المجموعة الدولية للاستثمار ش .م.ك.م ( المجموعة د )

[hhhmg]

مجموعه أني لك لمن الناصحين

من يقول هذا ...........ارجع للقرآن الكريم

 

[بيج بن]

بصراحة يا اخوان والله طيحتوا السهم من عيني
خلاص انا بياع يوم السبت
ربح بسيط افضل من خساره

انا شاريه مضاربه وبصراحة غير مقتنع فيه موليه
يذكرني بسهم جيزان بالضبط
لان يقولك ان البحر داش عليه
والشركه ارباحها كلها من بيعات شركات تابعة لها
يعني زي جيزان بالضبط

خل نروح لشركات عندها ربح تشغيلي افضل وامن

 

[LONG TERM]

الكل يبي يبيع السبت !!!!!!!!!!

التوصيه القويه للمجموعه كانت على سعر 475 فلس انها توصل 700 -750

وناس وصلته 800 - 1200 .......... فجاة (( خبر سي بيعواا يا ناس بسرعه ))

فهل نبيع السبت على اي سعر ؟؟؟ الجواب لا

ارباح المجموعه ممتازه من ادراج بتروجلف + جراند ( وهنالك ادراجاات في المستقبل القريب جدا )

غير الارباح التشغيليه

***** باذن الله السهم رايح 700 غصب طيب ******** لا هو تحليل ولا ترند صاعد ولا شي انما هي معلومه اكيده من شخص كبير داخل الشركه

والله على ما اقول شهيد

اضافه : لكل صعود تصحيح وهذا مو معناتها ا نزول يمكن السبت يصحح السهم والاحد لكن في المجمل والعموووم السهم في صعووود

 

[بوحسن]

برايي والله والي يبي يزعل يزعل

انا من ملاك السهم حاليا وما بعت ليلحين بس السبت لنا نظره ثانيه

اما نواف ودي اعرف عنده من هالاسهم حاليا ولا لاء ؟

اما يوم السبت مثل ما قالي واحد بسبة نواف وكلامه وتهويله لسبب الله يعينه عليه لقت المحافظ ارضيه خصبه انها تنزل السهم وهالمره الكل راح يبيع للاسف

يعني السبت 90 % السهم نازل

الا ان محفظه ثانيه توقف البيع لاسباب معينه ماله داعي تنشرح الحين .. واشوفها برايي يعني اذا بتسند السهم بتسنده بسعر ثاني

 

[دابس]

بصراحة انا سهم المجموعة الدولية سهمي المفضل وعندي الربع سمينا نفسنا جروب المجموعة من قبل ان يصعد الى 255 فلس وياخوفي من تضخيم هذا السهم ويستغله ضعاف النفوس من المحافظ والصناديق وتبدى تلعب فيه مثل بيان واللبنانية والمخازن .... بصراحة الله يستر


اعضاء رابطة المشجعين للمجموعة الدولية
( المهذب-دابس-بوعبدالله )

 

[ali2105]

سلام أخوي الصبر مفتاح

الغريب في الأمر أن ينزل السهم بسبب شخص قال ما قال في منتدى خوش سوق يعتمد على تصاريح أشخاص في منتدى من المنتديات الأكثيره جدا في الأنترنت وشكرا لك

 

[بوحسن]

الغريب في الأمر أن ينزل السهم بسبب شخص قال ما قال في منتدى خوش سوق يعتمد على تصاريح أشخاص في منتدى من المنتديات الأكثيره جدا في الأنترنت وشكرا لك

صحيح كلامك وانشالله الشطب الي صار لموضوعه اشوي يخفف من فعله السهم يوم السبت

بس انت خير العارفين ان السهم عليه من 3 ايام ضغط من المحافظ بمحاولة تنزيله ويوم الاربعاء خير دليل

عندما وضعت احد المحافظ 500 الف طلب شرا على 3 اسعار مختلفه بالنازل ومن ثم سبحت هذي العروض علشان يتخلخل السهم عند ملاكه وقدرت تنزله 20 فلس ابهل الطريقه ولكن الفوز للمشترين كان
المشتري يعتمد على هذا السهم على النفسيه فقط والي سوى الاخ نواف ( وان كان بدون قصد وانا لانه نقل خبر ماله شغل للاسف انها تنزل المجموعه لان الاولى كانت المجموعه تنزل بنفس يوم نزول البتروجلف )

النتيجه نواف زعزع نفسية المشترين لمده يومين وانت عارف كثره الاعضاء وزوار هذا المنتدى

