شركة مركز سلطان للمواد الغذائية ش.م.ك.م ( م سلطان )

[المطرود]

أخوي سهم أخضر ... هل تتوقع السهم راح ينزل أكثر الأسبوع الجاي ... وإذا واحد مو شاري السهم على أي سعر تنصح بالدخول عليه وخاصة إذا هو لا زال في نزول .

تحياتي الخالصة لك

المطرود

 

[فانيليا]

لو تلاحظون سهم المخازن وسلطان نفس الحركه اثنينهم طايحين وباجى الاسهم الجناعيه صاعدين

قاعدين بحركتهم هذى قاعدين يغرون اصحاب مركز سلطان والمخازن من انهم يتركون اسهمهم ويذهبون الى الاسهم الثانيه

عشان يجمعون اكبر عدد من الاسهم هذا اكبر دليل ان السهمين قاعدين يجمعون فيهم

ولا معقوله يصعدون اللبنانيه وبيان والمخازن طايح ماصعد
مع ان المخازن اهو المتسبب بصعود جميع الاسهم الجناعيه

انا بالنسبه لى ارتحت لم شفت حركه سلطان والمخازن نفس الحركه اثنينهم طايحين عرفت ان فيهم خير وقاعدين يلمون السهمين لجوله قويه جدا وقريبه ولا تخافون حتى لو ينزلون اكثر من جذى

الوعد فوق 3 دنانير

مبروكين من الان

 

[TechnoFund]

لو تلاحظون سهم المخازن وسلطان نفس الحركه اثنينهم طايحين وباجى الاسهم الجناعيه صاعدين

قاعدين بحركتهم هذى قاعدين يغرون اصحاب مركز سلطان والمخازن من انهم يتركون اسهمهم ويذهبون الى الاسهم الثانيه

عشان يجمعون اكبر عدد من الاسهم هذا اكبر دليل ان السهمين قاعدين يجمعون فيهم

ولا معقوله يصعدون اللبنانيه وبيان والمخازن بالاحمر ماصعد مع ان المخازن اهو المتسبب بصعود جميع الاسهم الجناعيه

انا بالنسبه لى ارتحت لم شفت حركه سلطان والمخازن نفس الحركه اثنينهم طايحين عرفت ان فيهم خير وقاعدين يلمون السهمين لجوله قويه جدا وقريبه

الوعد فوق 3 دنانير

مبروكين من الان

أنا اتفق معاك أخوي فانيليا 100% ..

نصيحة: الأسهم الجناعية لا تفكر تبيعهم خلال السنه الحالية 2005 ..

 

[بوخمسين]

أنا اتفق معاك أخوي فانيليا 100% ..

نصيحة: الأسهم الجناعية لا تفكر تبيعهم خلال السنه الحالية 2005 ..

أجل متي نبيعهم بعد سنتين

 

[sadsa]

الحركه على مجموعةالمخازن0000 كمباراة كرة قدم سلطان للهجووم 00واللبنانيه وبيان وسط000 والدفاع للوطنيه0000 والحارس مخازن-----------------------------------------متى ماصد المخازن الكور تقوى هجوم سلطان وهدفوا0000000 واثناء ركودالمباراة تهدى وتيرة لعب الوسط البنانيه وبيان ويخمل فلا ينقل الكور الى الهجوم مركز سلطان فيصبح الهجوم عقيم000ولا ننسا المشجعووووووون بحراره للمخازن000استثمارات وكل من يملك السهم 00والحكم السوووووق :d

 

[yousef222]

اخواني سلطان يوم السبت حد اعلى وذكرو الكلام انشالله.



الله يوفق الجميع

 

[careful_invest]

اخواني سلطان يوم السبت حد اعلى وذكرو الكلام انشالله.



