المجموعة الدولية للاسـتثمار ش .م.ك.م ( المجموعة د ) ... الجزء الخامس

[بوراشد جروب]

10 فلوس

أخوي بوراشد عندي لك سؤالين الله يحفظك :

اليوم السوق نازل نزول عنيف ليكون سيلت المحافظ التابعة لك ؟

تهقى بو بدر قاعد يتابع مشاركاتك الأخيرة وتابع اليوم ودعم السهم تحسباً لخروج المحافظ التابعة لك ؟:d

* لما الحين ما سيلت شي ، ولو سيلت ... جان كل الي بالسوق راح يتحلطمون ويقولون ( شلمهن شلمهن ... ) سواها الخرافي بوراشد ...

* بوبدر مشغول الله إيهداك وين فاضي أصلاً يتابع ، الريال لاهي بالقضية الي راح تشوه شركته الموعودة الي تعتبر المظله الكبرى للجروب كله ( بيني وبينك لا احد يسمع حاس إن الريال قاعد يحظر لنا طبخة يديده بما أنه طباخ ماهر من الدرجة الأولى ، وإن شاء الله الطبخه هذي لما تستوي راح الكل يشم ريحتها ويدجون فيها بالخمس (تذكر كلمة خمس هذي).. ويحفظك ربي من كل مكروه ...

 

[بوثنيان]

بوراشد يطولي عمرك
انا اخيك واكثر من صديق لك
والله خوش واحد انت ادب واخلاق ويشهد الله من قلبي هالكلام
بس لو توخر عن اسهم سامي البدر مع العلم انك ملح الصفحه وحلاها
ياخي ماينضف والله شوف ماضيه وانت تعرف
ودمت ياعديل الروح تاج فوق الراس
صوتك يغرقني بداخل موانيه---------- شوف ارتعاش الشوق من يوم أكلمك
من شفت عينك ضاع هرج المشاريه
وعن العتاب اقول ربي يسلمك
بوتنسيم ليش كل نقد تحسه لك
يشهد الله الي قلته مو لشخصك بس لمشاركتك والله مابيني وبينك اي شي
وهذا خدي لك مداس بعد تدلل
بس ياخوي يابوتنسيم لاتحط معيار المنحه صك غفران للشركه
كلامك مومنطقي كلش
تروح وترد وتقولي منحه
للعلم انا خذيت المنحه من المجموعه ومن بتروجلف
زين الي مااخذ منحه! الي خذه بسعر ب 620
او 580 او او او والسوق تعدل واسمحه تحت
شنقوله نقوله مشكلتك! ولانقوله مالنا خص بوتنسيم خذه اسهم منحه اهو وبوثنيان!

وانا ماخذ المخازن بسعر 2660
شلون اشوف ا احد بالسوق ماخذ منح واقوله تعال قاسمني فيهم!
وسعلي صدرك يا قلبي انت ولا تطالع الاطلال

بكل شفافيفه وكل وضوح اسهم البدر اصبحت لعبه بيد الكل
فلا اخبار صادقه ولا ملاك تهمهم سمعت شركاتهم ولا ايضا مدراء محافظ
يخافون الله
تبي المصداقيه القف
بنك المستثمرون شركه اجال العيادي
الشفافيه
نعم للمستثمر
اسف للاسهاب ورايح البحرين يومين وارد على السبت الياي وبرونه الذمه والسموحه
:*

 

[سويسرا]

عاجل

السلام عليكم


دعوة لمراقبة السهم غدا انشالله لانسبق الاحداث

 

[Bo Tasneem]

لاتقول هالكلام يا بوثنيان .. شانك عالي يبا أفا عليك ..

وبعدين انت تقول إن موغاثني غير إللي يقول إن سامي عوّض مستثمرينه !! منو غيري قالها أمس ..

عموماً تروح وترجع بالسلامه .. والذمّه يبا صافية ..

بس أرد وأقول .. محّد عوّض مستثمرينه مثل سامي البدر ..

إذا انت داخل على السهم على قولتك بالـ 620فلس فهذا يعني إنك الحين ربحان أيضاً ولكن الربحية ليست بالعين .. أمّا من ناحيتي آنا فالحمدلله من الـ 200فلس واحنا مع السهم ربع .. بس فيه هواش شوي ..

