بما إني من المؤيدين للإستثمار ببنك بوبيان وعدم قطه بحضان الحراميه المتربصين لبنك أهل الكويت .. حبيت أعلق على بعض الردود المنتقاه اللي إنكتبت من أول يوم الإدراج لحدن لآن ..
ChuCky قال:
جنه حلم السعر .. وصل الى 680 !! فلس !!!
عندنا بنوك صار لها اكثر من 40 سنه ماوصلت هالسعر او بعدها ماوصلت ال 800 فلس !
اخاف ماراح نشوف هالسعر الا بعد 5 سنوات اقل تقدير !
اتوقع باجر نزول حد ادنى :\
هالبنوك اللي تتكلم عنها تعيسه جدا .. وخير مثال العقاري من 1973 ومعطيك ربحية 5 فلوس فقط وسعره فوق ال600 .. شنو هالنمو المتواضع وبنك بوبيان محقق 1.7 فلس ( يقريبا 40% ممن ربحية العقاري القديم والعتيد ) مع إنه لم يزاول نشاطة الفعلي .. ومقارنتك لبنك بوبيان للبنوك المذكوره تصب في مصلحة البنك الجديد الأسلامي وتعرفون شنو معنى بنك إسلامي
كويت1 قال:
اقول لك شي لو انشرى بس مليون سهم اليوم في بنك بوبيان كان شفت الفرق .
وشفت العرض شلون يتغير لطلب .
هذا سهم بنك مو سهم حي الله .ومو اي بنك (بنك اسلامي)
يعني سعره مو اقل من ست ميه فلس .
فيه محافظ اسلاميه خليجيه لو يسمحون لها تدش السوق كان شالت اسهم بنك بوبيان كلها .
هالكلام كان يوم الثلاثاء وحدث ما توقعه أخونا كويت1 وراحت الـ 5 مليون وشفنا شلون محد قدر يضغط على الطلب وبالأخير الطلب وصل ل510 وبعد ما شفنا اللي قط عليه.. جزاك الله خير يا كويت1
sam-7 قال:
الصراحة الذكي اللي باع امس فوق 600 فلس وطلع الاضعاف وينطر جم يوم ويشتري مرة ثانية بين 300 الى 350 ويستثمرهم وبدال لا يربح مرة يربح مرتين ...
الشغله مو ذكاء ..هذا توفيق من الله والصفقات تمت بدقايق معدوده فقط وبعدها إنتها كل شي... وإنطر ال300 فلس ممكن تشوفها بالحلم
sporty قال:
مساء الخير شباب يا اخوان والله السوق لا يعرف ذكي ولا غبي السوق كر وفر انا ما عرف لا ربحيه ولا ارباح اعرف البيع والمضاربه والبيع في نفس اليوم لو بخساره انا كنت اشوف كلامكم بالمنتديات وكنت متفائل وايد بالسهم ويوم الحدث يوم الاثنين المبارك يوم بوبيان رحت للسوق بقصد المتابعه وليس البيع وكانت معاي شهادات الاسهم وعند الافتتاح صار الطلب يسعد القلب لاكن بعد ثلاث دقايق تغيرت الحسبه وبدى النزول الكبير والله كنت معطي بيع على 680 لاكن اتصال شغلني دقيقه وبعت على 640 جميع الكميه والكسور بعتهم 600 فلس بس باجي 179 سهم كسور ما قدرت ابيعهم واليوم رحت ابي ابيعهم وهم ما قدرنا لاكن 179 راح اخليها للذكري الحمدلله على كل حال والله يرزق اخواني اللى ما باعوا وكنت احلم ان ابيع الاسهم على 500 فلس وتحقق الحلم الكبير على 640 والحين متردد اشتري او اروح في سبيل حالي مع حلمي الكبير الذي تحقق
مبروك إذاهالكلام الدراماتيكي جميل صحيح
بس ليش هالرد اللي بالأسفل هل القصد منه إحباط أخوانك اللي للحين ما باعوا !!
sporty72 قال:
تحروا وترقبوا بنك بوبيان قريبة من سعر الاكتتاب
والله اعلم
sporty +sporty72
مره أخرى sam-7
sam-7 قال:
شكرا على صراحتك وايد يرضون يشترون 300 فلس (وهو سعر عادل) .... لكن منو يرضى على 500 او 600 فلس !! (كما يطبل الكثيرون ويضيعون خلق الله) يعني ترضاها لغيرك و ماترضاها لنفسك !! .. )
منو يشتري على 500فلس ! شفت بعينك الشراي ثاني يوم ... اللحين منو يضيع خلق الله
إنطر الـ300 بس لا تمل من الصبر .
