الشركة الكويتية اللبنانية للانماءالعقاري ( اللبنانية ) .

[الصـــــالح]

اشفيه السهم مايتفاعل مع صعود المجموعه؟؟

 

[FaWWaZ]

شاري عن طريق الأوسط!

السلام عليكم جميعا و ممكن نصيحة يا جماعة ؟
آنا شاري اللبنانية و توا كلامت واحد من الأوسط و قالي إن تبيني إنحولها لك تعطينا الأوكي الحين !! فشنو تنصحوني أسوية أحول جراند وإلا أتم ماسك اللبنانية ؟
و شكرا مقدما

 

[سهم استثماري]

السلام عليكم جميعا و ممكن نصيحة يا جماعة ؟
آنا شاري اللبنانية و توا كلامت واحد من الأوسط و قالي إن تبيني إنحولها لك تعطينا الأوكي الحين !! فشنو تنصحوني أسوية أحول جراند وإلا أتم ماسك اللبنانية ؟
و شكرا مقدما

أخوي فواز ..
عقلك براسك واحسبها صح ..
أولا ما عليك من اللي يشكك بستحواذ جراند على اللبنانية .. لأن حد معرفتهم بالسالفة كلها يمكن الجرايد والكلام اللي يشوفونه بالمنتدى !

الخرافي قبل الإستحواذ دش على جراند واخذنسبة لا بأس فيها ولكن أكيد أقل من 5% ويمكن تكون هي الشرارة اللي بدأت منها فكرت الإستحواذ ولكن بالعكس جراند تستحوذ على اللبنانية وممكن يكون بعد قبل دخول حسين الخرافي على جراند الفكرة موجوده .. ويمكن القليل اللي يعرفون إن في صلة قرابة تربط سامي البدر وبحسين الخرافي ..

اللي بوصله .. هو إن للأسف في ناس تشكك وتصرح على كيفها بدون درايه أو حتى فهم ليش صارت عملية الإستحواذ .. الإستحواذ تم وصندوق الوطنية طلع من السهم بعد علمه بالإستحواذ وبقى صندوق الهدى واعتقد الأمانه العامة للأوقاف وجه أخرى لا تحضري حاليا نسبهم أقل 4% وكانوا نوعا معترضين على عملية تقييم السهم بـ 600 واكيد بعد ما شافوا شلون السهم إنضغط تحت رضوا وراح يبدلون والنسبة من أول ما طرحت للعلم بالمخبى

نرجع لسالفة تبدل أو ما تبدل .. شنو الأفضل ؟
اللبنانية بتصير جراند للإستثمار السياحي وراح تزيد جراند رأسمالها لأنها هي الشركة الأم الى تقريبا من 11 الى 100 مليون دينار ..
* إذا بدلت اللبنانية بجراند 10/7 راح تصير من ملاك جراند ويحق لك الإكتتاب بجراند للإستثمار السياحي ..
* إذا ما بدلت بعد يحق لك الزيادة برأس مال جراند للإستثمار السياحي .

* والشي المشترك بين الإحتمالين هو إن سعر جراند للإستثمار السياحي بعد الزيادة راح يكون أقل من 120 فلس .

* تبي يكون عندك جراند + جراند للإستثمار السياحي ( إذا حبيت )
* أو تبقى على اللبنانية ومجبور تكتتب لأن لو ما اكتتبت راح تصير أسهمك سعرها قريب من سعر ورق الكلينكس


وأخيرا تعبت وأنا اردد نفس الكلام ويعلم الله إني أبي الخير لكم وللعلم أنا عندي لبنانية وإنشاء الله مبدلها لجراند .

 

[غازى]

أخوي فواز ..
عقلك براسك واحسبها صح ..
أولا ما عليك من اللي يشكك بستحواذ جراند على اللبنانية .. لأن حد معرفتهم بالسالفة كلها يمكن الجرايد والكلام اللي يشوفونه بالمنتدى !

