الشركة الكويتية اللبنانية للانماءالعقاري ( اللبنانية ) .

[الجارح]

ليس فقط نزول اللبنانيه وا نما نزول جميع الشركات حد ادنى اخوانى هذه عاصفه حربيه تضرب اسواق الخليج بدرجه الاولى والله يستر من الى جاى ولكن انا اقولها لكم سعر اللبنانيه الطبيعى ماينزل من اقل 600 فلس ولكن الظروف التى تمر بها المنطقه هى التى دفعت وسوف تدفع الى نزول الشركات واليوم توجد شركات كسرت الدعم الحديدى قولوا انشاء ماراح تتبخر اسهمكم اعتقد انها البدايه 0

 

[MH For Ever]

ليس فقط نزول اللبنانيه وا نما نزول جميع الشركات حد ادنى اخوانى هذه عاصفه حربيه تضرب اسواق الخليج بدرجه الاولى والله يستر من الى جاى ولكن انا اقولها لكم سعر اللبنانيه الطبيعى ماينزل من اقل 600 فلس ولكن الظروف التى تمر بها المنطقه هى التى دفعت وسوف تدفع الى نزول الشركات واليوم توجد شركات كسرت الدعم الحديدى قولوا انشاء ماراح تتبخر اسهمكم اعتقد انها البدايه 0

انا قلت لك جوانحها تشتغل لورا بس ما صدقتني وقلت رح تعبي بنزين بس الظاهر البنزين اللي تتم تعبئته ولع فينا اليوم جميعا

حسبي الله ونعم الوكيل

 

[matrex-ku]

اخواني أهل اللبنانية الكرام والأحباب !!

من هنا أريد أن أبيّن أمر ما .. وهو التوصية الأخيرة التي خرجت منّي للبعض بشراء اللبنانية ..

التوصية جاءتني من شخص تعرفونه حق المعرفة .. وكانت تقول (أي التوصية) بأن السهم صاعد فوق الـ800فلس ..

بعد ذلك توجه السهم للحد الأدنى وأصبح يغزوه اللون الأحمر تقريباً .. واسترجع سعر دخول الأغلبية منّا وأنا أولكم .. وللعلم بأن صاحب التوصية لم يعد يجيب على أحد .. فبالتالي أقول لكل من دخل بناءاً على هذه التوصية "المسامحة المسامحة .. فأرجو الخروج برأس مالك على الأقل بأسرع وقت .. فالذي أراه هو تصريف على هذا السهم .. عند الدخول على السهم لم يقصّر معنا .. وعند الخروج (قصّر) والله المسامح اللطيف" ..

المعذرة اخواني الأحباب ..


بوتسنيم​

مسمووووووووووح يابو تنسيم مسموووووووح دنيا وأخره
وانت شنو ذنبك وصلتك توصيه وحبيت تفيد اخوانك يعني هاالحين توصينا علي اسهم وربحنا فيها وحصلنا فيها رزقه حلوه
ووقفت السالفه علي هاالسهم وانا متأكد انك هم معانا خسران بس الله يعوضك ويعوضنا ويربحك ويربحنا
وجزاك الله خير

 

[العالم]

السلام عليكم

والله ويشهد علي الله اني مستغرب من الكلام الي يقال بحق اخوانا الي يوصون على بعض الاسهم

ولاكن ياجماعة صدقوني ان صانع السوق الناجح مايدري شنو وضع السهم باكر او عقبه يعني يمشون على سعر السوق

وانا والله واحد من الناس اذكر كلام ابو فواز يوم كان يوصي على اللبنانيه 255 فلس ويقول الناس هاذي وش فيها ماتشتري وبترو 300 وجراند 400 والمجموعه 500 فلس


واذا انتم تبون تربحون على احساب امانة غيركم هذا شي ثاني
يعني الرجل الامين مايدعم السهم في نزول اليوم والوضع الحاصل

 

[سهم استثماري]

إللي راح تنصدمون منه بأن صاحبنا بنفس الوقت قال لناس ثانية: "طلعوا من السهم .. ترى عليه تصريف وبيع !!" .. جذي يا صاحبنا " .. .. .. " تقول للرجاجيل "ادخلوا" .. وتقول للحريم "طلعوا" !!
بوتسنيم​

