حصري موضوع كامل عن جهاز E-go مشاكله وحلوله .

[متطور]

الحين ياشباب نبي الزبده
دقوا علي الوطنيه وقالوا عندهم عرض
اشتراك لمدة سنه بمبلغ 28 دك شهريا معاه راوتر مجاني
واذا دفعت السنه مقدم يطلع 300 دك مع الراوتر
شنو راي الي جربوا خدمتهم لأني ناوي اشترك معاهم
وبعدين من وين احصل قطعة Usb بره الشركه ومنو الاحسن البيضه والا السوده

وشكرا جزيلا

 

[mxxy]

مثل ما قلت لك أخوي prox أنا جاركم بنفس قطعتك وأقرب منك للفرع بعد

بالنسبة للوطنية وموضوع الإتصال بالموظف كررت عليك هذا الكلام أكثر من مره وراح أعيده عليك لا تصدق كل ما يقول له لك موظف الدعم الفني للشركات، أما خدمة الوطنية في قطعة 7 بالفيحاء فهي ممتازة وتم تجربتها عندي في البيت وهذا الكلام قبل تركيب البرج الجديد

نقطه ذكرتها سابقا في الموضوع أحب أكررها أيضا "مو شرط الكل يحصل على نفس النتيجة إلي إنت تحصلها سواء من خدمة e-Go أو W-net"

ولله يا أخوي يعني إيذا الموظف قسم المبيعات والي مختص بالمووضوع هذا وبحكم أن اهمه المسؤلين وبحكم ان اهمه محتوين بكل مايخص امر القطع والمناطق يقوووول السيرفس عندكم تعبان وماراح تاخذ كل السرعة !! اكيد اهوه ادره وبعدين فعلا تره انه بقطعه سبعه وسيرفس عندي نازل سواء GSM أو 3G أو HSDBA وعند واحد من ربعي بقطعة 4 الي يكون جدام فرع قطعه 7 وهم أعرف واحد وراه وكلهم يقولون نفس الكلام بعد شمعن عندك انت ,, تبي تضحك أسمع السالفه : احد ربعي الي ساكن بقطعة 4 قالي بشتري جهاز انترنت قتله اشتر إيجو وراح وشره وبعدين قال أبي أعرف جم قيمة الوطنية ومواصفاتها وسرعتها لان بشتري وايرلس قتله دش عليهم وأستفسر بس لا تعور راسك لأن بطيئ او مو شغال بقطعة 4 ولا 7 والخفي أعظم طبعا صدق كلامي لكن عاند وراح دق وبيشتري يوم كل المواظف جان يقوله الموظف لالا أف عليك شالحجي هذا ما عندنه شي أسمه مافي سيرفس أنت من قالك أن بالفيحاء مو شغال شالحجي هذا لالا مالك شغل شغال بالفيحاء وأوكي مثله مثل اي منطقة جان يقوله الموظف أنزين عطني العنوان لو سمحت عطاه العنوان كامل ,, طق طق بالكمبيوتر جان يقوله أخوي كلام رفيجك طلع صح فعلا بالمكان الي انت قاعد فيه مافيه سيرفس وماراح تا خذ كل السرعة قاله جم يعني قاله يمكن تاخذ ربع السرعة وسالفه هذه كانت من 3 أسابيع إلى شهر ومادري عن الحين لكن اكيد نفس الكلام والبرج الي حطووه خلي يحطون عليه شبكة كورة سلة حق بو بدر إيذا تعرفه

بمالناسبة تعرف بو بدر

 

[sa3aad]

شلونك اخوي prox

انت اشتراكك بو 20 ومفتوح يعني طاحت ببطنك

واحنا اشتراكنا 16 ولمت 5 جيجا وعلى كل جيجا دينارين

حسبتها مره وقلت لو انزل 5 جيجا الاولى وانزل عليها زياده 6 جيجا راح تصير فاتورتي باخر الشهر

16 دينار اشتراك + 12 دينار (ملوت الزياده اللي نزلتها 6جيجا × دينارين) = يصير المجموع 28 دينار
يعني مثل اشتراك الوطنية

يعني لو انزل بالشهر 11 جيجا يكون حالي وحال اللي اشتراكة مال الوطنية واحد

بس اذا كنت انزل اكثر من 11 جيجا ؟ !!!!!!