الحمد لله انني ما ادعيت المعرفه بهالموضوع وبالعكس اطالب بتفاصيل العملية ولكن ليست من وكالة يقولون

الخرافي قبل الإستحواذ دش على جراند واخذنسبة لا بأس فيها ولكن أكيد أقل من 5% ويمكن تكون هي الشرارة اللي بدأت منها فكرت الإستحواذ ولكن بالعكس جراند تستحوذ على اللبنانية وممكن يكون بعد قبل دخول حسين الخرافي على جراند الفكرة موجوده .. ويمكن القليل اللي يعرفون إن في صلة قرابة تربط سامي البدر وبحسين الخرافي ..

الكلام سهل وخصوصا موضوع اقل من 5% لانها ما تبين بالملكيات فممكن تذكر الدليل على كلامك

اللي بوصله .. هو إن للأسف في ناس تشكك وتصرح على كيفها بدون درايه أو حتى فهم ليش صارت عملية الإستحواذ .. الإستحواذ تم وصندوق الوطنية طلع من السهم بعد علمه بالإستحواذ وبقى صندوق الهدى واعتقد الأمانه العامة للأوقاف وجه أخرى لا تحضري حاليا نسبهم أقل 4% وكانوا نوعا معترضين على عملية تقييم السهم بـ 600 واكيد بعد ما شافوا شلون السهم إنضغط تحت رضوا وراح يبدلون والنسبة من أول ما طرحت للعلم بالمخبى

لحد الحين ما شفت احد صرح على كيفه الا انت ,,,وكلنا نعرف ان الاوقاف كانوا معترضين ولكن عطيتنا معلومة جديدة بانهم وافقوا بعد ضغط السهم ممكن تذكر الدليل على الموافقة

نرجع لسالفة تبدل أو ما تبدل .. شنو الأفضل ؟
اللبنانية بتصير جراند للإستثمار السياحي وراح تزيد جراند رأسمالها لأنها هي الشركة الأم الى تقريبا من 11 الى 100 مليون دينار ..
* إذا بدلت اللبنانية بجراند 10/7 راح تصير من ملاك جراند ويحق لك الإكتتاب بجراند للإستثمار السياحي ..
* إذا ما بدلت بعد يحق لك الزيادة برأس مال جراند للإستثمار السياحي .

* والشي المشترك بين الإحتمالين هو إن سعر جراند للإستثمار السياحي بعد الزيادة راح يكون أقل من 120 فلس .

* تبي يكون عندك جراند + جراند للإستثمار السياحي ( إذا حبيت )
* أو تبقى على اللبنانية ومجبور تكتتب لأن لو ما اكتتبت راح تصير أسهمك سعرها قريب من سعر ورق الكلينكس:d

الله يرحم والديك شلون عرفت ان سعر جراند السياحي راح يكون اقل من 120 فلس لأني ما شفت كلمة اتوقع او يمكن ؟؟؟ اكيد تعرف كم علاوة الاصدار

وأخيرا تعبت وأنا اردد نفس الكلام ويعلم الله إني أبي الخير لكم وللعلم أنا عندي لبنانية وإنشاء الله مبدلها لجراند .

الله يجزاك خير على ترديدك نفس الكلام وحبك للخير ولكن من حقنا نطالب بالدليل على كلامك واعتقد ما تنكر علينا هذا الحق



ليش الاستعجال بعملية الاستحواذ الحين بعد ما كانوا يصرحون بانها راح تكون بعد تفصيخ جراند ,,,,,

الحين لو تسلم اسهمك للمجموعة وتوقع على طلب الاستحواذ,, ويوم اجتماع الجمعية العموميةلجراند اقروا رفع زيادة نسبة منحة جراند الى 50% او 100% شتقدر تسوي بذاك الوقت ؟؟ طبعا راح يتفصخ السهم يمكن اقل من اللبنانية ,,, لا تقول مستحيل ,,, ليش ما ينطرون علشان الناس تطمئن

فمو معقولة يقولون بدلوا نروح نركض نبدل ولا حنا عارفين شالسالفة الهذه الدرجة هم ثقة عندنا !!!

