شركة المخازن العمومية ( مخازن ) .

[sprite]

مو بكيف علي الغانم و لا غيره .. عندما يكون السهم مقنع و يدر أرباحا تأكد أن لا أحد يستطيع إيقافه ..

سعر المخازن الآن طبيعي و عادل .. ثم أن كسب القضية ضد كمال السلطان ليس له مبرر لإنطلاق السهم للاعلى , لكن خسارتها كانت ستؤدي إلى نزول السهم بكل تأكيد ..

السهم سيتفاعل و يتحرك مع إعلان التوزيع و إعلان الربع الأول من العام القادم !

 

[DAISKY]

مو بكيف علي الغانم و لا غيره .. عندما يكون السهم مقنع و يدر أرباحا تأكد أن لا أحد يستطيع إيقافه ..

سعر المخازن الآن طبيعي و عادل .. ثم أن كسب القضية ضد كمال السلطان ليس له مبرر لإنطلاق السهم للاعلى , لكن خسارتها كانت ستؤدي إلى نزول السهم بكل تأكيد ..

السهم سيتفاعل و يتحرك مع إعلان التوزيع و إعلان الربع الأول من العام القادم !

والله ان هذا هو المنطق
تسلم والله

 

[Cha3bar]

خل توصل بيانات الربع الثالث بس

 

[الاسطوره]

علي الغانم يقول المخازن ماتصعد لو علي قص رقبتي

امس علي الغانم قايل لمجموعة من الشباب رواد ديوانيته عندما سالوه عن سهم المخازن وعن كسبه لقضية كمال السلطان

قال علي الغانم
الي عنده المخازن خل يبيعها ويدورله علي سهم ثاني لان المخازن ماراح تصعد لو علي قص رقبتي

يقول اكو ناس يبيلها تأديب ( اتوقع يقصد الجناعات )

وانا اقصص ادينى ال 2 اذا انت صاج بكلامك

 

[masxmas]

الصج ينقال

بصراحه في وايد من الي اعرفهم وبشتغلون بالبورصه متفائلين بسهم المخازن وانشالله اذا دخلت المحافظ على السهم يكون دخولها ليس لاجل المصاربه نبي محافظ تقوي السهم

لكن الي انا اشوفه للاسف انه المحافظ مابينها اي تعاون والكل يبي يربح على حساب المحفظه الضعيفه


نتمنه بروصه الكويت تبطل دلع وبدال لا انشوف اسهم بحد ادنه مافي شراي .. وبصراحه الشي الادهى والامر انه الصحف بالكويت تلعب بالبورصه والسبه مصدر موثوق ومن باجر تتعاقب الشركه ممكن والصحف عمرنه ماشفناها تتعاقب وشوف جم جريده عندها من الاخبار الي تنزل لصالح اشخاص


المفروض اي صحيفه تخدع قرائها المفروض تتعاقب وتتقف عن النشر

 

[ولد_فقاره]

حبايبي انطروا الساعه 12 وانتم شوفوا شلون السهم يتحرك

لا علي الغانم ولا اعوانه يوقفونه

ودمتم بخير

 

[امل الكويت]

حبايبي انطروا الساعه 12 وانتم شوفوا شلون السهم يتحرك

لا علي الغانم ولا اعوانه يوقفونه

ودمتم بخير

شمعنى ؟؟ 12 ؟؟

 

[ولد_فقاره]

لان المحافظ والهوامير ما يشتغلون الا بالاوقات الحرجه والباقي خمس دقايق

 

[سلااااااااام]

الله يخليكم بلا إشاعات

الاخ اللي يقول الغانم يقص ايده اذا صعد المخازن خاف الله في نفسك

عن الاشاعات والكلام الفاضي يبا التجار حريصين على حلالهم اكثر منك مافيه احد فيهم يخسر نفسه عشان مايطلع سهم معين

فلذلك الله يرحم والديكم عن الاشاعات واللعب في نفسيه صغار المستثمرين


والله يوفق الجميع

 

[CHART TRADER]

