طالبيني هيئة اسواق المال للتحقيق .. مادة 122 .. ما العمل ؟

[Vanilla chay]

صح كلامك اخوي السعد وخل يقولهم انا متبع القوانين واللوائح مالت التداول بمعنى أحط الامر ووقته القانوني ٥ دقايق وتقدر تسحبه وتشيله يعني تأكد لهم انك ماخالفت القانون وانه نظام التداول يسمح لك

اعجبتني كلمة نظام التداول يسمححلي احط امر والغيه ..
ونيتي والله مابي اخسر زياده

 

[Vanilla chay]

هل صار بينك وبينهم كلام بعد الحدث مباشره
يعني اتصلو عليك
او ان الموضوع صار مفاجأ لك بدون مقدمات

والله مفاجأه ...
كلموني الاهل بالبيت وقالولي وصلتنا رساله من هيئة اسواق المال وقرولي اياها وانا راجع البيت من الدوام

 

[رابح رابح]

شكرا يا ابوخالد ..
بس خوفك تقول انا كنت اطلب السهم واشيل امر الطلب واطلب تحت .. يقولك انك تلعب ..
والحقيقه انا ابي ادعم السهم بس مابي يحذف علي مابي اخسر زوود ...
وبالاغلاق اصكره تكه فوق بس ...

ان شاءالله ماكو شي ...
بس انا ما اتداول بمبلغ كبير ... ليش نادووني !!!!

العفو يالغالي ..انا ما اعرف تفاصيل تداولاتك .. بس اعتقد ان هيئة سوق المال متخصصين بمعرفة حقيقة التداولات ولا تسبق الاحداث لازم تعرف اول شي ماهو سبب الاستدعاء بكل دقة
ومن الافضل انك تقولهم بكل صراحة وبساطة حقيقة ماقمت به وتبين لهم حسن نيتك بانك حطيت اوامر وغيرت رايك وغيرت الاوامر بتفاعل نفسي مع اخبار السوق وتداولاته وقرائة التحليلات .

وتحقيق هيئة سوق المال هو تحقيق مدني .. واذا كان وضعك سلبي سيتبع ذلك لاحقا تقاضي بالمحكمة وتقدر توكل محامي واغلب القضايا انتهت بغرامات بسيطة.

وحجم المبلغ غير مهم ومثل ماذكرت لك اعتقد يبون يتأكدون انك ماتشغل لمضاربين كبار هدفهم التلاعب بتداولات الشركة .

وفي محاميين متخصصين بقضايا التداول تقدر تمر على واحد منهم وتاخذ رايه
الموضوع بسيط قول يارب ولا توسوس وان شاء الله ماكو الا الخير .

 

[Vanilla chay]

والله مادري ...

 

[الزاجل@2]

اذا اسالفه جذيه الافضل ان الواحد يتداول من خلال وسيط نفس قبل ويترك التداول الاكتروني

 

[Vanilla chay]

العفو يالغالي ..انا ما اعرف تفاصيل تداولاتك .. بس اعتقد ان هيئة سوق المال متخصصين بمعرفة حقيقة التداولات ومن الافضل انك تقولهم بكل صراحة وبساطة حقيقة ماقمت به وتبين لهم حسن نيتك بانك حطيت اوامر وغيرت رايك وغيرت الاوامر بتفاعل نفسي مع اخبار السوق وتداولاته وقرائة التحليلات .

وتحقيق هيئة سوق المال هو تحقيق مدني .. واذا كان وضعك سلبي سيتبع ذلك لاحقا تقاضي بالمحكمة وتقدر توكل محامي واغلب القضايا انتهت بغرامات بسيطة.

وحجم المبلغ غير مهم ومثل ماذكرت لك اعتقد يبون يتأكدون انك ماتشغل لمضاربين كبار هدفهم التلاعب بتداولات الشركة .

وفي محاميين متخصصين بقضايا التداول تقدر تمر على واحد منهم وتاخذ رايه
الموضوع بسيط قول يارب ولا توسوس وان شاء الله ماكو الا الخير .

بعد قلبي يا ابوخالد ...
ضروري اشوف محامي يفهم بالماده 122 بس بكلمه ابي اخذ صوره عامه شنو الوضع ..

 

[نواخذة الكويت]

الله يعينك
زين اذا الواحد يبي يشيك اذا عليه شي او لا وين يروح

امممممم چنه العموم التحقيق بيلحقهم

يالله قبل لا يوصلك الكتاب ونفتح موضوع جديد

قولنا شمسوي اعترف لك علاقه بهيومن سوفت

 

[رابح رابح]

بعد قلبي يا ابوخالد ...
ضروري اشوف محامي يفهم بالماده 122 بس بكلمه ابي اخذ صوره عامه شنو الوضع ..

تامر امر والموضوع بسيط لاتعطيه اكبر من حجمه وخاصة انه يرتبط بالنوايا
وقانونيا موضوع النوايا غير مؤثر للاجهات القضائية حيث تعتمد على الادلة الملموسة في احكامها.