 

[sprite]

الأخ سهم استثماري و الأخ غازي

على حد علمي و فهمي إن الإستحواذ من غير شراء سامي البدر أي سهم من اللبنانية !!
لكن راح يتملك النسبة بمقابل تبديل جراند و ليس دفع قيمة سهم واحد .. فلا 5% و لا غيره

 

[Abdulazeez]

السلام عليكم

في كم نقطه بس أبي أسأل عنها :

لو رحت بكرا المقاصه وطلبت تبديل أسهم اللبنانيه بسهم جراند ؟؟

متى راح يسلموني أسهم جراند ؟؟؟ يعني أكيد راح يخلونك توقع على ورقه التبديل ولكن متى راح يسلمونك أسهمك ؟؟

هل بعد توزيع أرباح جراند وبعد جمعيتها العموميه ؟؟
هل مباشره ؟؟
هل راح ياخذون وقت وتصير معلق ؟؟؟ يعني أخذو الأسهم ويخلونك تنطر لشهر أو شهرين لين ما تخلص السالفه ويضمنون أنك ماراح تهون أو تاخذ أسهم جراند وتبيع على طوول ؟؟

أعتقد انهم راح يستلمون أسهم اللبنانيه ... وبعد شهر ونص ممكن راح يسلمونك أو يحطون أسهم اللبنانيه برصيدك وكلها بعد توزيعه أرباح جراند وبعد انتهاء الإستحواذ ... وهني مجبور تكتب بجراند السياحيه مع الناس ؟؟

الشي الغريب إغلاق جراند 570فلس ولو شلنا توزيعه الأرباح :
25% نقدي
35% منحه
راح يكون سعر السهم 405 فلوس تقريبا

وسعر 7 أسهم جراند بـ 405 فلس هو 2835 لـ 10 أسهم من اللبنانيه أي 283.5فلس لكل سهم من اللبنانيه

شوفو سعر إغلاق اللبنانيه 280 فلس قريب من الــ 283.5 فلس صح
الزبده أي صعود لسهم جراند عن الــ 570 فلس من بكرا راح يرفع سهم اللبنانيه معاه تدريجيا بشكل بطيء بس

يعني على ما أعتقد لو جراند تعلقت بكرا أو صعدت بالأعلى بس فراح تلحقها اللبنانيه

هذا والله أعلم

 

[غازى]

الأخ سهم استثماري و الأخ غازي

على حد علمي و فهمي إن الإستحواذ من غير شراء سامي البدر أي سهم من اللبنانية !!
لكن راح يتملك النسبة بمقابل تبديل جراند و ليس دفع قيمة سهم واحد .. فلا 5% و لا غيره

اكيد راح يشتريها على حساب مساهمي جراند وهذا ذكرته بموضوع جراند

 

[غازى]

السلام عليكم


متى راح يسلموني أسهم جراند ؟؟؟ يعني أكيد راح يخلونك توقع على ورقه التبديل ولكن متى راح يسلمونك أسهمك ؟؟


هذا والله أعلم

اعلانهم امس كاتبين تقريبا 15/5 يعني بعد شهر ونص

جراند اعلنت عن توزيع 35% منحة وراح تصدر من 50 الى 90 مليون سهم جديد نتيجة الاستحواذ ,,,يعني راح يندبل راس مالها تقريبا

تتوقع راح يخلونك تبيعهم بالعالي ؟؟؟

اذا شركة ارادت زيادة راس مالها عشرة اضعاف كيف تغريك بالاكتتاب ؟؟؟

 

[سهم استثماري]

الأخ سهم استثماري و الأخ غازي

على حد علمي و فهمي إن الإستحواذ من غير شراء سامي البدر أي سهم من اللبنانية !!
لكن راح يتملك النسبة بمقابل تبديل جراند و ليس دفع قيمة سهم واحد .. فلا 5% و لا غيره

للتوضيح :
الـ 5% الي ذكرتها بالسابق كنت أقصد فيها حسين الخرافي وقلت الرجل دش على جراند بسعر 800 فلس وقلت ممكن تكون أقل من 5% ..وما كنت أقصد سامي ..