شالحل ؟

تبادل وتزيدني

 

[mxxy]

شلونك اخوي prox

انت اشتراكك بو 20 ومفتوح يعني طاحت ببطنك

واحنا اشتراكنا 16 ولمت 5 جيجا وعلى كل جيجا دينارين

حسبتها مره وقلت لو انزل 5 جيجا الاولى وانزل عليها زياده 6 جيجا راح تصير فاتورتي باخر الشهر

16 دينار اشتراك + 12 دينار (ملوت الزياده اللي نزلتها 6جيجا × دينارين) = يصير المجموع 28 دينار
يعني مثل اشتراك الوطنية

يعني لو انزل بالشهر 11 جيجا يكون حالي وحال اللي اشتراكة مال الوطنية واحد

بس اذا كنت انزل اكثر من 11 جيجا ؟ !!!!!!

شالحل ؟

تبادل وتزيدني

أخوي آنه قلتها قبل هالمره آنه محظوظ آنه غير يعني أحمل على كيفي لا حسيب وله رقيب بس عاد لا أزودها يعني أحمل أكثر من 35 جيجا بشهر واحد وله وني سويتها لكن ما صار شي لوول المهم ما علينه يبه حسبتك كانت سليمة 100% فعلا النتيجة بالنسبة للسعر نفس الوطنية لكن السرعة أملك تقول ان نفس الشي حبيبي الايجو أسرع من الوطنية بمرة ونص تقريبا أسرع من الوطنية ب 160% لان الوطنية يعطيك 512 لكن الايجو 2000 لكن حسبتك من ناحية السعر صح كلامك اعتقد مافي أحد بيحمل أكثر من 11 جيجا وليش عاد تحمل أكثر من 11 جيجا ليش أنت مهندس كمبيوتر وله منتج أفلام !! ؟؟؟؟؟؟؟؟؟؟ ويذا علي آنه فآنه حالة خاصه وثاني شي آنه تنطبق علي المقوله الي تقوول : مال غيرك لا يهمك أو بالاحرة مال عمك مايهمك آنه شعلي كل شهر 20 دينار وبس

بس آنه ماني فاهم قصدك يوم تقول تبادل وتزيدني المفروض تقول تبادل وأزيدك لوول ,,, بالمناسبة لا تعتقد أن أسرع من الوطنية بس بمرة ونص لأ أنت لو تحسبها أن السرعة راح تتبل وايد وايد فتصير 4 أضعاف أو حتى 5 وهذا الي حاصل ونشالله نمه تصير الشبكة 7.2 بنقعد نسرح ونمرح

 

[mxxy]

شركة موبايلي تطرح إيجو ثاني

السلام عليكم


شركة موبايلي السعودية تطرح جهاز إيجو ثاني يعني نفس الي عندنه لكن أسمه موبيل ويحطون الدعاية بقناة MBC لكن اهمه احسن منه لان شبكتهم 7.2 يعني اكيد بيوصل عندهم 4000 السرعة والله اعلم بس أكيد اسرع وااايد وااايد وطبعا شركة موبايلي ماشرت الجهاز هذا إلا لأن نـــاجح 100% .

شركة أخرى بلندن شرت نفس الجهاز بس ما اعرف أسمها وهو نفس جهازنا الي بالكويت لكن لونه أبيض يعني يكون طالعين فيها .