حلوه سالفة علي الغانم ( أقص أيدي أذا المخازن صعدت )

 

[Sharp Nero]

بسم الله الرحمن الرحيم

حبايبي انطروا الساعه 12 وانتم شوفوا شلون السهم يتحرك
لا علي الغانم ولا اعوانه يوقفونه

ودمتم بخير

عش رجباً .. ترى عجباً
إحنا في رجب ياشباب وأنا مادري .. !!!
ياليت الأماني تنفع بس أتمني من اللي يبي يكتب شى مو متأكد منه يقول "أتمنى"
لأن الأماني مو حرام ولا عيب بس لا يتكلم من باب ثقه ويوهق العالم.
يعني لو واحد سمع هالكلام ودش على السهم قبل الساعه 12 علشان
يضارب فيه ويبيعه بعد الساعه 12 وطاح السهم .. من المسؤول !!


على فكره الحين الساعه 12:22 والسهم نازل 40 فلس.

 

[ولد_فقاره]

حبيبي انا لما اتكلم اكيد اني واثق

والحمد لله السوق ما سكر علشان تقول هالحجي والسهم بلحظه يرتفع

وشكرا

 

[Sharp Nero]

بسم الله الرحمن الرحيم

حبيبي انا لما اتكلم اكيد اني واثق

والحمد لله السوق ما سكر علشان تقول هالحجي والسهم بلحظه يرتفع

وشكرا

سكر السوق يا واثق
:d :d :d

مشكله اللي يخطي ويكابر

 

[حريص]

سكر السوق يا واثق
:d :d :d

مشكله اللي يخطي ويكابر

فعلا مشكله ولا بعد مشكله كبيره هذا اولا

ثانيا خافوا الله بنقل المعلومات شنو هالدوانيه الي على الغانم يتكلم فيها جذيه اخاف دوانيه خالد النفيسي وسعد الفرج في مسرحية ( والله نسيت اسم المسرحيه ) .

ثالثا ما سمعتوا عن واحد يخسر فلوس حتى لو كانت شويه علشان يكسر فلان وعلان يا جماعه هذول تجار ويخافوا على الفلس اكثر منا
خافوا الله بس ترى الدعوه تكسر الظهر لا حوله ولا قوه الا بالله العلي القدير

 

[wazer]

هاردلك للجميع

 

[حريص]

هاردلك للجميع

عن الشماته يا سعد

 

[sprite]

جيد .. السهم أقفل عند الدعم الأقوى الواقع عند 2800

 

[محمد القطان]

أخواني الأعزاء السلم عليكم و رحمة الله
أرجو أن لا نأخذ أي سهم على أنه حبيب أو أنه غير حبيب كأن للسهم قلب و جوارح بل نأخذه على أسس علمية و في نفس الوقت منطقية و فى كل الأحول نجد أن الناس تأذو من بعض الأسهم وما أكثر ما ذمو فيها و من ثم بدؤ بمدحها مثال(أ.صناعية - مشاريع ) وغيرها الكثير و أنا من وجهة نظري الشخصية أعتقد أن هذا السهم سوف يعود و سوف تعود أيامه مدام في ناس تشتغل (وانا أقصد شغل الشركة ) مو قصدي شغل السوق
وأحب أن أذكركم بشيء وهو أن للمخازن مشاريع و عقود لم تكشف عنها و الله يوفقكم في هذا السهم أو غيره

 

[لحلاح1]

حلوه سالفة علي الغانم ( أقص أيدي أذا المخازن صعدت )

وانا بعد وياكم (احلق شواربى اذا المخازن ما صعدت)

 

[السهم الخليجي]

السؤال ليس هل....بل متى.... المخازن لابد أن ترتفع ولكن المشكلة معها بأننا واثقين من ارتغاعها لدرجة تفويت العديد من الفرص في المضاربة عليها خلال المرات العديدة التي تأرجح سعرها خلال الشهرين الماضيين على سبيل المثال ...حيث وصل التأرجح في السعر الى ما يصل الى 20% !!!