وموضوع الإستحواذ مفروغ منه قبل التبديل وبعد التبديل .. والسالفة خلصت ..

 

[سهم استثماري]

ليش الاستعجال بعملية الاستحواذ الحين بعد ما كانوا يصرحون بانها راح تكون بعد تفصيخ جراند ,,,,,
الحين لو تسلم اسهمك للمجموعة وتوقع على طلب الاستحواذ,, ويوم اجتماع الجمعية العموميةلجراند اقروا رفع زيادة نسبة منحة جراند الى 50% او 100% شتقدر تسوي بذاك الوقت ؟؟ طبعا راح يتفصخ السهم يمكن اقل من اللبنانية ,,, لا تقول مستحيل ,,, ليش ما ينطرون علشان الناس تطمئن
فمو معقولة يقولون بدلوا نروح نركض نبدل ولا حنا عارفين شالسالفة الهذه الدرجة هم ثقة عندنا !!!

أخوي غازي ..
واضح إنك تتكلم من منطق مصلحة ملاك جراند فقط وليس من مصلحة ملاك اللبنانية .. واعتقد هذا هالكلام يعتبر غير منصف وفيه نوع من التظليل ..
وبعدين كل إشوي تطلع بفرضيات مالها أساس من الواقع وتقول لو .. ولو الجمعية العمومية رفضت .. أنت قاعد تتكلم من جد أو تحلم .. أعتقد كتبت لك بالرد السابق إن سامي البدر يملك فوق 66% بمخباته هذا غير النسب المخفيه وتقدر تشوف الملكيات بجراند وهو صاحب هالفكرة ومحد راح يقدر يثنيه والأمر محسوم .. أتمنى هالمره تكون هالمعلومة وصلت وتشيل فرضيات الجمعية العمومية اللي في راسك ..

وبعدين عجبني كلامك بالأخير .. تبي ملاك اللبنانية يتنظرون لموعد الجمعية العمومية لجراند وتنتهي مهلة التبديل المسموح فيها على فرضياتك الوهميه واللي ما تدش المنطق وبعدها لو ماصار اللي في بالك .. شنو راح يكون موقفك من ملاك اللبنانية وهم يشوفون سهمهم تحت 120 فلس وبعدين لا تقول عطني دليل وتسأل عن القيمة الاأسمية او علاوة الإصدار .. وخل جدامك الصفوة والثمار وراح تقنع .. هذا الا إذا بعد تبي تقول إن سامي البدر يبي يرفع راسمال اللبنانية بعلاوة إصدار ربع دينار .. وانت واثق إن راح يكون فارق السعر بين جراند واللبنانية ( جراند الجديدة ) كبير ...بس وقتها اعتقد صعب تقدر ترد حتى بكلمة وحده لأنك تكون للأسف غشيت الناس وبتعمد بس لمجرد احساسك بالغبن ليش يدخلون معاكم بجراند وانتوا تتأثرون !!!! .. مع إن هالكلام أنا رديت عليه وقلت جراند نزل بسبب المجموعة والإستحواذ كان ممكن يصعدها مو العكس مثل ما تدعي .

وكلمة أخيرة حتى لا نشطح ونطلع من الكلام المفيد ..خلونا ننشر الخير بينا وما نقول الا كلمة الحق حتى لو على إنفسنا وحب لأخيك ما تحب لنفسك وجراند راح ترتفع وتربحك أنت وملاك جراند الجدد ولا تشيل هم .

 

[متابع فقط]

توقعات منطقيه

يا اخوان بعيدا عن من سيستفيد الي راح يبدل بغراند او يبقى على اللبنانية فالمنطق يقول حتى تاريخ 16-4 اخر يوم على ماعتقد بتحويل الاسهم لغراند السياحية سيكون صانع السوق لسهمين حريص على ان يبقى فارق السعر بمعدل ال نسبة ال10 الى 7 من الاسهم بالاستحواذ هل يكون الفارق هذا بمعدل صاعد او نازل الله اعلم ومن التوقع ان ترجح الكفة قليلا لصالح اللبنانية لاغراء ملاك السهم لتحويل .

