شركة القرين لصناعة الكيماويات البترولية (القرين) ...2

[اليوفى]

صادو الفارس المخضرم جكككككككككككككككككوة

اليوفى

 

[Sniper Stock]

نقل عن احد الاخوان


على لسان مدير الشركة العصفور ...ثلاث مشاريع بتروكيماوية قادمة ...وبأستثناء مناقصة الجزائر المعلنة سابقا ...هناك مشروعان فى ماليزيا والكويت ...ولم يكشف عن التفاصيل ...وبالتوفيق للجيع

 

[مستثمر فقير]

السلام عليكم ورحمة الله وبركاته

​

ويستمر مسلسل النجره والمداحر
وكل ما نزل السهم تنهار الاعصاب اكثر
مشاركات بالهبل بدون اي فايده
الي ماسك السهم يتهم الي باع بالجبن وانه راح يتحسف
والي باع يطنزل علي الي ماسك السهم ويقوله راحت عليك
اتمنه من الاخوان انهم يحترمون بعض
وانه كل واحد له وجهة نظر وكل شخص حر فيما يقول

الي يضارب بالسهم هذا وقته اذا ما يضارب الحين متي راح يضارب
والي ماسك ويبي يستثمر انا اقوله لاتروح السوق ولا تشوف تداوله
ليش اتعب اعصابك انته حاط براسك استثمار خلاص انسه وضعه الحالي بالسوق

وبشكله عام والوضع الحالي طبيعي جدا جدا السهم تعلق 5 ايام لانه الشركه طيبه وممتازه + اختلاف الكبار
وصل سعره 510 وبعدهم ما حصلو شئ .. شنو الحل اشرايكم يستمر
تعليق السهم الي ماله نهايه وله يقلبون الطاوله لاجبار الناس علي البيع


بسنه كلام وخلونه نشوف مشاركات مفيده بدون نجره
ولاتنسون انه الي تتناجرون عليه اهو الي جمعكم ويه بعض(( القرين))
​

 

[ibrahimi]

شبع نزول وانشاللة باكر داش علية ابقوة

 

[نقدي 17]

ياجماعة انا أشوف انه السهم راح ينزل لي سعر 385 يوم السبت الجاي وبعدين راح يصعد ويأسس مابين 560 - 610 خلال الأسبوعين القادمين بإذن الله تعالى ، والسهم فيه خير واايد ان شاءالله كاستثمار متوسط المدى ، ويمكن قريب لانه فيه عدة عوامل تساعد على هالشي منها :
1- صراع المحافظ والصناديق والمجاميع عليه
2- عقد الجزائر
3- أرباحه تشغيلية
4-انتخابات مجلس الإدارة القادم
5- اللي انشرى من الأسهم ما تعدى ال 10% تقريبا موزعة على أكثر من 12 محفظة ومجموعة ناهيك عن الأفراد
يعني ليلحين كبار المستثمرين اللي ناوين يدشون على الشركة جداهم الكثير عشان يحصلون لهم مكان بالشركة وخصوصا انه راس مالها 1.100.000.000 د.ك
والأسبوعين ترا غمض عين فتح عين تلقاهم خلصوا على شنو الاستعجال

 

[Sniper Stock]

1,100.000.000

جم تقول ؟د.ك


قصدك اسهم

 

[نقدي 17]

انا عن نفسي استثمر بمدى متوسط وخذيت السهم بالاكتتاب وخذيته ب 495 وهم برد وآخذه اذا نزل عن ال 400 فيه وااحد يشوف الذهب ينباع ببلاش ويخليه

 

[نقدي 17]

يا جماعة الخير ليش الزعل بالعكس انا مستانس من الوضع هذا كمستثمر فقط مو مضارب، انا أقولكم ليش :
1- هالأسعار أقدر أشتري فيها ومغرية كل يوم قاعد تنزل
2- كل ماانزلت أقدر اشتري كميات أكبر وأكبر وما كنت متوقع أصلا من الأول انها تنزل وكنت متحسف اني من البداية ليش مااشتريت أكثر وهذي الفرصة يتني مرة ثانية أهدها ؟ لأ لأ ماأهدها لو شنو ؟ وبشتري كل ماتنزل آخذلي كمية . واللة يرزقني ويرزق مني ويرزق الجميع انشالله ويطرح بهالسهم البركة

 

[Ahmad_kw]

هذي البورصه اللي ما يحس بالخساره ما راح يذوق طعم الربح

 

[نقدي 17]

مثل مايقولون إخوانه المصريين :
صاعد واكل نازل واكل

 

[waleedy 2000]

كفو

حد ادنى

رحنا ملح

بصراحه أطرف ماقريت من مشاركات وكل مااقراه أضحك........


