شركة مدينة الأعمال الكويتية العقارية

[أبو عمر]

الاخوه " المحترمين " من متابعي التحليل الفني
شارت شهري يوضح ليش قلنا كسر 27 خروج
السهم واضح من الشارت انه كاسر ترند ودعم شهري عند 27 ( ولو ان الشهر لم ينتهي بعد ) ، لذا يجب عليه الصعود الى ما فوق 27 اذا أراد الاستمرار والدخول في الايجابيه .
عنده دعم شهري هذا الشهر على 21 ( 22.5 الشهر القادم ) اذا عاود الهبوط
والله أعلم

 

[SAMSUNG]

السهم للمراقبة اللصيقة

الدعم 23 فلس

وقف الخسارة اغلاق اقل من 20 فلس

إن شاء الله

الهدف الاول 28 فلس

الهدف الثاني 32 فلس

الهدف الثالث 35.5 فلس

والله اعلى واعلم

فاز باللذات من كان جسورا

صبرا جميلا والله المستعان

الله يكتب الخير لملاك السهم

إن شاء الله

يكمل ارتداده السهم

وبإذن الله ابارك لكم الاهداف

والله اعلى واعلم

فاز باللذات من كان جسورا

صبرا جميلا والله المستعان

 

[( عتيج )]

الله يكتب الخير لملاك السهم

إن شاء الله

يكمل ارتداده السهم

وبإذن الله ابارك لكم الاهداف

والله اعلى واعلم

فاز باللذات من كان جسورا

صبرا جميلا والله المستعان

بيض الله وجهك اخوي بو سعود
ونحن متفائلين جدا بتحقيق الاهداف
قريبا وشكرا لشخصك على رفع معنويات المتداولين

 

[بو محمد !!!]

هههههههه

 

[debtor]

يا جماعة شنو سر عرض اكثر من ٤ مليون بسعر ٢٤
في الوقت الاخير؟

 

[بو محمد !!!]

يا جماعة شنو سر عرض اكثر من ٤ مليون بسعر ٢٤
في الوقت الاخير؟

واضح ما يبي السهم يصعد ويخرب علييه شغله >>> انا كنت الاحظ طوول الوقت منو كان يعرض ومنو كان يطلب لا يوجد اشخاص وايد انما هو شخص واحد يعرض مليون او يطلب نص مليون ويدش معاه صغار المتداولين بكميات بسيطه وقلت خل اجرب جان اشتري بال24 50 الف على طول ما صبر طلب طلب قوي على ال 23ونص ودش وراي بال 24 خاف لا تروح عليه الكميه هههههه

 

[debtor]

والله بو محمد ح

واضح ما يبي السهم يصعد ويخرب علييه شغله >>> انا كنت الاحظ طوول الوقت منو كان يعرض ومنو كان يطلب لا يوجد اشخاص وايد انما هو شخص واحد يعرض مليون او يطلب نص مليون ويدش معاه صغار المتداولين بكميات بسيطه وقلت خل اجرب جان اشتري بال24 50 الف على طول ما صبر طلب طلب قوي على ال 23ونص ودش وراي بال 24 خاف لا تروح عليه الكميه هههههه

حاس في شي زين السهم بس مكدرني انه ما اعلن النتائج

 

[بو محمد !!!]

اخوي دبيتور للامانه السهم مو ذاك السهم الي عنده اربااح قويه بس يا خوي ابرك وايد من ميزانيات بعض الاسهم الي اسعارها اكثر بكثير من اسعاره ومهدده بالافلاس ولكن يا خوي ابتلشنا ودشينا وياه بوسط المعمعه وانا بالنسبه لي ما اقدر اتخارج خسارتي فيه مو سهله لذلك قررت اني اقعد وياه لين اشوف وين ااخرته وامانتا كنت متخوف حيل من ان يكسر ويواصل هبوطه الى ال 15 فلس اما الان انا مقتنع من تداولات الامس السوق كله انهيار واهوى حافظ على سعره هذا شي طيب >>> واسوء احتمال هو عدم تقديم البيانات ويتم توقيف السهم فتره معينه بسيطه وبعدها سوف يرجع وشي طبيعي راح يعلق وانشوف امورنا معاه على الاقل نطلع بخساره بسيطه

 

[( عتيج )]

هههههههه

عسانا دوم نشوف هالإبتسامه
اخوي بو محمد
والله يوفقك اللهم آمين

 

[بو محمد !!!]

عسانا دوم نشوف هالإبتسامه
اخوي بو محمد
والله يوفقك اللهم آمين

حبيبي يا بو فيصل اجمعين يارب

 

[( عتيج )]

بو محمد
تتوقع باجر يكسر ٢٤.٥
ويغلق فوقها تجهيزا للخميس

 

[بو محمد !!!]

بو محمد
تتوقع باجر يكسر ٢٤.٥
ويغلق فوقها تجهيزا للخميس

والله كل الامور جائزه والعكس ايضا صحييح وعندك اقرب مثل حي الي صار اليوم ........ على ادنك كان محذووف ولا احد معبره بس اول ما ظهر اعلان الاجتماع على طول موجة شراء دافعه للاعلى لدرجة اني انا طالب وياهم بالحد الاعلى ولا قدرت ادش وياهم ,,,,,,,, واذا تبي الصج على شنو الارتفاع ما ادري ؟ سهم وضعه المالي اكثر من سئ ولكن الي ماشي بالسوق هالجم يوم انه الشركه ما تتوقف ومومهم ربحانه او خسرانه اهم شي تعلن عن الاجتماع وتسلم بياناتها بالوقت المحدد

 

[رابح رابح]

منو تقصد بهالحجي !
حطيناك شارت و تحلليل من شهرين شوفهم ماشيين عدل من شهرين والا لأ !
ناس تحط تحاليل وشارتات وتعب نفسها ،، وناس حجي فاضي !