 

[سهم استثماري]

يا اخوان بعيدا عن من سيستفيد الي راح يبدل بغراند او يبقى على اللبنانية فالمنطق يقول حتى تاريخ 16-4 اخر يوم على ماعتقد بتحويل الاسهم لغراند السياحية سيكون صانع السوق لسهمين حريص على ان يبقى فارق السعر بمعدل ال نسبة ال10 الى 7 من الاسهم بالاستحواذ هل يكون الفارق هذا بمعدل صاعد او نازل الله اعلم ومن التوقع ان ترجح الكفة قليلا لصالح اللبنانية لاغراء ملاك السهم لتحويل .

شوف أخوي تكون الصورة بسيطه وواضحه
نقدر نشبه اللي صاير الآن بين جراند واللبنانية بالحبل (10/7 ) وكل يشد من صوبه تصعد جراند تصعد اللبنانية والعكس صحيح ولكن هالكلام يتنهي مع نهاية التبديل لأن عملية ( 10/7) تنتهي ووقتها ينطقع الحبل وترتفع جراند اكثر وتنزل اللبنانية اكثر ...

 

[shamssoe]

شوف أخوي تكون الصورة بسيطه وواضحه
نقدر نشبه اللي صاير الآن بين جراند واللبنانية بالحبل (10/7 ) وكل يشد من صوبه تصعد جراند تصعد اللبنانية والعكس صحيح ولكن هالكلام يتنهي مع نهاية التبديل لأن عملية ( 10/7) تنتهي ووقتها ينطقع الحبل وترتفع جراند اكثر وتنزل اللبنانية اكثر ...

من امس تغير الوضع جراند مرتفعه 40 فلس واللبنانيه ما ارتفعت اتوقع بدا الضغط على السهم علشان يجبرون الناس تحول ويمكن يستمر الايام الجايه والله اعلم

 

[غازى]

أخوي غازي ..
واضح إنك تتكلم من منطق مصلحة ملاك جراند فقط وليس من مصلحة ملاك اللبنانية .. واعتقد هذا هالكلام يعتبر غير منصف وفيه نوع من التظليل ..

حرام عليك منين استنتجت هالكلام وشلون حكمت ؟؟ بالعكس ماني مقتنع بجراند بالاساس ..منو اللي يظلل؟؟انا ما قلت اي معلومة بالعكس المشكلة انه مافيه اي معلومات عن الاستحواذ ولكن يجب ان تكون صحيحة وواضحة ورسمية

وبعدين كل إشوي تطلع بفرضيات مالها أساس من الواقع وتقول لو .. ولو الجمعية العمومية رفضت .. أنت قاعد تتكلم من جد أو تحلم .. أعتقد كتبت لك بالرد السابق إن سامي البدر يملك فوق 66% بمخباته هذا غير النسب المخفيه وتقدر تشوف الملكيات بجراند وهو صاحب هالفكرة ومحد راح يقدر يثنيه والأمر محسوم .. أتمنى هالمره تكون هالمعلومة وصلت وتشيل فرضيات الجمعية العمومية اللي في راسك ..

معقولة انت قريت مشاركتي عدل !!!!!!! منو قال الجمعية العمومية يمكن ما توافق ؟؟؟ بالعكس جراند هم اللي يبون الاستحواذ

وبعدين عجبني كلامك بالأخير .. تبي ملاك اللبنانية يتنظرون لموعد الجمعية العمومية لجراند وتنتهي مهلة التبديل المسموح فيها على فرضياتك الوهميه واللي ما تدش المنطق وبعدها لو ماصار اللي في بالك .. شنو راح يكون موقفك من ملاك اللبنانية وهم يشوفون سهمهم تحت 120 فلس

مو هذا الاتفاق من البداية ؟؟؟ اما عن فرضياتي الوهمية كما تقول فهل كانت فرضية وهمية عندما زادت اللبنانية المنحة يوم الجمعية العمومية؟؟فليش تكون فرضية وهمية ان تزيد جراند منحتها وانت مسلمهم اسهمك باللبنانية شنو بتقولهم خلاص هونت ؟؟وشنو اللغز بالاستعجال بالتحويل الحين ؟؟

