشغيلها دولية تركز على الخطوط الملاحية المجدية
»الرابطة« تطلق »كي جي إل للملاحة« المتخصصة في تملك البواخر التجارية
كتب الأمير يسري:

أفاد مصدر مطلع لـ »الوطن« أن شركة رابطة الكويت والخليج للنقل »الرابطة« أتمت الإجراءات الأولية لتأسيس شركة ملاحية تابعة تحت مسمى »كي جي ال للملاحة« موضحاً انه سيتم اشهار الشركة التابعة قريباً.
ولفت المصدر الى ان اغراض الشركة »كي جي ال للملاحة« ستتمثل في تملك البواخر التجارية لنقل البضائع السائلة موضحاً ان الشركة ستركز في عملها على الخطوط الملاحية العالمية خصوصاً تلك التي تضمن فرص تشغيلية عالية بعوائد مجدية.
وأشار المصدر الى ان »كي جي ال للملاحة« بدأت خطوات تأسيس أسطولها حيث تعاقدت فعلياً على شراء 10 بواخر صينية الصنع تمثل قوام عملها في المرحلة الاولى بقيمة مالية بلغت نحو 300 مليون دولار بواقع 30 مليون دولار للباخرة الواحدة لافتاً الى انه وفقاً لخطط الشركة فإنه سيتم زيادة هذا الاسطول في مراحل لاحقة من العمل التشغيلي.
وذكر المصدر أن »كي جي ال للملاحة« ستتسلم اسطول بواخرها الذي تم التعاقد على شرائه اعتباراً من النصف الثاني من عام 2008.
وعن الطاقة الاستيعابية للبواخر المتعاقد عليها قال المصدر: ان الباخرة الواحدة مصممة لحمل 30 الف طن ما يعني ان الحمولة القصوى لأسطول الشركة ستبلغ حوالي300 الف طن في المرحلة الاولى من التشغيل.
واعتبر المصدر ان »كي جي ال للملاحة« تمتلك بيئة تشغيلية استثنائية قياساً على استفادتها المؤكدة من الشركة الام وشركاتها التابعة في نطاق عملها الملاحي خصوصاً على مستوى الموانئ المدارة من قبل شركة زميلة مرتبطة بتحالفات استراتيجية مع خطوط الملاحة العالمية.

تاريخ النشر: الاربعاء 2/1/2008

 

[نوخذه 15]

الرابطة خذت مناقصة السيارات لشركة الـ KOC مادرى عاد اذا اذا كان واصلكم علم ولا لأ

 

[هداف]

الرابطة خذت مناقصة السيارات لشركة الـ KOC مادرى عاد اذا اذا كان واصلكم علم ولا لأ

اي نعم أخوي وأظن 1200 سيارة من الغانم

 

[casablanca]

هلا يالحبيب مساعد قنوع اتصدق عاد اني راح اشتري السهم بعد , لا وقمت اقلل من صرف البنزين وقمت آكل ربع خبزة باليوم وما أشب ليتات وكهرباء البيت وماأصرف ماي كل هذا علشان اوفر واشتري رابطة تدري ليش ؟؟؟


علشان 1900

ما ادري على شنو متفائل

انت قصدك 190 ولا 1900

انا ماني شايف انه في امل حق 1900

 

[RHODIUM]

هلا يالحبيب مساعد قنوع اتصدق عاد اني راح اشتري السهم بعد , لا وقمت اقلل من صرف البنزين وقمت آكل ربع خبزة باليوم وما أشب ليتات وكهرباء البيت وماأصرف ماي كل هذا علشان اوفر واشتري رابطة تدري ليش ؟؟؟


علشان 1900

هلا فيك يا بوخماط
انت من صجك تقلل على نفسك وبيتك من هل النعم والخدمات!!
وتزيد على نفسك الضغط وارتفاع السكري​

 

[RHODIUM]

الله يستر اليوم داخل على السهم بشرا​

 

[متداول حريص]

الأخ العزيز بوخماط,ما عليك أمر ياريت تفرحنا وياك وتقولنا اذا في خبر حلو عن الراسبه (اللي كانت قبل الرابطه) لأن باعتقادي هذا أهو الاسم اللي يناسبها, أرجوك تتحملني, أثبتت أنها شركه عاجزه مثلها مثل جراند من دينار الى 470 فلس(جراند اليوم 305 )!! والله قويه,لاتلومنا لما نزعل من هالشركه لأن انا والكثير من الأخوان خسرانين خسرانين فيها بقوه يعني ما أنترقع!! يارجل الناس صنفوها من أسوأ الشركات لسنة 2007 !! المصاب كبير وأرجع أقولك الخساره جايده, وبالنهايه عسى الله يعوضنا خير ويرزق الجميع ياأخواني

 

[بوسعود66666]

هلا يالحبيب مساعد قنوع اتصدق عاد اني راح اشتري السهم بعد , لا وقمت اقلل من صرف البنزين وقمت آكل ربع خبزة باليوم وما أشب ليتات وكهرباء البيت وماأصرف ماي كل هذا علشان اوفر واشتري رابطة تدري ليش ؟؟؟


علشان 1900

اشرايك بوخماط اتبدل معاى بسهم سلطان وازيدك ها شنو قلت

 

[النوط الأخضر]

اخوي بوخماط اسمحلي اقولك ان الي ناصحك بالسهم شكله بصرف عليك , تدري ليش لأن السهم طايح حظه نازل نزله قشره من كان سعره 2700 سنة 2005 والشي الثاني ان السنه الماليه الي طافت حقق السهم ارباح جيده والنتيجه ان السهم ما تفاعل مع الارباح وتواصل بالنزول والسنه المالية الحالية انت شايف الارباح التعبانة يعني انسى يرتفع السهم , بالمختصر المفيد شركة تعبانة جدا جدا جدا

