بنك بوبيان ش.م.ك ( بنك بوبيان )

[mashal]

يا اخوان تركو عنكم الحجى الزايد
انا بعت 20000 سهم ب 580 اول يوم بعد مانزل من 680
و ثالث يوم بعت 36000 سهم ب 490 و خليت 20000 سهم احتياط حق الى يقول راح يوصل 700 او 800

هذا الحجى الصح

و اذا نزل اقل من 400 استرجعت الى بعته و اذا راح 700 بعت الباقى

هذا الحجى الصح

بذلك اكون مافرط بالسهم و لا قعدت اشوف السهم ينزل وانا اسمع نصايح هذا و ذاك

هذا الحجى الصح

شغلك عدل . بس بيع الباجي فوق ال 500 وخلص وريح بالك

 

[المناور]

أخوي بو عبدالله
نترك تقييم الخطأ والصواب للمتابعين ..
لكن شلون تكون توقعاتهم واقعيه وهو مجرد توقع ..ويكون الإدراج الحقيقي غير واقعي !
وبعدين هذا بنك وليد شتبي تكون أرباحه ؟ حط مقارنه بسيطه بينه وبين العقاري محقق ربحية 5 فلوس وبنك صارله فوق الـ 30 سنه وهذا بنك بسنه وحده محقق 1.7 فلس وعدد أسهمه اكثر من العقاري يعني حقق بسنه ما حققه العقاري بـ 13 سنه وبتشوف شلون النمو المتسارع بالأرباح بعد سنه بالكثير وراح يتعدي العقاري وغيره من البنوك الأخرى ...
يا بو عبد الله السالفه وما فيها وكنا دائما نقول السهم مبعثر وما في جهة تملك الكمية الكافيه للضغط على السهم وكنا نتوقع نحن المتفائلون إن لا يقل الإدراج عن 500 فلس وفق لمعطيات سبق وذكرناها .. واللي صار إنهم بالغوا وهذا صحيح بفتتاحه عند 630 ولموا الكمية اللي تمنحهم الأفضلية بالضغط على السهم وهذا ما حصل بعد ربع ساعه من التداول واللي شروه فوق عرضوه تحت وطبعا العالم معاهم لأن بنظرهم فرصة لن تتكرر ( وهنا اكلنا الطعم وصرنا نضغط معاهم ) وخير دليل ما حدث ثاني يوم العرض بالحد الأدنى فوق 20 مليون والصفقات اللي تمت 40 ألف سهم فقط !!!!!!!!!!!! وهني بدأ الكابوس واشتغلوا المرجفون بكل مكان ومو بس هنا بالمنتدى حتى بالديوانيات وصار حديث الشارع اللي ما باع خلاص ينسى يشوف السهم فوق الـ 500 فلس والطريق رايح للـ 300 وكلها أيام معدوده ... وكتبنا وقتها ونصحنا ربعنا اللي نعرفهم لا احد يبيع تحت الـ 500 لأن هالسعر كان معروض عليهم من قبل الإدراج ومحد باع ومنهم من اقتنع وما ما عرض ومنهم ومن باع وتحسف !! ( مع أنه اكيد ربحان ولكن ما ماحدث يوم الإرباح احدث لهم نوع من الإحباط ) ...
أما قضية تبي توقعي للأسبوع القادم إذا هالتوقع واقعي أو حلم وردي فأنا لم اذكر في اي مره بعد إدراجة توقعي لسعر معين ولكن كنت أقول البيع تحت الـ 500 غلط كبير وراح ارد واكررها وأقول هالسهم إستثمار مو للمضاربة ومستقبله ممتاز وهو السهم الوحيد من الشركات المدرجة اللي نقدر نقول إنه راح يتضاعف سعره مع مرور الوقت ( توصيه بلااااااش )
علشان اريحك وما تعبك معاي خلك من الكلام اللي يقول شراي الأربعاء اخذ هالكمية حتى يضغط على السهم لتحت لأن اللي يصدق هالكلام ساذج السهم مضغوط من اهله بدون شي والأربعاء كان ممكن يكون نسخه طبق الأصل من تداول الثلاثاء وكان ممكن يكون السبت إيضا وكنا فقط نترقب متى تطلع محفظة قوية وتوقف هذا النزيف ولله الحمد شفنا شلون كان التداول والتجميع وحط تحت التجميع مليون خط على سعر الـ 500 فلس وهنا نقدر نقول السهم راح يأسس على هالسعر وراح تجمع المحفظه وراح تدخل محافظ اخرى وممكن يزيد فوقها 50 فلس أو ينزل 50 فلس ولكن تبقى الـ 500 رمانه إتزال للتجميع والمحفظه اللي دخلت يوم الأربعاء او من دخل معها من محافظ أخرى حصلت الآن على كمية تفوق الـ 60 مليون سهم بأسعار متوسط سعرها 540 فلس لن ترضى إن يحصل لها خسائر غير محققه عند نزول السهم لأسعار أقل ...
والحديث طويل ونحن هنا لسنا لنقطع أرزاق الناس كل واحد يبيع ربحان ولكن نريد لهم الربح الأكبر وهو الإستثمار للمستقبل أسهم طالعه علينا بلاش ليش نقطها لهم وباجر يبعيونها علينا فوق .. شوفوا ربعكم اللي مازالوا متمسكين بالإكتتابات القديمة وأسألوهم عن تجاربهم الناجحه بالإستثمار

