بنك بوبيان الإسلامي

[بن تركي]

شباب انا عندى 11 بطاقه اللى يبيهم

ليش بطاقات الدعوة لحضور الجمعية العمومية عليهم بيع وشراء ؟

 

[بو حمد_1]

في خضم الحرب الطاحنة القائمة بين صغار المتداولين وبين الطرف الثاني " الغير مشخص " تماماً بمسمى رسمي .. هذه الحرب التي أتت على الأخضر واليابس وما خلت بيت وما أدخلت فيه الأحزان ولا مواطن إلا وهو " خايف حيران " ... جاءنا خبر اجتماع بنك بوبيان الاسلامي والذي كان أغلب الاعضاء هنا يتهلف حتى مجرد سماع كلمة " اجتماع " جاءت الحرب هذه لتفسد علينا خبر قرب ادراج سهمنا المرتقب والمنتظر منذ شهور .. جاءت الحرب هذه لتضع " غصة " و " مرارة " أمر من " العلقم " في حلوقنا إذ أن الادراج في هذا الوقت لا قدر الله ..وما يتصلح أمر السوق .. لهو مذبحة وساحة " مسلخ " رسمي للسهم ... أرجو من الله سبحانه وتعالى وأدعوه أن يفرج عن حال " البورصة " وتعود البسمة للجميع وأن يتخذ المؤسسين في البنك قرارهم الحكيم في حال استمرار هذا النزيف في البورصة ويؤجلون الادراج لحين الوقت المناسب....

أخواني الأحبة .. الذين لم يقصورا في حق اعضاء مجلس ادارة البنك .. في كيل التهم والشتائم ووووو غيرها من الكلمات التي لا تعكس " المستوى الحضاري " للمنتدى.. فضلاً عن " الضرر المباشر لسمعة السهم " الناتج عن كلامكم عن الادارة ..والذي لو قدر ودخل علينا زائر مساهم مبتدئ وأستعرض الآراء وردود الفعل حول الجمعية العمومية ... " لكفر " بالسهم ...

موضوع توزيع كم سهم على الموظفين لا يعطينا الحق في الهجوم على مجلس الادارة بهذا الشكل ...

دمتم

فعلا يا الناسجت

كلامك عين الصواب

بس لا تواخذنه يا خوك انت شفت الوضع بعينك والحكم لك

ما ضاع بالايام هذي الا صغار المستثمرين لا من بورصه ولا من غيره

وين ما طقوها سوده لا حول ولا قوة الا بالله

 

[Nasser pwc]

والله مشكله​

 

[SMoOoKY]

جنه صج السالفه .... والله ماندري شنقول صرنا مانعرف من طقاقنا بهالبلد بالبورصه وداسوا علينا وهالمره بالاسهم الي راح تطرح.....

صج ===========> كأسك ياوطن

 

[الناسجت]

فعلا يا الناسجت

كلامك عين الصواب

بس لا تواخذنه يا خوك انت شفت الوضع بعينك والحكم لك

ما ضاع بالايام هذي الا صغار المستثمرين لا من بورصه ولا من غيره

وين ما طقوها سوده لا حول ولا قوة الا بالله

صباح الخير ... اتفق معك اخوي أن الإدراج تأخر بما فيه الكفاية ... وأن وضع البورصة ما يسر لا عدو ولا صديق ... بس أخي الكريم حط هالآية الشريفة في بالك ... وأسألك الدعاء
" وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الْأَرْضِ وَلَكِنْ يُنَزِّلُ بِقَدَرٍ مَا يَشَاءُ إِنَّهُ بِعِبَادِهِ خَبِيرٌ بَصِيرٌ "

دمتم والله يصبر الجميع ..

 

[بن تركي]

كم السعر اليوم للسهم

 

[الناسجت]

كم السعر اليوم للسهم

مساء الخير ... 320 فلس

دمتم

 

[بن تركي]

مساء الخير ... 320 فلس

دمتم

الله يعينك أخوي الناسجت بسبب السوق ماقمت تميز بين صباح الخير ومساء الخير

عفواً كتبت المشاركة بعد الساعة 11 وهذا يعني مساء الخير ... مو جذي

دمتم

 

[بن تركي]

أخوي الناسجت شيك على الخاص دزيتلك رسالة عاجلة

 

[ابومانع]

انا برأيي المتواضع


يالله يارب لاينزل البورصه الحين


احنا حاطين الامل عليه يرجع خسايرنا واذا نزل بهالايام الزفت راح يكون سعره اكيد زفت

 

[onlyme]

السلام عليكم ..

بغيت اسأل اذا الاسهم باسم الوالد واريد حضور الاجتماع ..
طبعا فقط اهو يقدر ياخذ بطاقة الدعوه ..
فشلون ابي احضر الاجتماع ؟؟

 

[بن تركي]

أخوي الناسجت شنو الخطوات الأولية اللي راح نقوم فيها قبل إدراج سهم بوبيان مثال الدمج وهالسوالف هذي وشلون نسلم شهايدنا مالات التخصيص حق الدلالين علشان ينزلونها بحسابنا ولا تلقائي المقاصة تنزلهم بالحساب علماً بأن عند غير بطايقي بطايق عمامي اللي شريت منهم وفي بعض من شهايد عمامي مدموجين بأسم رب الأسرة ولكن مو كلهم بشهادة وحدة ولكنهم بأسم رب الأسرة الدمج فنرجوا منك إحاطتنا بتلك الخطوات اللي لازم نسويها مع كل الشكر والإمتنان لك يادمث الأخلاق العالية ،،

