بنك بوبيان الإسلامي

[عليمي أسهم]

وأنا بعد وياكم ... 8000 سهم

 

[العربي77]

إذا تبون صج السالفة تكون بشكل جدي يتم ترشيح أكثر من واحد وتم عليه التصويت من أجل أن يتحدث بلسان الجميع وأنا عن نفسي أقترح أنه يكون من ضمن المشرفين بالمنتدى وهم معرفين وأنا عن نفسي أرشح أما الناسجت ، أو الفهلوي لكي يأخذ هذا الدور والخيار لكم واللي يبي يرشح نفسة لأخذ المكان هذا يرشح نفسة وتم عليه تصويت من قبل الأعضاء وإذا السالفة تزكية أزكي الناسجت أو الفهلوي ولا في بعد شخص ممكن يكون من ضمن القائمة المهذب جداً ولا قصور بباقي الأخوان والأعضاء الأخرين.

مافي اي مانع من التنسيق فيما بيننا على الموقف
وتحديد مكان للتقاء قبل انعقاد الجمعية العمومية بوقت كاف
ونرجو من المشرف التنسيق بين الاعضاء لهذا الغرض

 

[اهم1]

انابعد وياكم

انا عندي 20000الف سهم واللي تامرون فية انا حاضر

 

[schizophrenia]

وانا بعد وياكم
40 الف سهم اعطيهم حق الشخص اللى ترشحونه
لاني في تاريخ 29 راح اكون برا الكويت
ونبي تفاعل اكثر وتحرك اسرع

 

[عليمي أسهم]

schizophrenia عطني انا الاسهم وفي الحفظ والصون ماراح ابيعهم

 

[ابوحمد2003]

انا وياكم 10000 سهم

 

[ميثاق]

انا بعد وياكم 12000----------------------------------------------
مستعد للحظور شخصيا وياليت توضحون لنا نحصل على بطاقات الدعوة وين مكان انعقاء الجميعة وارجو ان يتم التحرك فورا وعلى استعجاال

 

[سهم استراتيجى]

اكرر ( وياكم )

السلام عليكم


الله يعطيكم العافيه


ومشكورين على هالتفاعل بس نبى توعيه اكثر خارج المنتدى للربع وحتى مايمنع اثناء انعقاد الجمعيه بس تقول للى يحضر (حلالك لايضيعونه ويلعبون فيه ) واعتقد ان هالحمله ضد اللى ناوين عليه (مجلس الاداره ) تدل على الوعي .


يام حذرت من بيع الدعوات وقلت الالوف اللى تندفع لشراء الدعوات لازم يعوضونها اضعاف مضاعفه وعلى حسابك ياصاحب الحلال (السهم) لاويرد على واحد يقول هذولا يبون برستيج بس سلملى على البرستيج .


اخوكم سهم استراتيجى لى الشرف انى اول من نادى لهل حمله ضد القرار سيئ السمعه(توزيع 8مليون على ربعهم ب150 فلس للسهم) (


شدوا حيلكم ترى نبى وقفه

 

[روبية]

صبحكم الله بالخير ..

الموضوع اخواني يتطلب مجهود كبير خصوصا ان راس مال البنك 100 مليون دينار اولا .. وثانيا عدد كبير من اصحاب الاسهم باع ملكيته .

* انا عندي اقتراح : نسوي قطية بسيطة ونحط اعلان بجريدة تحت اسم مجموعة من المساهمين ببنك بوبيان ( اللي كان اسلامي ) وقت الاكتتاب

ونطالب فيه من باقي المساهمين بالحضور ةالتصويت ضد الاقتراح.

* بالنسبة لترشيح احد الاخوان لتمثيلنا بالجمعية العمومية .. انا ارشح اخونا الكبير ( الناسجت ) .

 

[baselko]

وانا وياكم 17000 الف سهم

 

[الخال قحطة]

وأنا بعد وياكم 20000 سهم

 

[kuwait77]

صبحكم الله بالخير ..

الموضوع اخواني يتطلب مجهود كبير خصوصا ان راس مال البنك 100 مليون دينار اولا .. وثانيا عدد كبير من اصحاب الاسهم باع ملكيته .

* انا عندي اقتراح : نسوي قطية بسيطة ونحط اعلان بجريدة تحت اسم مجموعة من المساهمين ببنك بوبيان ( اللي كان اسلامي ) وقت الاكتتاب

ونطالب فيه من باقي المساهمين بالحضور ةالتصويت ضد الاقتراح.

* بالنسبة لترشيح احد الاخوان لتمثيلنا بالجمعية العمومية .. انا ارشح اخونا الكبير ( الناسجت ) .

هذا اقتراح طيب

 

[طالب العبدالله]

صبحكم الله بالخير ..