يدبسون ناس ويربحون ناس .. الغش شنو لونه ؟ أبيض ولا أسود !
بو تنسيم الله يعينك ويرزقك على قد نيتك ..
ورايتك بيضه وتكفي إنك تمتلك الشجاعة عند مواجهة خصومك ؟؟

 

[.osama]

اخوي العزيز بوتسنيم

انا اشكرك على سرعة الرد والبديهيه والرد الجريء واشكر كل من ينتقد النقد البناء

ولكن ارد واقول السوق مافيه الا العافية ان شاء الله

والشركات البدر ملح السوق يا بوتسنيم

وان شاء الله ترد المسباح الكشخه والعبارات اجيال القالبضة بوتسنيم

ولا تحاتي ما دام سبع السوق موجود سامي البدر وجراند ولبنانيه والمجموعه وبترو جللف والله حلاوه السوق سامي البدر وربعه

ولك انت التعليق بالذات يا الغالي


اخوك مرعوب بالسوق

عيل اسمع هالكلام إللي والله مابغيت أكتبه ولا أقوله ولكن فليعلم الجميع بأن الأخوة الحقيقية لاتشترى بالمال .. بل تشترى بأغلى الأثمان !!

لاتسامحني وجزاك الله خير وتسلم أخوي علي .. ولكن الحق ماينزعل منّه .. وانت تحدني أطلّع المستور !!

صاحب التوصيه عرفتوه أكيد .. خلانا كلنا ندخل على السهم بأسعار قرابة الـ 600 - 590 - 580 .. مع العلم بأن التوصية تقول (إخذها يابوتسنيم باجر على 620فلس لأن احنا راح ندعم السهم بالـ 610 .. وترى السهم طالع تعليقات إلى فوق الـ 800فلس وقول حق اخوانك وربعك وإللي يعز عليك) .. وهناك شهود على هالكلام وهم يقرأون الآن ما أكتبه وبدون أن أناديهم .. سوف يأتون مع صوت الحق إن طلبتهم .. ولكن أعلم مدى تصديقكم لي إن شاءالله !!

لايرد على التليفونات ولاهم يحزنون .. وليس من طرفي فقط بل من أطراف عدّة .. وبعد يومين أو 3 يأتي صاحبنا ويقول: "أكثر من اتصال جاءني يا اخوان يقول بأني أبي أشتري المجموعة على 540 وأبيعها على 550" .. جان يقولهم : "لاتضاربون وتربحون على 10فلوس .. يمكن تفلحون مرّه ولكن ماراح تفلحون مره ثانية" .. والمشاركة موجوده عندكم رجعوا وشوفوها !! الزبدة إن الرجل قاعد يرد على البعض والبعض لأ !!

وأزيدكم بهالشي إللي والله أستحي أقوله .. بعد ما دخلنا ولم يجب صاحبنا على التليفونات لأننا تدبسنا وودنا نطلع فنبي سعر الخروج والوضع إللي داير في اللبنانية وماكو دعم مثل ما أفتالي صاحبنا .. ولكن لامجيب .. إللي راح تنصدمون منه بأن صاحبنا بنفس الوقت قال لناس ثانية: "طلعوا من السهم .. ترى عليه تصريف وبيع !!" .. جذي يا صاحبنا " .. .. .. " تقول للرجاجيل "ادخلوا" .. وتقول للحريم "طلعوا" !!

هذا إللي مابغيت أقوله .. وكاني قلته وعليكم الحكم يا عقلانيين .. وبعدين تلوموني "لماذا هالانقلاب يا بوتسنيم !!" ..