الله يوفق الجميع

انا متفائل بزود عنك وأقولك مو بس السبت..حط بجانب السبت كم يوم حتى السبت اللي عقبه اذا اعلن العقد اللي في بالي ان شاء الله. الحقيقة يا اخوان ما ودي اؤكد المعلومة الا عقب ما نشوف الخبر رسمي لكن ان شاء الله في خير قادم.

 

[Decency]

الشيء الذي يطمئن بالمجموعه انها عندما تنزل يكون الضغط على الاسهم وعمل البلوكات واضح من خلال عرض كميات بالملايين بالحد الادنى, وبمجرد ما تبدا عمليات الشراء تكثر عمليات الالغاء للاسهم المعروضه (حتى لا يفقدها صاحبها) فهو لا يدري البيع اساسا وانما الضغط على السهم وتخويف الناس من سهم معروض بالملايين بالحد الادنى (ولا زلت اتذكر الاربعاء الماضي عندما كان بيان معروض 8 ملايين حد ادنى قبل بداية السوق الا انه تعلق حد اعلى الساعه 10 !!), حتى يصل الى سعر يبدأ معه التجميع بأسعار ممتازة وما حدث لسلطان اول التداول دليل على ذلك, من 2 مليون عرض الى طلب باسعار اعلى خلال دقائق والسبب هو الغاء طلبات بيع قبل ان يصل الدور عليهم ويتم البيع فعلا, وهناك كميات تدل على ان السهم كان يجمع اليوم واذا كان اليوم الدور على اللبنانيه وبيان والوطنيه بالصعود فسلطان والمخازن من السبت ان شاء الله. تحليل الكميات واوقات اتمام الصفقات الكبيره خصوصا اثناء صعود السهم يدعمان الاستنتاج بأن السبت لسلطان والمخازن مع بقية المجموعه

 

[ربحت]

اليوم فيه خبر قوووووووووووووووووووووووووى عن سلطان

 

[يوسف غضنفري]

السلام عليكم

منذ تحليلنا السابق وحتى تداول يوم الأربعاء رأينا بأن السهم مورس عليه ضغط حاله كحال بقية شركات الجناعات...

ولكن ما يلفت النظر هو تداول يوم الأربعاء .. وكما هو مشار إليه بالدائرة الخضراء وهي شمعة تطلق عليها شاهد قبر (Gravestone Doji) .. ماذا تعني تلك الشمعة ؟؟؟

تتألف هذه الشمعة عندما يكون افتتاح السهم واقفاله بنفس السعر . . وفي أثناء التداول يكون الشراء هو سيد الموقف بحيث يرتفع السهم الى الأعلى ولكن بنهاية فترة التداول يكون البيع هو سيد الموقف ويقفل السهم عند سعر الافتتاح .. وتظهر هذه النوعية من الشموع في downtrend أي في هبوط السهم .. وهي اشارة تحول من هبوط الى ارتفاع ... وتحتاج إلى تأكيد بأستمرارية الارتفاع بتأكيد اليوم الذي يليه ويكون بارتفاع .. وهذه النوعية من الشموع لها مصداقية بدرجة متوسطة اذا وضعنا درجات المصداقية من ضعيفة ومتوسطة وقوية ...

وما يعزز تحليلنا هو الـ Stochastic حيث يشير كما هو مشار اليه بالشارت بالدائرة الخضراء اسفل الشارت بان السهم قد بولغ بالبيع وان هناك ترقب لتحول السهم من بيع الى شراء ...

ولكن هذا لا يمنعنا من ذكر مستويات الدعم في حال عدم صحة التحليل الذي ذكرناه للتو واستمر السهم بالهبوط ..

مستويات الدعم هي:

دعم (1) = 2000 عند 38.2%
دعم (2) = 1820 عند 50%
دعم (3) = 1680 عند 61.8%

مستويات المقاومة هي:

مقاومة (1) = 2180
مقاومة (2) = 2480

هذا السهم كالجمر تحت الرماد ...