الموضوع اخواني يتطلب مجهود كبير خصوصا ان راس مال البنك 100 مليون دينار اولا .. وثانيا عدد كبير من اصحاب الاسهم باع ملكيته .

* انا عندي اقتراح : نسوي قطية بسيطة ونحط اعلان بجريدة تحت اسم مجموعة من المساهمين ببنك بوبيان ( اللي كان اسلامي ) وقت الاكتتاب

ونطالب فيه من باقي المساهمين بالحضور ةالتصويت ضد الاقتراح.

* بالنسبة لترشيح احد الاخوان لتمثيلنا بالجمعية العمومية .. انا ارشح اخونا الكبير ( الناسجت ) .

انا اؤيد انه يكون الناسجت مرشحنا واللي نعرفه احسن من اللي ما نعرفه.

 

[القطب الجنوبي]

وأنا ايضاً أرشح الناسجت لهذه المهمة فهو خير من يمثلنا .
لكن المشكلة إذا الناس ما جت وحضرت الجمعية العمومية فذلك سوف يضعف الموقف

 

[اساهيم]

عندى لكم 48 الف ..

واذا فيه شى بلغونى بالخاص وانا حاضر ..​

 

[بو حمد_1]

يا جماااااااااعه 8.000.000 مليووون على شنو




ابي افهم ماني قااااااادر ......... ؟

يا اخوان انا ضد الاقترااااااااااح هذا وبجدااااره

شنو على كيفهم ! البنك ارباحه اثنى عشر مليون فقط

وبسنتين

والله لو قاطينها وديعه في بيت التمويل افضل بالف مره

يا اخوان البنك في ايدنا الحين انا ابي اقترح نسوي تجمهر

في الجمعيه العموميه ضد هذا الاقتراح

وكذلك مع اخذ الحيطه من مجلس الاداره بعدم تأجيل الادراج

بسبب رفضنا الى التوزيع اللي مقترحينه ؟ لانها صج خمبقه

نكته من البنك يبي يوزع 8 مليوووون سهم لموظفين البنك بقيمة





0.150 فقط ميه وخمسين فلس


يا اخواااااااااااااان ارجو منكم الحضور للجمعيه العموميه وانا اول واحد


ومعاي 15 من ربعي والعدد قابل للزياده


همتكم يا شباب

ارجوووووووووووووو منكم رفض الاقتراح يا اخوان

عينك عينك


لاني سألت اقتصاديين بالتوزيع وافادوا بانها خمبقه




اللي يوافقني الراي يرد يا شباب

كفو والله يا شباب

هذي الهقوه

عالعموم انا كلمت ناس اقتصاديين كبار وقالوا بالحرف الواحد

هذي خمبقه


وبأي اساس يوزع 8,000.000 مليون سهم على موظفين البنك

طيب شنو الاليه ؟

اللي متوظف بالبنك قبل شهرين واربع شهور ؟ هل هو مثل اللي قبل سنتين ؟ بالنسبه للتوزيع ؟


مثال لكم للتوضيح ؟؟؟؟؟؟؟

بيت التمويل اعطى موظفين البنك في احد السنين


اكتتاب خاص للموظفين


مثل الطريقه هذي ! ولكن بشرط عدم البيع الا بعد خمس سنوات

عالعمووووووووووووووووم

يا شباب الموضوع جدي ولازم نرشح واحد من الطيبين

لتمثيلنا والجميييييييع يحضر الجمعيه العموميه

وانا اولكم وكلنه يا اخوان نقعد بالصف الاول اهم شي


يا جماعه نبي تنظيييييييييييييييييييم الاسبوع هذا ضروري

لابد من التجمهر السلمي لمصلحتنه

 

[حامد2020]

عندي 30 الف سهم وانا بعد معاكم​

 

[خالد خالد]

وانا

عنى 11000وياكم بالى تامرون فيه على قد الحال

 

[العزيز]

عندي 50000 الف
وانا بعد وياكم
ولازم ما نسكت على هالمهزلة

 

[روبية]

يعطيكم العافية .. وهذي الهقوة فيكم ..

الجمعية العمومية 29\3\2006
شدوا حيلكم نبي اصوات اكثر .. وهذي بعض الارقام اللي ذكرها الاخوان :

1- 20000 روبية
2- 11000 خالد خالد
3- 48000 اساهيم
4- 20000 الخال قحطة
5- 17000 baselko
6- 12000 ميثاق
7- 10000 ابوحمد2003
8- 40000 schizophrenia
9- 20000 اهم1
10- 8000 عليمي اسهم
11- 15000 للصبر حدود
12- 77000 ahmed18
13- 11000 al.jamly91
14- 9000 العربي77
15- 20000 vactory
16- 50000 Amr
17- 50000 العزيز
18- 15000 البرك
19- 55000 الديك
20- ؟ ؟


منو رقم 20 .. همتكم يااخوان ..