وسع صدرك واذكر الله انت خبير واهني الناس متواضعه والسهم خسران وخطر
لاتنتقل مشاكل صفحة تمويل الخليج الى هالصفحه

.

 

[بو محمد !!!]

>>> يضحك من بعيد ههههههه

 

[أبو عمر]

وسع صدرك واذكر الله انت خبير واهني الناس متواضعه والسهم خسران وخطر
لاتنتقل مشاكل صفحة تمويل الخليج الى هالصفحه

.

وأنا أقول خلك في حالك ولا تتدخل فيما لا يعنيك ،، كل واحد عنده لسان يجاوب عن نفسه !
تراني مليت من سوالف اليهال وسوالف الشلليه المعروفه أسبابها هذي !

 

[رابح رابح]

وأنا أقول خلك في حالك ولا تتدخل فيما لا يعنيك ،، كل واحد عنده لسان يجاوب عن نفسه !
تراني مليت من سوالف اليهال وسوالف الشلليه المعروفه أسبابها هذي !

بوعمر وسع صدرك وترا اللي يشاركون اخوانك و ماكو شي يسوا هالزعل
واحد قال وجهة نظر ما اعجبتك اقنعه جزاك الله خير بدون لاتعمم وبدون اسائه واستصغار للمشاركين
وبعدين انت رجل متدين والرسول عليه الصلاة والسلام يقول الكلمه الطيبه صدقه وما اقرا عنك يبين انك اكاديمي وكل انسان يخطئ ويصيب

 

[بو محمد !!!]

حشى هذا مو بوعمر هذا هالق هووقن >>> ريال مالي شغل من بعيد لبعيد هههه

 

[أبو عمر]

بوعمر وسع صدرك وترا اللي يشاركون اخوانك و ماكو شي يسوا هالزعل
واحد قال وجهة نظر ما اعجبتك اقنعه جزاك الله خير بدون لاتعمم وبدون اسائه واستصغار للمشاركين
وبعدين انت رجل متدين والرسول عليه الصلاة والسلام يقول الكلمه الطيبه صدقه وما اقرا عنك يبين انك اكاديمي وكل انسان يخطئ ويصيب

هذا كلامك : " لاتنتقل مشاكل صفحة تمويل الخليج الى هالصفحه "
هذا انا اللي أنقل المشاكل ! هذا كلام ينقال لي أنا يا اخ !
يا أخي اتقوا الله كل هالتحليل والشارتات للسهم والتنبيه وهذا هو اسلوب التعامل معاي !!!!
الغمز واللمز اللي صدر من الأخ انت ما تدري عنه ولا تدري شنوالمقصود بكلامه على شنو داش تعطيني مواعض ؟!

رجاء خلك برا الموضوع ولا تتدخل لا أنت ولا غيرك تري أنا تحملت بما فيه الكفايه !

 

[أبو عمر]

حشى هذا مو بوعمر هذا هالق هووقن >>> ريال مالي شغل من بعيد لبعيد هههه

وسخافاتك انت بعد مار اح تنتهي الظاهر ،، شله مفهوم أغراضها

 

[رابح رابح]

هذا كلامك : " لاتنتقل مشاكل صفحة تمويل الخليج الى هالصفحه "
هذا انا اللي أنقل المشاكل ! هذا كلام ينقال لي أنا يا اخ !
يا أخي اتقوا الله كل هالتحليل والشارتات للسهم والتنبيه وهذا هو اسلوب التعامل معاي !!!!
الغمز واللمز اللي صدر من الأخ انت ما تدري عنه ولا تدري شنوالمقصود بكلامه على شنو داش تعطيني مواعض ؟!

رجاء خلك برا الموضوع ولا تتدخل لا أنت ولا غيرك تري أنا تحملت بما فيه الكفايه !

بوعمر تكفا تعوذ من الشيطان ..واستغفر ربك يابن الحلال لاتورطنا
والله والله والله العظيم الاخوان المذكورين ما اعرفهم الا بكل خيرمن المنتدى وما اعرف اسمائهم ومن مشاركاتي تعرف افكاري
وصدقنى لا اكو قصد ولا مقاصد الكلام بحسن النيه يابوعمر ومافي نقد لشخصك الموضوع نقاش واختلاف على وجهة نظر وتوقع يتعلق بحركة السهم
ومو لازم نتهاوش نزعل على بعض علشان ابداء الرأي الشخصي في حركة السهم
ونصيحه من اخوك
في الصحيحين من أبي هريرة رضي الله عنه عن النبي صلى الله عليه وسلم قال { إياكم والظن فإن الظن أكذب الحديث ، ولا تحسسوا ، ولا تجسسوا ، ولا تحاسدوا ، ولا تباغضوا ، ولا تدابروا ، وكونوا عباد الله إخوانا كما أمركم الله عز وجل . المسلم أخو المسلم ، لا يظلمه ، ولا يخذله ، ولا يحقره . التقوى ههنا ، ويشير إلى صدره ثلاث مرات . بحسب امرئ من الشر أن يحقر أخاه المسلم ، كل المسلم على المسلم حرام : دمه ، وماله ، وعرضه ، وفيهما ولا تنافسوا ، ولا تهاجروا ، ولا تقاطعوا . إن الله عز وجل لا ينظر إلى صوركم ولا إلى أموالكم ولكن ينظر إلى قلوبكم وأعمالكم }

.