نحتاج الى اعادة ثقه للملاك بس شلون بدون اخبار اكيده عن المجموعه

لذلك المحافظ السبت لقت ارض خصبه لتنزيل المجموعه

الا ان محفظه ثانيه تتدخل لسبب معين لوقف النزيف وتعرض بيوم السبت بطلب عالي للشراء ..اشوي استبعدها

 

[ali2105]

شكراعلى التوضيح السريع

أنا شخصيا دخلت على السهم بتوصيه منك ومشكور على التوصيه لأني أثق بنواياك الحسنه وأولا وأخير نحنوا جميعا إن شاء الله مؤمنون بأن الأرزاق على الله ومرة آخرى مشكور أخي الصبر مفتاح

 

[ابو فهد التاجر]

رحلة المجموعه الدوليه الى اين تقف نهايةالرحلة

تحياتى الى الجميع
المجموعه الدوليه للاستثمار يوم الاربعاء اخترق السهم مقاومة (500 ) فلس ووصل الى 550 فلس الكميه المتداوله عليه اكثر من18 مليون سهم

السوال: خلال الاسبوع القادم من السبت هل يستمر السهم بالصعود الصاروخى
ام تكون له محطة استراحه او يخترق مقاومة (550) ويتجه الى (600 ) فلس ومنها الى اسعار تكون جديده ام يريح .

شكر للجميع ونتمنى ان تشاركونا برايكم

 

[بوحسن]

أنا شخصيا دخلت على السهم بتوصيه منك ومشكور على التوصيه لأني أثق بنواياك الحسنه وأولا وأخير نحنوا جميعا إن شاء الله مؤمنون بأن الأرزاق على الله ومرة آخرى مشكور أخي الصبر مفتاح

انشالله داش من زمان بس يا معود وانا ما اذكر نصحت احد يدش هاليومين على السهم خصوصا ان الاخ naaawaf والاخ المهذب جدا كانو الرعاة الرسميين للسهم خلال هذاالاسبوع

انشالله مافي الا كل خير والسهم جيد وشكله بتحول الى شركه قابضه بسبة عدد الشركات الي مساهم فيها

 

[عندك سلف]

يا اخوان يا حبايب
اقوى خبر للشركه (وهو السبب الرئيسي بارتفاع السهم الحالي) ان هناك تنافس للسيطره على مجلس الاداره بين الملاك الحاليين و مجموعه استثماريه قويه دخلت على الخط
اما من يعتقد ان اعضاء المنتدى (مع احترامي الشديد لاعضاء المنتدى) هم السبب في الصعود او النزول للسهم فمع شديد احترامي


صحيح ان ملكيات الشركه كبيره وارباحها جيده لكن مو هذا السبب في ارتفاعها الحالي
ولا نزول بتروجلف سيكون السبب في نزول السهم
السبب الحقيقي هو تنافس اكثر من مجموعة للسيطره على مجلس الاداره
وبالتالي السيطره على مجالس ادارات كل من:
1- المشروعات الكبرى
2- بنك المستثمرون
3- بتروجلف

الخلاصه ان الشراء سيستمر الى ان تعلن احدى المجموعتين عن تملكها للغالبيه عندها فقط سينزل السهم الى سعره العادل

هذا السهم يذكرني بسهم بنك الكويت والشرق الاوسط ايام التنافس بين المرازيق و المشاريع

 

[خالد 44]

أخى الصبر مفتاح
جميع أخبار المجموعه طيبه جدأ؟؟؟
حتى لو فيه نزول السبت الله لايقوله جنى أرباح فقط؟؟ مع انى مو مقتنع انه فيه نزول السبت بسبب بسيط لنزول جراند

 

[بوحسن]

يا اخوان يا حبايب

اما من يعتقد ان اعضاء المنتدى (مع احترامي الشديد لاعضاء المنتدى) هم السبب في الصعود او النزول للسهم فمع شديد احترامي

اعضاء المنتدى ولا يقدرون يرفعون سهم موليه
ولا الزوار المحترمين للمنتدى

لاحظ انا اشكنت قاعد اقول

في محفظه صايرلها 3 ايام تحاول تنزل السهم

ووجود يومين من الاشاعات بالمنتدى وهذا المنتدى حتى المنتديات الزميله تدش فيه وتقره

والي صار امس واليوم مشكله

يعني بتلقى المحفظه الي يعاونها على تنزيل السهم بعد ما كان اعضاء المنتدى وزواره ان ما تدخلو بشراء السهم كانو يتفرجون

بس السبت ..كل واحد يسال نفسه .. راح تبيع ولا لاء

السهم 3 ايام حد اعلى والكثير راح يجني ربحه

وخصوصا راي احد الاخوان الي يقول ..اجني ربح احسن من انك تتحسف على خساره


وبما ان السبت المحفظه راح تحاول تنزل السهم مره ثانيه بيلقى من البياعين الكثير على الاقل من رواد المنتدى وزواره