* للعلم للحين ما حمى الوطيس للصراع على الكراسي ومجلس إدراة البنك إيضا طرف في الصراع ما يبي يفقد هالكنز ... الآن فقط تسخين للمحافظ بينهم لأنها تشتغل للأطراف المتنافسه خلونا نحط أسهمنا تحت المخده وننام وكل يوم نتفرج عليهم وهم يتصارعون وبالأخير اللي راح يسيطر على البنك راح يرفع أسهمه فوق ويرفعنا معاه ليش نصير وقود صراعاتهم ونطلع من اللعب بدري

الف شكر

 

[alajmiktv]

انتوا مقتنعين ان إلي لم هالكميات الكبيرة من السهم يخليه ينزل تحت ال 500 او على كلام الاخوان ينزلونه الى 300 وين المنطق بهالكلام ...

انا عن نفسي ماراح ابيع إلا لمن تطلع قسيمتي يعني بعد 10 سنوات والله يوفقني معاكم تقولون ليش السهم طالع علي ببلاش ليش افرط فيه !!!

 

[Bronze]

السلام عليكم جميعا

بداية اسئل الله التوفيق لملاك سهم بوبيان

اعتقد والعلم عند الله سبحانه وتعالى , ان السهم في نزول ليس بصعود وسوف يستقر فتره ما بين 400 - 450 والله اعلم .

 

[Nasser pwc]

توقعاتكم للسهم باجر لمت اب والا لمت داون !​

 

[almjlaad]

كلن يغنى على ليلاه

 

[الناسجت]

شدراك ان المشاريع هي اللي داشه

ممكن استثمارات وطنيه
ممكن استحواذ اللي داشه
؟؟؟؟؟؟؟
هذا اللي داش راح يضغط السهم اتوقع الي 400
ودمتم

صباح الخير ... نقلت لكم الخبر يوم 17-5-2006

http://www.indexsignal.com/vb/showpost.php?p=391283&postcount=359

وها هي جريدة المؤشر تأكد الخبر


....... بنك بوبيان في اول اسبوع بورصة...
سهم بوبيان يفرض نفسه قياديا في اول اسبوع تداول...
"مشاريع الكويت"...الثانية بعد الحكومة في امتلاك حصص الاسهم..وحصتها تخطت النسبة لتصل لتصل حوالي 5% ...
= = = = =


ودمتم

 

[أبـو شـهــد]

انت يا حبيبي عميل و ماعندك السهم
الكمية اشترتها المحافظ و الصناديق لتعويض الخسائر التي حصلت للربع الاول و تحقق ارباح قياسية

انت شايف السهم وين منطلق من 630 و ما يوقف الا عند 1.800 و يمكن يشتري بيت التمويل و يطردة من قطاع البنوك علشان يصير اول بنك اسلامي