الفايده بنسبة لنا : أن أي واحد عنده إيجو بالكويت يقدر يشبك منه بالكويت والسعودية ولندن وبحرين والسودان وكل شركات زين الخارجيه ويمكن العراق بعد لكن مو بكل المناطق وجهاز الوطنية بالفيحاء مايشتغل لووووووووووووول​

 

[sallas]

السلام عليكم


شركة موبايلي السعودية تطرح جهاز إيجو ثاني يعني نفس الي عندنه لكن أسمه موبيل ويحطون الدعاية بقناة MBC لكن اهمه احسن منه لان شبكتهم 7.2 يعني اكيد بيوصل عندهم 4000 السرعة والله اعلم بس أكيد اسرع وااايد وااايد وطبعا شركة موبايلي ماشرت الجهاز هذا إلا لأن نـــاجح 100% .

شركة أخرى بلندن شرت نفس الجهاز بس ما اعرف أسمها وهو نفس جهازنا الي بالكويت لكن لونه أبيض يعني يكون طالعين فيها .

الفايده بنسبة لنا : أن أي واحد عنده إيجو بالكويت يقدر يشبك منه بالكويت والسعودية ولندن وبحرين والسودان وكل شركات زين الخارجيه ويمكن العراق بعد لكن مو بكل المناطق وجهاز الوطنية بالفيحاء مايشتغل لووووووووووووول​

قطعة الايجو من شركة زين مقفولة على شبكتهم يعني ما راح تستفيد منها الا اذا مشترك معاهم .... طبعا من تجربه وللحين مافيه برنامج ممكن يفك القفل علشان

 

[mxxy]

قطعة الايجو من شركة زين مقفولة على شبكتهم يعني ما راح تستفيد منها الا اذا مشترك معاهم .... طبعا من تجربه وللحين مافيه برنامج ممكن يفك القفل علشان

أي قفل ما قفل يبه دق واستفسر على 107 ,, هذا من باب التأكيد أما من باب التجربه فجرب بنفسك وراح يشبك شيل خط الامتي سي وركب خط موبايلي مثلا ويشبك إن شاء الله لكن مو من برنامج MTC USB CONNECT لأ لازم تشبك عن طريق صنع ملف أتصال جديد وتحط فيه كود موبايلي

يعني العملية ماتاخذ منك 7 دقايق ,,,, ويذا حبيت تستفسر أكثر عن الطريقه اعنه اعلمك شلون ​

 

[الفهلوي]

السلام عليكم


شركة موبايلي السعودية تطرح جهاز إيجو ثاني يعني نفس الي عندنه لكن أسمه موبيل ويحطون الدعاية بقناة MBC لكن اهمه احسن منه لان شبكتهم 7.2 يعني اكيد بيوصل عندهم 4000 السرعة والله اعلم بس أكيد اسرع وااايد وااايد وطبعا شركة موبايلي ماشرت الجهاز هذا إلا لأن نـــاجح 100% .

شركة أخرى بلندن شرت نفس الجهاز بس ما اعرف أسمها وهو نفس جهازنا الي بالكويت لكن لونه أبيض يعني يكون طالعين فيها .

الفايده بنسبة لنا : أن أي واحد عنده إيجو بالكويت يقدر يشبك منه بالكويت والسعودية ولندن وبحرين والسودان وكل شركات زين الخارجيه ويمكن العراق بعد لكن مو بكل المناطق وجهاز الوطنية بالفيحاء مايشتغل لووووووووووووول​

اخ بروكسي

ما دمت خبيرا في الاي جو

انا ناوي اشتري واحد وابي اعرف هل ال 5 غيغا تكفي ام لا

انا استخدم برنامج الاوسط برو طوال التداول يعني 3 ساعات

واقابل النت كمتصفح ومتابع للمنتدى بشكل متواصل لساعات طويله

يعني اجمالا حوالي 7 الي 8 ساعات متواصله في اليوم

اما بخصوص الداون لود فلست من هواتها واكثر شيء احمله هو تحديثات الويندوز


وعليه هل تكفيني ال 5 غيغا شهريا


وايضا هل منطقة جنوب الجهراء كفاءة e-go فيها عاليه وكم السرعه تصل فيها

بانتظار ردك



الفهلوي

 