وبعدين ترى ليلحين السهم أثبت اليوم وللمرّه العاشره تقريباً إن دعم الـ 530فلس عجيب ماشاءالله ..

وعلى طاري الفترة .. عاد هذي مشكلة إللي معجعج بالسهم ولا راح يشوف لقمته بسهم ثاني .. ولاّ السوق فيه خير الحمدلله ماكو غير المجموعة بالله .. وكذا مرّه وصيت على أسهم ثانية والحمدلله أصابت والناس خففت خسايرها في نجاح بعض الشركات والتوصيات إللي عليها ..

موفّق خير أخوي .. ورد بسرعه ناطرك .. مابي حلوى شويطر ولا رهش موتييب !! ..


بوتسنيم​

 

[garmin]

إسماعيل :
بوراشد السهم لامس ال530 وإرتد عنها
موجنه في التحليل بانه المجموعه لديها دعم قوي على 530 والا آنا غلطان

اخوك
بوفواز

لا مو إرتد من الدعم السهم بدأ واضح تجميعه على سعر 540 اليوم

وماني محتاج تحليل

اخوكم
بوفواز

المجموعي لا ترد على شي وتخلي شي لما ترد على كل كلامي راح أرد عليك ومو قلت لك إسال صاحبك
بوسعدون وبعدين جم مداخله ردوا عليك يكفون

 

[بوراشد جروب]

10 فلوس

جزاك الله خير بوثنيان أخجلتم تواضعنا ...

الله يديم المحبة بيننا للأبد ...

هالمحبة والصحبة الصالحة في صفحة المجموعة الدولية إهي الشي المميز بالمنتدى ، وتخلي الكل يشارك فيها ويدلي بدلوه مع إخوانه وحبايبه ... عاد إن شاء الله يأثر هذا الحب على أداء المجموعة باجر وتصك حد أعلى (من زمان ماشفناها)...

ومشكور بوفواز على حرصك ، بس لو في منك إثنين ...

 

[المجحم]

جزاك الله خير بوثنيان أخجلتم تواضعنا ...

الله يديم المحبة بيننا للأبد ...

هالمحبة والصحبة الصالحة في صفحة المجموعة الدولية إهي الشي المميز بالمنتدى ، وتخلي الكل يشارك فيها ويدلي بدلوه مع إخوانه وحبايبه ... عاد إن شاء الله يأثر هذا الحب على أداء المجموعة باجر وتصك حد أعلى (من زمان ماشفناها)...

ومشكور بوفواز على حرصك ...

بوراشد مشتاق اني اشوف المجموعه حد أعلى لو مره وحده بحياتي غير الحدين الي صارو قبل تاريخ 10/اغسطس
اكتفي بيوم واحد مو طماع

 

[بوراشد جروب]

10 فلوس

بوراشد مشتاق اني اشوف المجموعه حد أعلى لو مره وحده بحياتي غير الحدين الي صارو قبل تاريخ 10/اغسطس
اكتفي بيوم واحد مو طماع

لا تخاف إن شاءالله انا حاس إني راح أعيش وأشوفها قريباً إن شاءالله ...



خبر جماني سريع قد يفيد أحد:

* الجُمان - على صعيد الأسهم الملتزمة بأحكام الشريعة الإسلامية ، فقد تصدرت أسهم المجموعة د وبتروجلف وجراند باقي الأسهم الإسلامية من حيث معدل الدوران بمعدل 4.56 ، 4.01 ، 2.42 مرة على التوالي ، ومن أكثر الأسهم الإسلامية انخفاضا من حيث معدل الدوران المواساة وإياس وأولى تكافل بمعدل 0.00338 ، 0.0296 ، 0.03630 مرة على التوالي ، وذلك منذ بداية العام الجاري حتى نهاية أكتوبر من نفس العام

 

[المجحم]

لا تخاف إن شاءالله انا حاس إني راح أعيش وأشوفها قريباً إن شاءالله ...



