شركــة الاتصالات الثالثه ( ش.م.ك )

[kobr]

صاااااااااااااااااااااارت

أنا مستعد أشتري ال 26% من الشركة الثالثة ب 13مليون دينار واللي يبي يدش معاي تراني حاضر نسوي جمعية مع بعض واذا نقصنا مبلغ ناخذه مرابحة من بيت التمويل
نشوف لنا واسطة ندمج رواتبنا مع بعض
شرايكم؟

انا بعد وياك البيت الخليجي وراتبي على راتبك توكل.

 

[شاعري]

شكلها فاشله اذا تخصيص 250 سخم

 

[Jahra]

انا خايف بطايق الجماعه تروح لانهم بياعه مافيهم صبر ... تتوقعون على جم نشتري البطاقة ؟؟؟ قبل لا افلس منهم

 

[m.h.a]

انا بعد وياك البيت الخليجي وراتبي على راتبك توكل.

وانابعد وياكم بس المركزي مانع دمج اكثر من راتب مع بعض

 

[شاعري]

جماعه نشترى بطاقات او نصبر

 

[كويتي صعب]

اشتر وانت مغمض بسعر من 25 الى35 دينار

 

[kobr]

انا سمعت ان الشرى موزين

 

[شاعري]

اشتر وانت مغمض بسعر من 25 الى35 دينار

محد يبيع 25

 

[Jahra]

اتوقع عند اقتراب الاكتتاب سوف يصل سعر البطاقة 100 kd

 

[مستجده]

ما عليكم أمر !!

اخواني اشلون نشتري بطاقات؟؟
وشنو الضمان انهم ما يتراجعون ويطلعون بدل فاقد للاسهم دامها باسمهم؟؟
ما عليه غشيمة ومنكم نستفيد

 

[Jahra]

اخواني اشلون نشتري بطاقات؟؟
وشنو الضمان انهم ما يتراجعون ويطلعون بدل فاقد للاسهم دامها باسمهم؟؟
ما عليه غشيمة ومنكم نستفيد

اختي في الف طريقه وطريقه ...

1- كمبياله على بياض
2-عقد بين البائع والمشتري بعدم بيع البطاقات لشخص اخر وعدم استخراج بدل فاقد .. والا سوف يعرض نفسه للمساءله القانونيه .. طبعا بتوقيعه

وهكذا

 

[شاعري]

انا اتوقع ان التجار الكبار مارح يشترون بطاقات لان اللى صار فى بوبيان والوقود الاولى عفس التجار ولو تلحض ان السور التجار مادشوا عليها اعتقد ان التاجر يشترى الحين عقب مايسكر الاكتتاب الشهدات مو فاضى يحط بحسابه ويتابعه عقب مايرد الفايض من الفلوس يعنى البطاقات انتهت وهذا من صالح صغار المسثمرين وشكرا

 

[Sniper Stock]

اختي في الف طريقه وطريقه ...

1- كمبياله على بياض
2-عقد بين البائع والمشتري بعدم بيع البطاقات لشخص اخر وعدم استخراج بدل فاقد .. والا سوف يعرض نفسه للمساءله القانونيه .. طبعا بتوقيعه

وهكذا

مافيه احد يوقع لك كمبياله على بياض وسعر البطاقة 30 دينار وحتى لو 100 دينار..كمبياله على بياض معناتها المستفيد من الكمبياله يقدر يحط السعر اللي يبيه.

قصدك وصل امانه فيها قيمة المبلغ اللي شراها من الشخص بالبطاقة المدنيه

وثانيا يحرم القانون الكويتي بشراء البطاقة المدنيه وشلووون يكتب عقد بصيغة عدم بيع البطاقة لشخص آخر

اقولكم شئ مافي شئ كضمان للشاري الا شغله وحده انه يكتب وصل امانه من البايع والبايع مايرضى يعطيك وصل امانه بياض او كمبياله بياض..يعني الشاري مجازف واكثر اللي يشترون مجازفين وماشين على الثقه من البايع..وعلى فكره سواء الكمبياله او وصل امانه مايذكروووون فيها شئ عن البطاقة او اسهم لأنه يعاقب عليها القانوووون..

وبتقولي يا اخي الكريم سوق الجت ماشين على الوصولات وسند قبض اقولك واخذها مني مجرد تخويف من الشاري للبايع والتهويل..والويل ولو تاصل المحاكم ..بس يقول البايع انا بعت بطاقتي للشخص هذا تسقط القضيه المرفوعه ضده

اذا كيف وشلوووون اهيه مجرد ثقه تتم البيعه


ودمتم

 

[بورصة جمبزه]

يا جماعه شراء وبيع البطاقات حرام حرام حرام ما يجوز والله يبعدنا ويبعدكم عن الحرام قولوا امين موفقين


بيض الخعفق مو نفس فرخ الخعنفق

 

[سيدة اعمااال]

امين " اللهم اغننى بحلالك" ​

 

[الخليجي 1]

فتوى

أحاول أن اوفر لكم فتوى صادرة من زارة الاوقاف بخصوص تحريم بيع البطاقات والفتوى موجودة وان شاء الله اوفرها الاسبوع القادم

 

[اليوفى]

ترى الحلال حلو يا جماعه
اليوفي

​

 

[الحمد2]

اذا عندي ناس مايبي يكتتبون اصلا
فيها شي اخذ بطايقهم واكتتب فيها واعطيهم مبلغ مقابل هالخدمة او التنازل عن حقهم؟

 

[Sniper Stock]

مايبون يكتتبون ؟؟؟؟؟ ليش يبيعونها اجل ؟؟؟

الحمد تجنبها والله راح يبارك لك فالقليل....الا اذا عطوك بطايقهم بدون مقابل

 

[مستجده]

الله المستعان

يا جماعه شراء وبيع البطاقات حرام حرام حرام ما يجوز والله يبعدنا ويبعدكم عن الحرام قولوا امين موفقين


بيض الخعفق مو نفس فرخ الخعنفق

ما كنت ادري انها حراااااام جزاك الله خير اخي الكريم على التنبيه

(((([اللهم اكفنا بحلالك عن حرامك واغننا بفضلك عمن سواك]))))