[mxxy]

اخ بروكسي

ما دمت خبيرا في الاي جو

انا ناوي اشتري واحد وابي اعرف هل ال 5 غيغا تكفي ام لا

انا استخدم برنامج الاوسط برو طوال التداول يعني 3 ساعات

واقابل النت كمتصفح ومتابع للمنتدى بشكل متواصل لساعات طويله

يعني اجمالا حوالي 7 الي 8 ساعات متواصله في اليوم

اما بخصوص الداون لود فلست من هواتها واكثر شيء احمله هو تحديثات الويندوز


وعليه هل تكفيني ال 5 غيغا شهريا


وايضا هل منطقة جنوب الجهراء كفاءة e-go فيها عاليه وكم السرعه تصل فيها

بانتظار ردك



الفهلوي

السلام عليكم :-

بالنسبة للسؤال الاول فنشالله راح يكفي ويزيد على حجيك هذا راح يزيد عليك ال 5 جيجا على أستعمالك المذكور خلني أوضحلك لو أنت كنت تستعمل الايجو بالشهور كالتالي :-

أستعمال المسنجر متواصل إرسال وأستقبال + تداول ببرنامج الاوسط لمدة 9 ساعات في اليوم + الدخول لمنتدى المؤشر نت وغير منتدى المؤشر نت والمشاركة في المواضيع ورفع الصور والتصفح داخلها وإنشاء مواضيع كاملة + التصفح باليوم لأكثر من 20 موقع عربي و التصفح لأكثر من 40 موقع أجنبي + عمل التحديثات الرسمية من شركة مايكروسوفت للجهاز سواء وندوز أكس بي أو فيستا وعلى مدى شهر كامل ولأي تحديث جديد + تحديث بعض البرامج المكتبية مثل مايكرووسفت 2003 أو 2007 للأي تحديث جديد + تحديث البرامج العامة مثلا الحمايات أو تحدث برنامج التداول + تحميل فالسبوع مثلا خمسة برامج ذو احجام مناسبة + تحميل مثلا من موقع طرب خلال شهر 100 أغنية وتقدر أكثر + تحميل فيديو كلبات ذو احجام تتراوح مابين 4 ميجا إلى 9 ميجا كل اربعة ايام + وضع جهاز الايجو شابك دون فصل الانترنت أبدا ولكن طبعا من غير استخدام كبير يعني آنه مثلا أخلي جهاز الايجو شغال من غير ما أسكره عطول وطبعا يصرف بالثانية 300 بايت إلى 800 بايت أو حتى ولا شيئ فلا يوجد مانع من ترك الايجو مفتوح .

كل الي قلته بحذر يعني أتوقع اخر الشهر يطلع عندك العداد من 3 جيجا إلى 3 ونص جيجا وبالكثير يعني ,,, لا سامح الله أحساباتي طلعت غلط أو أنت زدتها حبتين وزدت عن الي قلته يوصل عندك آخر الشهر 5 جيجا وربع او نص إلخ يعني تدفع 17 دينار مثلا .. ما بي أشتت مخك أنت قلت تستعمل الايجو للتداول وللتحديثات الرسمية وللمنتديات صح هذا كله ماياخذ منك 2 جيجا وأقل ,,, يعني النتيجة لا تحاتي ولا تفكر راح يكون كافي إن شاء الله وزايد