بوتسنيم​

مسموح يابوتسنيم

واحييك على شجاعتك بذكر تفاصل السالفه الحزينه

ومن طبعي دايم احسن النيه باي شخص مالم يثبت عكس ذالك باليقين بالنسبه لي

لكن اقول عسى الله يعطي كل واحد على قد نيته

والحمدلله اني شخص مؤمن ومتيقن من ان الي صار ليس إلا اسباب والارزاق بيد رب العالمين

وتأكد انك اخ عزيز آنا شخصيا احبه واقدره

اليوم بعت اللبنانيه بالحد الأدني 510 فلوس
وكذلك بعت المجموعه الدوليه بسعر 540

والحمدلله الذي لايحمد على مكروه سواه

وهذا كل الي املك بالسوق من اسهم عدى اسهم منحه بجراند واسهم منحه المجموعه الي بعد مانزلت

ومااظن ان لي رجعه للسوق بالوضع الحالي

لكن ايضا ودي اسمع راي الاخ صاحب التوصيه الي تتكلم عنه هل عنده شي يرد فيه ولا الكلام الي قلته عنه انت صحيح 100%

إذا كان الكلام صحيح

ملعون ابو الفلوس ياجماعه لكن والله حرام الواحد يبيع ربعه على جم دينار

ولازلت افترض في هالشخص حسن النيه وانه قد تكون ظروف السوق العامه ماساعدت على تنفيد الخطه المرسومه بدعم السهم مثل على مستوى 620 فلس مثل ماذكر الاخ بوتسنيم

ولو اني اشوف ان دعم سهم مثل اللبنانيه مايحتاج مجهود كبير ولامبالغ كبيره من صانع السوق

لكن ايضا نقول مثل ماقالت الاختMH For Ever

ليس لدي غير كلمة واحد فقط

حسبي الله ونعم الوكيل

واظن ان هالجمله كافيه جدا بان تعطي كل واحد حقه وتنصف المظلوم من الظالم "ولوبعد حين" ومانكون ظلمنا احد

والسلام ختام​

 

[Bo Tasneem]

الحال من بعضه يا أسامه حبيبي ..

المجموعة اليوم بالحد الأدنى بعتها + اللبنانية كذلك والله يفرجها ان شاءالله ويعوضنا بخير يارب ..

أخوي أسامه وجميع من يقول "إلتمس العذر يابوتسنيم" .. إلتمست أعذار وليس عذر واحد فقط .. سبب عدم الرد هذا ماله أي مبرر .. والسالفه الأدهى والأمر هي التوصية للدخول على السهم .. وبعد قليل تأتيني رسالة خاصة تقول بأن إللي وصّاكم على الدخول قد وصاني بالخروج من السهم !!

ألا يجرحكم هذا الشعور يا اخوان .. أكثر من هذا الإلتماس للأعذار لم أجد .. ولكم الحكم ..


بوتسنيم​

 

[المستفسر]

السلام عليكم

اذا طاح الجمل كثرت سكاكينه

وينك يامخزم الزلم

حتى من اقرب الناس ما سلمت

روح ياشيخ بيض الله وجهك

رايتك بيضه

 

[نصوح]

عيل اسمع هالكلام إللي والله مابغيت أكتبه ولا أقوله ولكن فليعلم الجميع بأن الأخوة الحقيقية لاتشترى بالمال .. بل تشترى بأغلى الأثمان !!

لاتسامحني وجزاك الله خير وتسلم أخوي علي .. ولكن الحق ماينزعل منّه .. وانت تحدني أطلّع المستور !!

صاحب التوصيه عرفتوه أكيد .. خلانا كلنا ندخل على السهم بأسعار قرابة الـ 600 - 590 - 580 .. مع العلم بأن التوصية تقول (إخذها يابوتسنيم باجر على 620فلس لأن احنا راح ندعم السهم بالـ 610 .. وترى السهم طالع تعليقات إلى فوق الـ 800فلس وقول حق اخوانك وربعك وإللي يعز عليك) .. وهناك شهود على هالكلام وهم يقرأون الآن ما أكتبه وبدون أن أناديهم .. سوف يأتون مع صوت الحق إن طلبتهم .. ولكن أعلم مدى تصديقكم لي إن شاءالله !!

لايرد على التليفونات ولاهم يحزنون .. وليس من طرفي فقط بل من أطراف عدّة .. وبعد يومين أو 3 يأتي صاحبنا ويقول: "أكثر من اتصال جاءني يا اخوان يقول بأني أبي أشتري المجموعة على 540 وأبيعها على 550" .. جان يقولهم : "لاتضاربون وتربحون على 10فلوس .. يمكن تفلحون مرّه ولكن ماراح تفلحون مره ثانية" .. والمشاركة موجوده عندكم رجعوا وشوفوها !! الزبدة إن الرجل قاعد يرد على البعض والبعض لأ !!