وعوده أخرى لأخونا ChuCky
ChuCky قال:
هذا كلامي .. وبتشوفون السهم ماراح يريح الا على 450 بعدين ينزل الى 400 ويمكن اقل
وطلع كلامك غير صحيح .. حاول تشير مره أخرى
Moshaks_777 قال:
السوالف بلااااش .
المستشار بوراشد قال:
إلي شال ال 5 ملايين على 490
قاعد يصرفها على 495
ولا زالت المساله غير مضمونه
واللي شال 495 ويصرفها على 500 واللي شال 500 يصرفها على 510 .. مستشار شالحجي وين قاعدين
عكس التيار قال:
السهم متجه للأسفل غصب
و ننتظر 350 فلس
منو مزعله !!
دبل سهم قال:
بنك ربحيته فلس واحد من ارباح غير محققة
فلس * 4 =
4فلوس ربحية بنك لكل السنة
يمكن علشان الجمعية العمومية بيرتفع
لكن نص دينار وايد زين
بلا طمع
السعر العادل هو 300 فلس
أولا الأرباح الغير محققه تعادل فقط 20 % وربحية السهم هي 1.7 فلس وليس فلس واحد .. ومن وين جبت الأربعه فلوس على أي أساس هالتوقع !!
sam-7 قال:
اليوم السهم استنفر من حد ادنى الى حد اقصى .. عكس اول يوم تداول والسؤال هو اذا كنت من اللي حابلين للبنك على اسعار القيمه العادلة هل ستشتري في حال تجاوز السهم 600 مثلا او ستنسحب بلا شراء اذا لم يصل للقيمه العادلة (نقطة الدخول المحددة سلفا)
الرجاء الاجابه بصراحة :
انا شخصيا كنت مترقب بحدود 300 فلس ... وبهالخصوص قابلت احد فطاحل السوق اليوم واللي اقدر اقولكم له نظرة بسم الله ماشاء الله ثاقبة .. وقاللي انسى ال 300 فلس .
وابي رايكم (الشراية)
جنك بديت تغير قناعاتك
إنسى 300 فلس
* أتمنى محد يزعل مني ولكن كان القصد هو إرسال رسالة للجميع بعدم كتابة أي كلام لا يستند للمنطق والواقع لأن الكثير دفع ثمن ثقته لما يكتب بالمنتدى .
وعجبني كثير طريقه طرح أخونا خير الكلام مع إني كنت غالبا اختلف معاه ولكن أتفق مع كل كلمة ذكرها بموضوع بنك بوبيان وخصوصا تذكيره بقصص الإكتتابات السابقه وكيفية الإستفاده منها بالمستقبل ..
خلونا نتكلم عن بنك بوبيان شوي لأن يوجد بعض الأعضاء اللي يقولون معدل نموه راح يكون بطئ وغيره من الكلام اللي لا يستند الى حقائق او وثائق .
* البنك الكل يعرف إنه يمتلك حصة مؤثر ببنك تعاملات بأندونيسيا وتعادل 20% وهالبنك يستحوذ على تقريبا 50% من حجم السوق المصرفي الاسلامي في اندونيسيا ... وكذلك بنك معاملات هو من البنوك القلائل التي استطاعت ان تصمد امام الازمة المالية التي عصفت بأسواق المال الآسيوية وادت الى انهيار الكثير من البنوك والمؤسسات المالية في اندونيسيا وغيرها من دول شرق اسيا في نهاية التسعينات .. والبنك قد حقق نتائج ممتازة ونموا كبيرا في مختلف الانشطة بلغت اكثر من 50% سنويا خلال السنوات الخمس الماضية..
وكذلك لبنك بوبيان استثماراته العقارية في كل من الولايات المتحدة الاميركية ودول شرق آسيا وأيضا قيام البنك بتأسيس شركة البلاد للاستثمار العقاري برأس مال مصرح 20 مليون دينار للعمل في مشاريع طبقا لنظام BOT في مجال الاستثمار العقاري... وايضا سمعنا إن البنك يفكر بتـأسيس شركة تأمين تكافلي برأس مال مصرح به 10 ملايين دينار .. وهذا غير بداية النشاط المصرفي الفعلي في الداخل التي سوف يكون لها نتائج إيجابية بالفترة القادمة .