بالنسبة لموضوع الجهراء : أخوي آنه أستعملته في الاماكن التالية وعطاني سرعة 1.8يعني بسرعة 1800 يعني ممتاز وفي الاماكن التالية : - مستشفى الجهراء الي أحترق + سوق القديمة أو سوق الي فيه كمبيوترات وايد يكون يم سابليه لو تعرفه يعني يكون فيه بنك الوطني والمسيد آنه استعملته بالمكان هذا وعطاني سرعة ممتازه والكلام هذا من شهررين واستعملته بخط السريع الي يدخل على القصر بالجهراء يعني استعملته وانه ماشي بالسيارة وعطاني سرعة 1.3 يعني 1300 على فكرة تره زين ها يعني وانه ماشي بالسيارة بخط السريع وقاعد احمل ملفات والسرعة 1.3 إضافتا على كلامي اهوه شغال بكل مناطق الكويت ومافيه عليه حجي أبدا وكل الي شروه اسمتعو فيه وماتحسفو لان السرعة مو طبيعية والسيرفس قوي .

ولو شريت جهاز الايجو وحبيت تعرف من اي مكان تشوف الحجم الي وصل وياك قولي وانه اسويلك شرح بالصور

وكل عام وانت بخير , يعمي خلني أشتري مذكارات المايسترو الرياضيات ذبحني والله

 

[sallas]

أي قفل ما قفل يبه دق واستفسر على 107 ,, هذا من باب التأكيد أما من باب التجربه فجرب بنفسك وراح يشبك شيل خط الامتي سي وركب خط موبايلي مثلا ويشبك إن شاء الله لكن مو من برنامج MTC USB CONNECT لأ لازم تشبك عن طريق صنع ملف أتصال جديد وتحط فيه كود موبايلي

يعني العملية ماتاخذ منك 7 دقايق ,,,, ويذا حبيت تستفسر أكثر عن الطريقه اعنه اعلمك شلون ​

أخوي انا اقولك ل تدق ولا تسفسر .... اخذها وجرب ما راح تشبك حتى لو الاعدادات سليمه
حتى قطعة موبايلي عليها قفل على الشبكة ما تشغل الا شبكة موبايلي
وانا ما قلت الكلام الا من تجربة
حتى قطعة الوطنية الجديدة اللي عندي هم ما تشقل الا الوطنية فقط
قطعة الايجو اذا شاريها من الشركة هواوي تكون مفتوحه على جميع الشبكات اما اذا شاريها من من شركات اتصالات معينه ما راح تشتقل الا على الشركة المعينه

 

[mxxy]

أخوي انا اقولك ل تدق ولا تسفسر .... اخذها وجرب ما راح تشبك حتى لو الاعدادات سليمه
حتى قطعة موبايلي عليها قفل على الشبكة ما تشغل الا شبكة موبايلي
وانا ما قلت الكلام الا من تجربة
حتى قطعة الوطنية الجديدة اللي عندي هم ما تشقل الا الوطنية فقط
قطعة الايجو اذا شاريها من الشركة هواوي تكون مفتوحه على جميع الشبكات اما اذا شاريها من من شركات اتصالات معينه ما راح تشتقل الا على الشركة المعينه

كلامك صحيح وما اختلفنه لكن انت مو فاهمني عدل ,, انه ادري ان مقفول وهذا شي طبيعي في كل شركات الكويت وانت بعد كلامك أكثر عدل يوم قلت أن لو شاري الجهاز من شركة هواوي راح يشتغل لحد الان ما اختلفت معاك لكن اعيد الكلام مره ثانية واقول أن تشيل الخط الي بالايجو وركب خط موبايلي مثلا وحط الايجو بلاب توب ما قط حطيته فيه يعني يديد وطبعا راح يقولك كمل الاعدادات الخاصة بالشركة وهي زين انت تقوم اطق كنسل وتروح تيب سيدي تعريف مال الايجو وتعرفه وراح يتعرف البرورتوكول وبعدين روح جنك ماتدري وسو ملف اتصال جديد من الكمبيوتر بطريقة عادية الي جنك تبي تشبك من تليفون البيت واول ما توصل بالنهاية يقولك اي مودم تبي تختار راح يحطلك اسم المودم وهو مال الايجو اختارة وكمل وصلنه لي النهاية ,, دق على شركة موبايلي وقولهم جم الرقم الخاص بالجي بي آر أس مالكم رح يعطيك فمثلا *99# مال الامتي سي وانت حط الاكواد الي خاصة فيهم وطق اتصال وادعيلي وجرب منت خسران شي راح يشبك على شبكتهم لكن ملاحظة لازم يكون الخط مخصوص لشبكة ال 3.6 أو حتى 7.2 وسلامت عمرك