وأزيدكم بهالشي إللي والله أستحي أقوله .. بعد ما دخلنا ولم يجب صاحبنا على التليفونات لأننا تدبسنا وودنا نطلع فنبي سعر الخروج والوضع إللي داير في اللبنانية وماكو دعم مثل ما أفتالي صاحبنا .. ولكن لامجيب .. إللي راح تنصدمون منه بأن صاحبنا بنفس الوقت قال لناس ثانية: "طلعوا من السهم .. ترى عليه تصريف وبيع !!" .. جذي يا صاحبنا " .. .. .. " تقول للرجاجيل "ادخلوا" .. وتقول للحريم "طلعوا" !!

هذا إللي مابغيت أقوله .. وكاني قلته وعليكم الحكم يا عقلانيين .. وبعدين تلوموني "لماذا هالانقلاب يا بوتسنيم !!" ..


بوتسنيم​

أخوي الغـالي بوتسنيــم
من أمس وآنا أقرأ مشاركاتك ويعتصرني الألم والحسرة
إحساسك إنك خليت ناس تسمع كلامك وتشتري أسهم معينة ثم نزلت إحنا متأكدين إنه قصدك النصيحة وإفادة إخوانك ، وآنا عن نفسي ما أقولك إلا الله يوفقك .
في الاقتباس المنقول الحسرة والألم على إخوانك واضح بين الأ سطر
بس ما نقــول إلا قدر الله وما شــاء فعل
والله يوفقك دنيا وآخرة وكافي شجاعتك وإعتذارك علنا لجميع إخوانك
أخوك نصوح​

 

[Bo Tasneem]

مليون واحد فقط يشيل كل المعروض !!

بس للأسف .. ماودّي أعلّق يكفي إللي بالقلب والله .. ونسيت صحيح ترى محفظة صانع السوق ليست "بيت زكاة" للمستثمرين !!


بوتسنيم​

 

[Bo Tasneem]

أخوي الغـالي بوتسنيــم
من أمس وآنا أقرأ مشاركاتك ويعتصرني الألم والحسرة
إحساسك إنك خليت ناس تسمع كلامك وتشتري أسهم معينة ثم نزلت إحنا متأكدين إنه قصدك النصيحة وإفادة إخوانك ، وآنا عن نفسي ما أقولك إلا الله يوفقك .
في الاقتباس المنقول الحسرة والألم على إخوانك واضح بين الأ سطر
بس ما نقــول إلا قدر الله وما شــاء فعل
والله يوفقك دنيا وآخرة وكافي شجاعتك وإعتذارك علنا لجميع إخوانك
أخوك نصوح​

الله يجزاك خير على كلامك أخوي نصوح ..

لدي رساله للأخ بوفواز الجيماز إن لم يرد إلى الويك إند هذا في المنتدى .. وللعلم بأن بيع الأخوّة أمر موسهل .. والموبايل مفتوح 24ساعه ولكن لا اتصال ولا مسج إلى الآن منه !!

المستفسر .. يشهد الله كم أحبك في الله .. ولي معك صولات وجولات من أيّام تجمّعنا قبل سنة من الآن مع كثير من الأخوة ومنهم "المهذّب جداً" والكثير ..

كثرة السكاكين على الجمل لم تأتي عبطاً .. وتحكيم العقل في هذا الوقت واجب .. نصيحة أخو لا أكثر ..