حبيبي هذا بنك بوبيان الكل حاط الامل عليه و انت يا عزيزي متواطي مع الصناديق و المجاميع الاقتصاد

بعد كل ما سبق ستقوم محكمة الثورة بتقديمك للمحاكمة و انا راح اصير شاهد عليك ما يفيدك انك علمتني دروس التحليل الفني

اللة عليك يابوسليمان 1.800 مرة وحدة
انت مو امطبل للسهم شكلك دمبكجي محترف ولا علي كاسوور بعد ​

 

[khalid592]

صبحكم الله بالخير

شباب السهم استثماري ناح بأذن الله ..

وتذكرو انه الكميات اللي انشرت مو هينه ..
والسهم طرح لاكتتاب دوله يعني مو حيا الله اكتتاب ..

وتذكرو انه العرض والطلب هو اللي يتحكم بالسعر ..


اما كلام اللي يكسرون المجاديف ويحاولون يطيحون من قيمه السهم من خلال بث الاشاعات وتخويف الناس فاقولهم خافو ربكم بصغار المستثمرين وترى الرزق على رب العباد وانت ما راح تستفيد من اللي تقوله ..

ياخي بتطلعلي فاهم وتقولي ربحيه ؟؟ اي ارباح اللي تتكلم عنها البنك توه تحت التاسيس وشوف السعر ماله ..
وشوف خططه الاستثماريه شراء حصص في بنوك اسلاميه وصكوك ابراج ومحافظ ..

عموما الظاهر ماكو فايده من الشله اللي صايرلي فاهم ويطيح من سمعت السهم وهو تلاقيه خسران اللهم لا شماته ..

ولكن كل اللي اقوله حسبنا الله ونعم الوكيل وتذكر ان بكلامك هذا ممكن تخسر صغار المستثمرين ..

اما اللي عنده ثقه ياجبل ما يهزك ريح

 

[سوينق]

بنك بوبيان حمى وطيسة

بوبيان الان يتداول عند 510 520 اتوقع الشراء راح يكون محموم وتنبط الجربة بين الشركات المتلهفة لشراءة واللة تعالى اعلم

 

[أبـو شـهــد]

بوبيان الان يتداول عند 510 520 اتوقع الشراء راح يكون محموم وتنبط الجربة بين الشركات المتلهفة لشراءة واللة تعالى اعلم

حلووووووووووووووووووووووووة تنبط الجربة​

 

[Q8 Stock]

ما شاء الله
علقوووه
تستاهلوون

والله يرزقكم اكثر واكثر

 

[oily]

الله يرزق الجميع ان شاءالله

 

[بن تركي]

مبروك

حد أعلى

بس

مو هذا سعرة

لا للبيع

دون ال 800 فلس

 

[modeer]

ما شالله ما مداه علق الصفقات بتوصل 3000

الناس لي متى ماتسمع الحجي قلنا لحد يبيع

وبتبشرون خير انشاالله .. والله سعره مو مشجعني اني ابيع

لا للبيع بأقل 800 ياجماعه والله الي عنده احد يملك ببوبيان

خل يكلمه قوله لاتبيع ويفهمه انه احنا الي نتحكم بالسهم

الملاك الي من الاكتتاب مو الهوامير .. الي قاعده تجمع

ومنها للاعلى يا بوبيان ... الله يرزقكم بفلوسكم





فمان الكريم ...

 

[التحليل الفني]

مبروك التعليقه مقدما ماشاء الله وتبارك الرحمن

 

[حمد العازمي]

بوبيان وبس للاستثمار

السلام عليكم اخضر على طول تستاهلون​

 

[التحليل الفني]

تدرون شنو قاعد يسوي الحين يجمع من الشيبان شرطيت الكسور قاعدين يجمعون من سوق الكسور ويبعون عليه الحين لين يخلصون وبعدها يطلع فوق على 560

 

[SMoOoKY]

ياجماعه مرتفع والمبيوع 35 مليون سهم ......!!! كلش موتجميع

 

[Moshaks_777]

برقان اليوم شي