ياجماعة الخير........


اللي باع الله يهنيه ويرزقه باحسن منه ان شاءالله


واللي عنده قناعه بالسهم وماسكه الله يعوض صبره خير ان شاء الله


عن نفسي ماافكر بالبيع الان ....انطر بعد توقف موجة الهبوط اللي مالها اي داعي ومع بداية ارتفاعه مره ثانيه ان شاء الرحمن راح احاول اشتري بعد.... سهم فيه خير ان شاء الله


هذا السوق من يقدر يعطيني سهم بيرتفع باجر أكيد...

 

[SiLVeR_LiGhT]

السلام عليكم

انا اقف مع الناس الي تبي تستثمر في هذا السهم للاسباب التي ذكرها اخواني من قبل في كثير من ردودهم، لكل شخص وجهة نظره و ظروفه و لكن حسافة ينباع بهذا الثمن البخس .

و شكرا

 

[مستجده]

رجـــــــــــــــــــــــــــــــــــــــــاء خـــــــــــــــــــــــاص

للاخوان سنايبر ....بوفواز ....جمال.....سهم استثماري


تجاهلواااااااا من يستخف دمه ويمدح نفسه وكل مشاركاتهم تشويش في تشويش

والمثل يقول لحيه احشمها ولحية احشم نفسك عنها

وخلونا نستفيد من الحوار بدون صداع وتطويل ماله داعي

الله يرزقنا واياكم من فضلة

ودمتم سالمين

 

[الأزدي]

اغلاق الفجوات بالكامل ...........

السلام عليكم ورحمة الله وبركاته



تم اغلاق الفجوه الاولى وهي الفجوه المنهكه والوسطى

وهناك الفجوه الانفصاليه على سعر 380


ومنها يكون قااع قد يستمر على الاقل اربع اغلاقات متتاليه ..........

 

[q8home]

السلام عليكم ,

أنا واحد عندي السهم من الإكتتاب و دخلت عليه على 425 و لمن وصل ال 500 ما بعت و لا راح أبيع و بكرة إنشاء الله بشتريه

يا ناس هالسهم و الله ذهبه و إستثماري ما ينفع للمضاربة اليومية ممكن تصير مرة أو مرتين و لكن على أول 2008 إنشاء الله بنشوفه على أواخر ال 500 أوائل ال 600

 

[السراي]

اللعب مع الكبار!

معظم التجار والمحافظ قاموا بشراء كميات كبيره من الاسهم من سوق الجت عن طريق عقود لذا من الطبيعي ان يقوموا بإغراق السوق بهذه الاسهم وبيعها بسعر 500 فلس ثم الضغط على السهم وشراءه مره اخرى بسعر منخفض 400 - 430 فلس من السوق الرسمي لتسجيل هذه الاسهم بأسم المحافظ او الشركات رسميا.

ملخص الكلام:
1. يبدو ان المحافظ والشركات صرفت كمياتها المشتراه من صغار المستثمرين بسوق الجت بنجاح وبسعر بين 460 و 510 فلوس
2. الخطوه التاليه شراء كميات ضخمه بسعر 400 - 430 فلس وعلى الارجح ان يتم ذلك غدا الاربعاء بعد ان تم إقصاء صغار المستثمرين من اللعبه.

وتوقعاتي ان يطلب السهم غدا بالحد الاعلى: 460 فلس

 

[Sniper Stock]

القرين

وللتذكير ارباح الربح الاول من العام 9.000.000 مليون دينار وناطرين ارباح الربع الثاني

 

[بو لولوة]

الله يعطيك العافيه ..

 

[al_naqi]

يعطيك العافيه يا سنايبر على التحليل الحلو والله يوفق الجميع انشاءالله

 

[fahad95]

بس القرين ماراح يوقف من النزول طالما ضغار المسثمرين يقطون بالحد الادني