بوتسنيم​

 

[MH For Ever]

اليوم ولله الحمد بعت بالحد الادنى

حسبي الله ونعم الوكيل

 

[النهار]

اخوى ابوتنسيم راح تترفع اللبتانيه ترى خسارة وايد جايده والله ويسمح الاء كان السبب بشراء يقول راح توصل 800 عطنا خفقه حلوه نبيع ولاء نتظر وشكرا

 

[fahhad76]

اخوى احمد يعنى اى شخص يقولك السهم الفلانى رايح فوق تشترى لازم تدرس السهم قبل الشراء وتشوفه هل يستحق هالوصول اما اذا تبى تاخذ من فلان وعلان الله يعين وموفق خير

 

[النهار]

مشكور اخوى على النصيحه

 

[B.B.C]

اليوم بعت بسوق الكسور بالحد الأدنى طبعا

حسبى الله ونعم الوكيل ....حسبى الله ونعم الوكيل.....حسبى الله ونعم الوكيل

 

[مرعوب بالسوق]

الاخ العزيز

الاخوان الاعزاء

الاخ بو تسنيم العزيز

لا تخلينا من مشاركاتك العزيزه الغاليه علينا ولا من توصياتك المفيده حتى بس اذا كانت مجرد الشوف وليس للشراء لان البيع والمشترى حريه شخصيه والله يعلم انك فتني انا شخصيا ولا اي ضرر منك انت

لان اسهم البدر كانت ومازالت قياديه بالسوق

وانت كنت سبب في تعويض بعض الخساير للمتداولين

واطلبك طلب يا بو تسنيم رجع المسباح والبزمه واجيال القابضه احسن

ولك انت التعليق والاحترام

اخوك مرعوب بالسوق​

 

[baselko]

افا شباب بعتوا ليش ؟

انا اليوم بالعكس شريت المجموعه على 540 وجراند على ال540

الصراحه بستثمر فيهم واشوف سعرهم رخيص .

ها على فكره ترى لا تسولي قاعد اطبل على السهم لا يبه كل واحد حر

ببيزاته . ادري المنتدى متروس شباريت شوي ويولع

 

[Bo Tasneem]

اخوى ابوتنسيم راح تترفع اللبتانيه ترى خسارة وايد جايده والله ويسمح الاء كان السبب بشراء يقول راح توصل 800 عطنا خفقه حلوه نبيع ولاء نتظر وشكرا

شوفت عينك أخوي أحمد ..

أسهم جروب المجموعة تعدّلت وسكّرت خضره بعضها ماعدا هاللبنانية إللي مافيها لادعم ولاهم يحزنون ..

وللعلم بأن محافظ المجموعة تملك أكثر من 90% من أسهم الشركة اللبنانية .. يعني يقدر يحركها كيفما شاء .. ولكن التصريف وإهمال تداول هالشركة واضح جداً ..

تقطها ولاّ تخلّيها أمر راجع لك أخوي .. كثير باعوها أمس وآنا منهم .. واليوم أيضاً كثير باعوا .. ومايندرى باجر هل أطلبها بالحد الأدنى وأضارب فيها ولاّ أبتعد أبرك لي من هالشركات إللي غلبها طابع المضاربة !!

الله يعينك ويعين جميع من خسر فيها ويعوّضها ربي بخير ان شاءالله ..


بوتسنيم​

 

[Bo Tasneem]

الاخوان الاعزاء

الاخ بو تسنيم العزيز

لا تخلينا من مشاركاتك العزيزه الغاليه علينا ولا من توصياتك المفيده حتى بس اذا كانت مجرد الشوف وليس للشراء لان البيع والمشترى حريه شخصيه والله يعلم انك فتني انا شخصيا ولا اي ضرر منك انت

لان اسهم البدر كانت ومازالت قياديه بالسوق

وانت كنت سبب في تعويض بعض الخساير للمتداولين

واطلبك طلب يا بو تسنيم رجع المسباح والبزمه واجيال القابضه احسن

ولك انت التعليق والاحترام

اخوك مرعوب بالسوق​

أي مسباح وأي بزمه يبا !!

مال أحط دشداشة نوم ووزار بتوقيعي أحسن وكفوهم على هالمضاربة إللي قاعده تصير جدامنا أشكره ..

والحمدلله إن بكتاباتنا اربحوا وايد ناس ومانبي غير الدعاء منكم بس .. وأيضاً بلسانا وكتاباتنا الأخيرة على اللبنانية اخسروا أيضاً البعض ومسحوها فيني هالمرّه ولكم منّي كل اعتذار ..

وعودة للاستثمار منّي .. انسوا .. المضاربة فقط !!

هناك شركات أجدر بالاستثمار فيها والله .. وهذا رأيي ..


بوتسنيم​