خبر جماني سريع قد يفيد أحد:

* الجُمان - على صعيد الأسهم الملتزمة بأحكام الشريعة الإسلامية ، فقد تصدرت أسهم المجموعة د وبتروجلف وجراند باقي الأسهم الإسلامية من حيث معدل الدوران بمعدل 4.56 ، 4.01 ، 2.42 مرة على التوالي ، ومن أكثر الأسهم الإسلامية انخفاضا من حيث معدل الدوران المواساة وإياس وأولى تكافل بمعدل 0.00338 ، 0.0296 ، 0.03630 مرة على التوالي ، وذلك منذ بداية العام الجاري حتى نهاية أكتوبر من نفس العام

أشكرك على الخبر
بس بعرف متى حاس تشوفها حد اعلى اسبوع جذي؟

 

[بوراشد جروب]

أشكرك على الخبر
بس بعرف متى حاس تشوفها حد اعلى اسبوع جذي؟

والله عاد هذا إحساسي وكيفه ، حتى انا موراضي يعلمني متى !! تصدق !! ...

 

[المجموعي]

ودي أعرف أخي المجموعي انت ليش مستانس حيل ، هل لأن الحكم الصادر على الخليجية للمال يبرد الكبد ؟ في بينكم تصفية حسابات؟أشوفك تدافع عن رايك بشراسة ؟ اسلوبك القديم اللي كنا نستفيد منه ياليتنا نشوفه مرة ثانية ، الله يوفقك لكل خير .

حبيبي بديع الزمان

لا مستانس ولاهم يحزنون
جدامنا مسأله وقاعد اناقشها وكل له وجهة نظره الشخصيه بالموضوع في من يشوفه ايجابي في من يشوفه سلبي
وانا اللي اشوفه ان الوضع مو لصالح المجموعه وكل المؤشرات تدل على هالشي...والدليل الخليجيه لمال صم بكم الى الان والاولى للاستثمار اهي اللي بالصوره جدام مستثمرينها
والخليجيه للمال الناس اكتتبوا فيها من العام بسعر 890 فلس واليوم تنباع ب500 و600 فلس وليما الحين ماكو لا ادراج ولاهم يحزنون...هذا اذا مافيه قضايا ثانيه بالبحرين احنا ماندري عنها...

ادافع عن راي بشراسه لان كل ماهو ظاهر لنا يأيد كلامي

والله يعطيك العافيه على اسلوبك الراقي

والله يوفقنا لما يحب ويرضى

 

[ابو عليا]

ساعة الصفر قربت

للمتابعة

 

[المجموعي]

لا مو إرتد من الدعم السهم بدأ واضح تجميعه على سعر 540 اليوم

وماني محتاج تحليل

اخوكم
بوفواز

المجموعي لا ترد على شي وتخلي شي لما ترد على كل كلامي راح أرد عليك ومو قلت لك إسال صاحبك
بوسعدون وبعدين جم مداخله ردوا عليك يكفون

مايهمني ردك ولاني محتاجه
كثر مايهمني كلام العلوش عن حقه باسهم بنك المستثمرون وجراند وورد تل البريطانيه

السالفه مو بس عطني ال10 مليون دينار
الرجل قاعد يهدد بالقضايا الجايه بالطريق من مطالبات بحقوق الاولى(حقوووووق وليس حق)...
وخليجيتك ليما الحين ومجموعتك ماردوا ولا علقوا على الموضوع....
بس الظاهر
يحضرون عن مؤتمر صحفي او عيديه حق الاولى للاستثمار باالاضحى...

بس الصراحه التجميع وااااااااااااااااااااااااااااااااضح على ال540 من يوم تفصخ السهم
خوش تجميع صار له 4 اشهر
يبااااااااااااااااااااااااااااااااااااااا
قولوا الصج
الرجال مو مترقع وماعنده سيوله يشد اسهمه
ليش اللف والدوران وتجميع وتفريط والحجي الفاضي

وللحديث بقيه

 

[Mohammedq8]

بس الصراحه التجميع وااااااااااااااااااااااااااااااااضح على ال540 من يوم تفصخ السهم
خوش تجميع صار له 4 اشهر
يبااااااااااااااااااااااااااااااااااااااا
قولوا الصج
الرجال مو مترقع وماعنده سيوله يشد اسهمه
ليش اللف والدوران وتجميع وتفريط والحجي الفاضي

هاهاهاهاها.. اربع شهور.. تجميع..