 

[sallas]

اخ بروكسي مثل ما قلتلك مجرب وهم جربت ماكو فايده
ولا تروح بعيد جربها على شريحة الوطنية واذا تبي اعدات الوطنية ولا موبايلي كلهم عندي
القطعة ما منها فايده الا على شركة زين
الموضوع هذا يعانون منه حتى في لندن وجنوب افريقيا يستخدمون نفس القطعة ومالقوا لها حل
ابحث في النت في جوجل huawei e220 luck

 

[mxxy]

اخ بروكسي مثل ما قلتلك مجرب وهم جربت ماكو فايده
ولا تروح بعيد جربها على شريحة الوطنية واذا تبي اعدات الوطنية ولا موبايلي كلهم عندي
القطعة ما منها فايده الا على شركة زين
الموضوع هذا يعانون منه حتى في لندن وجنوب افريقيا يستخدمون نفس القطعة ومالقوا لها حل
ابحث في النت في جوجل huawei e220 luck

والله يا اخوي انه ماجربتها على شركة موبايلي لكن خطواتي سليمة توصلك لنتيجة معينه وتشبك لكن مادام انت جربت بالنفس الطريقة ومانجحت معاك فهذا معناة أن فعلا مايصير عموما انه بجربها بعد فترة على الوطنية الحين ما اقدر لان ماعندي خط وطنية عموما شاكرلك للمشاركة

 

[mxxy]

Internet Download Manager 5.11 build 7

السلام عليكم

لكل الأعضاء أقدم لكم الإصدار الاحدث من برنامج مدير التحميل Internet Download Manager 5.11 build 7 , وهو أصدار أخير كامل مع الباتش والرابط مباشر وللتحميل أضغط على الرابط

http://www.mxxy.net/pro-pro/idm.zip​

 

[Q8fEver]

وقولهم جم الرقم الخاص بالجي بي آر أس مالكم رح يعطيك فمثلا *99#

حتى الوطنية مشكوور على الطريقه افضل من الشبك عبر برنامجهم

 

[mxxy]

حتى الوطنية مشكوور على الطريقه افضل من الشبك عبر برنامجهم

هذه اول شهادة اتيي منك بالنسبة للموضوع الأخير الي كتبته !!!

عفوا​

 

[knp]

اخواني السلام عليكم انا مشترك باليقو اول ما نزل وبصراحة غلطان

اشترك فيه لانه مصخره بمصخره واذا دقيت عليهم عشان السيرفس

التعبان باغلب الاحيان يقولون لك وين ساكن عشان يجيكون على

السيرفس بالمنطقة الى انت ساكن فيها كاننا قاعدين بروسيا مو الكويت

انشاء اقعد بوسط البر او البحر لازم يكون السيرفس فل بالعربي الايقو

انت وحظك اذا كان عند بيتكم شبكة 3 جي وضعك اوكي واذا ما فيه

الله يعينك اشترك بالوطنيه احسن على الاقل خدمتهم افضل من

النصابين والحراميه وعلى العموم اشتراكي باقيله 5 شهور وينتهي

وافتك منه الخايس وتوبه

 

[mxxy]