وبعدين لا تقول عطني دليل وتسأل عن القيمة الاأسمية او علاوة الإصدار .. وخل جدامك الصفوة والثمار وراح تقنع .. هذا الا إذا بعد تبي تقول إن سامي البدر يبي يرفع راسمال اللبنانية بعلاوة إصدار ربع دينار .. وانت واثق إن راح يكون فارق السعر بين جراند واللبنانية ( جراند الجديدة ) كبير ...بس وقتها اعتقد صعب تقدر ترد حتى بكلمة وحده لأنك تكون للأسف غشيت الناس وبتعمد بس لمجرد احساسك بالغبن ليش يدخلون معاكم بجراند وانتوا تتأثرون !!!! .. مع إن هالكلام أنا رديت عليه وقلت جراند نزل بسبب المجموعة والإستحواذ كان ممكن يصعدها مو العكس مثل ما تدعي .

انا قلت عطني دليلك في اشياء كثيرة ومعلومات كتبتها انت و لم تنشر واعتقد انك ما راح تبخل علينا ,,, اما مثالك للصفوة والثمار فهذا كان قصدي من عدم التحويل لان بمجرد اعلان زيادة راس مال اللبنانية حتى يغرون الناس بالاكتتاب راح توصل اسعار عالية نقدر نبيع فيها ,,,شنو اللي حادني اكتتب فيها وانطرها توصل 120 ,,,اما بالنسبة لغش الناس كما تقول فالحمدلله اني لم انصح احد بان يبدل او لا ,,,لان العقل يقول ان جدامنا اسبوعين الله يعلم شنو اللي راح يتغير فيهم وكل واحد يعرف مصلحته بذاك الوقت فلو وصلت جراند مثلا دينار خلال هالاسبوعين واللبنانية كما هي اكيد بحول لاني لازم احسب حساب سعر جراند بعد التفصيخ واقارنها باللبنانية ,,,لكن انت شنو المعلومات اللي عندك وما نعرفها اللي تخليك تنصح بالتبديل لدرجة انك نصحت احد الاعضاء بان يبدل وهو مغمض !!! لهذه الدرجة نملك معلومات ما يملكها الخرافي نفسه اللي بكل تصريح يناقض التصريح اللي قبله

وكلمة أخيرة حتى لا نشطح ونطلع من الكلام المفيد ..خلونا ننشر الخير بينا وما نقول الا كلمة الحق حتى لو على إنفسنا وحب لأخيك ما تحب لنفسك وجراند راح ترتفع وتربحك أنت وملاك جراند الجدد ولا تشيل هم .

مرة ثانية تتهمني اني مهتم بجراند ولكن اريد منك ان تقتبس كلمة واحدة فقط تدل على ذلك ,,,لا تقول مالي حق اطلب دليل بهذه بعد

ومو شرط اي شخص يخالفك بالرأي تسئ الظن فيه

 

[سهم استثماري]

بالعكس ماني مقتنع بجراند بالاساس ..منو اللي يظلل؟؟انا ما قلت اي معلومة بالعكس المشكلة انه مافيه اي معلومات عن الاستحواذ ولكن يجب ان تكون صحيحة وواضحة ورسمية
مرة ثانية تتهمني اني مهتم بجراند ولكن اريد منك ان تقتبس كلمة واحدة فقط تدل على ذلك ,,,لا تقول مالي حق اطلب دليل بهذه بعد
ومو شرط اي شخص يخالفك بالرأي تسئ الظن فيه

هذا كلامك .. تفضل صعب أرد طلب لك ..