 

[المعوشرجي79]

مايهمني ردك ولاني محتاجه
كثر مايهمني كلام العلوش عن حقه باسهم بنك المستثمرون وجراند وورد تل البريطانيه

السالفه مو بس عطني ال10 مليون دينار
الرجل قاعد يهدد بالقضايا الجايه بالطريق من مطالبات بحقوق الاولى(حقوووووق وليس حق)...
وخليجيتك ليما الحين ومجموعتك ماردوا ولا علقوا على الموضوع....
بس الظاهر
يحضرون عن مؤتمر صحفي او عيديه حق الاولى للاستثمار باالاضحى...

بس الصراحه التجميع وااااااااااااااااااااااااااااااااضح على ال540 من يوم تفصخ السهم
خوش تجميع صار له 4 اشهر
يبااااااااااااااااااااااااااااااااااااااا
قولوا الصج
الرجال مو مترقع وماعنده سيوله يشد اسهمه
ليش اللف والدوران وتجميع وتفريط والحجي الفاضي

وللحديث بقيه

دام كل هالتشاؤم والنظرة السلبية والدونية لاسهم المجموعة د وتوابعها ليش مسمي نفسك المجموعي ؟؟؟؟؟؟؟؟!!!!!

 

[بو هادي.]

والله ودّي ما أرد بس مايصير ..

تقول إني غاثّك !! يا أخي اشربني بماي زمزم بارد يمكن تبلعني وتبلع كلامي .. وإذا تبي ترى دلة القهوة موجودة حاضرين ..

انت من صجّك ولا تتغشمر .. أكو أحد يعطيك منحة 45% وتاخذها حضرتك وتحطها بجيبك كاشخ في الأسهم .. وتلقى السهم متفصّخ على 415فلس .. وتييك تعليقات إلى 580فلس .. وهم تقول ما عوّض مستثمرينه !!

أقول بوثنيان .. ولاّ خلاص هوّنت ..


بوتسنيم​

كلام سليم يا بو تنسيم
بس ترى وصله إلى 680 فلس

 

[alaml3000]

السلام
يا جماعة لا حس لا خبر عن الخليجية للمال ؟؟؟ العلوش يتكلم والخليجية بالعيد القادم عيديتها
الله يستر

 

[saif]

الى كل من يهمه الأمر،،

سيكون هناك تصريح للخليجية للمال يبين و يوضح الكثير من الأمور التي التبست على الغالبية من الأعضاء و المراقبين للموضوع. بكل بساطة يا أخوان حكم المحكمة الذي تم استئنافه أكثر من مره و تم تمييزه قبل كم يوم باختصار شديد يأمر الخليجية للمال ب "تنفيذ العقد المبرم بين الطرفين" أي ان تلتزم الخليجية للمال بدفع قيمة الأسهم المشتراه من قبل الأولى للإستثمار على أن تقوم الأولى بعد استلام المبلغ كاملا بتسليم الأسهم للمجموعة الخليجية للمال.

كلام العلوش فيه من المغالطات و الخداع ما يضحك العقلاء

و ان غدا لناظره قريب ،،

 

[Nagooshy]

ياجماعه اشفيكم موضوع المجموعه د والاولى للاستثمار قديم​

 

[مستثمر1]

الى كل من يهمه الأمر،،

سيكون هناك تصريح للخليجية للمال يبين و يوضح الكثير من الأمور التي التبست على الغالبية من الأعضاء و المراقبين للموضوع. بكل بساطة يا أخوان حكم المحكمة الذي تم استئنافه أكثر من مره و تم تمييزه قبل كم يوم باختصار شديد يأمر الخليجية للمال ب "تنفيذ العقد المبرم بين الطرفين" أي ان تلتزم الخليجية للمال بدفع قيمة الأسهم المشتراه من قبل الأولى للإستثمار على أن تقوم الأولى بعد استلام المبلغ كاملا بتسليم الأسهم للمجموعة الخليجية للمال.

كلام العلوش فيه من المغالطات و الخداع ما يضحك العقلاء

و ان غدا لناظره قريب ،،

التصريح موجود في الوطن.
وبالتوفيق