أخى الصبر مفتاح
جميع أخبار المجموعه طيبه جدأ؟؟؟
حتى لو فيه نزول السبت الله لايقوله جنى أرباح فقط؟؟ مع انى مو مقتنع انه فيه نزول السبت بسبب بسيط لنزول جراند

انشالله جراند يخلي السهم فوق نتمنى لان ان عدى السهم يوم السبت مرحلة الخطر وصكر بالحد الاعلى ..قولي شنو ممكن ينزل السهم تالي لا اشاعه ولا شي الا جني ارباح كبير جدا ونرجع للتوقع السابق 700 او 800 فلس

 

[qatel4]

السلام عليكم اخواني
باختصار السهم ممتاز ولكن الاقفالات المتتالية زاد الربحية للي شارين قبل اسبوع 25بالمائة منو توقعون عائد في اسبوع وهالنسبة العالية اكيد المحافظ وعموم المستفيدين يبون يلمسون هذا الربح وبعدين لما يصعد مرة ثانية ندخل عليه
للاسف اللي شرا 550 نقوله لاتزعل من النزول والعوض بالصعود الاكيد يوم الاثنين
واللي مادخل على السهم لي الحين فرصته السبت وبس والاحد تجميع والاثنين حد اعلى يعني وهذا تحليل شخصي جد ولا ادعو احد انه ياخذ برأي الا بعد دراسة دقيقة ومتأنية

 

[المهذب جداً]

.

الأسبوع القادم كله حدود عليا

للأسف يا نواف مالعبتها صح

بهالربع هذا بروحه إدراجين ؛ شوف الربع الثاني ؛ شوف سهم الدار وش إللي وداه دينار و نص؟

.

 

[الفارس_Q8]

بصراحه هالسهم من تابعته والناس تقول باجر جني ارباح وراح ياسس لكن يفاجأ الجميع وحد اعلى

 

[الفارس_Q8]

مادري ليش الاخوان شطبو مشاركتي الظهر بس اعيدها 000 توصيه من احد المقربين لمجلس الاداره رغم الصعود الكبير السهم ماستفاد من ادراج الشركات التابعه وبعد ادراجها راح تكون ارباح الربع الثالث خياليه والسهم راهي بداية السنه دينار 0000هذا الكلام اللي يدش العقل مو كلام اخونا عندي خبر خطير ولا راح اقوله الا للربع بالخاص000لعب عيال ابتدائي

 

[عندك سلف]

السلام عليكم اخواني
باختصار السهم ممتاز ولكن الاقفالات المتتالية زاد الربحية للي شارين قبل اسبوع 25بالمائة منو توقعون عائد في اسبوع وهالنسبة العالية اكيد المحافظ وعموم المستفيدين يبون يلمسون هذا الربح وبعدين لما يصعد مرة ثانية ندخل عليه
للاسف اللي شرا 550 نقوله لاتزعل من النزول والعوض بالصعود الاكيد يوم الاثنين
واللي مادخل على السهم لي الحين فرصته السبت وبس والاحد تجميع والاثنين حد اعلى يعني وهذا تحليل شخصي جد ولا ادعو احد انه ياخذ برأي الا بعد دراسة دقيقة ومتأنية

أأيد كلامك 100%

 

[Bo Tasneem]

بصراحة انا سهم المجموعة الدولية سهمي المفضل وعندي الربع سمينا نفسنا جروب المجموعة من قبل ان يصعد الى 255 فلس وياخوفي من تضخيم هذا السهم ويستغله ضعاف النفوس من المحافظ والصناديق وتبدى تلعب فيه مثل بيان واللبنانية والمخازن .... بصراحة الله يستر


اعضاء رابطة المشجعين للمجموعة الدولية
( المهذب-دابس-بوعبدالله )

اشدعوه دخلوني معاكم .. ترى كل أسهمي بالمجموعه د .. وجيّك على التوقيع .. وخر ويهك

يارب السبت حد أعلى والأحد والأثنين والثلاثاء والأربعاء والخميس (والله طماع حتى الخميس !! روح سوق قطر)​

​

 

[بو طلال]

ياجماعه انا عندي نصيحه حك اللي يملكون سهم المجموعه اكيد الحين يقولون انبيع ولا مانبيع انا اقول صلو صلاة استخاره يوم الجمعه صدقوني ما راح اتحسفون انا املك كميه لابس كل ليله اصلي استخاره للحين عندى السهم والحمد الله