شركة الخليج القابضة

[abo othman]

للبيع الخليج القابضه 110 فلوس

 

[London2000]

لا تستعجلوا بالبيع

السلام عليكم

شركة الخليج تملك ادارة ناجحة والدليل انهم يفكرون فى حالة عدم نزول الشركة فى الوقت المحدد وهو الربع الاول من السنة القادمة سوف تقوم الشركة بادراج السهم فى بورصة دبى. وهذا الاجراء سوف يخدم ملاك السهم بالاضافة الى الارباح التى تقدر بحوالى 22 %. فانصح الاخوان ملاك السهم بالتمسك فيه لحين ورود اى خبر رسمى من الشركة.

 

[البيت الخليجي]

أخوي بوعثمان والله خوش سعر
بس وين الكاش (يعني يكون عنده فلوس بس حاطها في اصول وعمارات)


اخوي لندن اشلون تندرج بدبي وهي اصلا مو مدرجة بسوق الكويت مايصير بل مستحيل شوف شروط الادراج ببورصة دبي
اما انها ممتازة فهي بالفعل شركة عندها مشاريع روعة

 

[الكويت غاليه]

110 بوعثمان هو سعر الاكتتاب. أليس كذلك؟؟؟!!!

 

[المتفائلون]

مساء الخيرات . للبيع الخليج القابضه 110 فلس , وهو سعر الاكتتاب, ويعد هذا السعر فرصه لا تعوض .

 

[abo othman]

للبيع الخليج القابضه 110 فلوس

 

[الكويت غاليه]

باجر راح توصل 90 فلس وقولو ما قلت لكم

وراح أذكركم

 

[tareq_m5]

يا جماعة تخيلو إللي باعوا السهم على 110 وعلى 115 لمن ينزل البورصة بعد سنة ولا سنتين يشوفونه 250 فلس مو حسافة

يعني إللي بايع 100000 سهم على 11000 دينار يبيعهم على 25000 دينار

25000-11000=14000 دينار صافي الربح الغير محقق

مبروك على إللي شرى السهم ألحين على 110 أبشر بالخير

وهاردلك للي باع خيرها أبغيرها

تحياتي

 

[البيت الخليجي]

أنا متأكد أن اللي باع فهو محتاج و الله يعينه و إلا هذا السهم غلط بيعته ب 150 فلس و ليس 110 فلوس

 

[بو جاسم]

للبيع ... الخليج القابضة بـ 110 فلس .... الكمية المتوفرة 300 الف سهم ..

 

[قوسي]

للبيع 100 الف سهم من الخليج القابضه ب 270 فلس

للجادين فقط

 

[بو جاسم]

للبيع 100 الف سهم من الخليج القابضه ب 270 فلس

للجادين فقط

اشتر مني ب 110 فلس ... ورد بيعه ب 210 فلس واربح الدبل وحلال عليك !!

مو معقول يا قوسي هالطريقة في العرض ...

السعر اللي تذكره ما وصل له سهم الخليج منذ الاكتتاب حتى الان ... وممكن يكون هو سعر الادراج ... منو العاقل اللي بيدق يطلبه منك والعالم عارضينه على 110 فلس وما كو طلب ...

أمس داق علي واحد يساوم ب107 فلس ... وما رضى البايع ...

يعني في أسهم ربحيتها أكثر وإدراجها أقرب ... ومعروضه بأقل من سعرك ...

عالعموم انت حر في اسعارك وعروضك ...

وبالتوفيق ..

 

[abo othman]

اخر صفقه تمت على 108

 

[الكويت غاليه]

للبيع خليج قابضه الكميه 50000 (خمسون ألف سهم) بسعر 110فلس
بدون أي عمولات إضافيه
للمراسله على الخاص

 

[hassan_abu3eed]

شباب متى الادراج وليش انخفس بسعر السهم لاني من زمان مو متابعه

 

[دكتورنت]

شباب ترى اللي يعرض ب 110 .. هذا كلام غير صحيح
لان الخليج القابضه عليها طلب ولكن لايوجد عرض
مابقى إلا القليل اصبروا . ولا تهمكم الاشاعات..
تذركوا إن اللي ماسكها بيت التمويل الخليجي وبيان للاستثمار . وهي اول شركه يطرحونها للأكتتاب . من الطبيعي ان يهتموا بسمعتها وسعرها
ولكم مفاجأه قريبه سعيده . قبل الربع الاول من السنه الجديده
لكن بعدها ارجوا ان تدعولي بالخير

 

[tareq_m5]

الادراج ما تغير موعده نفس الكلام السابق الربع الأول من 2007 حسب كلام مشعل الملحم عضو مجلس الادارة لأن قوانين البورصة الجديدة لم تطبق بشكل رسمي

القانون الجديد يقول إن الشركة لا تدرج إذا زادت رأس مالها إلا بعد مرور ثلاث سنوات من التأسيس (يعني باقي سنتان حسب القانون الجديد) أو باقي سنة وتدرج بالسوق الموازي

هذا إذا طبق القانون بشكل رسمي

في حالة تطبيق القانون بشكل رسمي راح تدرس شركة الخليج القابضة مميزات وعيوب السوق الموازي ويرجع القرار للجمعية العمومية

في أسوأ الاحتمالات أن يطبق القانون بشكل رسمي ويتأخر الادراج لغاية شهر آخر 2008

ولكن خلال هذه الفترة توجد توزيعات أرباح نقدية ومنح إلى الادراج حسب رأي الجمعية العمومية ومجلس الادارة

آنه طبعا ما أزكي عن سهم الخليج القابضة لأني مشترط عليهم إخراج الزكاة بالنيابة عني

إللي يبي الربح السريع فهو أكبر الخاسرين

تحياتي

 

[نوخذه 15]

هذا الحجى قلناه من البداية ومن زمان ان السهم هذا فيه الخير لكن الصبر ومثل ما قلت من البداية فى مشاراكاتى ان السهم انشاله بينزل على سعر وايد زين وطبعا فى ناس يقولون ليش ما تشترى .. ياريت لكن السيولة تحكم وهذا للعلم

 

[بو جاسم]

شباب كل هالكلام عن هالشركة في محله ... وصدقوني اللي ياخذها مو خسران ...

ومع انه معروض عندي 300 الف سهم بسعر 110 فلس ... لكن صدقوني ان نزول سعرها ما يعني انها شركة مو زينه ... لكن السوق واحكامه والحاجه واحكامها ...

بالتوفيق ...

 

[دكتورنت]

ياعزوز : اذا كان سوق الجت يبيع السهر 150 و 160 شلون انت تبيعها 110؟


اذا كان هدفك الاستحواذ على اكبر كمية بعدد قليل. لابأس .. لكن مو بطريقة الضحك على الذوق