تحياتي

 

[careful_invest]

اليوم فيه خبر قوووووووووووووووووووووووووى عن سلطان

اشوفك جنه غاش مني زين74 بخصوص الخبر..يا ليت بس تشيل الرقم 74..مادري انت مواليد 74 أو عمرك 74..لو انك مواليد 74 ما الومك لو تحرشت بمركز سلطان..
لكن لو عمرك 74 مادري شعندك أصلا شغل في البورصة..لا وبعد مستانس على الخبر قوي..!!!
يا حليلي قمت انكت بالعامية من الوناسة..
ما عليه من باب التغيير مليت من الكلام الرسمي..لحظة شوي..أقول من (الحجي) الرسمي..بس عشان اكون بالمووود..
على اية حال..ان شاء الله عاد تكون وناسة صجية بعدين..
على فكرة انا بس مستانس لان شميت خبر حلو عن مركز سلطان..عاد شنو بيصير فيني لو طلع الخبر صج..مادري..بس لو قطعت عنكم جم يوم..لا تحاتون..لاني بايت في مركز سلطان السالمية اشتري الماجلة مالت شهرين جدام علشان ازيد من نسبة أرباح الربع الثاني...

 

[ودي اربح]

السلام عليكم..........

الاخ العزيز يوسف غضنفري جهد تشكر عليه .

الف شكر .

 

[hassankoc]

 

[TechnoFund]

أجل متي نبيعهم بعد سنتين

تضحك يا بوخمسين ..

الوعد بإذن الواحد الأحد بعد إعلان أرباح السنه الحالية .. يعني أول

سنة 2006 إذا الله أحيانا. وشوف أسعار الأسهم الحالية اللي تظن أنها

غاليه ..

هذا مجرد رأي شخصي .. وكل واحد حر في أتخاذ قراره ..

 

[المطرود]

الله يعطيك العافية أخوي غضنفري مجهود جبار تشكر عليه
تصدق إن شرحك سهل ويستطيع الكل أن يستفيد من الرسومات وهي تعتبر دروس للجميع ...بس عاد يبيلهم يتعبون على نفسهم شوي والباقي على الله ... لا والبعض يقول التحليل الفني ما ينفع ... ليش إنه ما يبي يتعب يبيها باردة مبردة ... ما يصيييييييييييييييييييييير .

أخوك المطرود

 

[yousef222]

الله يعطيك العافيه وماقصرت

 

[آه يل بورصة آه]

اللي عنده المجموعه الذهبيه لالالالالالالالالالالالالالالالالالايبيع



وأخص سلطان


وانا مسؤول عن كلامي



فقط هذا الاسبوع

لا للبيع

 

[machaki]

ليش خير شنو صاير ، تره أنتوا شوشتونه بكلامكم ، كل واحد يقول حجي من غير مصادر من غير معلومات واضحة ، إذا جذي عيل هم انا اقول مبروك فوز مركز سلطان بعقد 5 مليارات مع البنتاغون ، وعقد 3 مليار مع الحكومة العراقية ، وعقد من لؤلؤ هذا حق إلي يحصل على مصدر يثبت فوز سلطان بالعقود إلي ذكرتها

بس ودنه إنعرف ليش ما تبينه انبيع بس هل اسبوع ، يعني باجي السابيع اشلون
يعني الحجي إلي داير على سلطان أن خلال هل السنة وين يوصل سعره ، أنا واحد عروقه بالماي قالي بيوصل 10 دنانير لأن مستثمرين اوربيين داشين بسهم سلطان ، بس لا يسالي احد عن إثباتات وادلة ، هذي معلومات من تحت الطاولة تتسرب .
وغنشاء الله نشوف سلطان سهم أغلى من سهم ماكروسفت بدولا بس

 

[machaki]

وإنشاء الله نشوف سلطان سهم أغلى من سهم ماكروسفت بدولا بس

 

[machaki]

بدولار بس