 

[السعد محمد]

على المدعي اثبات دعواه ... وهم المدعي ... والتحقيق هو جزء من اثبات الدعوى .
بمعنى ... لا تسلمهم لحيتك ... ولا تقول التداول يسمحلي ( مع احترامي للجميع ) ولا ما يسمحلي ... قول انا اتداول طبقا للقانون ولم اخالف القانون .. واذا سئلوك هل شريت كمية كذا بسعر كذا ... قول انا اتداول بشكل يومي ولا اتذكر التداولات ( خلهم يتكلفون عبء الاثبات )

وطبعا اعجبني كلمة ان الدافع في التداول هو نفسي وطبقا لحركة السوق والاخبار

واذا تعرف واحد بنفس الادارة ... ومضبوط وفاهم اسئله قبل لا تروح .. ترى بعض الواسطات تجيب العيد

 

[رابح رابح]

نصيحة متواضعه للاخوان الاعضاء؛
انا انصح المتداولين الغير محترفين بالتداول من خلال البروكر ففط
لان البروكر ماينفذ اي تداولات فيها مسائلة قانونية ويحذرك قبل اي اجراء خطأ.

انا عندي تداول الكتروني وغالبا استعين بالبروكر اللي اعتبره ظلي بالسوق
قبل مدة عندي حساب لمحفظة انا مفوض عليها وصاحب المحفظة احتاج مبلغ وحبيت ابيع من محفظته كمية والسهم مهم ورخيص ومافيه عروض وحبيت اشتري كميته وادخلها بحسابي ولكن البروكر رفض ونبهني ان قانون التداول يمنع الشخص المفوض من شراء الاسهم لحسابه .

 

[fah00d]

الموضوع عباره عن تحقيق ومن ثم تحويل للنيابه

اعرف شخص حصلت له نفس المشكله
لكن كان السبب يتداول بطريقة توحي للمتداولين بصعود السهم .. وبكميات بسيطه ..

على سبيل المثال سهم قيمته 100 فلس

يشتري على سعر 102 .. الكميه 10 أسهم او اقل
ويفعلها اكثر من مره خلال اليوم ..

والناس تدخل على سعر 102 ويبيع كميته ..

اعتقد المخالفات تشمل من يشتري اسهم بقيمه بسيطه جدا لا تتعدى قيمة العموله . والهدف منها اللعب بالسهم او تصريف كميه او اقفال بسعر معين

ممكن اعرف الكميات اللي شريتها هل هي اسهم تنعد بالاصابع ام كميات كبيره.

 

[نواخذة الكويت]

شنو اسم الشركة

إي إي إي اهي الشركة اللي في بالك

المهم شنو نوع زقايرك علشان أيبه معاي لك

لا تحاتي انا عرف واحد انسجن 10 سنوات ما شاء الله طلع وصحته جيده
وزايد وزنه بعد

سامحناااا يا صانع السوق طلع اللعب مو منك اللي يحط طلبات ويسحب
واللي يسكر اقفالات حق سهمه

و الزاجل نايم بهيومن سوفت صعود ونزول

عاد أخذ معاك چاكيت ترى السجن الإنفرادي ينومونهم على الكاشي برررد

 

[الزاجل@2]

اخر تداول لي كان قبل ٧ اشهر
المشكلة ان الأخ يقول ان الموضوع من ٢٠١٤ شلون الواحد يتذكر التداول
عموما كثير من القضايا تحفظ للعلم فقط

 

[murgab]

و يبون استقطاب مستثمر اجنبي بعد !

احنا منا و فيكم و عايفينكم هالمرة اجانب و يشوفون چذيه ؟
داخل هالمؤسسة حفار و تكفخ بين بعضهم ، وين تبون يطلع منهم شي زين للكويت لتكون مركز مالي ؟ !

 

[نواخذة الكويت]

تعوذو من بليس ناموا

ماكو إلا العافيه اجراءات روتينيه

 

[بوناصر56]

خل يحاسبو الهوامير الي يدخل ناس بسهم خسران و بعدين يصرف بقوه وباحتراف و يحط اوامر بالعروض و الطلبات

 

[الراقي]

تقدر تسأل المحامي الدكتور يوسف الحربش وهو متواجد في تويتر
الله يعينك ويفرجها عليك

 

[Bursa2016]

الدكتور بدر الملا كان له صولات وجولات مع قانون الهيئه وتعديلاته خصوصا الماده 122 لكن لا تروح له الا اذا تأزمت الامور، وان شاء الله سهالات

 

[السور]

استاذنا الظاهر انك كنت اتسكر السهم تكة فوق او تأخذ كميات بسيطة بسعر معين وترد تبيع الكمية الكبيرة بنفس السعر

مثال

تشتري سهم مزايا بكمية كبيرة علي ١٠٢
واتسكر السهم او تأخذ السهم بكميات قليلة علي سعر ١٠٤

علشان تبيع كميتك الكبيرة علي سعر ١٠٤
هذا يسمونه تداول وهمي

 

[ابوسارونه]

صباح الخير ... روح وماعليك منهم
تري مو وزاره الداخليه ... يادوب هيئه واللي يغلط خط اصبعك بعينه - اقصاها غرامه .. لا انت قاتل ولا سارق ... واذا قالولك شي .. قول ادنك تداولاتها بالملايين والمضارب علق خلق الله ..والسوق كله يدرى بسالفه المضارب .. جاييني علي سهم خسرت فيه 3 الاف !!


احسب حسابك اذا خربت السالفه
بتدفع غرامه .. لكن ادفعها وانت رافع راسك فوق وسمعهم كم كلمه بالعظم .. الهيئه تاخذ الفلوس والغرامات لها وماتعوض المتضرر اللي انت بنظرهم غررت فيهم .. والفلوس تعتبر مصدر دخل للهيئه .. يعني انت يشوفونك .. فاتوره بيضيفونها لارباحهم - لاتدفع لهذولا اللصوص الا اذا خربت السالفه ... مو ذنبك ان السوق نايم وتداولاتك تبين وتأثر حتي لو حركت سهم ... هذا ذنبهم