 

[نوخذه 15]

والله الواحد يتعجب منكم يالمتشائمين تره مو مشكلة السهم ولا مشكلة الغير اذا الواحد فيكم داش بالوقت الغير مناسب اللى داش على السهم مضارب اقوله انت غلطان من الساس وماتوفقة بإختيار السهم اما اللى داش يستثمر بالسهم وطايح معاه السهم هم اقوله انت استعيلت بالدخول (مثلى) لانك شريت بترند نازل وتحمل واصبر .... واخبار الشركة الكل شايفهها وعارفها اخبار فوووق الممتازة لكن الاخوان علبالهم الشركة تبيع ولا تشترى علوج والارباح تبين آخر الاسبوع مثل البقالات يا اخوان هاذى مشاريع موانىء كبيرة ومشاريع حتى مؤسسات الدولة بالكويت ماتقدر تسوى مثلها والرابطه من الممكن بالمستقبل القريب تاخذ مكان أجيليتى وهذا مو مستبعد لان محد يقعد بالقمة على طول والسهم الحين يعتبر بالقاع وان سبق وذكرة فى مشاركة قديمة ان السهم ممكن يوصل 380 فلس ويرتد صعودا الى الاهداف الدينارية من جديد .

 

[هداف]

الأخ العزيز بوخماط,ما عليك أمر ياريت تفرحنا وياك وتقولنا اذا في خبر حلو عن الراسبه (اللي كانت قبل الرابطه) لأن باعتقادي هذا أهو الاسم اللي يناسبها, أرجوك تتحملني, أثبتت أنها شركه عاجزه مثلها مثل جراند من دينار الى 470 فلس(جراند اليوم 305 )!! والله قويه,لاتلومنا لما نزعل من هالشركه لأن انا والكثير من الأخوان خسرانين خسرانين فيها بقوه يعني ما أنترقع!! يارجل الناس صنفوها من أسوأ الشركات لسنة 2007 !! المصاب كبير وأرجع أقولك الخساره جايده, وبالنهايه عسى الله يعوضنا خير ويرزق الجميع ياأخواني

رجاءاا أخوي مانرضى على السهم
السهم تصنف ثاني أسوء سهم ل 2007 مو ( أسوء سهم )
ذلك للتوضيح

 

[هداف]

اشارة خروج

 

[أبو فلسين]

أبو خماط أشكر فيك روح التفائل تستاهل منى حمامة السلام

 

[sarheed]

استفسار يا اخوان واللي عندكم علم بالسوق

الرابطه كل يوم عليها تداول وكل يوم تنزل يعني اللي قاعد يشتري اليوم ثاني يوم خسران ومازال التتداول مستمر

السؤال هل هؤلاء المتداولين مضاربين والا مستثمرين واذا كانوا مستثمرين فهم اكيد استثمار طويل الامد

السهم كل يوم نازل من مده طويله والمشترين موجودين باستمرار شنو السالفه ومنو اللي قاعد يشتري وشنو هدفهم

 

[RHODIUM]

السلام للجميع
اتوقع الاحد بصير لعب بالرابطة
نراقب السهم​

 

[casablanca]

السلام للجميع
اتوقع الاحد بصير لعب بالرابطة
نراقب السهم​

ألا اني أرى أن السهم رايح 430 و بعدين يصير خير

 

[هداف]

السلام عليكم جميعا
اشرايكم بعد اليوم اللي صار , السوق كله تحرك وارتفعت كثير من الأسهم ووصل اقفال السوق الى 179.8 ولكن سهم الرابطة لم يتحرك بل تم التداول عليه بكمية 80 الف أكيد اللي قطهم مل من السهم ولكن السؤال والذي دائما يتكرر هو :
لماذا الأصرار على عدم تفاعل سهم الرابطة نهائيا بل
قد يكون مستحيلا مع تحركات السوق العشوائية
والمستفيد منها جميع الأسهم ولماذا لايطبق قاعدة ( حشر مع الناس عيد) ؟؟؟؟؟؟؟؟؟
طبعا الجواب الآن لديكم وهو بأعتقادي الجازم
تيأييس ملاك السهم وتجميع اسهمهم بأدنى حد وتجميده وسبب ذلك هو النتيجة اللآحقة والتي سوف تكون مفاجأه للجميع وقد تؤدي الى وصول السهم الى مستويات عالية ممكن يصعب تصورها بسبب ماتم كتمه لساعة الصفر وهي :

ان شاء الله

1900

أقدر اسميك بعد اليوم وحش التفاؤل
صراحة انا اليوم بس دخلت هالصفحة علشان أشوف ردك
الخدمات كسبت فوق ال400 نقطة والرابطة مكانك راوح
اليوم قعدت أفكر في وضعنا مع الرابطة
6 شهور من الصمود والتبريد في موجة ارتفاع السوق والسهم في نزول مستمر
تداول سيء على السهم من بداية العام
أرباح تعبانة
كان مؤشر السوق 13100 ونزل وخسرت جميع الشركات وارتفع المؤشر وعوضت جميع الشركات مع اقترابنا لل13000 نقطة والرابطة مكانك راوح
سعر السهم مايساعد لتوزيعات ومنح الا منح قوية ترفع من قيمة السهم
بس مع هذا أنا معاك يابوخماط وماراح ابيع الا لما أتأكد انك بعت

مع اني كرهت البورصة والسبب هالسهم التعبان

 

[barbarian]

مبروك لملاك السهم...تعليقه ان شاء الله