اخواني السلام عليكم انا مشترك باليقو اول ما نزل وبصراحة غلطان

اشترك فيه لانه مصخره بمصخره واذا دقيت عليهم عشان السيرفس

التعبان باغلب الاحيان يقولون لك وين ساكن عشان يجيكون على

السيرفس بالمنطقة الى انت ساكن فيها كاننا قاعدين بروسيا مو الكويت

انشاء اقعد بوسط البر او البحر لازم يكون السيرفس فل بالعربي الايقو

انت وحظك اذا كان عند بيتكم شبكة 3 جي وضعك اوكي واذا ما فيه

الله يعينك اشترك بالوطنيه احسن على الاقل خدمتهم افضل من

النصابين والحراميه وعلى العموم اشتراكي باقيله 5 شهور وينتهي

وافتك منه الخايس وتوبه

السلام عليكم اخوي انت وين ساكن ؟

الايجو لو الشبكة خربانه * لاحظ خربانه سرعته يعطيك 450 كيلو بايت ,, ولو السيرفس نازل حيل يعطيك 540 كيلو بايت يعني في كل الاحوال افضل من الوطنية والاشتراك ارخص ب 16 دينار او 20 دنيار .

الايجو الحين : انه شابك فيه وسرعته بالثانية 412 كيلو بايت بالثانية يعني سرعته فوق 3000 خلك على مينونك ولا تغرك دعايات الوطنية الكاذبه

وقولي شنو مشكلتك وجم السرعه علشان اقولك تبدل ولا لأ وشكرا

 

[knp]

يعطيك العافيه اخووي بوركسي الداون لود سي الى ابعد الحدود تخيل

اول مره بحياتي اشوف نص كيلو بايت واذا عمل تحميل من اي موقع اول

ما يفتح 300 او 200 كيلو بايت بالثانية وينزل بسرعة الى 80 50 21

15الى ان يثبت على 7 او 12 طبعا الى اقولك عليه 3 جي مو الايج

والتصفح بعد سي مو شي وكل من شافه عندي يقول مصخره حتى

انت يا بروكسي تقول وين ساكن ههههههههه انشاء الله ساكن بالقمر

المفروض 3 جي شغاله بكل المناطق مو وين ساكن على العموم انا

ساكن الجهراء القصر عند النادي

شكرا

 

[mxxy]

يعطيك العافيه اخووي بوركسي الداون لود سي الى ابعد الحدود تخيل

اول مره بحياتي اشوف نص كيلو بايت واذا عمل تحميل من اي موقع اول

ما يفتح 300 او 200 كيلو بايت بالثانية وينزل بسرعة الى 80 50 21

15الى ان يثبت على 7 او 12 طبعا الى اقولك عليه 3 جي مو الايج

والتصفح بعد سي مو شي وكل من شافه عندي يقول مصخره حتى

انت يا بروكسي تقول وين ساكن ههههههههه انشاء الله ساكن بالقمر

المفروض 3 جي شغاله بكل المناطق مو وين ساكن على العموم انا

ساكن الجهراء القصر عند النادي

شكرا

أخوي مو معقوله ,, انه ما اجذبك لكن انه بنفسي رايح القصر بالجهراء لكن بعيد شوي عن النادي والسرعة كانت 1.8 يعني 1800 يم الدواري شوي اهوه .

اخوي دش بالبرنامج الخاص بالايجو وهو MTC USB Connect وبعدين من القائمة فوق اختار كلمة؟( اعدادات ) وبعدين ( اختار نوع الاتصال ) وبعدين أختاااار ( 3g فقط ) وجرب السرعة معاك ,, بفرض ان كان اهوه جذي من قبل دق عالشركة وقولهم ابي حل للمشكلة راح ينشط الايجو مالك وجرب ولو ماصار كلم الموظفين وقولهم أنه أبي أقدم شكوه مستعجله ضروري جدا راح يكلمك الدعم الفني وقوله اخوي شنو الحل راح يقولك اصبر ومادري شنو قوله اخوي ابي الحل راح تحلون المشكلة وقادرين على حلها ولا لأ شوف شيصير معاك وتعال قولي وانه ناطرك ​