وين اللي يقولون الاستحواذ من مصلحة جراند يجاوبوني؟؟؟
مشكور عزيزي jjj على ردك ولكنك من المعارضين ما يصير تجاوب

للمتحمسين لاتفاقية الاستحواذ عندي سؤال استغرب انه محد تطرق له
كم رأس مال جراند قبل عملية الاستحواذ وكم بعدها ؟؟؟ واذا وجد فرق فما
تأثيره على سعر وربحية السهم ؟؟؟ وماذا استفدت من هذا الفرق ؟؟؟

واخيرا والله هالنقاش صار حوار طرشان وأنا ماراح أزيد واعيد بكلامي لأن السالفة صارت ممله وطلعت من المضمون اللي كنت اقصده .. الله يوفقك يا غازي إذا كنت غير مقتنع بجراند قطها والله ويرزقك بكل سهم تدشه ..

 

[غازى]

هذا مدح لجراند ؟؟

انت متأكد تعرف تقرأ او بس قاعد تتبلى

عموما هذا الرابط حتى يشهد الاعضاء على من يبحث عن مصلحة جراند ومن يمتلك جراند باعترافه

http://www.indexsignal.com/vb/showthread.php?t=40205&page=24

 

[الشاطر]

بسأل منو بدأل اسهم بجراند ومتى يسمحولنا بالبيع

محد سأل

وجراند لو افترضنا انها فصخت على سعر اقفال اليوم لو

570 بعد التفسيخ راح تكون 405 فلس

لو افترضنا انه عندك 10000 سهم باللبنانيه بعد التحويل راح يصير عندك 7000 سهم

7000*405=2835 دينار

لو لم تحول عشره الاف سهم باللبنانيه مع اقفال اليوم

270*1000=2700 دينار

اظن الفرق موشئ

من الافضل انا نجهز الشهادات ونطلبهم لين نشوف اقفالات جراند فى اخر يومين من المهله بعدها نقرر

اايد كلام الاخ غازى معاه حق الواحد ينطر لين تبين الصور

هذا حسبتى لليوم 3/4/2006

 

[سهم استثماري]

جراند لو افترضنا انها فصخت على سعر اقفال اليوم لو

570 بعد التفسيخ راح تكون 405 فلس

لو افترضنا انه عندك 10000 سهم باللبنانيه بعد التحويل راح يصير عندك 7000 سهم

7000*405=2835 دينار

لو لم تحول عشره الاف سهم باللبنانيه مع اقفال اليوم

270*1000=2700 دينار

اظن الفرق موشئ

2006

أنت شاطر وقاعد تفسر طريقة إرتباط سعر اللبنانية مع جراند في الوقت الحالي .. يعني الشباب كل يوم لهم حسبة وعينهم على سعر جراند .. بس المهم بعد تفصخ جراند وإنتهاء فترة التبديل .... المتوهم ومتمسك باللبنانية راح يشوف 1000 سهم اللبنانية بـ1200 دينار .. وقتها يطلع معاه الفرق شئ .. وشئ !!!

 

[غازى]

تصدقون ان محد بالبورصة عارف اذا التبديل اجباري او الزامي

اليوم مريت المكتب اللي اتعامل وياه بالبورصة وسألني اذا ابي شهادة اسهم اللبنانية علشان احولها لجراند وسألته ليش ؟؟ مالي نية بالتحويل الحين ,,فرد علي بانك اذا ماحولت راح تروح عليك اسهمك سألته منو عنده هالامور علشان استفسر منه ,,قال سجل المساهمين

رحت سجل المساهمين وسألت الموظف عن الموضوع وهل التحويل اجباري رد بانه ما يدري واللي يقدر يفيدك هو رئيس القسم (ابوعبدالله) دخلت على بو عبدالله وسألته عن الموضوع ورد بأن التحويل اختياري (شكله مو متأكد)

قلت له ليش ماينزل اعلان بالبورصة يوضح هالامور ترى الناس محتاره,,هز راسه جنه يقول انا مالي شغل

هذا اللي صار وياي اليوم وبنشوف الاسبوع الجاي شنو راح يستجد بهالفوضى

 

[شاري بايع]

الله المستعان

الصراحه محد يعرف الطريقة بالضبط

كلمت موظف الاوسط بالنسبة للتحويل وقال ما وصلنا اي تعليمات عن التحويل اذا في شي سوف نتصل عليك