 

[بو حمد_1]

يا جماااااااااعه 8.000.000 مليووون على شنو




ابي افهم ماني قااااااادر ......... ؟

يا اخوان انا ضد الاقترااااااااااح هذا وبجدااااره

شنو على كيفهم ! البنك ارباحه اثنى عشر مليون فقط

وبسنتين

والله لو قاطينها وديعه في بيت التمويل افضل بالف مره

يا اخوان البنك في ايدنا الحين انا ابي اقترح نسوي تجمهر

في الجمعيه العموميه ضد هذا الاقتراح

وكذلك مع اخذ الحيطه من مجلس الاداره بعدم تأجيل الادراج

بسبب رفضنا الى التوزيع اللي مقترحينه ؟ لانها صج خمبقه

نكته من البنك يبي يوزع 8 مليوووون سهم لموظفين البنك بقيمة





0.150 فقط ميه وخمسين فلس


يا اخواااااااااااااان ارجو منكم الحضور للجمعيه العموميه وانا اول واحد


ومعاي 15 من ربعي والعدد قابل للزياده


همتكم يا شباب

ارجوووووووووووووو منكم رفض الاقتراح يا اخوان

عينك عينك


لاني سألت اقتصاديين بالتوزيع وافادوا بانها خمبقه




اللي يوافقني الراي يرد يا شباب

 

[ابومانع]

السلام عليكم ..

بغيت اسأل اذا الاسهم باسم الوالد واريد حضور الاجتماع ..
طبعا فقط اهو يقدر ياخذ بطاقة الدعوه ..
فشلون ابي احضر الاجتماع ؟؟

بالنسبه لموضوع بطاقات الدعوه ككل

في خلف البطاقه تفويض تكتب اسم المفوض له ويوقع الوالد وبس وسلامتك


ولا شلون هالعالم تبيع البطاقات!!؟؟

 

[Nasser pwc]

عدل كلامك اخوي حمد همتكم ياشباب نبي حضور بالاجتماع الجمعية العمومية ترى كل شي بيدنا​

 

[ali17]

ماعندي كلام اقوله...
والله مادري شقوووول
حسبي الله ونعم الوكيل..على اللي كان السبب
شنو هذا ..؟
ياجماع شنو اللي قاعد يصير في البورصه..؟
منو السبب ..؟
آنه الحمدلله بعيد عن البورصه ... بس ضاق خلقي
على الخساير وايد من الاهل والربع كل واحد يشكيلي
الحال ويقولي قصته مع البورصه لاحول ولا قوة الا بالله
شي يضيق الخلق... الخساير ارقام خياليه الله يعينهم
اشوف الكل ساكت الحكومه ومجلس الامه
مايتحركون ..شفيهم..؟
يبه هذيل كويتيين احنا كلنا مانكمل ربع محافظه
من محافظات مصر ولا سوريا ولا ..والله مادري شقول ..
ياحكومه يامجلس الامه احنا عيالكم واهلكم واحنا والله
قلوبنا عليكم انطالع الله ونطالعكم
ديرو بالكم على الكويتي والله مايستاهل اللي قاعد
يصير فيه بس ترى تعبنا والله تعبنا من الامراض
والجلطات والقهر ..
والله قهر الواحد قاعد يشوف حلاله يضيع جدام عيونه..
وياريت وآنه قاعد اكتب هالكلمات يكون في احد من
الحكومه يقرا ويتحررك بهالموضوع بجدية لايكبر الموضوع
اكثر من جذي بس كافي مو عشان اي احد بس عشان
الكويتي ترى والله مايستاهل اللى قاعد يصير فيه..
صدقوني وبنفس الوقت ضايق خلقي على اني قاعد
اكتب هالموضوع بالمنتدى ..لان في وايد غير كويتيين
يقرونه مع احترامي للكل ..بس كافي فضايح
والله يعوض ان شاء الله..
واسمحولي ياجماعه..

 

[ميثاق]

انا معاك انشاء الله اذا من اولتها بيلعبون بحلالنا الله يستر من الجاااي

 

[onlyme]

الف شكر أخوي بومانع على ردك

 

[روبية]

هذي فلوسنا اللي يتكلم عنها مجلس الادارة (اللي شاري بطاقات التصويت)
وكافي مسخرة .. احنا اصحاب الحلال والكلمة .. انا أأيد الاخوان بالحضور للجمعية العمومية ورفض الفكرة جملة وتفصيلا ..
اليوم 8 ملايين سهم وباجر الله اعلم .. (شنو ماكو زلم) ..

بلغوا ربعكم وخلونا نقول بصوت واحد ( لأ ) لاي اقتراح ضد ارادتنا ومصالحنا
والعموم خل يحضر الجمعية العمومية..

 

[بن تركي]

أخوي الناسجت شنو الخطوات الأولية اللي راح نقوم فيها قبل إدراج سهم بوبيان مثال الدمج وهالسوالف هذي وشلون نسلم شهايدنا مالات التخصيص حق الدلالين علشان ينزلونها بحسابنا ولا تلقائي المقاصة تنزلهم بالحساب علماً بأن عند غير بطايقي بطايق عمامي اللي شريت منهم وفي بعض من شهايد عمامي مدموجين بأسم رب الأسرة ولكن مو كلهم بشهادة وحدة ولكنهم بأسم رب الأسرة الدمج فنرجوا منك إحاطتنا بتلك الخطوات اللي لازم نسويها مع كل الشكر والإمتنان لك يادمث الأخلاق العالية ،،

يعاد للإفادة ،،،،،،،